旺記冰室 (大本型) (已結業)

大約下午1:45到達，無需等位，直接入店內坐低叫餐！ 今次揀選了午5特濃蕃茄湯午餐肉通粉併多士，炒滑蛋改為炒熟蛋！ 由於太肚餓忘記為多士同炒蛋影相！ 味道同樣都係正常！ 最期待係蕃茄濃湯，湯底真係正，並唔係一般水流流的紅湯做湯底！ 至於餐肉厚切粒！ 我覺得餐肉煎得未夠香！ 同埋我覺得配牛肉粒可能更加夾！ 同埋1:45去到，有些食物有可能賣晒！ 好似今日是日午餐，聽到伙記哥哥話冇晒忌廉汁要轉做鼓油汁！ 如果大家有特別餐真係想食，建議早點去食，免得白行一轉！

今日嚟到油塘大本營冒險樂園玩然後一家大細去大食代搵食見到呢間冰室好似好多好評一於試下佢嘅招牌菜，滑蛋蝦仁飯我朋友就食滑蛋牛肉飯一上菜大大碟，個蛋炒得好滑！份量勁大，鋪滿成個飯， 好正。蝦好彈牙，完全唔會梅。試左朋友既滑牛， 都唔錯😎聽講佢既醬油係用，日本材料調製而食甜甜地， 唔會太鹹，醬油既份量岩岩好～唔怪得係招牌菜，另外餐牌上面都有好多其他選擇。好似蕃茄牛肉通粉， 雞排公仔麵等等！ 幾吸引呢個價錢 $60 包埋野飲都算抵

下午茶時間，唔多講...去圖炸南乳雞髀併薯條，加多杯熱奶茶，經典！！即叫即做嘅生炸雞髀，嗌咗要等一等嘅，不過炸起上碟熱辣辣、層皮卜卜脆，正！不過食到最後感覺有啲咸，可能啲南乳太入味啦，所以對於喜歡南乳味又鍾意食炸雞髀嘅朋友嚟講真係Fit！其間仲嗌咗個「夾心西多士系列」，不過唔記得影相，西多士個價錢同炸雞髀餐一樣，開頭覺得有啲唔抵，但原來出到嚟哩個夾心西多士係巨型版嘅西多士，大到係兩個人食都絕對無問題。

#小秘書 嘅 腳傷舊患復發，又係時候要返去 #醫師 度 針針佢😏 掛號嘅時候，#姑娘 提醒我要食啲嘢先做治療，可惜 #早餐時間 又過咗，我唯有喺附近搵間餐廳食個 #早飯 再返去。人生路不熟，我只好行去 #水牌 望吓有冇相熟嘅餐廳，記起 #商場 樓上開咗間「旺記冰室」，忠心嘅我，當然揀佢啦。為咗節省時間，我就跟隔離個學生叫咗個 #忌廉汁雞扒飯。等咗大概10分鐘，大大碟嘅 #雞扒飯 送到我面前，#師傅將 #雞皮 煎得好香脆，雞扒肉剛剛熟，口感話我知件雞扒應該係 #生炸 嘅😋 配飯嘅 #忌廉汁 有好香嘅 #牛油忌廉味，絕對唔係 #學生餐 嘅「傳統白汁」#生粉溝水咁兒戲😅 估唔到簡簡單單一個 #是日精選套餐，都可以為 #小秘書 帶嚟一個驚喜。呢度樓底夠高，感覺好開陽，而且幾十蚊就可以埋單，確係平靚正嘅選擇👍🏻👍🏻

第一次黎食，聽講招牌菜係自家製叉燒滑蛋飯，但見到有滑蛋蝦仁好似仲吸引，何不雙併！終於叫左日本滑蛋蝦仁叉燒雙併飯，連熱檸水。叉燒唔會太厚，肉質算唔錯，不過唔算話好特別。精粹係滑蛋，餐牌話話係日本蛋，蛋味唔錯，最重要真係超滑，而且唔係好似一般茶餐廳咁落好多芡的煮法。佢煮法係冇咩芡，反而真係好滑。蝦仁亦有驚喜，蝦仁好大隻，係有蝦味，唔係用cheap貨，且有蒜香味幾香口。飯都幾大份，夠晒飽。熱檸水都ok，起碼檸檬唔會苦澀。餐牌：環境：

「叉烧滑蛋饭」非常好食而入味。喜歡吃可以吃雙併、叉燒、蝦新鮮。滑蛋都很滑而炒得岩岩好。再配上細滑奶茶，口感一流。环境：舒服優美，乾淨清潔。服务：和藹親切六十蚊的飯尚算值得，令我想起暗然銷魂叉燒飯這個稱號。叉燒厚切，口感一流。餐牌亦非常大眾化，而選擇眾多。每天更設有是日特餐，見到都流口水。不過我都係一如以往選擇我最鍾意食嘅招牌叉燒滑蛋飯。如果下次想快食，又想搵一間高質嘅冰室，呢間真係不二之選！

身為油塘仔， 旺記冰室就成日去幫襯。 係茶餐廳黎講，佢算係幾好食，價錢正常，味道唔錯炸南乳雞髀餐 HK$38雖然唔係炸雞脾，但佢算夠大隻，南乳味唔會蓋過雞髀味道。 而粗薯條就一般🙃一口奶醬西多士 HK$38食呢個好滿足，西多士分量多，一口一粒，連切都唔使。 每一粒西多士都點上奶醬。芝士洋蔥豬扒豬仔包 HK$38豬扒略為乾身，唔太食到芝士味，成個包黎講都略為乾身。 麻麻地呢個。 呢間d staff 服務態度幾好。 但坐位略為少。

次次去旺記冰室食飯諗住叫個自家製叉燒日本滑蛋飯 佢都話賣晒轉午餐肉粒俾我 終於今次撞啱機會有得食 個個都話旺記嘅叉燒蛋飯好好食 等我又試吓啦🐖.旺記冰室必食自家製叉燒日本滑蛋飯 ($56)佢哋嘅叉燒飯同出面究竟有咩唔同呢？就係佢哋標榜住佢哋係用日本嘅雞蛋 炒出嚟真係比起出面嗰啲炒得又香又滑 叉燒方面份量都算多㗎 仲要係厚切叉燒添 配合埋佢哋特製嘅甜豉油 成個飯簡直完美配搭❤️.除咗叉燒飯之外 我仲叫咗個鮮薑汁豬膶鮮雞湯通粉 配 鮮牛奶麥包多士 4.3牛奶炒日本滑蛋($46)佢個滑蛋可能因為加咗4.3牛奶嘅關係比起叉燒飯嗰個更滑 其實淨係識佢哋啲蛋都夠晒飽😂如果個鮮薑汁鮮豬潤鮮雞湯通粉嘅湯底更加薑就更好 豬潤嘅份量都算適中 好鮮味有口感 如果鍾意食豬潤嘅你都可以試吓

係foodcourt內都爆滿既茶餐廳真係超勁,10點幾黎到都要間始等位,好彩等左好短時間就有位.星期日早上黎個早晨常餐為一日既開始注滿能量.特濃蕃茄餐肉通粉配炒蛋多士.蕃茄湯底真係好濃郁,由新鮮蕃茄打蓉而成,每啖湯底都係厚厚既蕃茄蓉,入口香甜又唔腥.通粉用上坑紋通粉入口彈牙而且內裏坑紋更能掛起蕃茄湯.餐肉厚切,切到細細粒正正方方.餐肉經過煎熟,入口更香外脆內軟.厚多士用上麥包,感覺轉健康,如果烘得更脆會更香口.炒蛋滑溜帶淡淡牛乳蛋香,微微吃到牛油香味,合起來味道十分濃郁.薑汁奶茶第一口已經好濃薑既辣味,薑汁十分濃厚,飲完十分暖胃.茶底又夠香濃帶淡淡奶香.

剛好到油塘有事辦，刻意提早來到吃個早餐。與灣仔店比較，確實較少客人，可能因為店面較大。雖然仍要塔枱，都吃得較舒服。我通常愛吃早餐B 或者午餐6，即是▶️鮮忌廉雞湯鮑魚火腿絲通粉端來時熱辣辣。湯底用了忌廉雞湯，整體來說夠香滑，味道足夠而不過鹹。鮑魚火腿絲都夠多。▶️牛油麥包多士🍞🧈都不錯，牛油份量剛好，外脆內軟。多士厚多一點口感更佳。▶️4.3牛奶炒日本滑蛋🍳很滑，唔會好生，有蛋香。▶️熱奶茶☕茶與奶比例剛好。

疫症時期，大部份食店人流不多，但呢間冰室要等位约5分钟。門外餐牌价格合理，立刻入內試下。叫左自家制滑蛋义饭及一般快餐連锁店少見的牛脷饭。食物到左，賣相精美，食物一入口，嘩！水準遠在三大連锁店之上，計及价格，更係value for money.單尾的咖啡及奶茶更係比五星酒店自助餐的水平高！食完之后見到有人龍十個人，本来想離開，但見到差不多是下午茶时间，故休息一下再試埋，见到有少見的麦包芝士西多土，再嘆一次

呢日放工去油塘大本營商場購物，見肚餓就搵下有咩好食，行行下見到呢間冰堂，叫旺記冰室，就入去試下，店內座位都幾多，亦有卡位，店員姨姨都幾有禮貌的。叫左個現煮鮮牛肉蛋花濃茄湯出前一丁，價錢＄46～實物碗牛肉蛋花湯丁的牛肉片都幾多，亦入味的，而且湯丁有蛋花，蕃茄湯都幾濃呢！仲要唔洗加＄直接出前一丁，都好大碗下，店員提示湯丁非常餐系列，沒有配上多士和煎蛋的，其實淨食呢碗湯丁都好足夠，配埋杯凍檸茶，夠曬～下次再黎食其他野。

今晚約咗人飲嘢，時間尚早逛下大本營 ，諗住食個輕量晚餐。見到旺記冰室，對佢嘅招牌滑蛋念念不忘，即刻入去試下！呢間旺記 置身於大食代入面。 裝修光鮮整潔，金光黑字大招牌，鮮明搶眼有時代感。地方尚算寬敞，大約有幾十個座位和 卡座，坐得都幾舒服！柚子醬雞球拼醬汁撈讚岐烏冬見到新menu 梗係要試下佢嘅新菜式。 新鮮火箭菜和車厘茄，清新爽口，伴上沙律醋，酸酸甜甜非常醒胃。 雞球炸得乾身唔油膩，無骨啖啖肉大快朵頤。讚岐烏冬，爽滑彈牙配上自家製甜辣醬汁，非常惹味，令人愈食愈想食。招牌滑蛋，細緻嫩滑，回味無窮！跟餐加兩蚊點了凍檸茶，茶味香濃甜度適中，冰涼解渴。免收加一，性價比甚高！不得不提，這裏店員禮貌友善，效率高，服務態度良好，值得稱讚！

今日帶埋小朋友去油塘大本型行街，行到攰攰哋去咗3樓大食代食飯， 入面有好多餐廳 ， 今次我就試咗最近門口嘅 “旺記冰室”。喺門口見到佢哋嘅餐牌,都幾啱我哋食。重要標明《即叫即做，請耐心等候！》感覺已經好正，可惜人唔多，唔可以order太多嘢食, 如果唔係就會食唔曬。我哋去嗰時段係lunch時間，見佢個餐牌零零舍舍有一樣叫做每日特製飯餐， 咁講通常都係等於廚師推介。 既然係推介一定好食，今日特製飯餐係《秘製三蔥豉油雞扒飯》。 我就叫咗一個加多一杯凍 奶茶 少甜少冰。其實都唔係等好耐，好快就已經到餐。見到嘅時候，我覺得超正，因為平時出街食嘅雞扒飯，塊扒勁細塊，但佢哋嘅雞扒係可以遮住個飯😙 仲有跟飯居然係沙律菜， 諗都諗唔到。 之後想講嘅係佢嘅三蔥豉油，真係好香， 好似蔥油飯但係佢嘅油就變咗豉油。 雞扒除咗大塊仲要係厚切，咁嘅價錢絕對超值。 我都未走已經聽到廚房話賣曬😂 食好嘢係要趁早。

好好食呀呢間冰室真係！蝦仁日本蛋飯d 蛋勁香滑，蝦夠新鮮又爽口，蛋上面d豉油係冰室特製，勁出色！雞球撈烏冬都好食。但雞球可以炸得好小小，烏冬係好彈牙既贊崎烏冬，伴碟仲有d 沙律菜，好滿足！一定會再幫襯！🤤