旺泰特食

營業中

休息中

味道一級！二人大食歺，叫左燒黑鰂魚，夠大條！蒜蓉炒椰菜苗，好好味，唔糸好多地方有得食，椰青，淸甜，生蝦刺身好新鮮，海南雞飯冇得輸，青木瓜生律，個汁好好味！最後再叫左一串牛一串雞嘅沙嗲串燒，完美的結局！比較似乎泰國地道食物，特別糸環境！

一連幾日假期香港多處旅遊區淪陷，西貢當然唔例外，今晚想食泰國菜，所以無懼千軍萬馬都要嚟到，落單前職員都有提醒外賣最少等半小時以上，不過最後足足等咗一個鐘先拎到 🥲 呢間泰國菜以西貢呢啲遊客區嚟講定價都算合理，加上勝在就腳，味道唔錯，所以每日都keep住好多客人。叫咗炸蝦餅、串燒、馬拉盞炒芥蘭、菠蘿炒飯、泰式金邊粉，埋單都只係 $292 蚊，重要係西貢呢啲旅遊區就食到非常超值。炸蝦餅 ($68) : 好似縮咗水，依稀記得之前都無咁細嚿，不過味道依舊都係咁香脆可口。馬拉盞炒芥蘭 ($63) : 每次堂食泰國菜都必定會叫，因為夠獲氣又惹味，不過外賣同堂食始終係差少少，今次外賣嫌佢水多咗少少，所以味道淡咗啲。菠蘿炒飯 ($58) : 非常抵食之選，配料應該都同其他餐廳差不多都係果啲肉鬆、提子乾、雜豆粒咁上下，但有啲地方叫呢個都要 $70 至 $90 蚊，但呢度只係 $58 蚊就食到，而且味道重唔差，經濟飽肚之選。👍🏻泰式炒金邊粉 ($68) : 金邊粉份量幾多，而且落足料打爆哂成盒 (密質質既感覺)，金邊粉炒得唔太濕亦唔太乾 👍🏻 味道甜甜酸酸相當醒胃，食果時再加啲青檸汁更滋味。

ᵀʰᶤˢ ᶤˢ ᵃ ᵐᶤˡˡᶤᵒᶰ-ᵈᵒˡˡᵃʳ ᵠᵘᵉˢᵗᶤᵒᶰ 🙋‍♂️.唔知點解由細到大去到西貢咁多次，我竟然係可以一次泰國菜都無食過☺️今日終於忍唔住揀左間睇來好受歡迎既餐廳食，食完上網查一查先知原來間野係16-17年拎過米芝蓮推介，ok咁就要認真講下我係度食野既感受。.首先，泰式拼盤($168)係真心好味，唔係求其係斬幾樣現成野翻來拼埋一碟就話係拼盤🤯拼盤裡面有春卷、魚糕、蝦餅同沙嗲雞肉串～春卷就咁睇圖都知好足料，夾住粉絲、雲耳同肉碎，一食落去我馬上覺得自己成為左李思捷☺️魚糕本身混合左好多香料，好濃味同辣辣地👍.至於蝦餅同沙嗲雞肉串正常發揮啦，但不得不提既係，我地之後額外加點既特色泰東北酸醃腩肉腸（$15/串）就真係必點了，首先依種腸一定唔會係出面食到☺️，重口味人士必愛，肥瘦比例適中得來帶油脂感，酸酸鹹鹹咁勁開胃，就算唔入餐廳食就咁嗌外賣都抵🥴.我愛大肉腸呀呀呀呀呀🥴.至於個Pad Thai ($63) ... Um我無落filter都已經係咁既色😑第一眼睇真係有少少嚇親。然後一食落口，覺得個粉同堆蝦既調味都有d淡，而且整體來講d料唔算多🤕同九龍城既泰金國有大對比😫可惜同行友人唔

🥥ℐ𝓉’𝓈 𝒶𝓁𝓌𝒶𝓎𝓈 𝓃𝒾𝒸ℯ 𝓉ℴ 𝓈ℯℯ 𝒻𝒶𝓂𝒾𝓁𝒾𝒶𝓇 𝒻𝒶𝒸ℯ𝓈......第一次去呢間泰國餐廳已經係6年前，然後每次同唔同嘅朋友喺西貢食泰國菜嘅話，大家都會諗到去呢到。餐廳位於巷仔內，舖內嘅店員全部都係泰國人，喺呢到食嘢有種去咗泰國旅行嘅感覺。食物雖然冇好精緻嘅賣相，但每樣都好好食，唯一不足係今次食唔到個蔗蝦。另外，呢到個串燒幾好食，只係老娘早一日先食完串燒所以唔想再食先冇嗌。...店員好搞笑，係咁叫我嗌埋個椰青，話好大好甜好正嫁，見佢咁落力所以叫埋，好彩佢冇呃我。

西貢泰國菜老店旺泰～真係由細食到大！越來越多人幫襯 亦都因為租金嘅上升而變得越嚟越貴必叫的海南雞飯！ 最鍾意佢啲雞夠滑，仲有最終佢個辣醬 點雞肉配飯 真係超級好食😋 加埋佢個湯 仲有果一舊冬瓜 好香嘅芫荽味 今次仲食咗泰式炒金邊粉 充滿泰國嘅味道 有鑊氣

📍#旺泰特食📍Sawaddee Thailand #SawaddeeThailand🇭🇰香港西貢福民路58-72號高富樓地下15號舖🇭🇰 Shop 15, Ko Fu Building, 58-72 Fuk Man Road, Sai Kung, HK🌐西貢#MFJ西貢 #MFJ泰國菜#MFJ_SaiKung #MFJ_ThaiFood味道: 👅👅👅👅賣相: 👀👀👀👀價格: 💰💰💰💰服務: 👨🏻👨🏻👨🏻環境: 🌹🌹性價比: ⭐️⭐️⭐️⭐️回頭率: 🔆🔆🔆🔆人均消費：HKD200竟然食到間咁地道嘅泰國菜！餐廳近小巴站嘅一條小行，都算易搵冇特別裝潢，感覺好似八九十年代嘅食店咁⭐️馳名海鮮冬陰功🍲$118超濃厚嘅冬陰功湯！份量唔算大碗，大概係一碗車仔麵咁大裏面有蝦，青口等等，飲落特別鮮味！⭐️泰式生蝦🦐$98食泰菜冇理由唔食生蝦㗎！生蝦爽口，加埋蒜片同辣椒食好正重點係佢個醬汁，好辣，但成隻蝦昇華咗去另一個層次😍💯沙嗲串燒🍢$78沙嗲汁唔太辣，仲微微帶甜真心推介個串燒豬肉！肥肉又香又好味，而且一啲都唔膩⭐️惹味蝦膏炒飯🍛$63裏面有好多洋蔥同埋大蝦，仲有好多蛋加埋蝦膏一齊炒，勁香勁惹味！🆗白灼螄蚶🐚$10

雖然小店坐落於西貢街市裏面，但不減人潮(街市內有兩間泰國菜，呢一間好食好多！人流都多好多㗎）當晚叫咗一個柚子沙律、泰式炒金邊粉同半隻海南雞。柚子清甜，配上炸過的蒜片，好惹味可口。泰式炒金邊粉，味道十分地道，芽菜飽滿，色澤吸引。至於半隻海南雞油份足夠，但嫌雞胸位置未夠嫩口。餐廳醬汁多，可以不停沾來沾去。我仲問咗泰國姐姐拎串燒的沙嗲醬，超濃花生味！雖然坐落就唔多舒服，但食物質素不俗。（當日都見到好多人買外賣），相信係區內有一定口啤同常客。

柚子沙律味道一般，唔夠酸辣柚子係甜嘅泰式炒金邊粉唔香，味道唔好，炒到好碎唔掂呀！冬蔭公夠濃郁、夠香夠辣係差少少酸用大頭蝦夠新鮮彈牙幾好👍🏻泰式炒粉絲同樣味道比金邊粉好🙃見評價咁高先特登黎食結果質素真係麻麻地都有啲失望

環境方面，由於位於小巷，無辦法一定係會較迫同不衛生，不過其實一眼就睇到個環境係咁，介意既人都吾會坐入去食。我比較重視食物質素，可惜未如理想，可能我地期望太高，因為見吾少open rice 好評。只能說，質素十分普通，相信西貢有不少泰國菜會比這間更為出色。椰青-絕對夠冰凍清甜，且價錢相宜👍🏻小食拼盤$168, 都幾大份下，兩個人食有點兒嫌太熱氣，多人d先叫會好d!海南雞拼脆肉，肉類正常，可惜油飯吾夠香，好似白飯咁...

西貢除了吃海鮮以外 泰國菜都係一個好不錯既選擇呢間舖全店都係泰國人主理專食泰菜餐牌上亦有好多選擇口味亦較正宗 但最中意係無骨海南雞飯 轉左雞脾啲雞肉好嫩滑😋最正係佢個秘制醬汁 真係好惹味仲配個莞茜冬瓜湯 好正!除此之外佢哋嘅全消亦都係超吸引即叫即燒配埋啲秘製醬汁真係好惹味💯推薦這家泰國菜既原因除了味道好之外價錢也非常抵食！環境裝修唔係好靚但都算坐得舒服而且侍應都服務都好好！大家有機會記得試吓 質素同性價比都高

天氣咁好緊係同朋友去西貢玩下，玩到攰搵飯食，唔想比遊客價食酒樓湯，就搵左尼間好出名嘅泰國菜食午餐，佢啲鋪好細，勝在冷氣夠。我二話不說，嗌咗海南雞拼魚餅飯，佢啲海南雞好滑，無骨全部都係肉，同埋佢個飯係油香好多好好味，海南雞仲會配埋一個酸甜醬，有別於馬來西亞嗰隻黑豉油國薑溶，佢呢隻片泰式嘅感覺，再酸d好開胃。食泰國嘢就當然一定要叫生蝦刺身，佢啲蝦都新鮮大隻爽口，我嫌佢啲辣椒同蒜頭唔夠強烈味道。其實已經好夠飽，但始終口痕叫咗兩串串燒，分別係豬同牛，豬就幾好食，幾滑啲肉幾嫩，反而牛就出奇地失望，有d un無牛味，可以再好d

玩完水好想食泰國野黎左依間環境麻麻得返廁所前面一張枱又唔想再搵餐廳諗左一陣都係食啦應該冇人去廁所掛menu 掛哂係牆上面但冇寫價錢叫左但蝦柚子沙律但冇蝦嘅(佢有講係圖文不符😂)雞豬串燒同pad thai 最中意個沙律好好味好開胃其他野都唔錯但偏油野飲叫左個椰青同西瓜冰係咁熱嘅天氣椰青係解唔到喝唔夠凍同埋飲兩啖就冇哂環境: 細巷大排檔真係唔好諗咁多食物: 好食😋價錢: 野食冇價錢，2個人200幾都合理服務: 姐姐係泰國人，落野飲order講左幾次先有野飲

本來諗住入西貢釣墨魚，但自己遲咗搞到放工時間入去仲有啲塞車，入到碼頭都差唔多7點，見住d船一隻隻咁駛出大海已經知道趕唔切，唯有喺西貢搵晚飯食，入西貢多數人都係食海鮮中餐，但我哋行多陣睇下有乜其他嘢揀，行到去市中心喺車仔麵附近，見到有間泰餐排哂隊，當然抱住唔執輸嘅心態一齊去排，等左大約廿分鐘終於有位坐，喺平日嚟講佢都算忙，坐低叫左菠蘿炒飯，海南雞河粉，生菜肉鬆，脆豬肉，炒椰菜苗同埋泰式炒貴刁，脆豬肉炸得香口乾身，十分好惹味，生菜肉鬆充滿香茅同青檸既味道，夾住生菜亦十分好食，但至於菠蘿炒飯海南雞河粉就比較遜色味道一般，好似自己屋企都整到，泰式炒貴刁就更加唔好食，冇泰式既味道，好似煮完撈d橙紅色既嘢咁，真係搞唔掂好難頂，排咁耐隊真係有啲覺得名過於實

每次喺西貢行完山，搭返小巴出到西貢市中心都會來到這條巷子裡吃這家泰國餐廳事關覺得它很地道，看到餐廳裡掛上了泰王的照片，便猜想店主應該是真的泰國人🇹🇭-我們首先點了個泰式青木瓜沙律🥗青木瓜平日比較難買到每次都要靠在泰國餐廳吃青木瓜沙律才吃得到這個沙律配上了香茅、芽菜和花生好refreshing好開胃-接下來我們點了個冬蔭公湯其實好有趣，佢冬陰功湯底嘅河粉反而比淨冬蔭公湯還要便宜但偏偏我怕冬陰功湯底的河粉會溝淡了冬陰功湯的味道所以還是點了這個近$100的冬蔭公湯但吃的時候就有點小失望因為相比我在其他地方吃過的冬陰功湯，這個確實沒什麼特別，味道略顯不夠濃郁和綿密可能因為我喜歡有椰奶的冬陰功湯吧！-最後我們還叫了椰青水Balance了冬陰功湯濃烈的味道為這次西貢之遊畫上完美句號

趁住星期日咁好天氣應該要出街行下。唯一要多謝疫症就係俾倖存者發掘到西貢呢個好地方! 之前人山人海嘅西貢充斥住滿滿嘅行山人仕，登山熱潮過後，橫街窄巷又回復寧靜平和。西貢除咗睇住海境飲酒之外，係巴士總站有間出名地好食，大家都識得點去嘅泰國餐廳 - 旺泰特食。 天氣熱到一個點，泰國野食絕對係開胃解暑之選！Pad Thai一上枱，酸甜香味迎冷氣風撲面。碟上所有材料被澄黃色嘅pad thai醬全方位均勻塗抹。pat thai粉食落不膩。粉嘅份量比餸更少，相對足料。豬頸肉倖存者只能說酸辣醬將成道肉嘅層次提升。不過食唔到辣嘅朋友唔好貪心，事關倖存者一次過沾太多醬，辣到癲咗。由於呢道好味到唔識形容，建議大家自行到站品嚐串燒(雞牛）食泰國野唔食串燒完全浪費咗泰國食物嘅精髓！雞串鬆軟多汁，經過炭爐燒烤帶有炭香嘅外皮，封鎖雞肉鮮甜肉汁，配合埋旺泰秘製粗粒花生沙嗲醬，同步滿足嗅覺味覺嘅要求。