旦王花 - 泰越鍾情

營業中

休息中

天氣涼涼地 有Outdoor⋯正之前嚟過一般般，今次就近近地 食多次⋯泰國菜喇 ⋯有得泊車（$30）嚟杯生啤 啤啤佢先燒豬頸肉 好味過上次食喎（成晚最好味了）叫左個薄餅，襯熱食⋯好味！過左一陣，凍左⋯有點難咬😔豬手～份量味道都可以 唔夠淋，勝在無骨炒菜 夠鑊氣最尾等左好耐嘅蟹煲嚟左個軟穀蟹煲又再等⋯等都飽了終於有得食⋯好可惜！隻蟹不新鮮，啲肉淋嘅⋯算喇！都飽飽地😑好在粉絲好味喎 夠乾身 食晒啲粉絲😆😆男朋友仔話 粉絲先係精華所在 P.S可能係Outdoor 揾唔到店員

係未入到元朗國呢個大地方既錦上路旁就出現左呢間野，揸車既佢有自設泊車位，坐車既就要搭64K途經落車步行3mins內必到。呢次係朋友同屋企人食過介紹我地四兄弟黎食既，大門入到去路經車場都未有咩野感覺，當真正去到餐廳門口就唔同了，陣陣既BBQ味飄埋黎，加上佢既裝修充滿住泰國東南亞既風味，唔講既話真係會以為走左轉去泰國，所以呢度既環境係值得推介的，無論日頭定係夜晚都各有特色同氣氛。至於食物既質素，呢次我四條仔食，所以都可以叫唔同既野黎試，望下下面啦泰式珍寶拼盆$258將一啲唔同既小食放埋一齊既拼盆，完全冇驚喜，份量亦好少唔抵食泰式燒乳豬配糯米飯$238個人覺得個乳豬燒得只能話正常，太多肥肉，對於我呢啲健康人士黎講基本上完全唔食得，肉既味道係正常既，都係不過不失，敗筆處反而係個飯，配落黎唔知用黎做咩，減油利感又唔係泰式金邊粉$128鑊氣不足，味道不足，同東南亞街邊好平但好好味既炒金邊粉冇得比青咖喱$118全餐飯最傑出既食物，係真係可以用好味去形容，入面既菜同香料都好多，係肉比較老同少，不過用佢既咖喱撈飯可以食好多碗同點好多塊包醃肉碎生菜包$108想像中肉碎應該有辣椒，但呢個係冇既，肉碎份量足夠

呢度地方好大室內同室外座位其實都係差唔多, 我地就被安排坐係個象池隔離都幾有feel🐘 食物選擇勁多, 因為之前食得比較多野, 所以揀左3樣比較清爽既食物😃 食物既份量相當大, 見到隔離幾枱叫左個snack platter望落係5人份量咁濟🤣醃酸辣無骨鳳爪🐔($108)一個超級開胃既前菜, 大量既蔬菜同埋無骨鳳爪, 個汁酸酸辣辣超好食😋清邁鐵板蠔仔蛋🍳($138)泰國版既蠔仔餅, 蛋煎到脆脆地中間有勁多蠔, 下面舖左大量既好肥美既生芽菜, 食落好清爽一啲油膩感都冇, 點埋辣椒醬會更加好食😋泰式金邊粉🍝($128)好大碟既金邊粉炒到好爽身同埋甜甜地幾好食, 再配埋幾隻肥美既大蝦真係好大份, 最尾食唔曬打包左返屋企😚如果再入元朗都會想再黎, 因為呢度既環境好舒服, 食物質素又唔錯, 就算唔揸車都有巴士係日門口落車好方便😉

去開元朗 特登揸車入去食午餐 因為午餐比夜晚抵食好多今日落雨很不幸地沒有開放露天空間，不過室內環境都可以，有著音樂伴隨，加上裝修很不錯。Set lunch 多數$68 包野飲，不過要加一，咁既環境其實很合理。叫了香葉肉碎煎蛋飯加炒金邊粉，另加$38 各要了一個飛天通菜和芒果黑糯米。野飲要凍檸茶加青檸梳打。野飲方面，正正常常冇乜特別。金邊粉有2隻蝦，味道冇乜特別，金邊粉甜甜酸酸，但做不到最理想果種比例，不過這價錢算是合理。肉碎飯帶甜不辣，這不是我最喜歡的香辣口味。芒果黑糯米份量很少，是正常版的一半，的芒果很酸，椰汁比較稀不濃味。通菜太多水，也是不辣也香，比較像中或做法。總括來說也會再回來如果時間許可加上天氣好，因為環境真的不錯，食物比較普通。晚市真的比較貴。

成日聽人推薦依間餐廳，決定同屋企人揸車嚟試下！餐廳設有停車場🅿️收$30，但因為停車位只有10個左右，同比較窄，建議先打電話Book位同早少少問定仲有無位泊車😆環境空曠，坐戶外更加有泰國感覺 ！咁就當返咗鄉下食餐飯🤪餐牌選擇非常多，結果忍唔住叫咗好多樣野試。 點知份量都幾大，最後我哋都食到超級飽，好滿足🥰今次四個人試咗😋 ------------------------------Appetizer------------------------------🍤泰式天婦羅炸蝦@ HK$118💰金黃誘人的天婦羅一向都係我最鍾情嘅食物之一，今次嘅拼盤係一半炸蝦一半炸粟米餅，油炸後裹著酥脆的外衣，一口咬下口感外酥内軟，啲蝦都超級大隻。🐷炭燒豬頸肉 @ HK$98💰豬頸肉真係好難唔好食，整體做到脆邊嘅效果再加埋泰式辣醬，真係好開胃。------------------------------Seafood------------------------------🦪清邁鐵板蠔仔蛋 @ HK$118 💰蠔仔份量超多足料，差唔多每啖都有，而且多汁唔乾，香口酥脆，好食!-----------------

由一幢村屋同花園改建而成，環境非常寬敞，一入門就見到中央噴水池既大象石雕，聖誕一到就好似漫天雪地咁，咁靚嘅環境就係呢一間⭐️旦王花⭐️嘅泰國餐廳啦，餐廳係半露天玻璃屋，好有泰國風情😆😆我哋嗌咗幾款都係主打泰式菜，究竟山長水遠入到嚟，呢度嘅嘢食吸唔吸引呢😍🦀焗咖喱農夫包軟殼蟹 $268 :呢度嘅必叫菜式係咖喱，呢款咖喱農夫包賣相特別，農夫包嘅外層唔算好脆，不過裏面既兩大件軟殼蟹就唔錯，外面鬆脆，黄色既就係甜咖喱，份量都唔少，而我哋就另外嗌咗烤餅可以沾落咖喱度👇🏻👇🏻🫓洋蔥烤餅 $42 :佢嘅洋蔥烤餅非常有心思，大塊之餘又厚皮，烤嘅程度啱啱好，食落非常鬆軟，除咗洋蔥之外，仲有香草，食落特別有風味👍🏻👍🏻🦪炭燒生蠔 $168 :另外我哋嗌咗一份炭燒生蠔，首先放上牛油，然後放落炭爐燒，佢哋每一件生蠔都非常新鮮好飽滿，不過味道就淡咗啲🐷醃肉碎生菜包 (豬) $98 :另外呢一份係必叫之一嘅生菜包、我哋嗌咗豬肉餡了，睇落去冇咩特別，但食落去佢哋醃好嘅豬肉好入味，炒起之後都乾身，唔會有水，我哋嗌咗走辣，味道都可以保持水準，咸度適中，重點係生菜都非常新鮮，同埋比得幾多😋😋🍹泰式奶茶 $38 :雖然一般嘅泰

估唔到旦王花甘有聖誕氣氛🙈佢哋有飄雪環節 好靚 飄完之後 仲問左啲員工原來每晚都有 仲要兩個時間飄 去到1月2日 ，今次黎食飯 真係好值有小朋友既話 仲再開心見到啲小朋友爭住影相😍

從來唔寫食評，今日去完旦王花，應承咗待應阿姐蘭子，必須誠意推介！蘭子服務一流，賓至如歸，親切禮貌。有食評話所謂服務唔好，必須平反！食物好味，性價比高午餐300幾蚊位。聖誕仲有抵食6-8人套餐。難得嘅好地方relax，推介推介

專登揸車入去食飯，點知得來態度惡劣既職員對待，琴晚坐喺餐廳戶外，餐廳有暖火爐放餐枱旁邊比食客取暖，本身係好chill好舒服，食到一半時，大約9點就比職員熄咗，附近仲有5、6枱客，但餐廳係10點鐘關門，仲有一個鐘…熄左暖火爐之後就凍到入心入肺，之後問職員可唔可以開返暖火爐，有個職員態度好串好惡劣話唔可以開返，一開你呢枱，其他客人就會要求開埋暖火爐，我地依家都要食嘢休息，仲話個爐都要休息下，如果開返個爐就冇得收工，仲有聖誕先開暖火爐，平時係冇呢個爐架，究竟咩服務態度？天氣凍就不如唔好開門做生意，要客人十幾度凍住食成粒鐘飯，咁趕住夜晚收工就唔好開晚市，我唔明點解臨收工10點先熄暖火爐係有問題，仲要有客人食緊飯，餐廳多戶外座位就預左要開暖火爐，唔識咩叫服務態度就唔好開餐廳啦，老闆請好好教導下d員工！

👩🏻‍🍳旦王花-泰越鍾情👨🏻‍🍳Red Penny - Thai Viet chisine Bar👣值得科勞指數：🏃🏻‍♂️🏃🏻🏃🏻‍♀️🏃🏻🍽青咖喱（🥬）🍽️冬陰功湯🍽️生菜包（雞肉）🍽️燒牛仔骨🍽️雞腎串燒🍽️雜菜米紙卷（🥬）呢間好出名，聽講環境好好，唔知係咪期望太高，入到去……我覺得好普通啫🤔講返嘢食先，我覺得樣樣都正常水準囉，我又唔覺得有特別出色，睇嚟食泰國嘢，我都係返返去九龍城啦😀最可惜嘅係，我哋想叫芝士薄餅，點知侍應話個印度師傅返左鄉下😩無得食。跟住想食佢芒果糯米飯啦，點知大家都太飽……而且之後我哋仲有個蛋糕，所以留肚食唔到！可惜！ ！ ！📍地點：元朗錦上路

朋自遠方來，過幾日就返荷蘭了，咁啱住元朗，近近地入錦上路搵食！好耐冇去環境靚靚的《旦王花》了，又唔使煩泊車都幾好！餐廳和朋友都係久別重逢，啱晒mood!!見到有推介必食泰式燒乳豬好似幾特別！我哋四個人叫咗¼隻，可以配糯米飯，乳豬用香料醃過，有種獨特嘅薰香和炭香味，乳豬皮脆肉嫩配上糯米飯幾好👍泰式大蝦粉絲煲，大蝦新鮮，都有成四五隻，不過同我平時食開expect的泰餐好唔同，香料有點藥材味，八角味好重，口味問題，我自己就麻麻哋。泰式燒牛肉沙律整體OK，不過奇怪在沙律竟然配芥蘭仲要係放底原條上！感覺似叫咗一碟凍嘅炒芥蘭，上面鋪咗啲燒牛肉再加啲泰式酸甜沙律醬汁咁😅豬頸肉就最正路又好味，冇乜花巧👍加多碟炒雜菜就啱啱好！結尾就要個泰式甜品拼盤和芒果黑糯米飯，為今晚劃上完美句號😊

同老公踩完單車，想搵間靚餐廳chill 下食下飯，我揀左旦王花，因為我鐘意佢個水池🫶 去到錦田開地圖搵先知原來條路唔短同埋馬路窄，不過我已經打左電話去book, 就硬住頭皮踩過去，好彩係夜晚8點食飯時間車唔多。去到發現地方好大，中間有水池，有bar 枱呀咁， 睇餐牌cp 值好高👍青咖哩雞$98味道唔錯，有好香椰奶味，入面有4季豆、泰國矮瓜，雞肉，都幾大碗牛油薄餅$42我覺得呢個好好味呀，牛油有鹽味咸咸地，口感好煙韌，仲有好多塊tim, 42蚊抵啦！鐵板蠔仔蛋上到枱炸一聲，好正，我驚佢會燒焦，好彩下面有好多芽菜喺底，同埋好大碟，食完好飽。石榴子冰呢個好耐無食過啦，椰汁底，有d 甜甜既粒粒，個粒既口感係煙靭嘅外皮包住啲類似馬蹄粒嘅嘢。好飲！總結我覺得呢間餐廳地方大，泊單車泊車都方便，食物cp 值高，由其係牛油薄餅，會再黎。

𝚃𝚑𝚊𝚒 𝙵𝚘𝚘𝚍| 𝚁𝚎𝚍 𝙿𝚎𝚗𝚗𝚢| 𝙺𝚊𝚖 𝚂𝚑𝚎𝚞𝚗𝚐 𝚁𝚘𝚊𝚍周圍嘅裝飾好似進入咗一個小泰國嘢食一般 但打卡影相就好靚如果係foodie而言 唔洗專登嚟Lunch set cp值會高啲～單叫好貴ahhh注意 夏天嚟會好熱 室外地方 陽光極猛烈☀️蠔仔煎蛋餅$118蠔仔新鮮大粒 但個蛋底勁油 唔推薦 紅咖喱$98+蒜蓉薄餅 $42🫓 咖喱正常味道 薄餅叫咗蒜味 但唔覺好重蒜泰式金鮮蝦金柚沙律 （lunch set+$35）正常味道 鹹鹹甜甜 開胃泰國椰青$48甜甜的 解渴 好味 但正價叫就完全唔抵————————————————————————📍 元朗錦上路148號地下位置較偏僻 錦上路/元朗地鐵 -> 64K 八鄉東邊路 站落車————————————————————————Overall 💗💗#香港 #香港美食 #錦上路 #錦上路美食 #泰國菜 #香港泰國菜 #泰國食物#hkfoodie #hkthai #thaifood #food #delicious #hk #hkthairestaurant @hk.luv.sharing

餐廳開業好多年一直都好想黎試下，黎呢度真係一定要有車先得!有泊車服務HK$30一小時.環境真係幾靚!今日帶埋狗仔黎所以揀左坐室外, 11月冇風機真係好熱!! 室外無燈，只靠枱上一顆圓燈仔，氣氛係好好既不過真係黑得濟，食物基本上都吾係好睇到!生菜包: 豬肉碎唔夠惹味炒得唔夠香, 肉太乾, 生菜就好新鮮!冬陰公: 好足料, 有5隻蝦, 好彈牙好新鮮, 不過湯底略為酸, 飲多少少都頂唔順!青咖哩雞: 好香椰香味, 唔會太辣, d辣慢慢滲出黎, 好過引, 值得Encore!原味薄餅: 好大份最抵食, 點青咖哩好夾好好味串燒: order 左半打 , 豬牛雞每樣2串, 上枱時燒辣辣出煙, 應該係即場燒. 味道好香, 不過沙嗲汁麻麻, 唔夠香濃我冇唸過呢度都會有限時90分鐘要交還枱，價錢吾平, 仲要係專登揸車入去食，一夠鐘侍應會急住收晒你枱上既野, 趕你走咁，感覺真係吾多好。

旦王花 - 泰越鍾情📍：元朗錦上路148號地下🚗：元朗或錦上路地鐵 轉乘巴士64K「八鄉東邊路」下車 步行約 2 分鐘🕚：12:00 – 23:00📞：+852 2488-3263💲：~HKD270/head for lunch Food quality✔️：焗咖哩軟殻蟹農夫包 、炭燒豬頸肉 👌🏼：泰式珍寶拼盤、蒜茸烤餅、泰式三味甜酸骨、泰國椰青總結：🤔️電影🎬單身男女取景之地 所以位置偏僻多年嚟都有唔少捧場客 今次難得出街食飯竟然唔係我㨂餐廳同揀食咩 作為一隻懶鬼就靠朋友帶覓食 🤔️因為本身冇咩期望反而有啲驚喜 價錢頗合理而且食物質素中偏上 雖然唔值得特登入嚟食泰菜 但嚟元朗國玩嘅朋友都可以考慮呢間👌🏼🤔️環境超大 但位置偏到有車嘅朋友先覺得方便啲 佢有好大嘅泊車空間 戶外感覺可以呃自己喺泰國 戶內就係三層村屋咁🥲冇裝修可言甚至係幾差下 但去嗰陣係夏天所以大部分食客都係坐戶內👍🏼🤔️食物普遍就正常 好食嘅 而且份量又多價錢合理 幾抵食 拼盤 烤餅 甜酸骨同椰青都唔伏 然後4個人食到飽死都食唔哂🤣😋農夫包係相對比較推薦 難得外面嘅麵包🥯竟然係脆出乎我意料 超大份 中間嘅椰汁🥥都香 配軟殻蟹唔錯