旭灃飯店 (已結業)

鋪就比較細， 座位較迫。但有大電視可以睇下新聞。我去個時大約12點尾，客人都多， 但侍應都有禮貌， 叫人落單好快應人。叫左個滑蛋蝦仁炒河，有湯同野飲， 炒河 量OK， 味道一般般。見到有焗飯叫， 但睇隔離台個份好似細份左D。

今朝一早起身，去例牌餐廳食個早餐先番工先講結論，餐廳食物質素高，但防疫就出哂事先講左最接受唔到既敗筆，明白到你鋪位細，但係卡位搭檯你都整塊板，一路食，對面對友係錦cam, 老闆，我黎食早餐，唔係食Covid呀除非想中，唔係既我都係建議疫情後先好去早餐叫例牌，沙爹牛肉麵，腸仔太陽蛋，熱奶茶，盛惠$32食物質素，係高既佢面用既係頂好大光面，出黎係爽既，啱晒我，佢個沙爹醬夠濃，可以掛哂上面，牛肉大概有7-8舊腸係炸既，夠脆身，其他正常

第一次幫襯，諗住蒸飯最穩陣.. 點知打開飯盒只有一個魚頭… 揭起太魚頭下面都只係魚頭條頸.. $44午餐..欺騙顧客為也好驚訝..咁大個人買蒸魚飯得一個魚頭，出面兩送飯都有個魚腩..結果，盒飯9成用魚皮同豆豉送飯..好耐冇食得咁淒慘好後悔冇睇食評，睇餐廳門面唔知咁伏。其實味道是正常，但感覺不老實，午市尾段買的，難道賣剩個魚頭要清埋佢？其實餐廳裝修比隔離茶餐廳企理，侍應樓面收銀都有禮貌，食物質素反而做唔到… 真心，餐廳要檢討

今日去開北角附附近，求其入左間餐廳食飯。因為男朋友尋日去左食下午茶，話個西多士幾好味，性價比高，所以就去試下佢嘅其他野。友人叫左北菇蒸雞飯，雞肉較嫩口，不錯。飯較少，女仔份量剛好，男仔會嫌少。我叫左個魚香茄子炆伊麵，份量剛好，不過味道略為遜色。整體普通，檸檬茶用鐵杯裝有驚喜。茶餐廳啲姐姐幾有禮貌，感覺都唔錯。價錢就一般般，茶餐廳價位，不過如果一場嚟到北角，可以揀其他推介食店試吓。如果睇價錢，都可以試吓

天氣甘凍一早見完客經開見到有茄子飯就休息入去慰勞一下自己，份量多，茄子食落吾油，排骨不肥，肉多汁，$40有湯同飮品，價錢相宜，下次去可以試埋海南雞飯係店推介，食飽又要見客💪🏻

本人算係熟客一名，所以見到不少廚房出茶不穩定的問題，我也中伏好幾次，反映過但一直沒改善所以才決定說出來給大家分享下。首先環境跟普通茶餐廳沒什麼大分別所以不用多說，樓面員工係唯一可讚的，細心好傾做事又快又不求其但最差的就係廚房了，小菜比較多油又遍咸了點所以每次點菜都要話少油少咸才可，見過有客人點蒸紅鮋但出來係盲?，又見過有人點姜蔥腐竹鯇魚腩煲係忘記落腐竹。而我就試過小炒皇一直係腰果但就變咗花生，凍檸檬有咖啡味的（檸茶底個壺裝過咖啡）鼓汁蒸倉魚出來也經常不同的，最離譜的係晚市的梅菜蒸鯇魚腩，晚市$55已經貴過午市的$40，但竟然係俾午市賣剩的再翻熱，魚一翻蒸就老了，魚肉很乾有時還霉霉的做飲食的係要親力親為的，但老闆倆公婆經常不在店裡的，希望廚房盡快的改善問題的啦！

今天的外賣午餐豉汁豆卜蒸排骨飯十分難食，與平常幫襯開的食物大失水準，全是大舊的肥肉及骨頭，汁很油；因平時也有幫襯，一直也不是這個水準的，就抱著善意提醒的心態致電，客氣的對老闆娘說出原因，怎知換來她的晦氣加上極不禮貌的對待，說：「你叫排骨丫麻，排骨梗係骨啦！」還說：「我地都肯送外賣咯你仲想點啫！」我也無言，如果送外賣那麼不情不願及這是食物難吃的理由，一點善意批評也不能，我也無話可說，亦不想惡言相向，只有掛斷電話！永不會再幫襯就是了。😡

本來食開禁多年都ok 點知.......叫炒嘢(如乾炒牛河) 等埋其他單一齊無所謂 但試過等15分鐘先黎!!! 炒飯/星洲炒米呢啲炒嘢 越炒越差....好似order左要濕炒咁囉焗雞排意粉....你“蒸”就唔好寫“焗”啦 意粉又林.雞肉又梅 杯凍奶茶唔知發生咩事 酸囉.....感覺很差 餐後都有點反胃.清潔一定要搞搞....好多烏蠅服務就一般般 由其老闆娘 唔黑面已經偷笑

睇完醫生都差不多到中午，之前的粥麵，早已煙消雲散，還是及早醫肚。在舊區最容易找到小店，雖然環境不太理想，但總會感受到那一份濃烈的街坊氣息。甚至乎連客人的食用習慣，坐位都一清二楚，真有趣。見早餐時段還未完，反正又有下一場，簡簡單單就算了。先來一碗炸菜雞絲公仔麵，有時很怕淥得未夠時間，整個麵餅彷彿原封不動，今次總算剛剛好，只嫌雞絲只有可憐兮兮的幾條，未免美中不足。牛油方包煎蛋午餐肉，可能是功多藝熟，雞蛋是煎得恰到好處，反而午餐肉太乾身。再來一杯茶味一般的熱檸檬茶。不過不失，也許下次覆診不會再來了。

北角有好多食店，不過E間概員工服務態度係最好概，今次因為見到碰巧見到有鐘意食菜就走左入去，一入到去5係好多人，然後坐低叫左一個枝竹斑腩，同一個通菜炒牛肉，叫定之後就有一個人送左碗冬瓜薏米煲豬骨e個湯好鮮甜，然後過左一陣停電，過左一陣又恢復返，然後到左一個枝竹斑腩果D班腩係真概不同有一些奸商混水摸魚比龍利柳扮，如果通菜牛肉辣一些會好D，然後我地重好餓叫多一個泰皇豬扒都幾好食，我之後掉左過袋落地佢地好心提我幫我汁返最後可惜太飽食5曬，會再幫襯

談起北角的美食小店，人們通常會想起位於渣華道街市的。可是，不要忽略位於大街小巷的店舖，你有可能會找到一些驚喜，渣華道街市對面的旭灃飯店正是一個典型的例子。一進店內，我們便受到店員的熱情招待。他們耐心為我們推介店內的小菜，更與我們寒喧數句。聽店員說，他們這批人剛接替整個餐廳的晚市，更會到不同地方試吃菜式，然後再回來改良一下。點好菜，要待大約十五分鐘才有第一道菜上桌。幸好我們體諒店舖剛接手還沒完全適應，要不然一定「先投訴、後走人」，當然，還有失去試吃美味菜式的機會。最先上的是蒜蓉炒蕃薯苗，一大碟翠綠的菜，加上撲鼻而來的蒜香味……「我好客氣啦！」蕃薯苗清甜非常，蒜味十分香，入口順滑無渣，真想多吃一碟！想要點酸酸甜甜的開一下胃口，店員推介了生炒骨給我們。用上軟腍，且充滿油脂香的排骨，沾上粉漿後炸至金黃香脆。酸甜醬濃稠得宜，配上七彩的爽甜椒果，不錯。可是，若酸甜醬再重一點甜味，還有把青椒煮得沒有草味，效果或會更好。吃晚飯總要呷口湯—鹹菜胡椒豬肚湯。湯水非常鮮甜入味，不會只有一味的胡椒，使人不會有嗆喉的感覺。推介這湯！等了最長時間的招牌深圳雞煲終於上桌！黑色的窩子熱得吱吱作響，麻辣也從絲絲熱氣散發

放工突然想食粥於是想起久久未嚟過壹粥品我衝入嚟之後就覺奇怪點解無乜人枱面上又放好餐枱紙坐下來一看原來轉咗名 店內一切如舊唯一變了是食物因為唔再主力賣粥變了一間食小菜飯店怪唔得吟少人牆上依舊有壹粥品的下午茶餐那我唯有選個晚餐吃吧 !千挑萬選還是吃了甚少吃的排骨炒河其實由少至大都唔鐘意食排骨不大喜歡那種又濃又蘇的肉味等咗10多分鐘終於有得食了超香噴噴而且有很多色彩鮮艷配料令到色香味更加吸引河粉幾滑主角排骨噢 ! 好似粟火石班d魚炸咗一層厚粉中間唔係排骨嚟又係豬扒呢 !!!只能慨嘆物價太高這裡小炒有鑊氣調味不錯夠惹味