日牛涮涮鍋專門店 (已結業)

在疫情之前同先生去過一次，雖然服務一般，但算ok抵食。所以今晚打算跟先生再去食點知遇到奇差的服務，我們於晚上8時25分左右到鑽石山分店門口， 看到門口寫明是10時關門， 所以心想90分鍾應該剛剛好唔會阻人收工，所以便上前攞位， 一位不是講廣東話唔係好正既女侍應問我幾多位， 我話2位， 佢話如果我而家入坐， 我係食唔到90分鍾， 因我要係9點45分離開， 心諗唔係10點收咩， 不過我覺唔緊要， 因為我地諗住食60分鍾左右就要回家， 所以照入坐， 之後那位女員工同我再講多2次要9點45分離開，很像不想我入坐， 最後我話我會在9時45分離開，她材安排我入坐，在入坐前該女侍應要我在門口站著簡湯底，簡到後先示意我坐邊張枱，之後見佢行左去入機， 當我坐底後發現外出既食物沒有用任何東西蓋上，而所有顧客都唔帶口罩四處行和出去邊對住食講野邊取出面既食物，因為疫情問題，所以覺得唔太合適， 所以立即上前同入緊機既同一位女侍應講， 我覺得唔岩食要求離開，由我入座到通知佢我要離開都無5分鍾，該名女侍應同我講我入左機， 我話因唔太衛生唔岩食，我必須離開，佢就好惡咁話我入左機啦，咁夜邊個食，我話你現在cancel都

一早起身行山，去咗龍蝦灣暴曬幾個鐘！ 努力運動係為咗食更多！爆完汗就去食火鍋，因為政府規定每間餐廳只可以坐一半人，所以都等左一陣先有位。揀咗壽喜燒湯底，因為唔似雞湯咁油膩。一坐低，第一樣嘅唔係叫攞食！即刻沖去攞杯frozen yogurt ！ 我揀咗原味，完全幫我即時降溫！ 揀咗特上牛肉，每人$128。餐廳規定每次出去攞食物都要戴上口罩，咁樣我就覺得安心一啲，而且係一人一鍋，係呢一個危險疫情嘅時候，我認為係必須嘅。配菜幾新鮮，食咗幾次凍豆腐加千島醬，原來夏天打邊爐都可以咁涼爽！

幾天沒有出門，今天決定一家四口到荷里活廣場午餐和走走。經過這間火鍋店看見有90分鐘午市放題套餐，小女未滿三歲可享免費優惠，感覺便宜一點。叫了三個最平的單碟日牛火鍋套餐＄72。牛肉當然是次等貨色，外面的火鍋配料任食，不過比較其他類似的火鍋餐廳來說，這裏真是有點遜色。因為選擇款式不多，大部份都是蔬菜🥬，沒有熱盤，也沒有甜品糕點，只有乳酪！醬料亦沒有新鮮辣椒🌶️，愛吃辣之人一定覺得不滿意！可能是張價就貨吧！

鑽石山荷里活廣場有好多間食肆，但講到又平又要食得飽嘅選擇就唔係好多，日牛涮涮鍋一定係首選！每日餐廳十二點開門之前，一定會有一班人已經喺門口出邊排隊等食下午放題。咁啱今日放假，就等我食返個平靚正放題啦我哋食90分鐘放題叫咗豚肉同牛舌一碟$69同$72加一，湯底有好多選擇揀，我哋叫咗壽喜燒同蕃茄魚乾湯底，一人一鍋真係方便又衛生！落左單之後就可以出去攞嘢食同嘢飲，最開心嘅係丸類同埋菜類嘅種類繁多，可以樣樣試少少，十分滿足！日牛仲有啲特別嘅食物例如紫薯麻薯，口感軟糯香甜，推介！服務員會主動幫我地加湯食到七分飽可以去食frozen yoghurt做甜品，今日有原味同士多啤梨味，仲可以加唔同嘅配料同埋醬，我就加咗朱古力脆米同棉花糖，咁就食到唔同嘅口感喇，今餐真係好滿足！

以咁嘅價錢，係性價比高嘅。因為選擇多，反而唔明白，明明叫日牛 。但係總覺得豬肉係好食過牛肉 ... 同埋食物方面係比其他店既食料更新鮮，粟米都係勁甜勁好味 ！ 佢哋雪糕真係冇得輸

新年過後，我哋一家都未有機會出嚟 #飯聚😏 呢日終於人齊，我哋無去到 #飲茶，逗掂 #老豆 陪我哋去咗 日牛涮涮鍋專門店 #打邊爐🥢 雖然連幾歲人仔嘅 #姪仔、#姨甥 都要比正價，不過如果只係要最普通嘅肉，加埋一都係$80左右一個人，仲可以90分鐘內無限量添加各式各樣嘅 #蔬菜、#麵食、#肉丸、#汽水、#雪糕... 以今時今日嘅清費模式算係幾抵💸呢日 #小秘書 點咗個 #壽喜燒鍋 比自己，全因為貪佢有隻 #日本雞蛋🥚 可以比我#沾牛肉 嚟食🤣 湯底加熱之際，#小秘書 為咗爭取時間，已經 #急不及待 陪埋班 #小朋友 出去攞嘢食🤣 我至愛嘅 #什菌 當然係我目標🤩 好快我嘅 #湯底 已經滾起，我將我嘅食物幾乎一口氣堆哂落煲入面... 場面極為震撼🥳 #壽超燒鍋 屬於甜湯類，比我用嚟 #烚牛肉 再沾滿蛋漿入口🤔 真係另有一番風味🤩 之後我仲教班細路學埋我嘅食法，當然唔少得比人影埋我哋嘅食相擺上網啦... 笑死😅🤣

星期一的晚上想不到也要等位, 可能因為是大檯吧!和家人食飯一行6人, 長者有優惠, 喜歡這種有社區關懷/敬老的感覺。之前都食過一次, 坐得舒服, 放題的款式亦不少, 所以再來,當中我較喜歡芋頭及牛, 以任食來說牛的質素不錯, 芋頭亦很香及粉,而且食身都RE-FILL 得快, 每位加了30任飲啤酒, 有3款, 生啤, 桃及巨峰, 3款我都試過, 我較喜愛桃味, 甜甜的, 燙底是一人一鍋, 很方便衛生, 選了骨膠原雞燙, 其實沒什麼特別, 當中沒有雞, 至於有沒有骨膠原更加不會知道, 哈哈, 不過以放題來說性價比已算高。

因為聽日做誕，平日關係人手唔夠，就早一晚去搬定d生果，老媽子話辛苦幾位幫手，搬完生果今晚近近地，就去地中荷里活廣場果間牛涮涮鍋食飯。叫我打去book定枱，點知原來即日係不接受book枱既，要walkin 等位。題外話：要讚一讚荷里活廣場，因為基本上唔使消費都有free parking 既，每幾多月就唔同主題，download 張相都可以free到👍🏻一行五人，19:30到達，慢左十秒，比前面果家人入左先，之後就冇哂大枱，等左十幾分鐘都冇大枱，只有4人枱，最後我地決定分枱，3+2😂⋯⋯叫左$178個set，肉係任叫，其他食物自已出去拎，不過好d肉薄左咁既😂，食埋個乳酪雪榚飽哂，埋單記得長者係有優惠架！

之前去食生日飯,係出面望到呢間個裝潢幾靚就入左去食, 滿心歡喜想食和牛,所以點左最貴果個和牛套餐, 但入到去就已經有一種中伏嘅感覺⋯環境： 檯面、地板都唔乾淨 明顯見到油積食物：出面自助區好少野食；調味料區選擇少，而且唔太衛生；上菜後望到啲肉完全唔想食，亦完全睇唔出係和牛嚟🙄🙄俾成$400/人、但俾啲咁嘅質素我？咁我早知點最平果個普通牛肉套餐都無咁嬲啦🙄 唯一值得一讚係海鮮唔錯，幾鮮甜～服務：呢樣係令我最嬲嘅嘢，前檯帶位果個男職員純粹就咁帶咗我地入面，然後乜都無講就行翻出去，我地就咁坐咗係度真係一頭霧水，因為店內係一個店員都見唔到啊，點落單呢？ 向邊個落單呢？ 真係覺得好徬徨～ 到等咗陣終於見到出現咗一個店員，拿拿林點咗餐先，點解要拿拿林呢？ 因為佢好似好趕住走咁， 我地都未落完、野都未講完，佢就走咗🙄 到食到咁上下 要加湯， 因為見唔到有職員係場內，咪自己去加湯，點知加加吓湯無端端有個職員過黎話：下次加湯叫我地幫你加啊嘛（態度串串貢咁） 我心諗： 我見到你地在場先得㗎，見唔到有職員又點樣叫你地呢？🙄🙄 呢個時候我已經食到一肚火， 仲要俾我聽到有幾個職員係我後面大大聲講其他客人壞話🙄

日牛既打邊爐真係幾好食，比起其他連鎖店，佢地既甜醬油湯底最好味！由於呢間野成日都大排長龍，早好就食六點前或宵夜時份，咁就唔洗等到發毛。牛黎講真係唔識分，平有平食，貴有貴食囉，食平牛既話唔好烚咁耐，咁就可以減低食到又老又瘦既鞋牛肉啦。出面既野飲，蔬菜，丸，雪糕都係任拎既，啲野食都新鮮，啲丸係岩岩拎出黎，菜又唔會話爛既，野食冇曬都refill得快，所以總括黎講呢間都Okay抵食。係啲店員做到攰曬，冇乜笑容，惡左少少。記住如果你有會員卡，一定要坐低就講，到埋單先講，啲店員會怪你點解咁遲講搞到佢地要再開過張單架(Sorry囉坐低果時冇人問我有冇會員卡咪冇講囉)！

下午大約一點系鑽石山搵野食。果時都正值高峰時段所以我地一行兩個個都等左半個鐘先有位。-餐廳限時食90分鐘所以啲枱都系一批批咁入。系門口等安排座位果時點左個一碟肉+其他菜麵類任食既放題，揀左豬肉同牛肉價錢吾貴72$，另外出邊食物任拎所以麵食到好飽。飲品都系無限飲但只有汽水同檸檬茶，無無糖可樂有點可惜😌但有咖啡機同yogurt提供，yogurt我當日系原味同士多啤梨味，兩種味都有食到，系好味而且有提供粟米片等配料。-埋單好抵食，每人不用80$ 食到好飽😆

暫時食過類似既打邊爐黎講，日牛涮涮鍋專門前店既食物質素算係數一數二。去到拎飛等左一陣見倒佢skip左我地個號碼就去左問個職員，知道食飯時段比較忙，但個職員仍然好有耐性同詳細咁解釋個原因同流程。入到去每人一個鍋，可以有唔同湯底又更加衛生，另外仲有隻生蛋比我地配唔同醬汁食用。打頭陣既係兩碟牛加半碟雞半碟豬，份量適中。自助既亦唔少得不同菜類丸類麵類等等，種類唔算非常多，不過各種丸都有少少特色，味道口感都唔錯。最後可以食埋個yogurt加自選配料。不過野飲種類比較少，同埋用機斟既野飲始終麻麻地。整體唔錯，會再食。

黎到鑽石山就都唔會少選擇😗但係會心思思想打邊爐😂通常都去呢間 好彩係平日 就唔洗點等位我地就叫左最平個個158任食個個其實都ok架啦 不過我都好想講 食日式打邊爐識食一定嗌雞食d雞岩時間係好滑有雞味雖然唔知係咪日本🇯🇵黎不過都好食wor識揀一定係壽喜燒湯底送隻日本雞蛋🥚點牛肉食 wow 正呀😍😍😍😍之後仲要夾多d菜食娃娃菜冬瓜同菇類食多d就岩啦👍🏻👍🏻所以加埋一都係190左右就食到飽飽👍🏻抵啦😝😝

見到日牛Facebook 話【$100 起宵夜放題重臨】新春過後，繼續大飽口福！一致好評的 3 款「宵夜放題」（$ 100、$ 128、$ 208）再次登場，除咗有得任添澳洲牛肉、豬肉、雞肉，仲可以任夾野菜、粉麵、鍋物配料、乳酪雪糕 … 令你飽滿而歸 ✌️- 只限星期一至四晚上 9 時後入座（公眾假期及其前夕除外）- 另收加一服務費並以優惠價計算既然咁抵食，仲要涮涮鍋，今日就去食下啦9點度去到都唔駛等位，等員工執好張枱就得喇等執枱時就揀定湯底um..胡椒和牛湯底啦～之前係第二間食過算係有保證d職員問食咩價錢嘅牛，其實係香港食，食最平都足夠喇，以我食過其他涮涮鍋黎講，每次第一轉d牛最靚，之後個d就已經好普通喇，所以都唔駛食咁貴一坐低無耐就黎湯底，豬，牛，雞各一盤先今日個湯底好夠胡椒味，抵讚豬，牛，雞都不過不失啦，唔會真係好差仲可以任夾野菜、粉麵、丸，粟米、乳酪雪糕等等除左啤酒，飲品都任飲想平平地食個涮涮鍋都絕對抵食

會員招募$128~$158 足1年有效 送袋仔 以後食嘢有9折(唧係免加10%)海鮮冇任食 惟有單點$882個虾1大1細 細虾甩頭微腥2只青口 4件八爪魚仔 2只帶子 2只廣島蠔 仲係結冰嘅餐牌吸引 只供參考牛肋肉 單點$108 (相片靚好多)牛肋肉超薄切 水滴滴冇肉味燈影牛肉……下次都係食"牛豬雞任食$108”食貴餐都係90分鐘 時間有啲趕任食蔬菜 豆腐 丸類 雪糕 烏冬 清清地整個蔬菜湯 清吓腸胃但今次生菜唔靚 爛葉生銹邊有蕃茄冇薯仔……汽水 綠茶紅茶熱飲……咖啡機換咗 香味冇咁吸引冇咗”日式牛肉飯" 冇粟米飯重有白飯供應