旺囍車仔麵 (已結業)

同朋友係朗豪坊行完街，想係附近搵間平平地既餐廳食，行行下見到呢間新開張既車仔麵餐廳，都幾多人食，應該唔伏，所以入左去試。餐廳裝修幾精緻，幾有懷舊感覺，仲支持環保用環保餐牌，值得一讚。我同友人見到好多野都好想食，最後我地人一嗌左一碗車仔面，另外再嗌多兩個小食：辣汁爽脆魷魚同清湯韮菜。首先黎左碟辣汁魷魚，秘製辣汁都幾辣，但好刺激，而且帶有少少麻辣，非常惹味，魷魚放係辣汁到煮keep到爽脆而且好入味，必食！韮菜好新鮮，唔會起渣，清湯好似加入左雞汁煲，配埋韮菜整體好好味。友人嗌左碗牛丸牛坑腩魚肉春卷薯粉，份量勁大碗，非常足料，牛腩好入味，魚肉春卷即炸都好香脆，連埋煙un薯粉食，友人話性價比好高。而我就叫左豆卜牛柏葉雞翼米粉，份量同樣好大碗，女仔一個都真係未必食得哂，豆卜加左腩汁同秘製辣汁好juicy，滷水雞翼都好入味，不過肉質可以再滑d，但整體都好好味！下次會再黎食😋

<旺角車仔麵好選揀 >😆要喺旺角揾到啱食車仔麵唔易 😟.坐落喺豉油街既旺囍 味道唔錯😋。性價比都唔貴 都算係旺角食車仔麵既好選擇 餐廳同車仔麵店一樣 細細間 有對牆坐位 . 客人可以自己用sidepen對住膠卡做既menu點菜， 車仔麵既食物都幾多樣化 付合到唔同人既口味 😋🤓<車仔麵系列 > 大大碗🍴😆十全十美富貴麵 (揀粗麵)😆🍴 88 蚊秘制辣汁 中辣 一聽個名就知有威勢 . 十全十美 顧名思義 就有十樣餸 😆 大大碟😈爽脆魷魚🦑， 雞中翼🐤， 牛孖筋 , 豬大腸， 牛坑腩🐂， 豬軟骨🐷， 陳皮魚蛋🐟 ,魚片頭 , 靚冬菇🍄 , 蘿蔔 魚蛋同魚片頭幾爽滑 蘿白抵讚 燘得好林 😆 牛孖筋煙靭 同牛坑腩一齊好入味， 豬軟滑同冬菇都唔錯！ 🤓甘大碗 最啱大食人士！😆再加 10 蚊 炸魚皮魚皮另上 好夠薄同脆身 放落湯汁度好正🤓五花茶 ☕凍豆漿🥛(正價每杯14蚊 跟餐8 蚊)<車仔麵系列>南乳豬手 12 蚊蕃薯粉 11 蚊 中辣 麻辣汁薯粉 幾爽口 同有口感 切得比較厚身 , 粉都幾索汁😈 所以建議可以點左少辣 唔夠再加辣， 麻辣汁🌶有都

最近見倒呢間車仔麵新開，所以就黎左試下。一入到黎見倒呢度嘅風格都幾特別，有小小懷舊，又有小小大排檔嘅feel。食物嘅種類都幾多，個menu仲好環保，用marker響上面畫完，擦一擦就得。呢個鳯爪魚蛋烏冬，秘制辣汁小辣。啲鳯爪剪左指甲嫁！剪得好乾淨。啲魚蛋就好入味，普通辣對我黎講就唔係好辣(平時譚仔食大辣)。叫完麵先想食蘿蔔，就咁淨叫一味都得嘅。啲蘿蔔好清甜，一啲筋都冇。放落啲湯滲一滲好索湯。呢碗係豬腸魷魚米粉，麻辣中辣我食落就覺得個辣度岩岩好，啲魷魚好爽口，而啲豬腸就好煙韌。呢度嘅食物上得好快，服務都好好，職員好有禮貌

系旺角同朋友行完街，佢話肚餓，所以4圍行睇下有咩食，行左去左朗豪坊豉油街附近，見到有間餐廳門口裝修好特別， 遠距離已經一眼望到，佢個招牌嗰度有個好大嘅麵碗,見咁得意就同朋友一齊行左過去，完來系食車仔麵,正入到去裝修好 fancy,完全唔似系食車仔麵，入面既員工好好人，好親切既感覺，其實我好怕去新餐廳，因為怕中伏，點知食完我同朋友都話好好食，連湯都想飲埋食得出d食物有用心去整，湯底好正D餸都好入味 有水進等我下次帶埋奄尖既男朋友泥試下先