明富燒味飯店

營業中

休息中

一早來了在街市的茶餐廳吃早餐,這裡的吃客都不算多，但看著就是有熟客的幫襯餐廳。本來有燒味可以選擇，但我點了個牛腩面,很快就有得食。牛腩賣相還是 ok的,咬口不錯, 陣陣五香味，挺香的,而且口感不硬，幾軟熟，挺好吃的。細面吃起來都幾爽口,而且沒鹼水味,還是不錯的。湯就沒比較清淡,偏甜一點。熱奶茶香濃,口感 不錯,相信一整天也不會困。整體來說,還是不錯的。冷氣都幾足的,這大熱天,吃完面,感覺也是挺涼爽的。性價比高!

之前經過鯉魚門市場內有間坐滿食客的燒味茶餐廳，今日有機會試下，正值下午茶時間，食客多到必須搭枱。下午茶燒鴨瀨粉包熱飲都係$36蚊(凍飲加$3)，嘩！好少有茶餐廳燒味與湯粉分開上，燒鴨皮雖不算脆但勝在肉嫩骨香，湯粉亦夠味，不過小弟愛吃辣，加左少少辣椒油吊味，仲要係我至愛潮州辣椒油，呢個價錢比起什麼太x贏晒。餐廳有其他潮州粉麵供應，見到有個五寶燒味餐，有飯有湯有油菜都係$78蚊，比起連鎖餐廳絕對要支持本地小店。味道抵食

油塘出名係美食沙漠🤣😂燒味舖頭五隻手指數得晒今日就試吓呢間街市裏面嘅小店星期日1:30都幾多人排隊不過做街坊生意 好多人快食快走 等咗一陣就有位啦 一個就叫雙拼飯試吓佢啲燒味，一個就牛雜米粉。油雞燒肉飯燒肉個皮夠脆個肉調味得唔錯唔會太鹹 算係半肥瘦 所以幾有油香 油雞可能唔係靚女 冇獲得雞髀🤣 不過呢個部位都啖啖肉 薑蔥油幾好食 偏鹹咗少少 個飯就比較乾 可能因為我冇叫佢比汁 最後就撈薑蔥油食 例湯 應該落咗好多豬骨 但係冇飛水 所以都幾多嘌呤 有少少雪味 🥲牛雜米粉牛肚好好食 其他部位都唔錯 重點佢個辣椒油超級辣 大家要試吓味先好落 🤧 朋友重手左 所以成程係咁擤鼻涕 流眼水 😂價錢就相當平 兩碗夾埋都唔使$80 油塘燒味同粉面來講算不錯 啲姐姐服務態度都唔錯 我第一次嚟又要問佢攞餐牌 睇咗好耐先嗌 冇走來催我 同埋態度都正常 👍🏻

喺鯉魚門廣場樓下街市入邊。去探朋友順便買啲斬料去食飯。見到呢一檔燒味都好多選擇，而且好多人買，所以就試吓買。買咗燒鵝下庄，同埋乳豬例牌外賣，呢度大約$250乳豬新鮮的，微微溫暖。色澤都唔錯。如果即刻食應該會好食啲，不過我哋係等到食飯嘅時間先至食，可能就差咗少少。皮都仲係少少脆嘅，略嫌有少少豬騷味，又唔算嚴重，份量幾多，算抵食。燒鵝就皮唔脆，但係味道可以，冇額外比燒鵝汁，只有酸梅醬。價錢唔算貴，想食又唔想去好遠買，都可以一試。

3️⃣2023/4/15/Sat/16:10/Walk in 不用等，下午茶時段，九成坐滿。2人埋單免加一$82，平均每人$41。附近工作，行入街市無意見到，唔住喱邊，唔易搵。坐位算迫，感覺算乾淨，落單快，上菜快，味道可以，全部都正正常常。整體70分~一試無妨。75分~肥腩河$38，夠淋小小肥，算好味，份量算多。70分~牛雜河$38，再淋啲更好。40分~跟餐凍檸茶加3元，正常和少少甜係無分別。30分~跟餐罐裝可樂加9元，跨張。

2022年5月30日 (星期一) 3:36pm 30°C 環境光亮整潔 人數：2 人 HK$68 不用排隊 豉油雞髀飯 - 雞肉嫩滑，豉油味道不會過鹹，配合薑蔥更覺惹味。一打開盒子，賣相吸引，肉質肥美，個別雞肉裏帶點碎骨，吃時要小心啊。白飯軟綿，拌勻豉油後一起吃，味道不錯！【推介之選】❤❤❤ 牛腩河粉 - 牛腩軟腍，完全不靱，非常入味，而河粉滑溜，加入辣椒油，瞬間變得辣味無窮了 ~ 【推介之選】❤❤❤ 熱好立克 - 可口美味《 餐 牌 》：【 溫 馨 提 示 】：❶ 每份外賣須另加 HK$1

好似第一次寫燒味post搬左幾個月 終於有機會試到樓下既燒味飯 呢間係鯉魚門街市入面直行2分鐘就到 叫左個肥叉燒鴨飯外賣首先肥叉燒 其實唔算係好肥個隻 得少少油 個人覺得可以再肥d 不過個味係唔錯夠甜 同埋肉既咬口剛好 而且有少少燒黑左個邊 個人最鐘意食呢個位 燒鴨比左個脾我 油同肉既比例好好 同埋個皮燒得好香 個隻鴨油入口即溶 菜都ok唔係太頹 飯夠香 size剛好同埋連一罐檸檬茶外賣加1蚊 雙併40 整體感覺良好 價錢同質量係合理 下次可以試下其他 不過燒味keep到同一個質量係唔容易

呢啲咁嘅時勢一係當食，一係外賣，當然外賣嘅話你就可以揀個地方然後慢慢食，不過外賣嘅唔好處就係，可能保持唔到食物嘅原汁原味😅。不過好好彩依間舖頭都幾好☺️。🔻牛腩米 $37.8🔻湯底另上，真係讚🙌🏻，唔會浸到啲米粉發到漲晒，真係唔係好多餐廳會願意咁做🤗。湯底好香五香牛牛味🐮，味道較濃，有少少偏鹹，但係加咗個粉之後，個湯底就啱啱好👍🏻。牛腩肥瘦均勻，軟綿綿有咬口，有啲根位，都煮得好琳👍🏻好入味。少少芫荽調味，幾香。

食完之後唔開心上嚟OpenRice睇先至知道原來出名昆水！諗住成日喺油塘食來食去都係嗰啲嘢，知道街市有間茶記，間唔中都有人排隊等食嘅，咁就瀨嘢嘞！午餐A 咖哩牛腩飯,我無估到會係咁既樣，極細粒嘅薯仔及極細粒嘅牛腩，個碗仔得一半到。味道梗係無驚喜啦，唔好食又唔難食。見佢係燒味，所以叫左燒肉瀨，個皮脆到界口，絕對唔係一般燒肉口感，但相比起個咖喱牛腩，同埋瀨粉，已經算係好好了..... 個瀨粉無味㗎，好似溝啲水落去加少少鹽咁，雞粉都無粒，完完全全唔明點解會有人排隊食。

諗住買燒肉...好怕佢秤左切左唔知咩價...見佢有d切左$40蚊..諗住買嗰d...點知有嗰亞姐話有新鮮燒出嚟..知嗰d係貴...叫左斬料師傅切70...點知切左出嚟108..算返到屋企開嚟睇..跟本同$40蚊冇分別...完全同我買嗰時唔同可能係我比錢既時候「換左？」壞疑如樓下第一個寫食評一樣..本人係第一次幫診..冇諗過屋邨生意都會咁..吓次都係行遠d.大本營海港都係108..人地真係比燒腩仔..

鯉魚門街市，以市民角度，行是好好行，但所賣的物種，質素以及選擇都不是很多，燒味檔就只有一檔，否則就要光顧大店或到油塘街市了。明富之前已見旺場，由從前只賣燒味，到突然有牛雜檔，及至租多一舖擴充至現今有明檔潮洲粉，相當有市場。然而老實說，買過兩次燒味，質素中下，今次幫襯牛腩，且看如何。外賣加一元，淨食來說不貴，更貴的也有。牛腩應該是冰鮮貨，有肥有瘦有少許肉味，瘦的位置也淋滑。可惜滷水香味不足，調味清淡，應該是牛腩膽汁未夠歲月。從前我們做新店，會跟老友行家買膽汁再養大汁底，就是如此。不知道辣椒油已發展成如此包裝，相當企理，但味道差，辣不辣，香不香，就是有點色素有點味道的油而已，要知道，辣椒油於潮洲粉檔起點睛之用，可惜。整體而言，基本的做到了，只是火喉不足，而牛腩又比燒味好。其門若市，畢竟池中無魚蝦最大。

尼1間我經常黎食，但次次都唔記得影相。今次記得喇。我最愛佢既墨丸米（多蔥多腩汁），單叫1個送，已經有5粒。佢既米粉好彈牙非常有口感唔會淋支支，墨丸係優質墨丸，唔會得麵粉味亦係好有口感（有時會叫老公單買番屋企打邊邊）牛腩汁恰到好處，只係34蚊，可以話係好味又抵食。老公今次叫左燒鴨燒肉飯，尼度既燒味都好多人食，亦有好多人買番去做送。岩岩試左一舊燒肉，外皮非常脆口，肉身有肉汁，唔會太咸，送飯一流另外，叫飯會送一碗例湯，飲洛去似屋企煲既味道，沒有加水加味精，亦係一個有心既表現。一飯一麵加杯凍檸茶，盛惠82元，雖然成日爆場，有時要坐迫少少，不過都keep到衛生，如果想快速食個早餐，午餐，又唔想食得甘頹，可以一試阿

我第一次去既時候，大約係一年前，買左叉燒$40，番屋企打開盒先發現佢比少左勁多，甘大個盒，得果10舊到，勁賤！因為佢會比你簡，簡完比師傅斬，係廚窗入邊斬，刀板上有大約10cm鐵皮圍住一半，擋住你視線，就係甘樣收埋d 肉，勁快手入盒，即使你企係度都未必知，所以我就決定以後都唔會再去果度買燒味。今日屋企人貪方便，又去左買，親手簡左兩條排骨比師傅斬，收左$140，點知番到屋企，打開個盒，又玩野，今次係偷龍轉鳳，比左d次等燒肉，勁多肥肉，勁黑人憎！ 據我所知，斬肉師傅有份夾錢開間舖，但唔係甘樣做生意，專登欺騙居民，我睇佢等天收。相信都唔止我一個人比佢厄，可能平時去買送都係老一輩，未必甘識用智能電話，希望有睇到呢篇文既油塘鄰居可以互相提點下，唔好去呢間野買野，避免中無良奸商計。佢既然可以甘做，其它方面都一定唔係好，例如抅完鼻屎都唔洗手，食剩既肉收番黎比下一個食等等，因為跟本冇人知，佢過到自己果關。為左賺錢，可以去到幾盡。