旺囍車仔麵 (已結業)

好耐冇喺旺角夜蒲過，夜晚十一點幾，友人話好肚餓突然想食車仔麵，上openrice 睇下附近車仔麵有邊間未閂門，見到旺囍，見到就喺附近，就去食宵夜～入到去，地方唔係好大，可以容納約20-24人，坐底看看餐牌，d餸每款$9-$12，見到有一款十全十美富貴麵$88（入面有十款餸加麵底），好似幾吸引，於是我地四人叫左2碗share食～餐牌又係order板，可以循環再用，環保仲有一亮點，友人唔食牛，但$88麵入面有2款牛，問侍應可唔可以轉其他餸，佢地話冇問題,叫我地喺餐牌揀其他餸，真係貼心最後友人揀左豬扒及魚肉春卷～～碗麵都幾大碗，餸都好多，d豬大腸洗得乾淨又入味，蘿蔔好甜、陳皮魚旦彈牙～～絶對係地道車仔麵,$88/2人share唔算貴依間車仔麵值得推介

同朋友去朗豪坊睇戲，睇完肚餓就係附近搵左間車仔麵食，上網見到呢間旺囍都幾新，打算快啲食飽去血併！店入面裝修都幾得意！車仔麵餸都算幾多選擇，因為好肚餓，其實好多都想試，但知道肚仔有限，唔可以叫晒全部就再等下次先！等麵期間見到呢張告示真係好貼心呀！只需係Facebook/wechat打個咭就送你便利雨衣一件！呢排雨季真係好多時忘記帶遮出街架！由於我真係好肚餓，所以不知不覺間叫左六個餸！有通菜、魚片頭、豬軟骨、咖喱陳皮魚蛋、鮑汁冬菇、豬紅配油麵！豬軟骨同冬菇都好淋好入味，尤其係冬菇都幾甜！豬紅夾起唔會散味道亦不錯！大讚係陳皮魚蛋，宜家好少地方有d咁懷舊嘅魚蛋，細細粒成粒放入口質感真係好彈牙！第一次食辣汁唔敢挑戰，哈哈！所以我揀左小辣，感覺可以下次挑戰中辣！朋友仔都係餓到暈，叫左五個餸！有羅白、酸齋、肥牛、雞翼、生菜配蕃薯粉！酸齋分開上好貼心，唔會比湯浸到無咗味！羅白同雞翼都好淋好入味，肥牛有牛肉味適中又唔會過肥配上牛腩汁真係一流！

今日放工之後約左朋友係朗豪坊睇電影《京城81》，買飛後只得45分鐘時間，匆忙之下在旺囍車仔麵吃過晚飯後做離開。 餐牌是白板筆寫在點餐紙上面的，夠曬環保。 生菜手打魚肉湯（$25） 手打魚肉鮮味彈牙，魚味突出，加上上湯鮮味味好！腩汁生菜（$15） 腩汁配上生菜非常香口，濃味又好吃！蕃薯粉（$11）+ 秘製牛孖筋（$12）+ 和味豬大腸（$12） + 鮑汁靚冬菇（$10） + 清甜蘿蔔（$9） 湯底：🌶麻辣汁(大辣) + 腩汁 + 沙嗲汁 米粉($9) + 🦑辣汁爽脆魷魚($12) + 咖喱陳皮魚蛋($10) + 魚肉春卷（$12） 湯底：🌶秘製辣汁(大辣) + 腩汁 + 沙嗲汁 湯底非常惹味，夠曬濃味又夠辣，份量又夠多，好似平日出面食的2倍份量，肚餓的人一定夠飽！ 吃車仔麵當然不少得點些飲品，跟餐都有優惠！凍檸茶跟餐半價（$9）涼粉爽跟餐價（$8）  

香港是車仔麵的發源地，懷著本土精神足足六十年有多。以前居民謀生困難，收入不多，所以興起了價格相宜的街頭手推木頭車，設置麵檔擺賣熟食，所以有名為『車仔麵』。旺角新開張的車仔麵店，不但其懷舊裝修吸引我，平民價錢更加吸引我眼球。每人最底消費 $30，很合理。餐廳不是用即棄的點菜紙，而是用能循環再用的點菜板，十分環保。我那碗：粗麵 ($9)秘製牛孖筋 ($12)超甜蘿蔔 ($9)牛坑腩 ($12)魚皮餃 ($10)微辣，加腩汁和葱因為牛肚已賣光，所以改了牛坑腩。牛腩炆得夠稔，而牛筋則煙韌有彈性，兩者簡直是車仔麵的絕配。另外不得不提蘿蔔，不但稔和沒渣，吸收了腩汁後更入味。我剔了微辣的秘製辣汁再加腩汁。它們的秘製辣汁平常粉麵店的辣椒油更惹味，微辣的辣度不重，不吃辣的也可一試。寶寶的麵：粗麵加底 ($9+9)秘製牛孖筋 ($12)惹味豬軟骨 ($12)超甜蘿蔔 ($9)鮑汁靚冬菇 ($10)豬頸肉 ($10)寶寶的車仔麵跟我也頗相似。冬菇份量有很多，炆得稔和入味。豬頸肉是必吃的，厚切得來又鬆化。豆漿 (+8) 是一點也不陌生的響鈴鮮豆漿，夠冰凍解渴，大大杯非常掋飲！腐乳通菜 ($15)，但怕腐乳味道

近年有好多本土美食都經過重新打造，喺保持原有品質之餘亦注入新原素，配合舒適嘅裝潢，往往會掀起一陣新嘅熱潮，就好似餃子、甜品、甚至魚旦、雞蛋仔都係表表者，當然唔少得極具香港特色嘅車仔麵。車仔麵可以算係香港最地道美食之一，早年嘅車仔麵係以平價食材再配以粉麵，自由選擇，價錢平之餘又飽肚，直情係窮人救星。事宜勢逆，生活水準提高，客人要求亦同時提高，所以近年都出現好新派車仔麵店，食材選材，品種繁多，各適其適。呢間旺囍車仔麵都為旺角區帶黎新鮮感，店面以車仔檔造型作主題，除左帶俾食客有懷舊感之外，亦輕易將本身特色表達，別具心思。餐廳裝潢比較新式，唔似傳統嘅車仔麵店，冷氣開放，一邊係座位，一邊係廚房，可以見到車仔餸整體排列餐牌選擇豐富，先選麵底 $9/11（幼/粗/油麵、米粉、河粉、米線、薯粉、一丁、烏冬），再選配料有超過30款，例如牛抗腩、陳皮魚蛋、雞中翼、豬大腸、魚肉春卷、酸齋、豬耳、豬紅等，定價每款 $9-12。最後選擇醬汁，可配秘製辣汁、麻辣汁，亦可簡單啲選腩汁或沙嗲汁。另外有十款小食，例如牛筋腩、南乳豬手、魚肉湯、油菜等，定價 $15-50，畢竟小食先係更賺錢嘅一環，定價較高都能夠理解。值得

上次經過見到哩間新開🤔但又約左人😎👏🏻今日終於可以食到啦! 好開心開係公司附近好方便我,上次見到排哂長龍勁誇張🤦🏻‍♀️好彩今日1個人,得返1個位😂😂👏🏻lucky 裝修好懷舊🙈👍🏻用marker 落單!好環保碗面未黎到,我見人人都追住個辣椒油🤔好想快啲食!😋到啦到啦👏🏻👏🏻👏🏻豬大腸好鬼冧⋯唔洗咬好耐!好軟👍🏻雞翼尖一般般 不過夠入味蟹子丸好好味😎入面入口即溶提提大家 ⋯我有加沙嗲汁落湯底一定要加！加埋佢辣椒油入面有小小似XO 醬 唔食得辣都可以試下👍🏻得好小辣 好耐無食哂成碗面👏🏻😂好味道！好飽

十全十美富貴麵 聽都到名都覺得勁！食完係咪會中六彩😂 十樣推介既餸！1.辣汁魷魚 2.雞中翼 3.牛孖筋 4.豬大腸 5.牛坑腩 6.豬軟骨 7.陳皮魚蛋 8.魚片頭 9.冬菇 10.蘿蔔 心多多既大胃D🙈🙈當然叫左🤘🏻 3-4個餸滿足吾到佢😂 魷魚爽口，微辣好惹味！必叫！冬菇、豬軟骨煮得好腍！大胃D最欣賞蘿蔔好甜、多汁、無渣👍🏻👍🏻大胃D再追加炸魚皮、豬手😎魚皮就有d好脆 有d就淋左 一路食估下一舊係淋定脆呢😄豬手呢 諗住補充下骨膠原丫嘛 炆得可以再淋d 但夠味既 同埋毛燒得唔夠乾淨🙁 黑面神就試左豬頸肉、豬耳、滷水鴨腎、魚皮餃！豬頸肉 表面乾左少少 但入面都有d肉汁！豬耳煮得比較腍，黑面神就中意爽口、彈牙！同埋陳皮魚蛋必食啊！辣辣地又入味👍🏻 依間舖真係好唔顯眼 不過店員既服務態度幾好 經過既朋友 又買左六合彩既 想沾下運氣可以去試下😂

得閒在旺角遊蕩下，總會找到具有香港特色的小店，某夜路過見店員派發的傳單，吸引左我地去食。餐廳外表已經好似一架賣食品的手推車，而裡面裝修又係比較新派的，同舊式又逼又窄的格局大不同，感覺舒適多了。甚有特色的食物牌。落單咭與時並進，可以重用，十分環保。選項清晰，仲可以揀辣度和甜度等。跟餐豆漿（$8）跟餐凍檸檬茶（$9）米粉+咖喱陳皮魚蛋+蘿蔔+雞翼尖，微辣($38)，好大份下，比舊式老牌多三分一。蘿蔔真係幾甜，魚蛋都有6粒，幾彈牙。翼尖入味。小食：香脆炸魚皮（$15）脆卜卜。秘製雞中翼（$30）有6隻，雞肉嫩滑，而味道很惹味。腐乳通菜（$15）好抵食，平時油菜得幾條。烏冬+祕製牛孖筋+豬大腸+鮑汁靚冬菇，微辣($45)。老闆有良心，冇叫菜都送兩條，值得加許！牛孖筋好味道，軟得黎有嚼勁。冬菇炆得入味，大腸就肥左少少。湯底清左D，下次試下加腩汁。

星期五晚上同最熟嘅中學朋友嚟旺角食個晚飯，揀咗嚟朗豪坊附近嘅車仔麵鋪鋪頭應該係新開嘅，門面裝潢都乾淨企理 亦都望到煮麵放餸嘅廚房 食得安心佢哋嘅點菜紙唔同普通車休麵檔，佢哋用咗呢款膠餐單，做menu之餘仲可以點餸，仲可以循環再用，好環保呀我叫咗雞翼，蘿蔔，通菜，魚片頭 配米粉，另加腩汁加䓤都唔洗加錢雞翼真係招牌 啲秘製汁入曬味 夠大隻又夠嫩滑蘿蔔睇之前有人話好入味，真係冇講錯！好稔好稔好甜好入味！魚片頭夠爽口彈牙有好多通菜 見佢咁綠都知新鮮啦個湯同啲料都整得幾好 唔會有太咸/味精嘅味跟餐飲凍豆槳$9獨立包裝夠衛生真係太好食嘅關係...再另叫多個雞翼同朋友share 朋友叫咗麻辣湯 我唔敢食呀哈哈 但見佢食得好爽好過癮我哋坐咗喺餐廳入面啲高枱 好有日本食拉麵嘅感覺 亦都冇咁迫可以自成一角 侍應都冇催我哋或者心急想我哋走嘅樣 唔錯唔錯

車仔麵是經典港式平民美食，靈活多變，一撮麵、十幾廿款餸任意挑選、再加兩殼熱湯、淋匙辣汁，就是一碗庶民Comfort food行完街與友人於旺角朗豪坊附近找到一間車仔麵～旺囍車仔麵，門口有隻立體大碗作招牌，一眼看到小店面積不大，但有街景位置，裝修以香港文化為題而吸引士生土長的我們😊撐本地小店個餐牌非常環保好似白板咁畫完可以抹走。他們的自家調製辣汁更有四種辣度微辣至大辣，有秘製辣汁及麻辣汁，另外還有選擇伽藍汁加沙嗲汁或者蔥。有多種麵款餸菜小食及飲品選擇。我的粗麵食落軟硬度剛好，加一兩匙招牌咖喱辣醬，錦上添花：手打鯪魚肉口感豐富，肉質嫩滑：豬紅軟熟入味帶蒜香：牛筋濃香撲鼻,保持天然爽勁,回彈力強。至讚是大部分時間會免費送幾棵時菜配麵👍🏻友人選擇了河粉配咖喱魚蛋咖哩味濃：魷魚口感彈牙，有鮮味，咖喱微辣，餘韻有香料清香：柱候牛腩既精華同埋醬汁既味道又淋又入味，港人至愛：包汁鮮甜可口配靚冬菇嫩滑味道鮮美。小食分別有香炸鯪魚球炸過後入口甘香惹味， 表皮有點韌， 不過香口有餘並且彈牙魚味鮮濃。香脆炸魚皮香脆爽口，脆度十足，不過呢個海魚略為鹽分過多，放入湯炙一下減低鹹味比起傳統車仔麵呢度乾淨好多，聽日一

食車仔麵既原因有好多對我黎講就係選擇多, 可以一次過食好多唔同既餸任由自己MIX AND MATCH我見呢間仲做緊優惠, 即刻比佢吸引左入去今次我食既係河粉點左既餸有: 魷魚, 牛肚, 雞中翼, 微辣再加腩汁, 另加多左杯凍豆漿 先講個河粉, 我覺得係比較硬的, 而粉既厚度會比平時粗, 食落更加有口感而個湯我覺得自己可以食中辣, 因為微辣既辣度真係比較少 餸方面, 好開心個魷魚係透明既呢隻, 會比白色既更加爽口彈牙, 而且更加能夠吸收到湯既鮮味, 牛肚都係爽口既, 唔會痴牙, 而且個量都唔少, 雞中翼應該係鹵水雞翼, 估唔到有三隻咁多, 比起平時得2隻更加抵食 不得不提既係個豆腐, 雖然係PREPACK好, 但係都幾好飲, 而且好方便咁可以拎埋走~

黎到旺角又諗唔到食咩見到有間車仔麵就即刻勾起我小時候既回憶就拉住我朋友一齊入黎食 呢度好有懷舊既感覺位唔算太迫, 坐落都算舒服既 我叫左個豬紅豆卜米線, 再加一個菜心 估唔到個麵都幾大, 而米線就好爽口彈牙唔會索哂D水淋哂我最鐘意係個湯底, 我點左既係腩汁, 冇十分味精既感覺反而好重牛腩既香味 豬紅就會比較爽口, 而且食就知係浸左好耐, 所以非常入味而豆卜一咬入面D汁就咇哂出黎!! 好JUICY!! 估唔到菜既份量都幾大, 而且條條都好粗大, 食落一個字爽!!! 

想快靚正吃個晚餐最好的選擇一定是吃道地的車仔麵，食完直接乘巴士回家，旺囍車仔麵正好方便我與朋友呢。朋友鐘情辣味與滷水汁方面的車仔餸，尤其是#咖哩魷魚，魷魚爽口之餘，咖哩辣得惹味。冬菇燉煮得軟腍入味，甚得她的歡心。至於雞翼同樣將滷汁發揮得淋漓盡致，完全滲透雞皮與雞肉中，軟嫩可口。豬腸處理得非常乾淨，沒有多餘的肥油，滷水香氣不斷湧出。至於我的車仔麵配菜跟朋友的都有點差不多，同樣選了彈牙的油麵作為車仔麵的麵底。平時我這個食肉獸今次最欣賞的竟然不是肉，而是蘿蔔，實在太難以置信了。因為蘿蔔實在太過鮮甜，它的甜度應該是我吃這麼多車仔麵店中最為甜美的一間，蘿蔔毫無渣滓，汁多肉嫩。有著酥脆外層的魚肉春卷同樣美味，內裡除魚肉綿密外，亦具魚鮮，愛酥炸小食的都不可錯過它。牛肚稍微失色，雖然滷得透徹，但口感方面略略粗嚡，比一般嫩口得來又彈性十足的有少許不足之處。牛孖筋滑溜非常，如啫喱般的口感，膠質豐富，要小心翼翼的才能夾穩它。豬軟骨可熬煮得更軟綿綿，雖然豬肉已相當軟腍，不過個人覺得豬軟骨可以更晶瑩剔透，更軟爛，更易入口，部份軟骨依然有點硬度，不是全部都可以吞進肚裡。

今日同朋友去睇戲，由於時間有點趕，就求其入左間車仔麵，希望快靚正。裝潢挺有心思，以鐵和木為材質，很有舊式車仔檔的味道。點餐係用白板筆寫喺塊板上面，但要小心，好輕易就抹甩。米粉($9) + 辣汁爽脆魷魚($12) + 咖喱陳皮魚蛋($10)湯底：秘製辣汁(中辣) + 腩汁 + 沙嗲汁湯底非常惹味，夠濃又夠辣，而且份量好多，米粉好似食極都食唔完，一定夠飽！個人非常欣賞佢嘅咖喱陳皮魚蛋，雖然細細粒，但係我最鍾意嘅口感！朋友點了烏冬+芝士丸+肥牛+魚皮餃+豬頸肉，佢話味道都唔錯，但唔知點解豬頸肉會成塊上😅小食：秘製雞中翼＄30一碟六隻，不過不失。凍檸檬可樂（原價＄18 ,跟餐加＄9）凍豆漿（原價＄14，跟餐加＄8）呢度車仔麵夠晒地道，環境尚算舒適，姐姐們的服務態度亦良好，下次會再來幫襯！

車仔麵乃香港獨有之美食如今車仔麵已轉趨精緻化用料和烹調都愈來愈講究與舊時的嗱喳印象南轅北轍車仔麵中我最愛配油麵底喜歡其粗身和彈牙的感覺辣汁魷魚爽口雞中翼不過不失這兒的魚蛋是陳皮魚蛋有別於坊間的廉價貨猶記得這種魚蛋是我小學時在小食部買到的那種它有一股淡淡然的陳皮香質感特別有咬勁有賣這款魚蛋的地方已愈來愈少了超甜蘿蔔有驚喜質感軟諗鮮甜無渣最後加上沙嗲汁就完成一碗地道又美味的港式車仔麵另追加秘制柱候牛筋腩味道佳但份量太少真是塞牙縫都不夠了啦