日牛涮涮鍋專門店 (已結業)

暫時食過類似既打邊爐黎講，日牛涮涮鍋專門前店既食物質素算係數一數二。去到拎飛等左一陣見倒佢skip左我地個號碼就去左問個職員，知道食飯時段比較忙，但個職員仍然好有耐性同詳細咁解釋個原因同流程。入到去每人一個鍋，可以有唔同湯底又更加衛生，另外仲有隻生蛋比我地配唔同醬汁食用。打頭陣既係兩碟牛加半碟雞半碟豬，份量適中。自助既亦唔少得不同菜類丸類麵類等等，種類唔算非常多，不過各種丸都有少少特色，味道口感都唔錯。最後可以食埋個yogurt加自選配料。不過野飲種類比較少，同埋用機斟既野飲始終麻麻地。整體唔錯，會再食。