旺記冰室 (建利大廈)

營業中

休息中

係灣仔做野咁耐，每蓬出去食LUNCH，我多數都食快餐，因為平又飽肚。但食得多始終都會厭，開始食茶記、冰室等。今次發現一間款式唔多，但專賣炒蛋既冰室—旺記冰室1點正黎到，門口已經出現長龍，全條街就得佢一間排梗隊，非常受歡迎!! 等左半個鐘終於可以入座，由於小店舖位唔大，所以座位好迫，坐我隔離果位小姐傾計傾到手舞足蹈，不停撞我但都無唔好意思….朋友點左個日本滑蛋雙併飯，而我就鮮薑汁豬潤通粉餐日本滑蛋雙併飯 ($58)落單後五分鐘都唔駛就上到枱，外貎真係好吸引!! 炒蛋真係好滑溜，再加上蔥花一齊炒，充滿蔥香既蛋同叉燒好襯。朋友話個豉油汁好好味，但我就覺得同平時既甜豉油分別唔大。至於蝦仁有五粒，爽口但蝦味唔重鮮薑汁豬潤通粉餐 ($46)呢個等得耐D，估計係新鮮煮出黎，非常辣口! 豬潤大概有五大塊，每塊都有0.5cm左右厚，好嫩滑，唔會話煮到粉哂。個薑汁湯薑味唔會太濃列，調味岩岩好，整體成個通粉都唔錯通粉餐加左錢轉豬仔包 ($5)本身想健康d食厚麥包多士，但等位果陣見到多士太普通，豬仔包外貎相對較吸引，結果係無決定錯!! 豬仔包食材雖然簡單，但小店整得好好；全個包面都烘到脆卜卜，加上牛油同煉奶，

滑蛋叉燒飯黎講呢，靜係試過著名既大坑順興，無諗過原來灣仔都冒起左一間連外國人都識既餐廳，遊客都黎食滑蛋飯。聽閒佢用牛奶炒啲滑蛋！到底佢有幾好味呢？今次同兩個朋友黎試下😛下午一點正黎到，餐廳外面充滿住人龍，全部都係排隊等緊堂食。餐廳都有措施應付多人情況，有紙寫住餐廳內享用時限三十分鐘，不過我地過左都無俾人趕既～餐廳環境闊落，客人分別坐係左右兩排，人與人之間唔會逼到食食下都掂到隔離。餐具放哂係枱上既籃，另外有紙巾提供。我地嗌左自家製叉燒日本滑蛋飯、爽口蝦仁日本滑蛋飯同當日既特別菜式：薑蔥豉油雞排飯，每人嗌唔同既菜式，之後再一齊share👯 另外仲試埋薑次奶茶🐷叉燒滑蛋飯比蝦仁滑蛋飯平，但叉燒match滑蛋飯多啲，叉燒本身都有醬味，甜甜地，相反蝦仁就無乜味，純粹肉質上比叉燒爽口好咬，配叉燒會惹味一點。🍳溫蛋食落同順興有唔同，順興既比較生，啖啖都有蛋汁，而旺記就熟啲，但食落去一啲都唔嚡，仲係好滑，睇黎用牛奶炒真係唔同啲😋🐔薑蔥豉油雞排飯既雞排就好滿意👍🏿 雞肉結實唔嚡，雞皮煎得好香脆，調味亦吸引。飯粒分明，但豉油就遜色左啲，如果啲薑蔥再炒香左先放落豉油會更正，而家出到黎個味同普通甜豉油無分別☕️

個個都食炒滑蛋飯，唔通個個都想食炒滑蛋飯咩？十出八九都選擇滑蛋炒叉燒飯，我決定走偏峰。如果是日精選都係用心出品，我會考慮再光顧，包括炒滑蛋飯。故此，點個是日精選：香茅咖哩牛脷飯總的來說，出品合符預期，超出茶記水準，但價格當然也超出茶記。重點一）牛脷似乎經過長時間慢煮，有四大厚片，極嫩、有底味，上碟前更煎香兩面，誠意十足。如果格硬要挑剔，只係原條牛脷切片，並非只採用牛脷心，不過這項要求對茶記過份苛刻。重點二）咖哩色、香、味都足夠，其咖哩底味似是日式咖哩，帶甜，但香料味濃。個人喜歡重口味，對帶甜的咖哩一般。唯獨份量太少，不足以伴飯。重點三）即磨咖啡，豆味夠香，夠滑，奶味偏重。水準遠超普通茶記。如果換個兜巴星紙杯，也當之無愧。總結：我會等唔洗排隊時再光顧

每次路經都見到好多人排隊等位，見人唔多，所以特登去試一試。等左15分鐘左右入座，我點左日本滑蛋雙拼飯（叉燒及蝦仁），滑蛋好滑，自製的叉燒唔柴好好食，仲點左薑汁奶茶，薑味十足，下次再試下其他食物。

$56對上一次食旺記已經係六個月之前嘅事事隔咁耐再嚟仍然覺得佢好好食🤣對比起順興旺記嘅蛋香係無咁重嘅但係真係炒得好滑😙生熟程度啱啱好每啖都有蛋汁啲飯又粒粒分明所以係我鍾意嘅口感☺️當然仲有好好好重要嘅甜豉油其實就咁比個豉油我可能已經送到成碟飯🤤

作為一個蛋控，係想食晒全香港最好味嘅蛋！呢間冰室一直都有留意開，聽聞佢哋嘅蝦仁蛋飯，叉燒蛋飯好出名！午市時段仲要限時只可以食30分鐘不過其實30分鐘對於食一個快餐來講係足夠嘅，今日嚟灣仔特登去試吓有幾好味，未行到去門口已經打蛇餅，就知道冰室喺附近啦，喺門口大概等左30分鐘終於入得去，其實人流都轉得幾快，侍應工作效率都好快值得一讚，又唔會好似澳牛啲職員黑晒面！入到去諗都唔使諗，唔該一個午餐3號呀，即係蝦仁叉燒蛋飯，嗌咗杯熱嘅薑汁奶茶，朋友就嗌咗杯凍嘅特大薑汁奶茶！啲嘢飲好快就嚟左先，二話不說拎咗朋友杯凍嘅薑汁奶茶試試先，好有驚喜呀，真係未飲過咁好飲嘅奶茶，可能因為我鍾意食薑汁嘅關係，原來薑汁加奶茶係咁夾，真係好好飲！好好飲！反而我個杯熱嘅薑汁奶茶就好一般！當我好滿足嘅時候，碟蝦仁叉燒蛋飯終於到啦！淨係個賣相已經一百分！不過個感覺好似係叉燒還叉燒，蝦仁還蝦仁，蛋汁還蛋汁，不過其實我已經覺得好好味，最後我同我朋友再嗌多一個餐，其實係為咗再飲多杯特大嘅薑汁奶茶！兩個人嗌左三個餐真係好瘋狂！

蛋滑 醬油甜 飯量適中 點餐快 送餐快 staff人數足夠 好好味位唔算大同舒服 但一定夠坐可能員工好攰好忙啦 但希望男staff 可以多番啲啲笑容要避開12-2點 有排排但食3點唔洗等位

早幾日去灣仔會展個婚展博覽會，午餐唔想行咁遠就搵間近近地解決!之前已經想試，不過唔係咁啱經過，今日專登去試!1點去到好多人等緊位，我去到拎左張飛排左20分鐘到就入到去食!揀左個2個推介午餐， 落單到上菜等左5分鐘都冇，超快手!薑汁豬潤通加炒蛋多士!薑汁味重但唔辣!豬潤係易咬兼入味!重點係個炒蛋，真係冇得輸!又滑又好味!入口即吞都得!另外個秘製鼓油汁滑蛋叉燒飯!炒蛋超滑，加埋個鼓油汁同自製叉燒，真係令人不自覺食多左幾啖飯!

同事話旺記冰室嘅蛋好滑又好味,鐘意食雞蛋嘅我都好想去試下,但每次經過都見太多人等位,怕等得太耐,到時要食得好急咁啱今日番半日早放,就去試下啦繁忙時間就規定用餐時間30分鐘......午餐唔算好多款揀,其中一款係每天特製飯餐, 要自己睇水牌.日本滑蛋叉燒蝦仁隻併飯,個賣相又真係幾吸引喔個蛋炒得好滑,仲有啲蛋漿,餐廳用嘅喺日本蛋,蛋味真係幾濃好香叉燒喺半肥瘦,好淋又好入味,D蝦都幾大隻,又夠爽口彈牙.再配上自家秘製嘅甜鼓油,真係好夾,好好味.同事真係無介紹錯

一連三個工作天都會喺灣仔返工, 第一日就誤打誤撞搵到早前網友極力推介嘅叉燒滑蛋飯。叉燒 - 標榜自家製, 又真係拍得住燒味鋪, 口感又唔鞋, 唔錯。滑蛋 - 用日本蛋炒, 係好滑嘅, 但被豉油蓋過咗蛋味, 有啲失色。蔥花 - 哈哈......點解咁重點提佢呢?? 可能夠新鮮吧! 每粒蔥花都令個口感無咁漏。蛋雖滑, 但食得多都會漏嘅感覺, 蔥花就可以化解咗啦。凍奶茶少甜 - 普通, 無特別, 由於自己落單得太急, 無睇清到有忌廉即磨咖啡。即磨咖啡就飲過, 但有忌廉嘅就未試過, 下次一定要試吓先。但整體嚟講就要趁熱食先正, 灘凍少少就會影响咗個味道, 而且......繁忙時段用餐時間得30分鐘, 想灘凍都難啦......哈哈😂

餐廳長期排長龍，作為食家，點可以唔一到😆餐廳最有名嘅係炒蛋，稱蛋係用日本蛋🇯🇵🐥🍳點都要叫黎試😋😋😋上餐速度好快，滑蛋果然好滑，蛋香十足👍🏻👍🏻👍🏻👍🏻蕃茄厚餐肉通粉🥫🥫🍝🍝🍝蕃茄湯底意想不到的濃郁，午餐肉厚，加上煎過外皮，提升了入口質感🤤🤤🤤餐廳仲有推介的豬潤通粉🐖🐖但豬潤有點失望😞豬潤夠厚，但略厭過熟，豬潤邊有點乾同硬整體都唔錯，午餐肉通粉的確值得再次令人回味☺️☺️💕💕

灣仔謝斐道「旺記冰室」自我數月前向友好們大加推薦之後，榮幸地已有好幾位朋友表示成為他們的心水茶記之一。今天路經，未曾在午市光顧過便當然把握機會一嚐旺記馳名的滑蛋叉燒飯。旺記用日本蛋製作的滑蛋有高水準和有多滑就不用懷疑，自家秘方調製的豉油甜度適中又開胃，素來不吃飯的我也忍不住淺嚐幾口米，唯一是叉燒未見突出，不過旺記並非燒臘檔我就不作太高要求了。吃叉燒還是去文咸東街「龍邦」和天樂里「強記」比較好。

食物好味，本身每星期會食一兩次，但今日因為我買外賣汁另上既要求令到員工A被員工B大聲責罵，其實我有感我都被佢鬧，全場望住，令員工A和我十分尷尬。我實在不想再貼錢買難受，叉燒炒蛋、豬潤通再見。I was really disappointed about the service and the yelling woman. She embarrassed herself, another staff and me in front of everybody in the restaurant. A very unpleasant lunch.

成日見到人食旺記冰室今日終於去左灣仔店試下😆tea time都全場滿座啊～自家製叉燒日本滑蛋飯 $54到底係咪真係內有乾坤？👅原來佢地係用日本雞蛋，質素絕對有保證啦💕 仲用埋4.3牛乳，令到炒蛋都好嫩滑個飯搭配秘製甜豉油，簡單又美味的午餐～一口奶醬麥包西多士🍞 $34 tea set一上台又係嚇親 每一舊都勁大舊 仲要有9舊🤣 一個人實食唔哂🙆🏻 建議兩個人share👯要讚ge係佢比起外面的西多士無咁熱氣得黎，但又keep到香口😍點煉奶食好正不過入面花生醬較少～食到後來有少少乾🤔

▶️餐廳內填滿招牌馳名食嘅🤩▶️最前一杯忌廉唧磨咖啡 甜到剛剛好非常香滑▶️第二嗰杯 香濃都是唧磨奶茶 茶葉非常香濃幼滑身 我自己最鍾意飲😋▶️不得不得介紹 最出名本店 自製叉燒日本滑蛋飯真係食落去雞蛋係日本牛乳製造 好滑停不得到口😍▶️最重要價錢不貴 可以吸引上班人士去食▶️這個新鮮出爐奶油豬仔包 配上滑蛋 視覺上非常一流▶️這個豬潤通粉 夠晒入味 有多姜 通粉夠入味😋