影片
開飯介紹
一間專門吃迴轉壽司的食店，其中手卷及壽司最受食客歡迎，環境不錯。
繼續閱讀
營業時間
星期一至日
11:00 - 23:30
以上資料只供參考, 請與餐廳確認詳情
星期四晚同朋友試左銀城新店,本來無expect會好好食,因為見所有壽司都係十一蚊,同埋有o的都係waitess直接係回轉帶上拿來的....但食落又幾好,三文魚,三文魚子都好新鮮,而吞拿魚壽司比起同區某家五十幾蚊的toro壽司更有光澤同鮮味,而炸蝦卷,軟殼蟹手卷更是整晚最好食的,蝦肉熱辣辣的,蟹肉更有汁流出來,未食過甘好食的但炸蠔無貨無得試...至於其他如劍魚脯,象拔蚌,帶子都可試下,而墨魚呀...無咩牙力既就不要試了...一定要再食
繼續閱讀
今日行開,諗住去明將食午飯,點知原來已經結業。平時咁好生意都接埋,真係唔多明。好在佢門口貼左搬去了銀城。咁咪試下啦。一去到,原來多了一間鐵板餐，一睇M9和牛，要$148，講真都幾貴,有d想走番去隔離食壽司算，但都坐了下來，咪試下啦。炒雜菜真係好好味，和牛一般啦，燉蛋內有大大隻蝦算驚喜。不過午餐食$148，都係貴，晚餐這個價都ok。
繼續閱讀
試過深水步明將試過灣仔明將亦都試過喱一間旺角明將當然吾駛講,深水步同灣仔都係超級難食有一次機緣巧合,黎左旺角喱間明將食dinner試過一次,覺得都OK wor,起碼好過其餘兩間多多聲先啦雖然都係比吾上峰壽司,壹壽司個D o架啦但佢勝在夠平,有時都會同朋友,平平地黎喱到食但前排打算同個朋友黎食lunch啦去到冇咩人,好快就坐底左啦嘩...豉油咸到...仲咸過屋企個支老抽我同朋友都呆晒...唯有吾好點咁多啦跟住落order,朋友叫左個鱆紅魚,叫左三次最後個waitress先同我地講今日賣晒鱆紅魚之後都吾係好想再食啦,吾知係咪心理影響總係覺得今日D壽司吾多新鮮...
繼續閱讀
有人請食飯, 去到新世紀, 是但搵間, 有位唔使等就入左去.一間餐廳有靚女侍應加上優質服務, 一定增加食慾, 但如果冇, 再加上服務態度散漫, 真係大打折扣. 今次, 係後者. 冇人加水, 上食物又慢, 又冇笑容...唉~算, 朕只係食飯.前菜係果d 八爪魚, 螺肉, 冇咩特別, 好難整得難食, 水準一般.壽司普遍係$11 - 15, 叫左好多普通野, d 咩龍蝦沙律壽司, 三文魚子壽司, 劍魚腩壽司等等...用料都算足, d 飯亦有腊味, 不過唔夠實, 一夾即散. d 軍艦壽司有紫菜包全就冇呢個問題. $28 海膽壽司, 就唔足料啦, 仲加3 片青瓜, 唔會話好差, 但食唔到新鮮海膽味. 炸蠔同炸蝦就唔錯, 幾熱, 夠脆, 唔多油. 炸蠔夠大隻, 炸蝦亦爽口. 三文魚子偏咸, 令人失望.刺身, 叫d 最例牌o既三文魚同吞拿魚. 三文魚$38 有5 片, 夠厚, 夠新鮮, 紋理分布平均, 口感唔錯. 吞拿魚$38 有4 片, 夠厚, 味鮮, 完全冇紋, 但完全冇口感.手卷令朕最失望, 軟殼蟹手卷, d 軟殼蟹真係一d 都唔脆, 名副其實軟殼, 仲要冇肉冇膏冇味! 鵝肝手卷, 多料到咬左第一下就得返d 飯.埋單叫左2 次先埋到, 雖然唔使朕出錢, 但感覺都不爽.
繼續閱讀
今日黎先知27/3 因租約問題而結業!員工也明顯的沒有那麼好招呼!叫了果牛油金姑$28 好好味三文魚刺身$38 , 好厚好肥!留而壽司就麻麻, 轉左好多次都唔知想食咩! 埋單時計多左, 搵笨既! 大家真係要對對單!
繼續閱讀