旭川日本料理

營業中

休息中

去西灣河探妹妹，之後起附近搵食，見到呢間餐廳唔太貴，又決定試新野。入面比較擠逼，唔可以話好舒服，我地兩個人叫咗一盤壽司同埋餃子拉麵。壽司的魚生都叫新鮮，特別係海膽，味道鮮甜。而餃子拉麵，餃子外層煎得香脆，豬骨湯味濃。

以前在西灣河返工時侯,除了在太安樓搵食(LUNCH)之外都會同D同事黎旭川食LUNCH~,店內係有點兒窄同埋坐落去不太舒服,不過我地食lunch好快走,無咩所胃,而且佢有間分店會坐得比較舒服~打開個Lunch Menu有好多選擇，但我每次都會叫粒粒魚生飯~ lt is my favourite~有好多三文魚粒舖上係微暖既醋飯上面最值得讚既係多種配料如玉子粒等同沙律醬味道好夾唔似其他日式餐廳乾爭爭又唔好食,而且呢度叫各款魚生飯 店員仲送一碗烏冬所以每次飽到唔洗食tea 了~~值得支持既一間街坊小店,價錢公道By the way ,lunch time有好多學生同附近寫字樓d人黎食,所以真係要準時1 點鐘黎到呀~~

放工路過，見價錢合理又有週年85折優惠，便入去一試無妨，睇完餐牌後，心目中已鎖定三項選擇，第一款是三文魚子海膽帶子飯，第二款剌身定食，第三款是雜錦海鮮飯，第一款好清晰講明有什麼材了，但第二,三款不明其詳，便請問侍應會有什麼海鮮？侍應回覆是由師傅選定的，由於好似冇乜保障便選了第一款，但都不見有什麼保障，因為冇講明份量，碗飯的份量是足夠的，但海膽一片，兩片薄帶子，一茶匙三文魚子(份量夠做一件壽司)，一條蟹柳開二，一件甜蛋開二，好彩多了這兩款幫助送飯，唔係d飯唔知點算…!?到埋單時真係要check單，餐牌列明72元加埋一80元，就唔見佢有85折優惠囉…！

之前門口經過見幾多選擇又有咩周年紀念有85折好拉尋日同媽去試下反正筲箕灣食到悶6點幾7點到 唔洗等環境一般 略嫌迫 座位唔多 不過聽講有兩間 我去既係近電車路個間唔知新定舊之前做左功課 order左兩個set dinner 比目魚同牛柳粒定食每個70蚊左右另外叫左兩個小食 炒什菜同羊排什菜38 羊排78跟餐order左兩汽水 6蚊罐有加一正餐前嚟左一個面屎湯同一小塊關東煮咁樣樣既蘿白食唔食都無損失場唔多人 嘢食好快到好彩做左功課 比目魚同牛柳粒都好好食我媽一向咀叼都話唔錯唔錯如果牛柳粒唔好咁多蔥花仲好 因為好大陣味至於小食簡直係失望羊排78兩舊仔 無肉吾香無乜味菜就得d黑胡椒味蚊咁既價錢真係千萬唔好試埋單315比完錢走人問題嚟拉 諗諗下當兩個餐150 (其實一定唔洗不過唔太記得)小食汽食 78+38+12=128128+150=278*1.1都唔洗310何況仲有85折 點解會收315呢返到去問佢攞單 佢話無單都算仲要死撐同我計真係奇怪 一間食肆唔好話電腦連收銀機都無都算好似連計數機都無先奇怪 最後我任佢計佢都計唔到315比返廿幾蚊我我都廢事慢慢同佢計閃人嘢食呢基本上唔錯 花樣多但提大家

我最近幾次來旭川都係食鐵板和牛粒定食，其實佢個Lunch Menu仲有好多選擇，不過呢個鐵板和牛粒定食真係值得番叮再番叮! D牛柳粒好淋好Juicy，配黑椒汁，而且鐵板上，所以一上枱已經聞到陣陣香味飄出來(味道有D似Pepper Lunch)，旁邊的粟米同椰菜吸晒D黑椒汁，用黎撈飯真係一流，我每次都食晒成碗飯。另加$28叫咗個三文魚刺身，有4件，都幾大件同好新鮮。再另加$8叫咗杯巨峰提子乳酸，好清新，不太甜。

是日去下試食下家附近的日本食店點了壽司拼盤. 魚生還算可以. 飯不會太酸味也不會太熱(飯的溫度)口感的味道還算合格另一個魚生飯有點失色這個免治魚生還好. 不過飯口感太濕. 影響左成個飯的分數環境上有點迫.不過味道還可以用這個街方生意來說服務就有位姐姐有點奇怪. 上菜時我說放底就好了點知就用左點力放下. 我以為我做錯野 tim另一位四眼哥哥好有禮貌.讚

星期日晚上想係西灣河搵間正既，決定同家人來這裏有不錯好評既食店用餐繁忙時段7點幾要等一等先比到位，位置好像有點兒窄坐落去不太舒服但食物又真係原全冇令我失望啊！當晚我較想吃暖飯吾想食凍既魚生類，問了問waiter最後揀左三文魚醬油漬飯$60Marks:9.5/10喜岀望外，火炙三文魚舖上係微暖既醋飯上面。最值得讚既莫過於拒既特製醬汁:同芝麻醬味道相近，好開胃，跟火炙三文魚亦都好相配！仲有我既最愛：甜蛋野菜燒三文魚卷(4件) $35 Marks: 9.5/10每件都包得好靚好大件啊！一啖食落去，滿足！祕製豬軟骨拉麵$44 Marks: 7/10豬軟骨我又未見得有咩特別，不過以晚飯來說，包前菜同甜品(其實是糯米滋一粒，不過最尾每人都有一粒XD)價錢算抵了！還有還有，和風牛肉飯定食$52Marks: 8/10都幾好食，牛肉好多好足料，送飯既話就吾怕咸了!總括來說，最比我驚喜既就一定離吾開三文魚醬油漬飯啦！好香滑又帶點微暖既火炙三文魚再加上調配醬汁，絕對會為它再來! 

當天同主人行過西灣河, 想起附近有間品評不錯的日本料理, 亂打亂撞之後又畀我搵到.其實它有套餐, 最後都是決定散叫, 可以試多幾樣. 2個人叫了:海鮮拉麵 - 有2隻蝦, 帶子和蟹柳...三文魚海膽飯 - 有2片甜蛋, 三文魚6-8片, 當然一定有海膽.  燒羊架 - 大大塊2舊, 醬汁有少少濃, 如果少d 醬, 當然更好!燒春魚 - 不會有意外的一款食物燒魚鮫變燒魚骨腩 (售罄了) - 燒的不錯,  只是$15, 仲有咩要求燒雞翼 - 香, 味比正, 色 - 沒有錯手的顏色.啤酒...還有其他...已忘記了好快拉麵及飯已經上檯, 一食竟不是集團的一般行貨, 是小店自家準備的食品.  陸續已送來雞翼等各種燒物, 雖然已明知會很飽, 亦要加追一樣燒雞軟骨,啤酒.  燒物非常熱辣辣, 好! 上菜的節奏緊湊, 但並不急趕.  我們亦只是吃了個多小時. 已見可以翻檯, 可見此料理在街坊心中是不貳之選! 此店亦令想起大阪橫街窄巷中的小小食店! 一兩個廚師, 兩三個店員, 客人絡繹不絕!

近日有點發悶，老遠拉了住在西環的朋友來陪我喝兩杯，順便帶她去嘗嘗桻之燒的燒牛舌和燒魚。到了桻之燒門口… OMG！不會吧！竟然關門裝修 (後來查問得知，原來剛由這天開始連休四天，進行內部裝修及大清潔)。這個時候，Openrice就發揮了作用，馬上用手機apps查一下附近有什麼類似的食店。發現西灣河這家旭川的食評中完全沒有劣評，致電確定了有營業 (不想再次白走了！)，馬上轉移陣地。到達店內見已差不多坐滿，剛好還有兩個位。左看看右看看，大部份客人都點套餐，我們最後亦選了個「原板加拿大海膽和牛套餐」，菜單上強調原價$688特價$388。我們另追加燒牛舌串和啤酒。忌廉芝士凱撒野菜沙律：菜、車厘茄和青瓜都新鮮清甜。芝士香軟，略嫌麵包粒太大。撒上了蟹籽(或飛魚籽？)有點造作，像硬要把它加上日本菜色彩。倒不如放點生三文魚碎粒，不是更好嗎？原板加拿大海膽雜錦刺身五點：海膽、油甘魚、三文魚、帶子、北寄貝，賣相很吸引，吃起來也好。Erumesu自從在日本吃過又爽又鮮甜的生北寄貝刺身後，已經無法再接受吃香港的熟北寄貝了。加拿大海膽特色是體積較大，可是不及較細小的日本海膽來得香和甜。因為菜單已經事先張揚是加拿大

同朋友在太古城睇完戲,行去西灣河搵野食搵到呢間小店,便試一下有個套餐$198,叫了1個,再加左2隻蠔和串燒,約330左右蠔食得出是新鮮貨,這款無咩海水味和金屬味3文魚唔夠肥,魚味也不夠強呢度個壽喜燒真係有日本影子,就是非常甜,對我來講係好似食緊牛肉糖水,好難頂串燒太乾了,味道也不夠,要下多點汁燒才行整體上無咩亮點,味道一般,但呢個價錢有咁多款野食,都算抵食,女仔一定飽,男仔要加野

之前路經時見過假日晚上有人等位, 似乎幾受歡迎?所以某次晚上閒日唔使等就入去試下.我叫的刺身定食, 忘了價錢是$68還是$78左右,有前菜(薯茸)、白飯、甜品(雪糕糯米糍), 主菜係圖中的刺身!有希靈魚、帶子、三文魚、玉子、北寄貝、甜蝦!!!唔單止種類多, 份量足, 而且仲好新鮮, 絕對係喜出望外.若要雞蛋裡挑骨頭, 係個飯唔係醋米飯...同埋服務態度一般.不過單以食物來說, 仍然推介~ 

星期日的中午，家裡不會煮飯，如果不想吃即食麵，就會買外賣或外出用膳。這一天沒有約，自己一個人在街上逛著逛著，原本想買外賣的心突然又想試試新店。今次想食日本菜，見到這間旭川日本料理開業一段時間都未試過，所以便推門而入。餐廳很小很小，所以環境都幾擠迫。不過，小店本錢不多，香港吋金呎土，這也是無可奈何。旭川的午餐頗為實惠，在多款午餐中選了叉燒拉麵，配兩件三文魚壽司。三文魚壽司屬普通貨色，三文魚不算肥美，但作為小店的廉價午餐，這是在預期之內的。在不帶任何期望下，算是中規中矩。　　至於叉燒拉麵，麵質既不是煙煙韌韌，也不是軟彈爽口，所以感覺有些兩頭不到岸，更帶有些微梘水味。日式叉燒不夠淋，湯底也是一般，反而芽菜等配菜更加像樣。我很少只吃到一半就放棄了。在拉麵上，店方真的有需要好好改善，唯一可取就是配料和拉麵的份量沒有偷功減料。　　未發現餐廳食物有何亮點，勉勉強強 OK，最失望莫過於是那碗拉面。如果要找優點，或許可以說這是一間廉價和份量足的日式料理餐廳。但如果想留著客人，有需要再努力。

15.4.2013生日飯(4) - 簡單就是美由於想先為新餐廳寫食評, 所以急不及待要寫我的第四篇生日飯. 誠然, 這次吃得很簡單, 但我已感到很滿足.這間位於太安樓對面新開張的日式小店, 店子小小, 食客卻絡繹不絕, 好不容易才找到二人位. 晚市有定食, 也有二人套餐, 價錢也十分經濟. 既然是好姊妹請我吃, 我就點了一客照燒雞扒飯定食, 而她就點了日式漢堡扒蛋飯定食.先來的是定食中包括的味曾湯和冬瓜前菜. 味曾湯之中有不少海帶和豆腐, 始終是味曾湯, 味道就比較咸. 我最怕太咸的東西, 所以湯我沒有多飲, 只是夾了裡面的海帶和豆腐來吃. 海帶和豆腐都很滑的, 但如果豆腐再大件一點就更好. 另外, 這件冬瓜前菜的 size 好大件, 軟淋淋又唔咸, 不過以冬瓜作前菜我們都覺得新奇有趣. 我的主食照燒雞扒飯定食 ($45), 份量很大份. 不單止飯多, 雞扒也多, 竟然有五大塊呢. 白芝麻晒在雞扒之上, 令其味道更香. 雞扒皮燒到又薄又脆, 一點皮下脂肪層也沒有, 吃著時也卜卜脆的. 雞扒肉軟滑又肉厚, 味道咸咸地. 放在一旁的炒野菜包括了椰菜絲, 紅蘿蔔絲及冬菇絲. 由於加了少許