旦王花 - 泰越鍾情

營業中

休息中

一直想試呢間泰菜好耐😍所以book左位同朋友慶祝生日試試，我地1行4人大約7點鐘去到，一去到就有人幫我地安排座位👍🏻入到去真係俾佢個環境吸引住😍感覺好舒服，裝修亦好美當日天氣都有30度，我坐戶外亦唔覺得好熱，有好多風機，成餐飯都無出過汗👍🏻坐低左無耐有個侍應主動行過黎幫我地落單，因為第一次食，所以唔知有咩係特別好食，個侍應好好人，慢慢同我地介紹有咩推介👍🏻我地叫左6樣食物，大約15分鐘就陸續上枱，上菜餸時間亦合理整體黎講呢度氣環境氛好服務好朋友相聚既好地方值得再黎

Fb見到廣告話黃金香辣屋泰國廚房進駐，轉左師傅,比個機會試下，睇下好無味先冬陰公好地道，比較酸辣，香料味較重，我唔食得好辣都飲到，好正宗。咖哩蝦，蝦膏好鮮味好鐘意食呢個，又唔辣好好味，用來送飯一流焗得好香脆，外脆內軟，不過蒜蓉味唔夠濃味份量較少但好味一棵棵有咬感、串燒一般，唔夠鬆软😣

之前係fb見到呢間餐廳有好多好評，朋友都食過，母親節都未卜餐廳食飯既我地，見到佢fb話“母親節我地仲有好多位”，就即刻打去卜位，點知咁就係惡夢既開始..😨我地揸車去，去到有代客泊車，放低架車入去坐低後，就有個著便服既女士要求我地立即叫餐（唔係因為我地肚餓，係因為限時90分鐘），咁都算，叫齊野，食左十幾樣餸都仲未有野飲，我都明白節日可能忙啲（但間餐廳係冇乜客），但野飲送到既時候我地差唔多已經食左45分鐘，真係等得太耐啦。講返啲野食，其實唔係好好食，菜又黃又咸，我地叫左條明爐烏頭，條魚好“梅”，唔係覺得用爐上就可以俾啲咁差質素既魚以為我地食唔出嘛？！食食下仲聽到有個貌似高級啲既啊姨叫啲侍應：攞客人食完菠蘿飯既菠蘿去洗好彩我地冇叫...最過份既係：叫乜冇乜上次朋友係度食過印度咖喱同手抓餅，覺得幾好食，我地今次一早都諗住叫，點知話個爐拆左，冇印度野食。我地諗住出去海鮮區叫海鮮食，點知又話冇，我地問點解，佢地話食環署唔批，所以要拆，但佢地今日只得一張紙既menu，冇乜野食，又比平時貴三四十蚊一個餸，咁我地諗住叫甜品，點知冇哂我地想食既千層糕同椰汁糕，得芒果糯米飯， 我地照殺，點知個飯中間係又硬又

久不久都會幫襯下呢間泰國菜館，咁多年一路食物質素都很平穩，這裏個老闆很健談紅豆好大粒，椰汁好有椰味泰式鳳爪，配菜新鮮，鳳爪酸辣適中，還有鮮花伴着，相當悅目粉絲炒豬肉，味道酸辣，內有蛋絲，芹菜，通菜，娃娃菜，很爽口，豬肉鬆軟有肉味，但濃味頗鹹超正咖哩炒蟹，超多蟹膏，碟右上角橙色部份就是溜了出來的蟹膏，蟹肉彈牙，咖哩很香滑，可以叫客蒜蓉飽點來吃，不過今日胃容量有限不加了，還有些沾滿咖哩的洋蔥青椒等配菜，食埋佢真係yummy yummy

難得渣車...咁梗係去遠d食啦....去到仲會有人幫你泊車..幾好呀..不過又真係其實冇車黎呢到..好唔方便..一去到我就行出去睇下有咩海鮮食啦...一出到去睇...睇埋個價錢...其實佢d野食....都真係幾貴=.=一隻老虎蝦....238蚊...其實你話佢好大隻......又真係唔係的..但入得去食...點都要試下....到最後嗌左個咖哩炒老虎蝦嗯..,又真係幾好味既....再配埋薄餅佢個咖哩汁真係超讚好....每次去食個水準都冇降低到..佢老虎蝦炸到好脆身呀...基本上成隻都食得咁濟...蝦肉質..好爽...配菜亦都相當多...我同朋友一人一隻老虎蝦...再配以薄餅其實都飽飽地架喇...之後再嗌左條【燒鯖魚】198蚊...好大條....一上到枱..我同朋友都一齊話【嘩...點食得哂呀】燒到好脆同埋唔乾身呀.(好緊要)再配以佢比埋既青檸汁...勁開胃...唔腥...

我同朋友提及想食泰餐！我提議去九龍城食！因為朋友佢一家大細！亦有剛出生既bb, 所以佢想餐廳坐得闊落d!! 於是佢就提議去一間比較偏遠既泰式餐廳！地方係錦上路....朋友有揸車！如果唔係我一定唔識黎我地6:30pm已經到達！門口位置已經令到處身於泰國芭提雅既鄉村小鎮之中！非常放鬆！香港人平時生活壓力咁大！有時真係要減下壓先得我地3大2小！叫左好多餸1) 豬肉生菜包，生菜大大塊，夠哂新鮮爽脆，配埋炒到勁香既豬肉碎，有大量泰式餡料！好惹味2)冬陰公湯，香味撲鼻，閉起雙眼，只感受到環境清優，陣陣既冬陰公傳入我的鼻！又再說一次！至身於泰國一樣,味道偏咸，但非常酸辣醒神！材料十足，有蝦，磨菇，車里茄！最欣賞係磨菇，吸受哂冬陰公湯既味道3) 咖喱牛腩，店員介紹呢隻咖喱唔辣，只係香濃，椰汁味重！牛腩每一舊都好厚身！但紋到好淋！叫左個蒜蓉包，用埋d咖喱汁點個蒜蓉包！我諗你聽到都流哂口水了嗎？？4) 豬牛雞串燒，配上沙嗲醬汁，味道香濃，串燒唔會燒到乾身！肉汁依然5) 芭提雅炒大蜆，醬汁勁濃郁惹味，大蜆有5隻，非常新鮮，無沙！個汁又係送飯一流:6) 椰汁海鮮芋頭飯，有青口，蝦，磨菇，芋頭，清新好味:頭醬汁

今日難得入元朗, 朋友帶我黎呢間旦王花, 是一個半露天泰式茶座環境很好感覺很舒服我地叫咗個椰青雞湯, 個湯煲得好滑好香, 酸酸甜甜咁好開胃然後黎咗個頭盤 - 南瓜粟米餅, 可惜同我預其中的南瓜餅有出入. 呢間南瓜餅只係用南瓜切條, 沾上炸粉落油炸, 而且只搵到少量粟米痴住個南瓜邊. 而且外層唔脆亦較厚身, 有點失望咸魚炒芥蘭 - 芥蘭炒得唔錯, 可惜未能沾上咸魚香味. 只能算係不過不失之選燒荀殼魚 - 即燒海鮮, 我地叫咗大大條荀殼魚. 魚皮燒得好脆, 魚肉亦很滑. 建議可加多點調味會更好, 因鹽只沾在魚皮上, 咸味未能入到魚肉, 未能帶出魚肉鮮味. 另外仲叫咗個芋頭飯, 芋頭好香好好味, 但用椰漿焗的飯略嫌太"傑", 芋頭香味亦未能與飯融合, 算係普通的焗飯 如果假日去呢度食係一個很好的選擇, 因為環境一流, 好relax! 不過如果野食方面再好味D就更好!

旦王花，和泰屋同一集團，多年之前吃過泰屋，一試難忘；但我多在香港及九龍活動，新界是有工作才去。今天為客人看風水，晚上一起到這餐廳吃飯；相請不如偶遇，我樂意奉陪。這裏有代客泊車，離我客人的村屋只有一分鐘的車程，轉眼就到了。戶外環境夠開揚，在香港不容易找到這樣的環境，剛進去還以為去了馬來西亞，很有氣氛。上一次在這種戶外環境吃飯，是在深灣遊艇會；但價錢當然不能和這裏相比。泰國菜館，主打當然是泰菜；除了傳統的泰菜之外，也有燒烤海鮮。燒瀘魚，甚為香滑，不過要有預算，製作時間要三十分鐘，因為即叫即製；我們邊吃邊等，沒有所謂。另外也叫了黑胡淑炒蟹。價錢略貴，要 HKD368，味道一般，而蟹不算大，可以不叫。咖喱雞做得很香，用來送白飯或點烤餅一流。烤餅做得甚好，新鮮，夠熱。粉絲尚可，味道不會難吃。燒牛肉沙律和我想像的不同，牛肉新鮮，但沒有那種愉悅味道。炒芥蘭，一般。蝦餅，也是一般，和 Mango Tree 完全是兩個級數，是低了兩級。生菜飽做得甚好，免治肉碎很惹味。椰青沒有甚麼特別，HKD45.00 一個算是略貴。冬蔭功湯夠味。環境一流，戶外地方，即使今天算是很熱，氣溫有 29 度，但也不會出汗。來這

元朗人多食肆多，人車爭路，連食肆都動輒大排長龍。元朗人或者早已被迫妥協，但我不會輕易屈服。前晚去探朋友兼食飯，行左幾條街都係人，好野都要排幾個鐘，結果朋友建議去錦上路的旦王花。去到旦王花，先發現係當年《單身男女》取景場地，可能因為先入為主，總覺得呢度會好鬼貴，食steak同要開紅酒，加上個裝修好企理，的確係有種奢侈的錯覺，但事實上呢度係食泰菜，而且收費都可以幾經濟，ummm...應該可以話係豐儉由人。我地嗰晚差唔多10點先入座，海鮮bbq已經售罄，於是我地就點左啲尋常菜式，但感覺都唔錯，平凡中見真章嘛。值得推介下的有以下幾款：個軟殼蟹米圈都幾大件，入面的軟殼蟹上檯後仲有少少脆。不過，米紙可以再薄D。個珍寶拼盤有串燒半打，有炸蝦餅亦有D類似天婦羅的炸南瓜同蝦片。係炸南瓜o個度怪左少少，其餘都幾好食。叫左個咖哩雞及薄餅，味道係OK的，但可以再辣多少少，會惹味D。

一直都想試呢間餐廳好耐！因為係單身男女又見過呢個拍攝場地，但來到發現同戲裡有d出入呢，哈哈！不過都唔緊要，環境都好舒適，座位十分寬敞。由錦上路站乘的士來都只是二十多元，不用十分鐘車程已經到達。可能平日和天氣較差的關係，天文台預料會下雨，幸好最後都沒有雨，所以人客不多，walk in也有座，不過我們是有訂檯的啦。剛巧泰國師傅放假，沒有甜品吃，很可惜。而且這間店也沒有泰式生蝦，又一失望。餐廳一面有個燒烤吧，可以行去點餐，我們點了兩隻大虎蝦，即磅即計算，大概3xx大元。另外在餐牌上點了其他菜，上菜速度也很快，也不趕客，可以坐很久！

今次朋友睇中左鄉郊菜…特登千里迢迢搭的士入黎…估唔到一講<旦王花>…的士大佬聲都唔聲就車左我地去…唔通真係咁出名！？！？一入門口就見到長長既小笨象噴水池…坐陣既係一個佛像頭…側邊兩旁就已經係餐枱…門口無侍應招呼…內裡侍應亦好忙咁…侍應只示意隨便坐邊都得…似乎大多數既餐枱都係露天既…但其實係有瓦遮頭既…只不過係玻璃黎…透光度高…造成光猛開揚既效果…但朋友怕熱…寧願坐係有冷氣既室內一角…雖然係室內…又有冷氣…但仍發現有蚊蟲既屍骸係度…柚子蜜+蜜糖玫瑰茶…有唔少渣…味道好出…泰式滷水豬手賣相幾得…閃亮亮…夠哂入味…骨膠原豐富…如果再腍d就更加好…椰汁咖哩雞+烤洋蔥薄餅椰汁味淡…少少辣…雞大件無骨…薄餅鬆軟…仲切好哂細細件…好方便…泰式珍寶拼盤…朋友話好似小盆菜咁大兜…成兜都係炸物…真係唔知點食哂佢…超多南瓜…似足天婦羅…可惜唔夠脆…春卷夠哂脆…但細細條餡較少…不過都係好齋既野黎…蝦餅唔錯…蝦片就麻麻…有點腍…配醬有兩碟…可是其中一碟食食下卻發現有異物…係類似大塊鑊濃既野…最後朋友追加甜品…只剩返南瓜糕咋…又會咁搶手既…起初還以為係普通凍食既椰汁糕類…點知係熱食架…南瓜溶+椰子

情人節 男朋友帶左我泥食氣氛幾好 book左位 唔洗等第1樣食既係咖哩，啲雞肉同咖哩真係好好味差啲食哂啲咖哩 但要留翻泥送薄餅跟住叫左燒雞翼同燒蠔，諗翻起都想再去食多次呀!!雞翼有6大隻，蠔呢好似有6隻啲蠔無腥味，連怕腥既男朋友都讚不絕口龍眼肉既野飲，甜甜地，無叫錯！另外仲有冬陰功湯，豬手，同炒飯2個人食咁多樣野食剩2樣!真係好想食多次呀!不過我地坐房 啲服務員好小入泥想埋單 等左好耐 結果都係要自己走出去講建議坐出面👍👍👍

 之前係朋友FB見過呢間餐廳，可以遠離市區，又幾有氣氛，所以就同老公book左星期六6:00pm 去試下。雖然我哋揸車去，但其實搭64K都好方便，反而揸車仲miss左個入口，因為餐廳入口同停車場入口係隔開左0既。6點多去到，暫時無咩人，可以任選坐邊，因為怕裏面有人食煙，始終呢度大部份都係open area，所以選左出面少少0既位置坐，好在今日都唔係好凍。而加0既我唔係好食得d咩，無叫海鮮BBQ，純叫左D泰式嘢。黃咖喱： 唔辣，啱我，仲有椰香味，唔錯原味薄餅： 即叫即製，熱熱的，用來併咖喱一流珍珠椰菜炒香菇：唔濃味，食完咖喱食佢好清新串燒：唔鞋，不過比較乾身，個花生味醬就普普通通食完嘢天都黑齊，周圍影下相，幾浪漫幾靚。好多狗主仲帶埋狗狗嚟食飯影相添。

天氣晴朗的一個下午五時到訪，環境清幽。點了飲品、沙爹串、芒果糯米享受。用餐過後結賬時為下午五時五十分，侍應問有否泊車（日間營業時「代客泊車」位置無人）及問車牌號碼稱過了下午六時便要收取泊車費二十元，另一位侍應及後收取餐錢時（時為下午五時五十五分）被問為何未到下午六時要收取泊車費，她解釋之前一位同事「解釋不妥」，「其實只要泊車人員已當值的話便要收費」。一切原來美滿，但最後溝通出現誤會令事情尷尬複雜，希望大家留意泊車安排及收費事宜。

朋友相约第一次去, 地方真係偏遠,但好易搵到环境確實不錯,夠大,又可以帶狗入,服務員仲好喜歡狗狗㖭 豬手 ～ 还可以海鮮酸辣汤～味道都几好,但都係喜歡冬陰功芋頭飯, 都好香架,飯身啱啱好咖喱雞～ d雞就麻麻,但d咖喱汁好正,叫埋个薄餅食,绝配 芒果黑糯米～绝不会失手同朋友一路食,一路飲住啤酒吹水, 好好feel呀,依家天氣好,坐outdoor真係好舒服