影片
以上資料只供參考, 請與餐廳確認詳情
相關文章
經過朋友有事🛩後，總人數為5人。起初本來 人數 只有4位以為不能燒烤， 問過後原來四位也能燒烤，我們上到去後，比預定時間遲了一點，但老闆娘說 預咗d客會遲😂 佢一路講，一路將熄咗嘅火燃點著返，當日落點點雨， 幸好空氣沒有太焗， 所以燒起來還算舒服，飲品沒有酒精提供，只有少量飲品選擇，食物方面，當天有茄子、金菇，比較意外，因為 餐紙上沒有顯示 ， 幸好我們沒有買，其他都是一般燒烤食物， 總括來說不過不失， 因為一般燒烤都是吃完想吃的， 雖然還沒有飽肚 ，但已經不知道想吃什麼😂🤣老闆娘人很好，但是說話起來比較大聲，可能會顯得有點無禮貌，但是我覺得這是她自己性格的本身，所以不可以算是沒禮貌的一種。
繼續閱讀
位置方面都好近地鐵，但就係要行好多層樓梯，先到上天台，環境都ok，有人幫你起火同加炭，飲品就任飲同食物任食，飲品食物款式不多，飲品有支裝水，可樂，忌廉同盒裝檸檬茶，食物都好味既，豬頸肉同雞翼都好入味，墨魚丸都好味，有牛油，可自行整粟米麵包，想又近又想bbq都可以既
繼續閱讀
每逢中秋或聖誕都會預早訂位，雖然價錢不算便宜，但貪地點方便、不用提早那麼多付訂金及職員態度很好。但這次去所有事情都變得差差差。第一食物款式少了很好，作為聖誕正日8點開波食，晚上9點已經話無曬麵包，去到9點半唔夠已經不再加汽水!! 問個職員，他竟然用好平淡的語氣話「無嫁喇」.......我話:「唔夠10點就話無?唔該你在你樓下租的劏房單位拿幾罐汽水上黎。之後佢先慢條斯理咁加汽水，仲要每次都要叫佢加先加幾罐，好似乞求你俾我飲咁。以前那個職員很好，沒那麼計較和態度和善。現在，無論是食物款式、衛生程度和員工態度都變了。無奈之下，不會再去。
繼續閱讀
不如講吓今個中秋做咗啲乜。有晚去咗旺角燒嘢食，係，旺角。 在台灣，中秋除了食月餅，還要燒烤，才算過節。 以前去郊外 BBQ 又要買炭、買嘢食，又要透火爐，想起都煩，於是市面就興起現成的「BBQ 場」。這些「任飲任食 BBQ」，不是新事物，一般都在新界偏遠地區。今次去呢間竟然在旺角鬧巿中心 - 熱鬧的女人街隔離。 「旺角天台燒烤」，在 OR 上的地址只寫是在天台。提提大家，天台是在唐樓七樓，行足七層樓梯，考腳力，要有心理準備。 這場特別是在鬧巿中，可以一路食，一路遠眺樓下大媽唱歌跳舞的英姿。 露天燒烤每人 $164，任飲任食四粒鐘，可以兩手 fing fing 上去，乜都唔使準備，會有專人透爐。天台頂上有大帳蓬，可以阻陽光，阻落雨；缺點就是不通風，炭火的煙向上升，給帳蓬擋着又降下來，無限輪迴，令環境更加熱，所以食的過程是相當辛苦。 食物方面，都是一般主流大路野，算是乏善足陳？！明白的。 腸類、大量丸類如墨魚丸、魚蛋、貢丸，適合第一輪暖場餐肚，再燒扒。 肉則有豬、牛、雞、雞翼、豬頸肉、咖喱魷魚、蝦、多春魚之類。 黑色墨汁丸屬比較有深刻印象： 味道較出色的有豬頸肉，厚切，燒後帶焦香，有肉地： 另外有自助粟米及蒜蓉包區域給人客 DIY : 場內不會有太多工作人員，所以都挺自在。場有獨立洗手間，乾淨的，又有兩個洗手盆，算企理。 飲品方面免費任飲，在雪櫃自取，選擇就很少，得水、忌廉、可樂三款。查實現成飲品價錢每樣差不多，何不加些雪碧、紙包菊花茶之類。當然你也可以自己帶飲品。自攜紅、白酒、香檳，也是免開瓶費。 可能因為太熱，燒咗三、兩轉就飽，要狂飲水。溫馨提示，場內分成左右兩邊，預留座位時，記得選有電視機那邊，近取食物的位置，面積較大，開揚也會坐得較涼快。 另外因為燒烤叉是循環再用，有上一手的肉痴在叉上，也蠻煞風景的。記得要將燒烤叉用火燒透，沖水再抹乾淨先好用。 這裏好食談不上，勝在地點方便，成班人可即興隨時燒燒雞翼，過過癮；鬧市晚餐每人收費百零蚊全包，一定食得你飽嗰種。
繼續閱讀
因為要就返每位同事，今年既燒烤地點由西貢轉左黎旺角，交通夠晒方便從來未試過係旺角bbq，平時已經人多車多，仲邊有位bbq？多謝David book到呢間bbq！未見官先打三十大板！未食已經要行7層樓梯，真係攞命！上到去見佢間開兩個場，我地9個人，人地都係，位置好鬆動！燈又夠，又望到旺角既夜景。因為餓了，即刻去攞野食既地方睇下，整齊乾淨！有扒，丸，腸，魚等等，仲有麵包tim！雪櫃野飲都夠晒凍，爽！其實食物都係一般既食物，好似丸咁，都係一般凍肉舖買到既，沒任何特別，但我喜歡豬頸肉，少少辣又醃得幾好味，不過有同事話食物偏咸，我食食下都覺，特別係雞翼，Size我覺得細隻左d，味道亦偏咸，師傅重手左d！粟米唔係好甜，而且無咩香味食物，飲品我覺得算中規中矩啦！兩個場都有個阿叔睇住，唔知佢係咪係度住架呢？我地見到佢係度整天線掛住燒，我都無乜點影相
繼續閱讀