旺記冰室 (建利大廈)

營業中

休息中

小編之前都講過話好味既餐廳唔係食過一次正就等於係好味，小編好味既定義就係水準如一無論何時、食物質素都係一樣！今日小編又去幫襯我最愛既滑蛋蝦仁飯專門店旺記是也！呢間也有幾正小編就唔再長氣講啦，佢出色之處係無論幾多食客、或非高峰期既食飯時段，佢既食物質素始終如一、冇變過，一樣保持極佳水準，之所以小編今次又長氣地寫多次佢有幾正係因為小編今日打算去食個lunch、見到門外大排長龍、仲要今日係星期六非返工時間都可以咁Q多人就知道佢係有幾咁正！職員都話even一位都應該🈶️排等、當然小編即刻當機立斷改嗌外賣啦，唸住拎返U度食順便趕功課，就算係外賣都水準不變，好滑好香既飯、爽口既蝦～說好的多蔥少少飯完全做到！真係真心感動，典可以唔推薦吖！

第N天到灣仔工作，今日唔隨便食，做左下功課先決定lunch食乜架。Lunch是一天可以稍事休息的時候，絕對唔可以草草食d垃圾就算。☝🏻尤其是最近對住時刻都快要精神崩潰的同事，逼迫得我分秒都有想去撞牆的想法。呀，頭好痛。.好啦，入正題。去到謝斐道，遠遠就見到餐廳門口排著不短的人龍。估計十分鐘，不太過分就排一排。.食乜好，初次見面，直接打大佬係最基本。自家製叉燒🐖日本滑🥚飯 - 🥚真的不錯，賣點是用北海道牛乳3.X來泡製的。叉燒還可以，不肥膩。醬油甜甜鹹鹹的。HAHAHA, 報告完畢。只能說，這叉燒🥚飯真的不錯，但未到驚喜，在我心目中排第三。

飲食界既趨勢。。。最近哩幾年呀都真係多左好多唔同既XX冰室😲🤔大家都係標榜緊自己既常餐有幾出色呀、個菠蘿包點點點真係每一間都要試清楚先知邊間係正野☺️😋今日約左老朋友lunch , 拒未婚夫返左黎香港睇下d婚紗。拒地兩個都好踴躍向我推介哩間既滑蛋咁岩我又真係一個蛋控啊🤤(有時真係怕左某d冰室。。。。好似要落十公升既牛奶落d蛋度炒先識滑🤦🏻‍♀️太奶無哂d蛋味都唔掂架)所以一開頭對個叉燒炒飯真係無咩太大期望好彩黎到，d蛋又香又滑，唔係”奶蛋”😛d叉燒係自家制的，但略嫌硬d朋友叫個通粉d茄湯好濃郁，用茄膏同新鮮蕃茄煲最後點綴成餐飯就係個絲襪茶走🤤🤤🤤🤤🤤真係加哂分！推介！

呢日係灣仔行街唔知食咩好，一search發現呢間開店無耐人氣一時無兩嘅本地冰室，決定一試。中午時分好多上班一族係度等位，不過食客大部分都快來快去，坐低飯送到即刻送入口，好快賣單，總括黎講唔算要等好耐位。店舖細細間座位唔多，但勝在乾淨整潔。小編點左個招牌滑蛋叉燒甜豉油飯，送到黎都幾大碟，一定夠飽，食入口個甜豉油令人停唔到口，加上滑蛋叉燒呢個令人難以抗拒嘅配搭，三扒兩撥就食完。其中，個秘製甜豉油迷到唔少食客，唔怪得佢開業無耐就客似雲來。

星期日早餐時段，約9:30，去排隊拿籌食早餐，拿籌的時候女朋友未到，我就排住先，女朋友到的時候，剛好下一張到我們，點知有個戴眼鏡的中年女員工，竟然先畀遲過我來的一家三口入先，已經有一對情侶問點解佢地遲黎有得入先，個員工話唔想sai左個位，下一張畀番佢地，對情侶已經即刻同佢講係我黎先。點知之後再有人走，個員工竟然都係畀對情侶入先。咁我們咪問個員工點解畀佢入先，個員工話我地等的時候都未齊人，齊人後要我地重新排過喎！但明明我等緊的時候，個個都係齊人就入得！我同女朋友決定唔再等，去第二間食算！請呢間野好好訓練你地的員工，。如果齊人要重新等過，個客拎籌時就應該一早同個客講左先。龍門搬黎搬去，叫啲客點信你！

作為一個蛋控，想試旺記冰室既滑蛋飯好耐！同朋友行書展前見到灣仔都有分店，即刻提議黎試試佢。12點到門口已經好多人排隊同等外賣，可能店舖入面面積唔大，都等左大約20分鐘。終於入到去，我同朋友都好快決定左叫叉燒滑蛋飯，仲叫多杯我最鍾意既凍奶茶～賣相真係好吸引D飯被滿滿既滑蛋包圍，加埋秘制䜴油，撈飯食真係無得頂！d叉燒就不過不失，偏瘦，肥返少少就perfect了。凍奶茶都唔錯，茶餐廳水準，香滑。非常滿足，下次再黎一定要試埋滑蛋蝦仁飯！

鍾意食炒蛋嘅人一定聽過旺記冰室！筆者已經去過數唔到幾多次，今日終於的起心肝寫返篇食評！作為一個無蛋不歡既人，而且又耐吾耐就需要去灣仔做野，好自然午餐既時間就會諗起去旺記冰室食返個滑蛋义燒蛋飯！旺記既滑蛋叉燒飯同滑蛋蝦仁飯都整得好好味，但本人就比較喜歡食滑蛋叉燒飯，蛋炒得夠滑，义燒夠多，又唔會太燶，再加上佢哋用甜豉油，(我覺得係日本豉油)，加埋一齊食真係絕配。其實佢哋嘅滑蛋蝦仁飯都做得好出色，蝦夠多，又吾會炒得太耐，炒到霉晒，不過我真係覺得滑蛋叉燒飯整得比較好食！我今次仲叫左杯熱奶茶，真係一大享受！可惜佢哋嘅奶茶茶味唔夠，如果連杯奶茶都好好飲咁就真係贏晒！我真係覺得佢哋嘅滑蛋叉燒飯係百食不厭！不過佢地既缺點就係鋪頭吾大，坐得迫左小小！而且繁忙時間一定要等位，大家要注意！

書展關係，灣仔各餐廳都人潮不斷。路過謝斐道，見到有間茶記寫著「自家製叉燒秘製甜豉油日本滑蛋飯」，於是就取票試試。午餐時段只有七個選擇，今餐就選擇了1號餐與5號餐這是自家製叉燒秘製甜豉油日本滑蛋飯，配熱檸水。半肥瘦叉燒，恰到好處小弟最愛的甜豉油撈飯，亦有加分！整啲飯的重點是日本滑蛋，確實是整間冰室的招牌菜這是番茄湯午餐肉通粉，配牛油麥包多士和牛奶炒日本呀蛋。滑蛋如同叉燒飯的滑蛋一樣，入口即溶至於午餐肉配通粉，他們是最佳拍檔。可惜，因配合他們的營運需要，用膳時間只有30分鐘。如你的用膳時間超過30分鐘，店員會提醒你，令食客較為尷尬。所以，都黃記食餐便飯，要慢慢品嚐，食出真味

原本都想去呢度食午餐，叫個滑蛋叉燒飯......點知lunch time 超多人到暈，於是乎另一日走咗去食早餐！早餐時間諗住多人啦⋯⋯點知又係滿晒，好彩等左一陣就有人埋單！叫咗個早餐一個牛肉雞湯公仔麵，跟滑蛋和麥包多士！價值$38！早餐價錢唔係平，而整體正的是個滑蛋，其次個牛肉湯麵不太高分，只是普通的！而個奶茶也是普通！但環境的確迫窄！

旺記冰室.我又終於明左點解咁多人排隊啦大佬 真心正喎坐低睇餐牌 咩都想食早餐、午餐同下午茶樣樣都勁吸引今次食午餐梗係試哂滑蛋飯同常餐啦所以叫左滑蛋蝦仁飯 同番茄湯午餐肉粒通粉仲特登轉埋奶油脆豬個滑蛋 厚到一個點熟嘅程度啱啱好 仲有啲蛋汁 食到尾都仲有仲要咬落去係好有層次然後常餐又係勁高質個番茄湯勁香濃 最令我印象深刻嘅係啲#午餐肉 佢一粒粒好厚肉之餘仲特登煎左先 咬落去個外層係香脆唔會好似平時嘅午餐肉一叉就散散哂落個湯度煎過香啲之餘 仲成粒可以吸收哂啲番茄湯睇得出好花心思諗過咁整.不過等係真係等得耐嘅無計啦 鋪位太細啦食得好趕急囉

剛巧經過灣仔，想試下旺記冰室出名的滑蛋叉燒飯，所以好期待，去到門口見到唔算好多人排隊，攞了籌等，其實見到入面都有單丁位，但又未入得去，於是繼續等...之後見到另外一個人問有沒有位？個職員話有，仲帶左去埋位～吓？？明明我早排先架～真係離哂譜😠😔唉～最後都入到去食，叫了滑蛋叉燒蝦仁雙併飯，個蛋ok ,但叉燒一般（唔好食又大舊）沒有想像中那麼好食，仲有個飯感覺係唔夠熟，加上員工態度麻麻，所以整體感覺是中伏～總結最後失望而回，試左一次就唔會再試.

今日在灣仔會展工作，茶餐廳外賣吃膩了，決定到會展外面覓食。我和同事本來想去華星冰室用膳，奈何太陽猛烈，路途遙遠，我們便放棄了這個念頭，到附近的旺記冰室罷了。.一場來到，當然要嗌旺記冰室的招牌，滑蛋叉燒飯！賣相非常漂亮，味道也是一流。滑蛋香滑無比，淡淡奶香，生熟程度剛剛好，配上醬油非常惹味，令人一口接一口，欲罷不能。白飯和滑蛋的份量比例剛剛好，一個人吃也是飽肚的。凍奶茶也不錯，這裡的滑蛋叉燒飯是絕對值得一試！我絕對會回頭呀！

終於試到滑蛋叉燒飯！成日聽人講話好食，一個普通嘅飯點解咁多人讚？好奇心迫使我試食，完全冇失望！.當時大約一點，好多人排隊食，一邊係外賣，一邊堂食。排隊籌唔順序，大約等咗30分鐘入座，門口貼住限時食30分鐘，不過其實都夠時間。.嗌咗兩個叉燒飯，一個有蝦。凍飲加$2，凍奶茶唔錯。少飯份量對我黎講啱啱好，多飯唔洗加錢。蛋好滑，唔會過咸，飯底加咗甜豉油，份量適中，叉燒好軟稔。叉燒份量足夠。食完飯傾下計飲埋杯野，已經半個鐘。時間少少趕但對食物超滿意！員工態度亦唔差。一定會再食～

今日要去灣仔，臨出發前搵下有咩推介野食可醫肚，見到呢間食碟頭滑蛋叉燒飯出名，就決定去試下。究竟一碟滑蛋叉燒飯有咩咁特別呢?原來呢間既滑蛋係用日本蛋+日本牛乳去炒，而叉燒及甜豉油都是自家制。上菜速度超快，好快就有一碟新鮮熱辣既滑蛋叉燒飯放係我眼前。未食已經見到滑流流既蛋，同埋薄切成一片片的叉燒，再加上淋得均勻既甜豉油，簡直令我食指大動。食落味道不錯，不過略嫌滑蛋太薄身，份量不足。除了食物外，亦想讚賞一下員工既服務態度。店舖細細，繁忙時間亦較多人排隊。但她們見到我一位大肚婆，亦安排了近走廊的位置，方便我起身坐底。當然果日亦特別多謝其中一位男食客主動與我交換坐位。埋單時亦提醒自己員工及我要小心行路，非常細心。

小編上集都有講過話呢間嘢好幾正、堪稱全港最好味滑蛋蝦仁飯（純粹個人意見、利申：冇旺記股份）。今日午飯去幫襯就預左排架啦不過估唔到排咁耐o者！好味既嘢當然值得排隊而我和同事一行3人由12:25分排到13:06分至有檯，今次都算係排得最耐既一次，不過可能小編次次去都係一個人或二個人、好少三個既、確實3人檯真係好難等到，偷聽到個職員都呻話好慘好難安排到3位入，我完全明白既，雖然我唔係做老細、但講真邊個唔想爭分奪秒一有位就入客賺d先？唔通真係空左張2人檯然後等到天昏地暗吖隔離d茂粉又唔走，都真係好難做。拿，所以小編次次都係極速食完走人、電話都唔會玩、食評離開左之後至搞，小編我都唔想阻人發達、阻人發達尤與殺人父母架！之所以今次等🉐️咁耐原因除左3人位比較難等之外、仲有一個非常直接因素就係：冇公德心既食客！觀乎小編既觀察、發現冇公德心既人大多係1）港女2）港男為左溝佢對面條港女不停ｏ係度吹水 3）師奶ol 講是講非當呢度係酒樓any肥小編予以強烈譴責呀但呢度既食物水準又真係完全完全冇因為人多到癲而差左，仍然維持極佳水準、基本上呢間嘢係我食過任何時段去幫襯都係咁既質素和水準，確實非常難得既。好抵讚呀！