影片
更多
2020-06-13
440 瀏覽
本來諗住入西貢釣墨魚，但自己遲咗搞到放工時間入去仲有啲塞車，入到碼頭都差唔多7點，見住d船一隻隻咁駛出大海已經知道趕唔切，唯有喺西貢搵晚飯食，入西貢多數人都係食海鮮中餐，但我哋行多陣睇下有乜其他嘢揀，行到去市中心喺車仔麵附近，見到有間泰餐排哂隊，當然抱住唔執輸嘅心態一齊去排，等左大約廿分鐘終於有位坐，喺平日嚟講佢都算忙，坐低叫左菠蘿炒飯，海南雞河粉，生菜肉鬆，脆豬肉，炒椰菜苗同埋泰式炒貴刁，脆豬肉炸得香口乾身，十分好惹味，生菜肉鬆充滿香茅同青檸既味道，夾住生菜亦十分好食，但至於菠蘿炒飯海南雞河粉就比較遜色味道一般，好似自己屋企都整到，泰式炒貴刁就更加唔好食，冇泰式既味道，好似煮完撈d橙紅色既嘢咁，真係搞唔掂好難頂，排咁耐隊真係有啲覺得名過於實
14 瀏覽
0 讚好
0 留言
張貼
