旺角海鮮菜館

營業中

休息中

朋友介紹食呢間海鮮傳統老店，真係冇介紹錯。嘢食好食之餘，價錢都公道。見門面寫米芝蓮班底，所以都好期待！ 杏汁豬肺湯 呢個花功夫嘅菜式，豬肺炆得好林，咬落去彈口而且非常入味。 本身以為豬肺湯飲落有少少杏仁味🤣先知道係杏汁豬肺湯。個味道同豬肺非常夾，而且豬肺識落冇乜異味，清潔得非常乾淨！ 白灼鮮豬脷 必食我平時好少食豬脷，因為有啲會比較腥。 今次試食一舊，點知忍唔住食多幾舊！ 佢嘅豬脷非常新鮮，咬落去好軟身，而且好入味。白灼海蜇頭 特色成日喺出邊酒樓食海蜇，海蜇頭真係好少食。 不過味道相當唔錯，鹹鹹地又有麻油味，仲要係海蜇頭，比起海蜇特別有咬口！ 蒜蓉粉絲蒸大元貝 蒜蓉同粉絲非常多，元配都好大隻。粉絲吸晒蒜蓉同海鮮嘅味道，再加埋啲醬汁，上邊讚左一層油超級入味好好食。 招牌炸子雞 💯外表脆卜卜金黃色，識落啲雞皮真係好脆口。 裏面嘅雞肉仲要係非常嫩滑外脆內軟。而且隻雞本身雞味都好重，以為餐廳主打海鮮，點知隻炸子雞都好出色，好食過好多出邊嘅酒樓！ 蒸老虎斑 大大條魚，條魚好新鮮 ，蒸嘅時間啱啱好。啲肉仲係好嫩滑 。再加埋啲薑蔥同讚油調味，冇得頂！ 番薯糖水原來會送糖水，仲要係每日新鮮煲，唔

今晚想食海鮮，近近地搵左旺角一家老飯店「旺角海鮮菜館」，套餐每位四百餘元起，單點價錢一樣清晰，都幾均真。店員都係相當具經驗嘅叔叔，但反而好nice好有親切感，會同你介紹下菜式，問你岩唔岩食等等……白灼粉腸（$48）：粉腸軟腍之餘，非常爽滑有嚼勁，內裡帶粉粉口感，十分上頭，令人食唔停口。簡單以豉油調味，蘸指天辣豉油更惹味。白灼海蜇（$48）：海蜇頭顆顆飽滿，質感Q彈爽脆，其獨特口感加上少少辣椒豉油已能令人回味無窮。杏汁菜膽白肺湯（$68）：湯頭呈奶白色，濃郁杏香撲鼻，口感滑溜，杏汁味恰到好處，豬肺亦軟腍入味。豉椒炒蟶子皇配煎米底+$78 （$352/4隻）：蟶子皇夠大隻，二人其實食三隻都夠，其新鮮，味道鮮甜，煮製時間恰到好處，質感仍保持幼嫩爽口，以豉椒爆炒，調料亦沒遮蓋其鮮味。煎米粉底脆香，吸曬啲豉汁，非常香口惹味，但卡路里計算者慎點。清蒸虎杉斑（$388）：都幾大條，起碼成斤重，夠三至四人享用，虎斑非常新鮮，肉質爽實有彈性，條魚係咪靚，真係食清蒸就知質素，蒸魚豉油香甜，唔想曬就記得嗌碗白飯撈撈佢。

好好味既旺角海鮮中菜，套餐仲有特價，值得同屋值人再次幫襯。避風塘炒蟹蒜香酥脆，蟹鉗飽滿鮮甜。伙計手勢純熟，骨碟即刻更換。雖價位中上，但勝在食材新鮮，傳統粵菜功夫一流。

同朋友合共6人食晚飯見到呢間幾多好評就去試下嗌咗白胡椒蟹、杏汁豬肺湯、上湯魚腐浸豆苗、咕嚕肉、豉油王鵝腸同豉汁炒蜆隻肉蟹上檯前俾俾我地睇咗好生猛，啲粉絲好好食！豬肺好乾淨！鵝腸好多好滿足😌坐得舒服，食物味道好侍應中間仲換咗兩次骨碟下次會再黎，要試黑胡椒蟹😋

這家餐廳整體氛圍讓人感到放鬆，裝潢風格簡約大方，燈光柔和，營造出舒適的用餐環境。桌椅的布局雖稍顯緊湊，但不影響整體的體驗。服務人員態度友善，對客人的需求反應迅速，讓人感受到專業與用心。菜品的呈現相當精緻，味道均衡，能感受到廚師在細節上的用心。食材新鮮，調味恰到好處，份量適中，既不會過於豐盛，也不會讓人覺得不足。雖然在某些細節上仍有提升空間，例如上菜速度或部分菜品的層次感，但並不影響整體的用餐滿足感。總的來說，這是一家適合各類場合的餐廳，無論是朋友聚會還是輕鬆的家庭用餐，都能滿足需求。值得一試，也期待未來能有更多驚喜的表現。

第一次食陳村粉炒蟹，好有特色好好味。餐廳好多唔同款式嘅海鮮，椒鹽瀨尿蝦好大隻好新鮮，扇貝和鮑魚好彈牙，炒蜆好入味而且冇沙。整體嚟講菜式非常出色，期待下一次再嚟食。

旺角海鮮菜館絕對是海鮮愛好者的天堂！一踏入餐廳，濃郁的海鮮香氣便撲鼻而來，瞬間挑動味蕾。無論是清蒸、椒鹽、避風塘，還是特製的辣椒醬煮法，每一道菜品都展現了新鮮食材的極致美味。特別推薦他們的蒜蓉蒸扇貝，扇貝鮮甜多汁，搭配蒜香十分入味；而椒鹽瀨尿蝦更是外酥內嫩，每一口都令人回味無窮。此外，他們的刺身拼盤也令人印象深刻，從三文魚到帶子，所有刺身切片都厚實而新鮮，入口即化，絕對值得一試。除了美味的海鮮，旺角海鮮餐廳的服務更是無可挑剔。服務員態度親切且熱情，從落單到上菜都效率極高。無論是幫忙介紹菜式還是快速回應客人的需求，他們都表現得非常專業。更令人感動的是，他們會細心地為客人提供用餐建議，確保每一位顧客都能享受到最合適的搭配。餐廳的總體氛圍也非常舒適，無論是家庭聚餐還是朋友小聚，這裡都絕對是理想之選。總結來說，旺角海鮮餐廳以其頂級的海鮮料理和一流的服務贏得了無數食客的喜愛。無論你是本地居民還是外地遊客，這裡都絕對值得一試！

兩個人坐低叫了一個$1288至尊二人套餐、目測地下層得八張枱、坐得非常唔舒服，幾乎每次服務員行過我張枱個PatPat都郁到枱面D餸、可能枱小的關係成個套餐差唔多20分鐘左右已經上齊、首先杏汁菜膽白肺湯同尖沙咀頂好酒樓冇得比，椒鹽瀨尿蝦兩隻奀之之冇肉，蒜茸粉絲蒸元貝好似一蚊大餅咁大、豉汁蒸大連鮑更不知所為、豉汁炒靚蜆成蝶都唔知有冇廿隻、仲好多得D殼冇肉，叫左1支啤酒$15xx埋單、成個過程就好似趕你走、由坐低至上紅豆沙大概35分鐘左右、我紅糖水都冇食就叫埋單走！

以前幫襯過兩次，過年前食多餐，結果大失所望。五人套餐，每位488，好似好抵，又蟹又鮑魚。結果炒蟹好細隻，五個人分一隻蟹，每人一小舊，又唔新鮮。魚一出唔夠兩分鐘就變乾，明顯唔新鮮，跟住炸子錐，一出D皮縮曬，明顯用微波爐翻熱。跟住就蒸鮑魚，每隻五蚊咁大，又咸又多豆豉。最後蒸扇貝，呢個就最似樣正常。只能推介包餐嘅白杏汁豬肚湯。真係唔會再有下次，唔係，仲有一碟油菜，都值得推介，因為仲有百合同埋其他嘅菇一齊😅

前菜海哲和杏汁菜膽白肺湯出色😋白胡椒粉絲蟹煲必食推介👍🏻新鮮大隻超級多肉勁好味🤤呢度有位叔叔非常貼心一定要搵佢介紹喔🫰🏻上湯浸時蔬用咗白雲耳好清甜、仲有甜品送已經抱住個肚走整體店員服務質素有禮、498至尊三人餐抵食一定會再嚟食🫶🏻

openrice想揾海鮮食，見到哩間咁多好評，就一行5個試一試，推介椒鹽豆腐好滑，白胡椒粉絲蟹煲多粉絲。環境自成一角，生日聚會又可以慢慢坐，員工有善仲送糖水，整體感覺好好，最後仲叫我地慢慢坐飲杯茶傾下計

叫咗兩個湯, 兩個都好飲, 杏汁燉豬肺同胡椒豬肚雞，比較推薦胡椒豬肚雞湯 香而吾辣黑胡椒龍蝦粉絲煲 香胡椒味 但係唔辣 好啱吾食辣既人 龍蝦新鮮彈牙, 其他菜式都好出色 炒蜆好新鮮調味好食 咕嚕肉有鑊氣 個質感好好 好食

懷舊餐廳裝修食物質素，非常差 🫣白灼海蜇頭 - 極咸，有蠔油汁 😮‍💨 白灼韭菜花 - 正常薑蔥炒肉蟹 - 無味菠蘿咕嚕肉 - 一團炸粉 (9歲囡囡都話，呢個唔係肉) 粉絲蒸蚌 - 粉絲未浸軟身，蚌有沙唔會再去食，亦非常不推介大家

本身以為呢次生日要自己一個過竟然有三位美女邀請與我共進晚餐一齊飲飽食醉仲食唔好多好美味嘅海鮮又新鮮又大隻最重要係有美女相伴見到肥妹食得咁開心，我都好開心真係好正

第一次試到陳村粉炒蟹，有特色，好食，大人小朋友都適合！而他的杏汁豬肺湯更加特別又好味！胡椒豬肚湯比出面的較辣，十分惹味，但偏辣味，小朋友未必岩飲。餐廳環境不錯，服務很好，會經常幫手換骨碟。