明將迴轉壽司餐廳 (已結業)

今日得閒就出旺角，食咩？？當然去明將啦！入到去，岩岩開門，唔算太多人。今日食左好多壽司，好開心。等我依家介紹吓啦！墨魚鬚壽司：我食左一個鐘先見到，即時覺得呢間明將與別不同，其他明將餐廳係冇嫁！同埋，係好新鮮，同出面高級餐廳冇乜太大分別！八爪魚壽司：好大塊，唔覺得有腥味！！墨魚壽司：咬落去脆脆地，同出面冇乜分別，係壽司飯用機整先會咁大件。象拔蛘壽司：唔使講，都係新鮮架啦，唔會見到壽司飯仲大件過主角啦！！三文魚壽司：呢個好多人食呀～哈哈！！！旺角明將真係好好呀～佢地ｄ三文魚又大又靚又厚，咬落去真係入口即溶嫁！！！超新鮮～海蜇壽司：唔知點解呢？覺得冇乜腥味！唔錯～醋鯖魚壽司：好新鮮，完全冇腥味！仲有好多種壽司你係意思唔到嫁～你坐多陣就會有大發現嫁啦！例如～希靈魚壽司：呢個係我最驚奇既，竟然會有，但我冇食！Jelly：五顏六色，食吓jelly，真係可以好開心嫁！！！仲有其他蛋﹑鰻魚﹑腐皮都幾高質素，不過我就冇食啦！！！總括黎講，下次都係黎呢度好過！冷氣大，各位請帶件衫呀！雖然我係好鍾意食壽司，但我都希望唔傷害生命，希望可以慢慢連魚肉都唔食就皆大歡喜啦！

對面$4X任食壽司實在多人到無話可說.反正不想只吃壽司,就吃$118吧!吃多一點不同的款式.加上幾乎不用等位,時間就是金錢@@- 飲品方面很多都是汽水.選了凍奶茶,不過過份甜,幸好只是點了一杯,再點了一杯寫明走甜,2杯混起來終於變成正常的甜度.-前菜方面,螺肉算是不錯的選擇;蟹子沙律的沙律汁不夠,生菜太碎.-海膽手卷,海膽,以這個價錢是合格的,不過份量就當然很少.吃完海膽那手卷應還有剩的,可跟一些刺身之類.- 日式炒什菜,很有鑊氣,凍了就沒意思了.- 關東煮份量不少,太多明門卷.- 刺身方面,推薦甘蝦,彷鮑片.-蟹子軍艦印象十分深刻,係鮮,一粒粒的口感十分鮮明,美味美味,紫菜亦脆.-串燒冬菇,只有鰻魚汁味-炸魷魚本來還過癮,但份量太多了.圖中的份量只是"1".-海老天婦羅,是攤開了來炸的,有意想不到的效果,粉的厚度亦剛剛好!-野菜天婦羅只是一大堆東西,吃起來極麻煩.-要了一個海鮮鍋邊爐,是平時散叫的款.太多菜了.服務扣分唔係因為無禮,而係因為不夠醒目,例如擺明吃完東西遲遲不收,更有1,2次把它們推回我們的領域.有些更是連續地倒瀉東西,甚至拿個邊爐鍋都可撞到我的肩.........."明

見佢禁大個招牌寫住44.9任食就去試試,順便同深水埗個間明將來比較一下.發覺呢度既環境,員工態度,食品質素各樣真係比深水埗明將係做得好.就講最重要既壽c啦,呢間既壽c既款式比深水涉要多.深水涉個間來來去去都差唔多樣.而大家最重視壽c上面個個涵都係比深水埗個間為大.就以三文魚壽c為例:深水涉真係細左小小同薄左小小,呢間個涵係較厚同教長.銀城廣場有2間明將(燈光有氣氛d)個邊係做$44.9壽c任食呢度d茶比較好飲,可惜坐迴旋個度就冇得自己針水但會有人針比你.(有時因人多關係會帶你去另一邊即燈火較光個邊)而(燈火較光明)個邊主要係做$118和食料理任食例如:刺身.我都食過1次都過得去,最重要既係(個度食野唔會計你時可以食飽先走人)希望水準可以保持彧進一步提升.

真的唔錯的任飲任食. 118 + 10% (EACH ONE) 這間好食好多. 不過記得早點去食, 7:00 前最好! 之後勁多人. 超肥呀!! 下次再去食先得 一定要食呀^^

平時好少寫食評, 但我今日真係忍唔住! 事發8月1 號晚上, 條街熱到飛起, 行行下街見到大大個招牌, $44.9, 咪入去食. 一入到去, 服務態度何其的差, 問佢係咪得一個menu, 佢答我:係無架喇~ 問佢可唔可以clean多次張台, 個服務員個樣好唔願意, 算數! 咁平1定係無服務!d壽司黎到, 刺身超級腥!! 男朋友對食無要求, 但都忍唔住吐出黎!我真係未食過d咁難食咁壽司! 發誓一定唔會再食!!!!!!!!!!

如果"回憶是最好的調味料",那麼,很不幸地"預期"也應該在調味界穩坐第二把交椅.明將任食壽司,實在慕惡名已久,甚麼熱辣辣壽司,大舊飯少少料,污糟辣蹋等統統不敵四十幾蚊好奇心,姑且懷住"最衰咪好似橫街窄巷裡不知名日本料理嘅十蚊三四件壽司咁樣"嘅心態去試食......環境算乾淨企理,坐位唔迫夾,侍應充足梗有一位喺左近,配套合格有餘主角"食物"又如何呢?迴旋帶窒吓窒吓係幾衰相,幸壽司款式多(廿款以上)且補給快,壽司賣相醜怪唔多開胃,但只要勇於伸出隻手唔怕個污糟蓋去拎碟壽司放入口,味道實在好過預期,不是"橫街窄巷裡不知名日本料理嘅十蚊三四件壽司"之流.當然有改善地方,唔期望提升壽司質素到元氣甚至板前,保持現狀已值得還神,只是豉油有冇得轉吓呢?一味死咸幾惡啃!!衛生方面也通過考驗,我個肚就係指標,郁啲就肚痾嘅肚喺食完之後六小時並無異樣,各位可放心進食!!

呢晚朋友請食飯!!HAHA~呢度食就最平LA~試食左唔同款既壽司!呢度D三文魚都幾厚!^^鰻魚都幾好食雖然薄薄地~其他冇咩特別!!!其實唔多款~食黎食去都係果幾款!不過環境幾好!!HAHA~~同埋咁既價錢真係抵!!

Ok wor三文魚 鰻魚 赤貝 都新鮮雖然機啤飯硬咗D 三文魚無咩三文魚味豉油同WASABI都完全無味但98蚊2位任食 重想點 !?

當時係tea時段,人客都算係多呀坐卡位都係好舒服ge呢~我地仍愛食日式拉麵~所以叫拉麵款款都係30蚊~太棒了吧~完全唔駛食sushi已經好飽可以free叫職員另加curry汁,仲有1個碗仔另外裝住自己淋d汁在麵上,,日式甘味的curry汁~太好了＊＊因為碗海鮮拉麵,真係好多料ga賣相又好，例如有大大隻鮮蝦～帶子，蟹柳，有夠份量的粟米，紫菜之類不過可惜的是,熱檸水的檸檬很快便變得苦苦的>口<服務態度也不錯的＝Ｄ記住去明將食野，記住去呢間～真係很好的！！！！

那日在旺角逛街的時候與BF見到「$44.9壽司任食」的大型招牌懸掛在半空在好奇心驅使下，便入去試試所謂的廉價「美食」。但在那一剎那想起以前在其深水埗和灣仔分店的慘痛回憶。但旺角分店都是最近才轉做任食（不過鐵板燒反而沒有，真可惜），姑且再去排隊試試吧～雖然裏面有很多人，不過不用１０分鐘便可入去．比預期快。和以住一樣，都是選擇坐迴轉枱。看着迴轉帶上的食物，雖然擺放了很久，賣相亦麻麻，但味道和衛生都比其他分店的好。有一種忘了是不是池魚，味道甚至比三文魚的好（以前都吃過，但吃到有骨和有部份魚皮.....失敗).今次和以往差不多,兩人共吃了二十多碟.盡飽而歸．總抱來說，今次可算是來咁多次明將之中最好的一次～希望可以保持住現在的水準，否則的話.....下次經過旺角的話,都會考慮再試下,就咁多.

明將我地都幫襯咗好多次, 次次都係去西九龍中心o個間前一排知道原來旺角都有分店, 都係有任食壽司, 所以今次我地決定試下旺角呢一間去到見到佢有兩個門口, 任食同唔係任食的有兩個唔同的鋪位, 唔好入錯呀~旺角呢一間分店都幾細, 得一條迴轉帶同大概廿多個的散座不過環境都唔錯, 唔太逼, 張椅都舒服好多, 唔會好似西九咁逼都傻迴轉帶上的壽司有好多款, 有三文魚, 八爪魚片, 芝麻八爪魚, 螺肉, 玉子, 中華沙津, 鴨胸......雖然d款同西九o個間差唔多, 但質素係差天共地, 好過o個度好多多d三文魚的厚度同板前o個d差唔多, 其他壽司的餡料都咗多成倍, 唔再係一舊壽司上面只會得一粒細得可憐的芝麻八爪魚或螺肉今次我地總共食咗23碟, 比想像中食得少咗tim, 不過真係食得幾好滿足希望呢間明將可以keep呢個水準呢, 同埋其他的明將都可學下呢間分店的質素, 如果唔係就只會做壞個招牌

雖然經過上次既無奈..."拎完籌後落街行左陣...再上返去 點知已經過左number 了...仲以為再輪返5張枱就ok啦...點知個門口人唔俾喎..要我地再排過...理由係 我地已經過左5個籌了"相隔一星期後...都仲係好想試下呢間 壽司任食...今次提高左警覺了...拎完籌...隔無耐就出返去睇...終於俾我地食到了...質素好過 西九龍果間...係迴轉帶上的款式都多...不過三文魚就嫌薄左d...所以我係無試過的...其他魚果d 我睇個樣都覺得一般...所以無試到....其他就ok...鰻魚更加唔錯呢...呵~~我同男友一共食左 3x 碟...真係超值...haha...再次會再去...不過等多一排先輪到呢間...^^

同花盃、松凌唔同，旺角鐵板燒既特點係燒得快，材料將貨就價。好多年無幫親過呢區鐵板燒店，今晚同女友突然想食又唔想反過去香港區，聽同事講黎過呢間都ok，所以去試下。值得一讚係師傅及侍應服務態度都很好，非一般旺角食店服務。沒有點他們的 set ，因為唔係咁岩食，我們於是散叫同點了兩支清酒。價錢係平時食開的一半唔駛，都唔應該太多投訴。合格。

同朋友兩個人去食~ 叫O左個二人餐~ 埋單三百幾蚊~ 我覺得好抵食~~ 而且D O野食真係好唔錯~ 我會再去食囉~~

lunch食明將唔係好多人,仲要有好多位,真係唔錯,岩曬我呢d唔中意得既人呀去到叫左個滑蛋牛肉鍋同個滑蛋鰻魚鍋好快就黎到叫左杯蘋果綠荼同薄荷綠荼蘋果綠荼就飲落去比較甜薄荷綠荼第一啖就怪怪地但飲飲下就OK好味滑蛋牛肉鍋真係唔錯,大大既份量岩曬大食既人呀,幾清淡呀滑蛋鰻魚鍋D鰻魚燒得好令,睇落真係好好味仲要三十幾蚊就有齊一杯飯,一大碟餸,一杯野飲,一個甜品(姐喱),仲有一小碟三文魚,一碗面豌湯, 抵到爛呀