旺記冰室 (惠芳閣)

營業中

休息中

差唔多每個星期日都會去鰂魚涌，成日都會經過哩間餐廳。有時仲會見到要排隊，今日同朋友黎試吓。特濃蕃茄湯午餐肉粒通粉 ($55)午餐肉係炸過，所以好香脆。蕃茄湯同午餐肉哩個組合無得輸。鮮薑汁豬膶鮮雞湯通粉 ($54)今次係我喺街第一次叫豬膶🐽我平時都食內臟，但擔心膽固醇超標，唔敢叫😂豬膶有6-7片，份量比相像中多。我哋叫咗兩份午餐，每個套餐都會配牛油多士 同 4.3牛奶炒日本滑蛋。如果轉奶油豬就加$5。食物好快就到，差唔多係哩頭落單，嗰頭就有嘢食。好有效率，走嘅時候睇到，原來用餐時間限時30分鐘😳唔怪得食物上得咁快。味道唔錯，份量都好夠。速度真係好快，方便附近上班族，快快食個飯就返office做嘢。就算一個鐘 lunch，食完飯，都仲有時間喺太古坊對面啲內街小店度買杯咖啡。雖然用餐時間咁短，但係我哋係星期日，無人排隊，餐廳都無趕人。但係食物上菜速度真係飛快，都唔會可以慢慢坐😅

第一次食呢間冰室，都係行過發現到佢🤭lunch時段要等一陣，唔算等好耐，環境都可以😌唔係好逼。我今次又係食蕃茄湯午餐肉通心粉🤣配炒滑蛋同牛油多士😋我想講呢度嘅滑蛋勁好食！係暫時我食咁多間冰室黎講嘅top 3 ！😳滑蛋係好滑、唔重油，而且食落好香，好啱配多士食。而佢個蕃茄湯都唔差，甜味偏重👍🏻同事就試呢度推介嘅叉燒滑蛋飯，份量啱啱好，唔算細份👌🏻味道都可以，主要因為有佢個滑蛋😍正！

今天早上沒有太多事做，於是去了王記冰室吃早餐。品嚐了他們的招牌沙嗲牛肉公仔麵、奶油豬和熱奶茶，還有配送的炒滑蛋，整體感覺非常滿意。讓我先來描述一下沙嗲牛肉公仔麵。牛肉公仔麵的湯底不算太濃郁，麵條煮得太硬，還好的是湯中的牛肉片經過醃製後，入口鮮嫩多汁，帶著淡淡的香料風味。整體來說，這道沙嗲牛肉公仔麵只屬合格。接下來是奶油豬，香脆可口，入口即化。雖然卡路里十足但絕對值得。值得一提的是，配送的炒滑蛋也非常精緻。蛋液煮得剛好，滑嫩可口。當然，一頓豐盛的早餐少不了一杯熱奶茶。這杯熱奶茶的香氣撲鼻而來，喝起來滑順而且濃郁。茶的香味和牛奶的甜味完美結合在一起。總的來說，這間茶餐廳的早餐是不錯的，值得一試。

呢間嘢，可以令到我為咗佢寫生平嘅第一次食評！今次嗌咗個日本滑蛋叉燒蝦仁雙拼飯日本滑蛋嚟講，我覺得純粹係佢想用個名令自己啲嘢吸引啲，普通炒蛋。係咪來自日本真係無從稽考？叉燒黑過炭，仲以為佢比錯嘢，做咩俾啲臘肉我？同伴更質疑呢碟嘢真係俾人食？啲叉燒一粒粒好似蘿蔔糕嗰啲臘肉咁，收$62佢認真有良心。除咗講呢間嘢要賺到盡之外，唔知可以講乜🙄🙄$62話平唔平，話貴唔貴，但係食叉燒來講，仲要係黑過炭嘅叉燒就認真咪搞我，呢間嘢冇下次 ！

成日都好多人排隊今日早d 去， 終於可以食到啦一直都覺得佢個滑蛋叉燒飯吸引放到面前真係覺得幾唔錯蛋做得好滑，叉燒都入味幾好食不過飯就一般般整體黎講係ok 既，可能係自己期望過高

聞名不如見面!終於都食到旺記冰室可以試試佢大名鼎鼎嘅滑蛋叉燒蝦仁飯！放lunch時間黎到真係人山人海由於店舖面積唔算大，約只有20個座位好彩一個人都算順利即刻入座不用等！搭枱就預左因為繁忙時間理解的！🍚滑蛋叉燒蝦仁飯 $64叉燒半肥瘦！唔會乾柴！幾好！蝦仁都爽口！個滑蛋都夠滑而且有蛋香味甜甜地嘅豉油令我不自覺地食多咗飯胃口大開食左好多飯🤭我之後都一定會再黎食！見到隔離枱食咖哩豬扒都好吸引😍有機會下次再黎先

好開始就要由早餐食起🤭🤭鮮忌廉雞湯 鮑魚火腿絲通粉🍲♦️通粉軟硬適中又有坑紋通粉能夠將濃濃雞湯掛在每粒通粉，啖啖都有爆湯感🤤4.3 牛奶炒日本滑蛋🥚♦️有少少奶香及蛋味配合得宜，每啖都好滑鮮牛油麥包多士🍞 （+5 可轉奶油豬）♦️選用麥包比白麵包更健康🤭忌廉即磨咖啡☕️♦️兩字形容 「香、滑 」餐廳推介🍲特濃蕃茄湯 配午餐肉粒 通粉😉仲有5 款不同早餐🥣一定配合到大家胃囗餐廳細細不過坐位尚算舒適😌

鰂魚涌一帶平日一到lunch time就會好多人搵食，邊間好味一眼就睇得出。旺記就係其中一間每日都大排長龍嘅冰室。平時我就懶得去等，因為lunch time 時間寶貴，但今次係OpenRice見到有外賣自取呢個服務，覺得好方便，可以落咗單計啱時間先慢慢過去拎，唔使喺門口等，咁熱嘅天氣黎講絕對係一個福音。我今次就嗌左佢嘅招牌自家製叉燒日本滑蛋飯配甜豉油。話係招牌菜果然一啲都冇錯，佢嘅叉燒一啲都唔硬，薄得來好有咬口，亦有叉燒嘅香味。至於啲蛋，就同平時喺日本超市買開嘅日本蛋一樣咁有蛋香，而且好滑，蛋同叉燒嘅份量配搭亦都係啱啱好，可以做到每啖都有叉燒又有蛋，而甜豉油絕對係一個highlight， 帶出咗成個餸嘅鮮美嘅鮮味。正！

食呢個嘅時候正值我本人好耐冇食過茄湯野🍅🍅🍅生活又苦悶又就嚟完約嘅日子🍅🍅🍅我個同事又導我話間野好正😹😹佢啲推薦準繩度通常得50%😹😹咁我又走去試吓喇喎😯唔錯😲☆餐茄通餐轉奶油豬 $58☆我嘗試形容吓啦首先本人勁大食啦食茶餐最驚就係唔飽😮💨好彩佢都真係幾大份😃二來啦佢啲餐肉係切大大粒方塊然後有煎過嘅學 malo.jam話齋食餐肉唔煎不如唔好食咁佢係脆口同合格嘅😄👍🏻三來啦😂佢個茄湯真係濃到有啲攪唔郁同埋ok鮮味嘅個人幾欣賞啲有茄肉嘅茄湯😂奶油豬反而唔算好脆係奶油俾得幾重手咁解如果荷包肥大不妨多試🤑肥仔指數：🐒🐒🐒🐵/5🐒滿分

一向旺記出面都大排長龍見今次人少少唔洗等就入去食叫左滑蛋叉燒飯 ＆ 滑蛋蝦仁飯今次賣相一如以往一大片滑蛋鋪滿上碟灑上蔥花點綴再加上豉油周邊圍住賣相極吸引可惜 叉燒質素大不如前😪一啲都唔淋 唔係半肥瘦個種而且切得偏薄 咬落無咩口感(難道回憶總是美好🤔? )不得不提 飯粒口感偏硬落少左水煮咁 有點難消化依個亦都係扣分位😥野飲叫左杯茶走算偏甜不過叫得都預左既🤭至於滑蛋蝦仁飯呢同一般茶餐廳既差唔多無咩驚喜蝦仁彈牙既 但無咩味如果入味啲會更佳P. S. 唔知係咪少左人堂食今次竟然無拿拿臨收碟趕我地走(服務質素似乎好左🤫)

1️⃣ 日本滑蛋叉燒蝦仁雙拼飯 ($64)滑蛋係厚度有啲薄，口感唔太一致，某啲地方偏熟，食到有煎蛋皮，某啲位置又幾香滑，感受到些微蛋香，不過整體質感唔係期望中咁滑溜，蔥粒數量同香氣欠奉，蛋汁份量不足以用嚟撈飯，導致飯質唔夠濕潤，真係要靠甜豉油嚟打救。但可以讚嘅係呢度嘅甜豉油色澤夠深，帶少少漿稠感唔係純流，甜味香濃適中，份量落得啱啱好，冇蓋過蛋味或令碟飯變豉油撈飯。叉燒係瘦叉燒，口感唔乾柴，但肉香同甜味冇咩記憶點，最大敗筆點在於叉燒片得太薄，冇咗嗰種啖啖肉嘅彈牙口感，計埋份量以呢個價錢嚟講亦唔抵食。成碟飯做得最好嘅係蝦仁，大大粒，爽口彈牙冇雪味。------------------------------🔸整體評分：6.8/10🔸小編回頭率：6/10

No! 依個唔是普通早餐火腿通依個係 ($39)！//入門口前已經見到佢有標榜所有清湯底同忌廉湯底都用鮮雞製作 🤔結果一入到口 個雞味真係幾清甜 😲味道上係有少少似Pizza Hut果隻忌廉雞湯但Texture上係完全唔會稠唔會話飲左個湯幾啖就已經膩左圖三有證據㗎 我仲飲曬成個湯試問邊有火腿通個湯底咁好飲 又冇味精味 😋另外火腿絲同鮑魚絲都好多 幾滿意//跟餐嘅多士都有啲心思 係用麥包而且牛油仲搽好比你不過我個包邊就燶左少少 🤏🏻隻蛋都夠滑有蛋香//分數: 9.5/10✨個忌廉雞湯真係好好飲🥹🥹不過據知平時午市就好多人排隊排隊就扣0.5分了午市未試過 不過啲滑蛋飯望落都吸引 😜伏味: 1/10💩果日冇其他位揀我坐嘅枱底有好大灘水冇人清理行入去跣左少跣 😕//📌 旺記冰室 Mon Kee Cafe鰂魚涌英皇道955-957號惠芳閣地下A號舖--分店: 灣仔 尖沙咀 油塘//#港島 #鰂魚涌 #鰂魚涌美食 #太古 #太古美食#茶餐廳 #早餐 #雞湯 #火腿通粉 #HKFoodie #Foodie_Server_鰂魚涌 #旺記冰室#HKIG #HKFood #HKFoodBlogger #H

講起旺記相信大家食得最多就係佢嘅滑蛋叉燒飯、滑蛋蝦仁飯，其實佢嘅下午茶都非常出色。👍 麥包奶醬一口西多士厚麥包多士入面搽上厚厚花生醬，沾上蛋漿去炸，面頭再淋上煉奶，好新鮮食熱辣辣。雖然卡路里爆棚，不過滿足感都爆曬棚。👍 旺記烘麥包三文治四重奏（午餐肉x雞蛋× 花生醬×生菜）其實佢有四款肉可以揀，包括鹹牛肉、免治牛肉、五香肉丁、午餐肉，我哋今次就揀咗午餐肉。午餐肉同厚厚嘅滑蛋炒埋一齊，再加上生菜，口感豐富。配花生醬亦係一個少見嘅配搭，有驚喜。如果唔鍾意食花生醬，可以轉做咖央㗎 ！👍 熱奶茶偏重奶味，不過不失。

呢間自家製叉燒日本滑蛋飯出名好食，可惜我地遲左黎，叉燒已經賣曬，唯有叫蝦仁滑牛肉雙拼日本滑蛋飯，可以一次試曬蝦仁同滑牛肉，日本滑蛋加上香蔥炒過，好香滑，再配上秘製甜豉油，送飯一流！