旦哥火鍋 (已結業)

慶祝婆婆生日精挑細選終於選定呢一間 “旦哥火鍋”，入到去個門面靚得嚟舒服唔浮誇，仲要安排咗我哋坐房。叫咗好多好多轉食物，食到好開心同好滿足；攪到我掛住食都唔記得影靚靚食物相冷盤就叫咗鮮鮑魚片、刺身拼盤、象扙邦……鮑魚呀~~~~爽口彈牙，濃郁嘅鮑魚味冇雪味，本人覺得絕對正貨。刺身拼盤啲海膽唔鯹，正…三文魚好有三文魚既味道油脂分佈均衡，重有原隻甜蝦添，款式多多都係幾百蚊真係超抵！！！牛雜火鍋湯底超多牛雜絕對唔係流料，平時出去食碗淨牛雜都覺得唔夠喉，今次真係回晒本。牛雜味道仲濃郁過其他食牛雜專門店，牛肺好滑好入味( 因為之前喺其他舖頭食個口感好似食石頭咁硬 )；牛肚超淋冇渣唔怕痴牙；牛腸少少肥唔漏口夠晒香肥瘦適中嘅靚靚牛肉本身牛肉味好重，入口即溶齒峽溜香！手打魚旦好耐冇見成粒乒乓球咁大粒嘅魚旦，又夠彈牙又有魚味即炸響玲嚟到枱聞到少少油香味，全條響玲浸晒落個牛雜鍋到三秒鐘，食落口唔太淋仲有爽口翠翠嘅感覺最後緊係食埋蛋糕，呢餐十分滿足！祝婆婆生日快樂，健健康康！下次同朋友再嚟食先！

金牌原本係我同朋友們至愛嘅食堂, 就算夏天都會去打邊爐~ 但今次黎到先知轉咗名, 原本抱期望只係轉手, 餐牌一樣, 但點知食物質素差咗, 好失望~一心黎食呢度係為咗食牛頸瘠($268例牌), 因為鍾意有口感, 點知佢話今日無貨, 見議我地食貴d嘅肥牛($298例牌), 話呢碟都有少部分牛頸瘠, 點知食完成碟都唔覺邊part有牛頸瘠嘅口感, d肥牛又好普通好簿, 唔值$298~中蝦同白牛栢葉都唔太新鮮, 原本想退個白牛栢葉, 但因為太想食, 所以最後都算~好彩, 響鈴保持到新鮮水準, 如果連呢個到保持唔到, 之後好難再黎了~

今日朋友生日一齊出嚟慶祝，一行二十幾人一齊去咗旦哥火鍋(前身金牌火鍋)打邊爐，意為轉咗手原來只係轉咗名啲招牌嘢都一樣，好彩之前有book定位如果唔係可能都會等下，一早order咗隻炸子雞、真係皮脆肉嫩，之後上埋蛋白蒸蟹都好好食，食完前菜就緊係入正題啦，叫咗呢到最出名既湯底牛骨煲啦，個煲除咗用牛骨煲之外重有好多牛雜等配料滿滿都係牛雜同牛骨，啲牛味出晒嚟，而另外嗰果湯底就叫咗個楜椒肚豬湯底一樣成班「牛魔王」一見到碟手切肥牛上桌即刻無晒，啲肥牛雪花均衡真係入口即溶，真係無得彈！除咗叫手切肥牛之外我哋重叫咗好多嘢，包括黑豚肉、象拔蚌刺身、三文魚腩、炸腐皮卷、炸魚片頭、鮮鶪腸、蝦滑、肥牛粒、桶蠔、凍豆腐、蟶子、花甲……放到成枱都係，最後食到成班人捧住個肚走，今晚真係超開心！同場重有特別驚喜，比我哋見到阿爸阿媽級偶像李修賢呀，估唔到佢份人都幾nice，佢原來係呢度既老闆之一，重叫我哋多啲捧場添，呢間一定會再encore。