旺記冰室 (惠芳閣)

營業中

休息中

話說上星期喺第二度叫左個通粉，體驗麻麻今日決定嚟食返旺記的火腿鮑魚絲通粉，都有一段時間冇嚟食了無論多士，炒蛋，通粉，咖啡整體都做得好好，開左咁多年都無失水準，其實都好難得😋記憶中呢度叉燒炒蛋飯好好味，下次中午或夜晚先叫

今日要跨區工作只要果區有旺記就一定係我嘅早餐點因為佢嘅蕃茄湯底真係好夠濃🤤.灣仔旺角尖沙咀都食過 終於都到鰂魚涌分店喇.我會話呢間係所有食過嘅分店最好因為佢湯底俾得好夠多😂大讚其他分店少到好似撈通粉咁.加左$5要奶油豬灣仔成日賣哂 尖沙咀就淨係茶餐先有旺角又唔夠好食 呢間係烘到恰到好處擺到最後先食都仲係脆身架.因為有bb嘅關係 唯有飲熱檸水如果唔係 佢杯跟餐嘅忌廉即磨咖啡好好飲🥹天氣凍啲嘅話 鮮薑汁奶茶更加正!!!

餐廳細細，坐位不多，桌面和坐位的size比較細，凳像是課室的凳，牆上都掛了幾張本地建築的卡通畫作，細心看畫，會看見有些貓的卡通公仔，相信店主喜歡貓和香港本土特色的東西吧！久不久也會來這店食早餐，早餐點沙嗲牛肉雞湯公仔麵（$45）配牛油多士，4.3牛奶炒日本滑蛋，跟餐飲。會重覆來是因為對比較一般茶餐廳，這店雖小但比較乾淨企理，沙嗲牛肉入味夠熱，公仔麵煮得軟硬適中，奶茶香濃。這店是用心做食物，不求其。

📍旺記冰室自家製叉燒日本滑蛋飯$60呢個滑蛋飯係好大碟飯底本身都多，然後成個滑蛋Cover成個飯叉燒份量都幾多件，不過切得比較薄身，冇咩咬口叉燒係比半肥瘦，唔會好韌好難咬開不過蜜味唔算好重另外呢個日式滑蛋好加分真係炒到好滑，仲有少少流質，送飯一流👍🏻再加配旺記秘製甜豉油真係好好送飯令到滑蛋同埋叉燒甜味提升

上星期帶同事到旺記食著名的叉燒滑蛋飯，想不到他一試愛上，今天又跟他再到旺記冰室。來到旺記當然要點叉燒滑蛋飯。滑蛋真的很嫩滑，叉燒正常水準，配上甜豉油，味道很夾。值得一提是加了大大粒葱花，令整碟飯都增添了香味。這次留意到原來餐廳掛著幾幅壁畫，是可愛的動物加上香港的特色風景，有懷舊冰室、叮叮街景，還有附近出名的鰂魚涌怪獸大廈海山樓，可愛得很！今天到餐廳時大約是12點，幸好我們入座的時間還早，不用等位，埋單離開時餐廳門外行人路企滿一堆等位的打工仔們，非常誇張。

旺記冰室 - 鰂魚涌📍鰂魚涌英皇道955-957號惠芳閣地下A號舖旺記不嬲都唔會令人失望，今次第一次食晚餐，原來佢晚餐有一個特定menu, 岩晒有選擇困難既你。鮮忌廉雞湯鮑魚火腿絲通粉 - $51牛油麥包厚多士白白既雞湯飲起上黎好滑又好香，火腿絲同鮑魚絲既份量都好多，咬落口好煙韌，咸香，通粉又夠晒彈牙，唔會煮得太稔。 牛油多士夠晒厚，牛油味好香，最鐘意加埋砂糖食，甜甜咸咸好滿足。爽口蝦仁日本滑蛋飯 - $63旺記既名物就係滑蛋飯，無論叉燒/蝦仁定雙拼都超正。佢寫明用左日本蛋，夠晒香濃蛋味，又好滑，蝦仁都好爽口，仲有鮮味。最正係佢面頭既蔥花同鼓油，夾埋一齊食寶係絕配。凍檸茶/檸水 - 跟餐加$2茶記必叫檸茶檸水，茶底夠濃，成個配方都好夾，唔會太多冰太甜同太澀，檸水正常發揮。

早兩日下午2：30行入旺記諗住叫個下午茶，点知個“金毛“男侍應好晦氣話三点先有！跟住一支箭咁沖去門口同個男同事吹水，完全唔想招呼你！真係好離普，呢啲咁嘅人唔想做番屋企啦，攪衰哂香港成個飲食業！之後我去左隔離果間汶萊茶餐廳，人地服務態度好好，我叫左炸雲吞併西多，超好食！簡直天堂同地獄！

星期六起床後和老公到家附近的旺記冰室吃午餐。我們在午餐中選了兩個不同的餐吃。招牌滑蛋叉燒飯叫了走蔥，叉燒均勻地鋪在滑蛋上，滑蛋很滑，叉燒選用瘦叉燒，配以秘製甜豉油，飽肚又好吃，果然是招牌。鮮忌廉雞湯鮑魚火腿絲通粉通粉是有紋的，湯底不錯。本來是配配牛油多士和4.3牛奶炒日本滑蛋，但加了$5要奶油大脆豬。奶油大脆豬有兩個，非常大個，每個都塗滿牛油和煉奶，脆豬很鬆軟又帶點脆度，挺好吃的，而滑蛋當然也是滑滑的。餐飲叫了凍檸茶和凍奶茶。

📍鰂魚涌英皇道955-957號惠芳閣地下A號舖1人早餐, 招牌香濃蕃茄湯通粉🔆 特濃蕃茄湯 午餐肉粒 通粉 ($46) 凍飲+$2 🍅蕃茄湯超濃郁, 配上通心粉可以掛上更多湯汁, 味道更佳午餐肉粒十分有誠意, 每面都有煎香, 食落香口配有炒蛋及多士。因為即制, 上來時仲出煙仲熱既。

全港有幾間分店既旺記冰室，經朋友推薦下過黎食個早餐，朋友極力推薦呢度既沙嗲麵同蕃茄湯底通粉，今日就要食呢兩款，蕃茄湯底好吾好食，一試就知，而且沙嗲牛湯底要做到好食確吾係間間都得，曾幾何時試過一間好食既沙嗲牛，今日之後又多一間招牌沙嗲牛肉雞湯公仔麵沙嗲牛肉湯底超濃超好食 ，而且好多汁愛汁一族必定鐘意，麵較淋身易入口，口感不差，果然係招牌早餐，不是浪得虛名特濃蕃茄湯午餐肉粒通粉蕃茄控必選，蕃茄湯好juicy好濃，汁料十足好濃蕃茄味酸酸甜甜食過蕃尋味，午餐肉煎香後更好食，粒粒午餐肉口感好正，味道吾咸吾淡，通粉不會太淋有口感，最鐘意係湯底，推薦推薦！牛油多士好香濃，軟軟滑滑口感好正，4.3牛奶炒日本滑蛋，睇相都覺得好滑，食落口無失望，果然係超滑，小朋友一定鐘意飲品有熱咖啡同朱古力，咖啡香濃係朋友喜愛既味道，朱古力就咁飲吾過甜吾過淡味道剛剛好，又濃濃地的感覺，兩款飲品都好提醒店員十分好人有禮貌，招呼很好有求必應，就算忙都會睇下你有無咩需要先位置超近鰂魚涌站，係當眼位置，下次過開黎會再食埋lunch或dinner

旺記冰室嘅餐牌選擇唔算多，不過食物質素高👍🏻餐廳面積唔算太大繁忙時間有機會需要同其他人搭枱同其他冰室一樣，落單之後嘢食好快就送到🔸特濃蕃茄湯午餐肉粒通粉已經嚟過呢間餐廳好多次，多數都係嗌呢個餐特別鍾意呢個餐蕃茄湯真係超級濃郁😍真材實料用上鮮茄🍅通心粉亦都係用上坑紋通心粉，食落特別有口感，而家好少餐廳用呢隻坑紋通心粉午餐肉係厚切，切成一粒粒，識落就知道餐廳係炸過，味道就正正常常，唔算太特別本身個餐係配滑蛋，今次改成太陽蛋🍳太陽蛋蛋黃半熟，有流心效果☺️多士已經搽上牛油，烤得好鬆脆😋整體食物質素高，係一個食快餐嘅好地方👍🏻

🛋環境：茶餐廳本來沒有什麼環境可說，主要整體整潔即可。座位比較少也比較細🍽食物：滑蛋系招牌，一定要吃！有寫系日本空運過來的雞蛋🥚加上牛奶，叉燒蝦仁都系好大塊，旺記的醬油系比較甜口的。下午茶都幾好吃，主要中午人太多，間中都會變下午茶了🤣

開心今晚又有芫荽🌿•芫荽鮮牛肉日本滑蛋飯滿滿既芫荽加滑蛋 牛肉亦好滑 成個組合送飯一流•自家製黑椒鮮茄汁雞扒飯雞扒值得非常滑而且仲要多茄汁 個汁味道亦剛剛好好味道🫶🏻

呢間餐廳好似招牌滑蛋叉燒飯，當然要試一試。上到枱賣相好靚，同餐牌張圖一樣叉燒，肉質鮮嫩，唔算入口即化但燒得啱啱好，肉汁豐富，口感甜而不膩。滑蛋份量好多，我估都有2-3隻蛋，而且少我岩岩好，非常滑溜，滑溜溜嘅口感好過癮。飯都煮得恰到好處，粒粒分明，唔會黐埋一齊

差唔多每個星期日都會去鰂魚涌，成日都會經過哩間餐廳。有時仲會見到要排隊，今日同朋友黎試吓。特濃蕃茄湯午餐肉粒通粉 ($55)午餐肉係炸過，所以好香脆。蕃茄湯同午餐肉哩個組合無得輸。鮮薑汁豬膶鮮雞湯通粉 ($54)今次係我喺街第一次叫豬膶🐽我平時都食內臟，但擔心膽固醇超標，唔敢叫😂豬膶有6-7片，份量比相像中多。我哋叫咗兩份午餐，每個套餐都會配牛油多士 同 4.3牛奶炒日本滑蛋。如果轉奶油豬就加$5。食物好快就到，差唔多係哩頭落單，嗰頭就有嘢食。好有效率，走嘅時候睇到，原來用餐時間限時30分鐘😳唔怪得食物上得咁快。味道唔錯，份量都好夠。速度真係好快，方便附近上班族，快快食個飯就返office做嘢。就算一個鐘 lunch，食完飯，都仲有時間喺太古坊對面啲內街小店度買杯咖啡。雖然用餐時間咁短，但係我哋係星期日，無人排隊，餐廳都無趕人。但係食物上菜速度真係飛快，都唔會可以慢慢坐😅