旦王花 - 泰越鍾情

營業中

休息中

這間泰式餐廳曾幾何時去過品嚐午餐。不知有多久沒有去了。今晚朋友生日，剛剛記起這間餐廳也不失為一個好地方。之前已覺得地方寛敞及好有置身外地的感覺。所以即慶想book 這裡為朋友慶祝生日。食物款式也有很多選擇。點了柚子沙律很不錯，柚子份量也不少，當中放了些泰國𧎚干咸咸地很配合柚子的清香甜。還有沙嗲串，雞牛豬青咖哩雞-辣味適中，配合了原味烤包也是絕配。當然也有其他味道可挑選，例如洋蔥，蒜茸味等等。泰式名爐烏魚也值得推薦，冬蔭功一定要 order 啊！最後，我們因為沒有訂蛋糕，發現menu 裡有一款芒果黑/白糯米蛋糕甜品可選擇。所以即刻落單要了一個，味道超正。因為係即叫即做，冇得輸。

本身諗住去形點食泰國菜，但朋友話有間正野遠啲偏啲，但好好味，於是就去左呢間旦王花🐘個名好特別😂呢間舖好大間，有得坐室內/外，一開始坐出面好驚有蚊，因為隔離係個水池，扮泰國個啲feel,但餐廳好貼心，每張枱下面都有蚊香，所以成餐飯都好平安😆野食好多元化，有炭燒海鮮，要出去㨂，之後比佢燒，但因為我地懶，就坐係到叫算啦😛頭盤叫左炸蝦球拼榴連流心👍👍兩個都好正，蝦班係有芝士拉絲！榴連又好重味😈個芒果卷就一般，都冇芒果既🥺主菜叫左青咖哩雞，有啲稀，但味道不錯😋檸檬鱸魚超級好味，完全係好清新唔鯹🤩燒雞都好味，juicy,唔會燒過龍😬仲有炒金邊粉，太乾，又冇檸檬，有啲失望😭菠蘿炒飯足料，加埋青咖哩食，味道更上層樓🥰😍最後甜品叫左芒果黑糯米飯，好多椰汁，唔會死甜，個飯熱既好味！👍👍芒果就有啲熟到黑左🙈價錢平過形點好多！平靚正超抵食呀❤️

週末出街食飯最頭痕就係泊車問題，飯鐘時間真係一車位難求。嚟呢到食飯正在有代客泊車，放低車匙就搞掂好方便。泰式珍寶拼盤 有沙嗲串燒、炸蝦餅、炸春卷、滋味雞卷、脆炸蝦片～好大堆頭，差個荷葉包雞就齊哂所有泰式經典小食，樣樣都好惹味～好在只係叫左半隻海南雞，賣相雖然幾靚，但隻雞涷冰冰之餘，咩味都無。黃咖哩豬除左豬肉，仲有配菜茄子薯仔，薄餅蘸嚟食一絕！！！呢度d咖哩好有水準，好食到清盤，要追加多個咖哩。紅咖哩雞，雞滑就一定架啦，呢款配菜有好多四季豆菇菌，仲豐富過黃咖哩添！一樣係清哂盤，咖哩係呢度真係必食之選！

已經係第三定第四次過黎呢度食飯，第一次係好有驚喜，覺得環境好靚好特別，食物都唔差。但係第二次過黎既時候已經少左好多人，裝修依舊，而且仲有少少殘既感覺。今次黎到係一個人都無，侍應都已經打掃準備收枱，我地黎到仲以為已經關左。原來係未既，只係無客，變左包場🙈我地四個人叫左四個菜，首先係青咖哩雞，你無睇錯，真係青咖哩😂我地仲專登問左侍應，原來係無俾錯既。其實顏色唔重要既，重要係味道，但係無咩青辣椒味，都無泰國小茄子既味道🤔好淡，雞又少，其實每人一舊都差唔多食完了🙄🙄🙄好失望跟住係炭燒豬頸肉，呢個反而唔錯，唔會好厚，都燒得幾香，個醬係亮點！酸酸甜甜超好味👍🏼而且豬頸肉唔會好乾，仲係幾juicy😋呢碟係欖菜肉碎四季豆，不過不失，唔算好味，整體味道有少少偏咸肉碎有少少過淋，但係都比咖哩好味既🙈最後一碟係馬拉盞四季豆鮮魷，其實...我地係無叫呢碟既，原先叫既係馬拉盞炒通菜，點菜既時候侍應話要叫號碼，我地話要馬拉盞通菜佢就自己話記得係呢個號碼，結果....🤷🏻‍♀️🤷🏻‍♀️🤷🏻‍♀️都無所謂啦，食餐飯姐，我地都照食，同樣都係偏咸，鮮魷得三塊真係非常失望😞老公話絕對唔會有下次，我都覺得佢地再咁落去生意會越黎越

其實今晚係為咗開車多過為咗食飯因為我們有些泰國feel好想去啲得意啲嘅地方尋找一下這間餐廳裝修好有泰國感覺非常清靜主打泰式燒海鮮味道的確一般吃完燒烏頭晚上好想衝出紅磡吃燒烤堂的燒魚葡萄白酒也很難喝但最重要不是吃什麼而是跟誰吃美食是bonus 背後的心思更重要

呢度雖然係食泰國和越南菜，但竟然都有印度薄餅食，仲要係阿星👳🏿‍♂️即叫即整俾你，薄餅有原味，芝士味，蒜蓉味，牛油味，師傅已經整好左啲一舊舊麵團，將麵團點運麵粉，再搓平佢，跟住放啲芝士或蒜蓉上去，然後放入一個高溫烤爐,咁就完成啦！出嚟熱辣辣，好辛亥隧道鬆軟，好香囗，餸呢度既超牌菜牛尾同咖喱就最岩啦

泰國之夜。地方比較偏僻。只岩有渣車人士。今晚成班朋友一齊去泰國之夜。入面既環境真係好泰式。係甘既環境下食飯，必有一番風味。成班朋友吹下水，食住有水準既泰菜。好舒服。味道唔錯,環境正！值得一試。

揸車既時候 最唔鐘意就係搵唔到車位或者要等停車場 係錦田既餐廳就唔洗煩啦係旦王花就有泊車仔幫手添就算無位 佢都可以幫你今日黎到我地嗌左set 唔洗諗有冬陰湯有咖喱蟹有椰菜苗佢呢到仲有真。印度咖喱 同埋燒海鮮原來仲可以帶狗狗黎好似好好wo 下次可以帶仔仔過黎一齊食飯啦

呢到真係好隔涉，每次黎都因為朋友揸車，今晚亦唔例外今次我地叫左牛油雞翼，飛天通菜，海鮮芋頭炒飯，濕炒豬肉河，黃咖喱雞，蒜蓉餅，芝心蝦餅，原先仲叫左馬拉盞炒椰菜苗，但好耐都唔黎，追佢先話賣哂跟住再叫左青檸梳打，珍多冰同龍眼冰先講食物，最正係牛油雞翼，真係熱辣辣，脆卜卜，炸得岩岩好，而且味道都好好到濕炒豬肉河，比預期中好味，河粉唔會太淋蒜蓉餅，係好似印度餅咁面加蒜蓉，質地好軟綿綿，蒜蓉亦唔會太多或太少至於黃咖哩同飛天通菜，都好一般，合格跟住芝心蝦餅，成件事唔夾，唔落好過落。然後海鮮香芋炒飯，同上次食差好遠，飯有燶味不特只，仲落好多蔥落去炒，雖然我食蔥，但真係又係唔夾，仲要蔥呢樣野好多人都唔食...跟住完全冇香芋味3款野飲都可以唔洗叫，我諗呢到會又有一般時間唔洗黎因為明明泰國菜，但最出色竟然係越南牛油雞翼

今次係我第一次打食評，估唔到第一次竟然有一個咁 “出眾”嘅經歷,話說之前一路都聽，住喺元朗嘅朋友介紹話呢間餐廳唔錯，今晚入開元朗，特登同女朋友黎試吓，我哋25/3晚10點鐘左右到，當我地嘅嘢食嚟齊嘅時間嗰陣大概系10點半，10點7左右，我地食左10分鐘左右，已經叫我Last order。直到10:50左右個場熄咗一半嘅燈，連水池都熄埋。我哋以為係間餐廳幫客人慶祝生日，點知一路食都冇再開，唔係用關燈趕客。講真，呢間餐廳嘅食物真係唔錯，我亦都好明白，每一個打工仔都好希望快啲收工，但係作為一個服務性行業，係咪有必要咁有 “效率”地準備收工啊!?佢哋明明收11點半，但係我唔明白點解要早成九個字去 “準備”收工囉！ 趕客都唔使做到咁出面㗎。最後，我再次奉勸各位有機會黎呢間餐廳食嘢嘅朋友，必須要有定心理準備，呢間餐廳係會有一啲咁 “趕客”嘅服務態度!!!

今日5點幾先打去book枱，8點去到等左5分鐘就入座，有代客泊車。book左坐室外，好明顯靜好多，坐得都ok舒服，全場內外爆滿，但樓面得好似3至4個人，叫極都無人來落單，唯一不足。我地3個人嗌左個2人餐，有冬陰公湯，頭盤拼盤，柚子蝦沙律，咖喱蟹，2餐飲，2甜品。。。單嗌左泰式鮮魷沙律，馬拉盞炒椰菜苗，蒜蓉麵包磚，印度烤餅，菠蘿炒飯，菠蘿沙冰，珍多冰。我地食得好滿足，每一樣都好好味，只係覺得個甜品味怪怪。環境十分優美，坐幾耐都無人來趕你走或吹你賣單，一定有回頭！

今天是有2個家庭的聚會，其中又有幾個小朋友，又要容易泊車的，所以就安排去旦王花試試看。因為人多的關係，所以一早就打電話去預訂，坐外面的飯枱。到了旦王花，他的店外有空地泊車，可是也不算很大，大概十多輛車吧。我們安排了坐在水池邊的飯枱，小朋友就可以活動一下。我們叫了牛油雞翼，炭燒豬頸肉，辣肉碎炒飯，咖喱牛腩加蒜蓉包，還有雞絲金邊粉。牛油雞翼很香脆，好食！炭燒豬頸肉的醬汁很開胃，小吃好介紹！辣肉碎炒飯頗辣的，可是味道很惹味，分量也蠻大，夠4個大人食。咖喱牛腩的牛腩不是很淋，蒜蓉包很濃蒜蓉味！

泰國菜香港都有好多間出名, 尤其係九龍城區.今次就專登揸車入黎元朗食喇! 餐廳環境充滿泰國風情，有大象﹑佛像, 仲有水池添! 十分悠閒!最值得推介就係芝士蝦波!!! 蝦餅入面希熱辣辣既芝士，外脆內軟，芝士味好濃郁，蝦餅好彈牙!不愧為十大必試菜式之一!!蒜蓉牛油中蝦蒸滑蛋蝦唔係雪藏蝦, 係新鮮蝦! 蛋雖然唔係太滑, 但充滿泰式風情!點解? 事關蛋入面有椰肉同埋椰香, 唔係一般滑蛋咁簡單架!其餘既泰式炒河﹑炒通菜都係一般泰國菜既味道, 如果唔係特別想食, 可以試其他必食推介先!

同姊妹相敘晚餐，好想去錦上路食泰菜"旦王花",因為比佢個環境吸引，覺得好浪漫， 所以一意孤行要去，結果令人超失望😌😒。我地坐成晚，全長得幾枱，去到話冇生蝦，串燒乾爭爭，生菜包嘅牛又鞋拾拾，稔住叫返d甜品，都係吾得囉!仲要咁嘅價$，有d吾值。Anyway,已經bad list左，一定吾會再幫襯，唯一係$20可以任泊車

呢到可以話係我飯堂唔太貴 環境又優雅 輕輕鬆鬆 又有泰啤既draft 仲要唔止象啤仲有一隻麥味更重既draft而且佢基本上好多食野都好食 差唔多成個餐牌都食過 無一個係令人失望既由其是我鐘意食咖喱蟹不過要多人黎先食到 咖喱好香椰香味 甜甜既泰式黃咖喱配埋個蒜味薄餅 真係一絕而且有位泊車 d waiter 又nice 好講得笑另一主打印度咖喱 又真係由印度人整架wo不過同時佢係迎合左香港人口味 唔會過份辣亦唔會過分多香料仲有個BBQ 海鮮又係非常靚火喉一個字 正