旺記冰室 (大本型) (已結業)

旺記冰室成日有人排隊試過早午下午茶餐都係正既早餐推薦沙嗲牛麵沙嗲香濃落埋辣油夠惹味午餐推薦叉燒滑蛋飯蛋夠香滑如果叉燒再肥d同厚d就更好下午茶推薦南乳炸脾好正冇得輸

因為我有親戚住喺油塘～探佢之前就決定喺油塘搵吓有咩好食🙈估唔到呢間餐廳都幾巴閉，晏晝12點幾都有10幾個人喺出面排隊🤣既然一場嚟到，我都唔輸蝕排下隊入去食，睇吓有咩咁好食🤩原來呢度最出名嘅就係滑蛋叉燒飯，當個飯嚟到嘅時候真係忍唔住打返個卡！隻蛋望落去真係超級滑😍一啖叉燒蛋再加一啖豉油飯，真係好完美😍叉燒甜甜地真係幾好味😋我覺得加啲蔥花上去簡直係畫蛇添足👍而且佢嘅豉油係屬於甜豉油，唔會太甜，又唔會搶咗叉燒同埋蛋嘅味道🤩

星期六朝早起到身，決定一家人去同老人家食早餐，就去咗大本營商場頂樓嘅Food Court😌 9:30左右去到已經滿座，所以都等咗一兩張枱先入得😌覺得呢一間餐廳值得稱讚嘅地方，就係願意用心機保持！食咗咁耐，個多士仍然係保持第一次食既高水準，烘得金黃、好脆，多士上面牛油嘅份量都適中👍🏻 不枉我成日都會記掛住呢一間嘅多士！同埋一直以來佢哋多士都係用麥包來做嘅，非常健康😚 最開初鮑魚絲、火腿只可配通粉或公仔麵，但係原來而家都可以揀米粉啦🤣 餐飲就order咗好立克，一般茶餐廳水準🤣

旺記必食叉燒蛋飯每次你都旺記都一定要食叉燒蛋飯，吸引嘅程度，係你會有一段時間冇食，都要走過來食環境：茶餐廳格局，不過不失，冷氣夠坐得唔會太埋，侍應服務都算有禮，上菜速度快。不過茶餐廳唔會期望太多食物：一支公男人的浪漫，主要都係走過來食叉燒蛋飯，首先蛋香非常香，配埋豉油簡直一流，非常惹味。叉燒部位唔肥唔瘦，唔會太乾，食落口感唔錯，似係燒味檔買到醃過嘅叉燒，蛋同叉燒係完美嘅配搭，我覺得非常好食，值得推薦，遺憾係分店唔多，真係要就啱位置黎食

介紹一下我喺旺記冰室最鍾意食嘅嘢，呢個食物，無論係早餐定係下午茶都係我嘅首選，明明我唔想食咁多澱粉質。但係花生醬+炒滑蛋+麥包多士，呢三樣我好鍾意食嘅嘢走埋一齊真係難以抗拒。一份係牛肉三文治四重奏，一份係午餐肉，我同友人交換，每款食一件。呢個係早餐，佢下午茶有個一樣嘅套餐。裏面嘅配料好夾，不過生菜有時多有時少，應該係整嗰個人嘅手勢，我覺得多少少生菜係好食啲，清爽啲，呢一份算係多生菜。多士夠熱夠脆，睇相都見到配料豐富，食完夠晒飽，花生醬同炒蛋嘅味道好夾，麥包多士，比起白麵包多士係好好多，因為有質感，我自己就唔鍾意食白麵包。而旺記亦都冇白麵包。配埋一杯即磨咖啡。30幾蚊嘅呢份早餐，大滿足。結論：久不久來吃一次，幾好。～報告完畢～

約咗朋友喺附近行山，就搵咗呢間冰室食lunch。之前喺大圍搵食市集食過一次滑蛋叉燒飯，覺得好正，見到呢間冰室都有，於是試一試！滑蛋拼蝦仁叉燒飯🍛 💰60 (好味度: 💛💛💛)唔知係咪期望太高，所以有少少落差😕 蛋熟咗啲，唔算好滑，如果可以生少少就滑啲🤏🏻 叉燒見到紋理較深，入口較鞋，同埋冇乜叉燒味🤫 不過啲甜豉油撈飯係好好食，蝦仁都爽口，不過不失👌🏻大圍搵食市集嗰間冰室已經冇咗，如果大家知道邊度有好食嘅滑蛋叉燒飯，歡迎話俾我知🥺環境:💛💛💛💛服務:💛💛💛💛推薦:💛💛💛

食物~店舖主打滑蛋，味道及質素尚可。沙爹牛肉未達水準，蝦仁最為出色，餐單以麵食為主。奶茶咖啡屬一般，但食物選擇較少。服務~員工服務態度平實，客人招喚時亦能快速回應。員工制服、枱櫈及餐具亦整潔，下單後5至8分鐘就有食物送達，「打工仔」速食理想之選。環境~港鐵管理商場，環境整潔。除店舖內座位外，亦可到店舖外餐枱進食，無需浪費時間等位。價錢~定價適中，個人消費一般在50~60元上下。地點~緊靠油塘地鐵站，地點方便。

今日與家人行山出發前見網上很多人都會來旺記冰室食個早餐～我們十點多到前面都有人排緊隊～早餐選擇都算丰富！我哋選擇B餐同埋C4餐轉咖央～炒蛋相當鮮滑，面包好松軟，通粉几特別湯汁好好飲～最驚喜是現烘三明治，有生菜咖央兔治牛肉和炒蛋，層次分明又好夹！咖啡同絲襪奶茶都係遠超一般茶餐廳水准！總體來講非常值得推介！

Boxing Day 魔鈴，同老婆去嘆返個靚☀️🍽，突然好想食通粉，所以去搵🍵記。以前好多茶餐廳既通粉都係用忌廉🐔湯底，但越來越少了，而旺記係其中一間，所以目標🔒定！為於大本型大食代既旺記冰室，入面有座位但唔多，好在可以坐埋food court 啲位，所以唔駛排隊🥳。林雪講過，去🍵餐廳要講英文，所以我叫左左B同D⋯早B：鮮忌廉🐔湯 鮑魚火腿絲 通粉配 鮮牛油麥🍞多士，4.3🥛炒滑蛋早D：招牌沙嗲🐮肉 雞湯 公仔麵配 鮮🧈麥包多士，4.3牛奶炒滑🥚茶記黎講，旺記算高班，尤其是滑🥚系列，比起其他同級連鎖🍵餐廳，我更喜歡佢。雖然選擇唔多，但質素好到位，所以佢成功係有原因的👍🏻！

又係油塘大本型嘅旺記冰室食午餐呀呢次叫著滑蛋叉燒飯套餐跟嘢飲56紋滑蛋整得幾好幾香滑，叉燒口感就有哋乾身，但同蛋一起食都淋，最衰就叉燒無咩肉味（叉燒話係餐廳自製，食落就差左哋，味道好過普通嘅燒味餐廳少少）呢個價錢來講就見人見智啦，如果味道差少少，小女子就唔會再試第二次嘢飲熱奶茶都差少少，茶味唔出奶較多，呢次叫左少奶，味道都係奶味重過茶味，證明哋茶好普通，喜歡飲奶茶嘅你要注意啦**另呢次午餐味道就可以，但性價比就唔值

幾特別嘅早餐～比起其他西餐廳叫著兩個早餐早c餐 旺記烘麥包三文治四重奏C1 咸牛肉 雞蛋 咖央 生菜 （熱咖啡）32紋三文治味道因選著咖央味，味道甜甜哋，無咁重口味，除著咸牛肉少著哋，味道幾特別，唔錯 熱咖啡都合格32紋來講，呢個餐抵食早D 招牌沙爹牛肉 雞湯 公仔麵配鮮牛油麥包弘多士4.3牛奶炒滑蛋 熱奶茶多士滑蛋OK 無咩特別，沙爹牛味道唔錯幾特別，（其他餐廳嘅沙爹牛多數偏鹹）而旺記牛肉偏甜同辣，牛肉味會出哋，好味果然係招牌 熱奶茶合格，奶味蓋過茶味，如下次叫會少奶（但唔知有無幫助，因可能茶無咩味）38紋來講，呢個餐合理，值得一試

自從搬離 #鰂魚涌 之後，#小秘書 都已經好少有機會幫襯「旺記冰室」喇😚 係間唔中過開嚟 #油塘 睇 #中醫 先會路過 #大本型分店。早兩日又見有兩聲咳，又過嚟搵 #醫師 #把把脈，無飯家庭嘅我... 順理成章喺商場附近醫埋個肚先返屋企！見 #旺記 出咗個 #特餐，又經 #侍應 嘅推薦後，等我又試吓佢哋個 #秘製三蔥豉油雞扒飯。#師傅 將兩大塊 #雞扒 放喺 #飯面 #好宏偉🤩 另上一碟 #豉油 + #蔥粒 做 #醬汁，心諗味道應該鹹鹹地幾香口。不過原來醬汁味道比我想像中有啲甜，而飯粒嘅口感有啲似 #糯米飯... 定係啲飯根本未熟呢？😅 點都好... 味道的確唔錯，雞扒煎得好香口又入味，配埋伴碟嘅 #沙律菜 一齊食，又可以中和一下油膩感🤤 $59包埋仲 #餐飲，算係 #食平啲啲 嘅好選擇💙

假日訓晏咗起身就想去茶餐廳坐吓， 延續懶洋洋的一天。嚟到大本型嘅『旺記冰室』， 既然係推首选，要試試『自家製叉燒日本滑蛋飯』 出名嘅係佢自家製甜豉油。份量覺得偏細， 男生可能唔夠飽～ 因為我哋唔算大食但係都可以成碟ko！日本蛋夠滑，不過唔夠蛋香。 飯夠軟熟，唔算黏口。 叉燒少少肥，都ok嘅唔會好乾。整體唔錯但又未至於有太大驚喜。Follow IG 可以加大 飲品. 可以看見這杯加大嘅凍奶茶和另一杯標準size😂😋 相差都好遠。鮮茄濃湯五餐肉粉通粉。 餐肉嘅外皮好奇怪， 唔似係煎香，好似係炸過定係微波爐叮到咁呢？ 比較喜歡傳統一塊。 鮮茄濃湯味道單調了一點， 偏酸唔太濃郁嘅蕃茄味。還好通粉唔會煮得好冧。厚麥多士烤過都好鬆軟， 薄薄的牛油多士配炒滑蛋就是茶餐的精髓！鮮忌廉雞湯鮑魚火腿絲茶餐有點似忌廉罐頭忌廉湯加雞湯的稀釋板～ 正正常常湯底冇咩驚喜。留意呢度嘅茶餐要成三點先開始。埋單三位盛惠近150蚊， 新派冰室嘅起步價 （ 下午茶時段）， 也不知從何時開始習慣了～

是次去輕鬆行魔鬼山, 行山前在油塘大本型Food court搵野食,已經睇中左想試呢間餐廳中午12:30左右已經好多人排隊我地堂食,但係拎出去Food court桌子食,唔坐0係餐廳裡面食好大份, 而且午餐肉好厚身,非常juicy湯底非常濃郁的番茄味, 好杰身,炒蛋好滑呀, 燕麥多士咬口很好

放日同老公無事做落街食個午餐呢個蕃茄湯通粉加午餐肉竟然有驚喜，蕃茄味好濃郁再配埋炒蛋多士。炒蛋一定唔可以過熟，佢做到半生熟好滑冰室環境清潔都好好，又好食又安心。