旺角天台燒烤 (已搬遷) 新店位置

經過朋友有事🛩後，總人數為5人。起初本來 人數 只有4位以為不能燒烤， 問過後原來四位也能燒烤，我們上到去後，比預定時間遲了一點，但老闆娘說 預咗d客會遲😂 佢一路講，一路將熄咗嘅火燃點著返，當日落點點雨， 幸好空氣沒有太焗， 所以燒起來還算舒服，飲品沒有酒精提供，只有少量飲品選擇，食物方面，當天有茄子、金菇，比較意外，因為 餐紙上沒有顯示 ， 幸好我們沒有買，其他都是一般燒烤食物， 總括來說不過不失， 因為一般燒烤都是吃完想吃的， 雖然還沒有飽肚 ，但已經不知道想吃什麼😂🤣老闆娘人很好，但是說話起來比較大聲，可能會顯得有點無禮貌，但是我覺得這是她自己性格的本身，所以不可以算是沒禮貌的一種。

位置方面都好近地鐵，但就係要行好多層樓梯，先到上天台，環境都ok，有人幫你起火同加炭，飲品就任飲同食物任食，飲品食物款式不多，飲品有支裝水，可樂，忌廉同盒裝檸檬茶，食物都好味既，豬頸肉同雞翼都好入味，墨魚丸都好味，有牛油，可自行整粟米麵包，想又近又想bbq都可以既

每逢中秋或聖誕都會預早訂位，雖然價錢不算便宜，但貪地點方便、不用提早那麼多付訂金及職員態度很好。但這次去所有事情都變得差差差。第一食物款式少了很好，作為聖誕正日8點開波食，晚上9點已經話無曬麵包，去到9點半唔夠已經不再加汽水!! 問個職員，他竟然用好平淡的語氣話「無嫁喇」.......我話:「唔夠10點就話無?唔該你在你樓下租的劏房單位拿幾罐汽水上黎。之後佢先慢條斯理咁加汽水，仲要每次都要叫佢加先加幾罐，好似乞求你俾我飲咁。以前那個職員很好，沒那麼計較和態度和善。現在，無論是食物款式、衛生程度和員工態度都變了。無奈之下，不會再去。

不如講吓今個中秋做咗啲乜。有晚去咗旺角燒嘢食，係，旺角。 在台灣，中秋除了食月餅，還要燒烤，才算過節。 以前去郊外 BBQ 又要買炭、買嘢食，又要透火爐，想起都煩，於是市面就興起現成的「BBQ 場」。這些「任飲任食 BBQ」，不是新事物，一般都在新界偏遠地區。今次去呢間竟然在旺角鬧巿中心 - 熱鬧的女人街隔離。 「旺角天台燒烤」，在 OR 上的地址只寫是在天台。提提大家，天台是在唐樓七樓，行足七層樓梯，考腳力，要有心理準備。 這場特別是在鬧巿中，可以一路食，一路遠眺樓下大媽唱歌跳舞的英姿。 露天燒烤每人 $164，任飲任食四粒鐘，可以兩手 fing fing 上去，乜都唔使準備，會有專人透爐。天台頂上有大帳蓬，可以阻陽光，阻落雨；缺點就是不通風，炭火的煙向上升，給帳蓬擋着又降下來，無限輪迴，令環境更加熱，所以食的過程是相當辛苦。 食物方面，都是一般主流大路野，算是乏善足陳？！明白的。 腸類、大量丸類如墨魚丸、魚蛋、貢丸，適合第一輪暖場餐肚，再燒扒。 肉則有豬、牛、雞、雞翼、豬頸肉、咖喱魷魚、蝦、多春魚之類。 黑色墨汁丸屬比較有深刻印象： 味道較出色的有豬頸肉，

因為要就返每位同事，今年既燒烤地點由西貢轉左黎旺角，交通夠晒方便從來未試過係旺角bbq，平時已經人多車多，仲邊有位bbq？多謝David book到呢間bbq！未見官先打三十大板！未食已經要行7層樓梯，真係攞命！上到去見佢間開兩個場，我地9個人，人地都係，位置好鬆動！燈又夠，又望到旺角既夜景。因為餓了，即刻去攞野食既地方睇下，整齊乾淨！有扒，丸，腸，魚等等，仲有麵包tim！雪櫃野飲都夠晒凍，爽！其實食物都係一般既食物，好似丸咁，都係一般凍肉舖買到既，沒任何特別，但我喜歡豬頸肉，少少辣又醃得幾好味，不過有同事話食物偏咸，我食食下都覺，特別係雞翼，Size我覺得細隻左d，味道亦偏咸，師傅重手左d！粟米唔係好甜，而且無咩香味食物，飲品我覺得算中規中矩啦！兩個場都有個阿叔睇住，唔知佢係咪係度住架呢？我地見到佢係度整天線掛住燒，我都無乜點影相

今晚約舊同事gathering,有人想BBQ,於是便找市區有否燒烤場,在openrice找了這一檔,問過價錢,早一晚前訂了位,當晚730上到去,已經準備了位給我,點火開爐,中間時間無煩擾我們,無炭自動加炭,最尾收$都無講什麼,但要付現金! 雖然無什麼禮貌服務可言,但如果市區不用出郊區新界等地方,節省下的時間及交通費,都算合理!$148/位~4個鐘,任飲任食,有叉碟,紙巾/蜜糖供應飲品: 蒸餾水,忌廉,可口可樂,檸檬茶食物: 丸類~龍蝦丸,牛丸,墨魚丸,芥末丸,魚旦,魚餅,小魚球,紅腸,香腸菜類~翠玉瓜.栗米厚麵包/牛油/蜜糖/煉奶肉類~牛扒,豬扒,雞扒,雞中翼,雞全翼,豬頸肉,魷魚,金沙骨有兩個洗手盤,有皂液,一個洗手間,有一部大LCD電視地點容易找,不局促,環境尚算企理,不過要上7層短樓梯!食物質素有70分,有即棄手套取生食物,十分衛生推介: 豬頸肉~辣辣地,調味好好味芥末丸~爆漿,好剌激

雖然尋日放工同老細炒大鑊, 好彩都冇乜影響我心情.因為籌備o左2個月o既廿幾年冇見中學同學大聚會就係尋晚舉行,今次決定唔再坐定定,,,,所以大攪BBQ,,,,,,地點就係天台燒烤場話就話5樓..............實際要行上7樓..........冇心理準備下行到隻dog咁 旺角豉油街29號天台有晒帳篷. 光猛. 仲有風扇, 因為尋晚唔係熱, 所以ok喎.假日前$138蚊一位. 任飲任食. 19:00~ 00:00飲品有:::::::綠茶, 可樂, 忌廉, 維他水. 仲有有啤酒(ICE).....食物種類: 一般雞中翼,雞全翼 腸仔,芝士腸, 龍蝦丸,墨魚丸,牛丸,豬扒, 牛扒, 獅子狗魚蛋, 金菇,1吋厚麵包, 牛油, 粟米, 雞腎仲有海鮮(有限量),,,,蝦, 扇貝(少量), 大蝦, 蜆.今次我地有30幾人, 比o左2個爐我地, (我地個一邊天台可以放3個爐)其實我地怕唔夠人, 所以唔敢包場. 可憐隔離10幾人比我地嘈到可能唔會再去都未定(對唔住你地呀)雞翼好好味, 不過有同學話d食物鹹, 後來我食龍蝦丸我都覺得鹹o左d. 因為有d同學係廿幾年都冇見, 所以我地傾到雞咳唔