明師傅甜品 (已搬遷) 新店位置

上星期經過呢間野, 比門口張相"椰皇西米露+湯圓"(甜心)照片吸引左!一坐低即order, 約5分鐘後聽到"叮"一聲, 可能係叮返熱......送上枱, 賣相同張相一樣咁靚!試一啖"西米露", 好香椰奶味, 唔太甜, 西米份量適中, ok!湯圓比較細, 花生味, 皮薄, 亦不俗!間中挖d椰肉食埋, 一碗糖水有咁多野食, 質素又高, 廿幾蚊(忘了價錢), 仲想點?

我聽朋友說開了間新的甜品吃，所以今晚試一試，熱焦糖燉蛋: 不太好食, 太甜同好漏,幸好有生果送，可以消滯鮮雜果杏仁豆腐，杏仁豆腐又香又滑，但生果就差些拉，士多啤梨酸到震，芒果都甜，西瓜同蜜瓜就淡了些。今次一試，無驚喜，我可能唔受得咁甜，所以我不會再來。

平時淨係識去大河道果排甜品店, 但d間離群的店原來都好唔ok,而且唔會粗製濫造, 真係好好食.芒果布甸: 原來用雪糕打出0黎, 好香好滑地獄球場: 一般熱焦糖燉蛋: 好食, 唔太甜同漏, 表面0既焦糖都唔會好燶 原來仲送埋生果-個老闆娘話消滯喎薑汁湯丸: 薑汁幾辣, 要襯熱食先好飲下次會再去~

一直喜歡吃有焦糖的食物，其中法式甜品的焦糖燉蛋香港吃到的店鋪並不多,就算有大多不便宜,早前試了土瓜灣的海記甜品法式焦糖燉蛋，今天終於路過Openrice好評如潮的明師傅，終於可試試。之前看到食評不錯,一直也記下地址想試試，但之前來這區也沒有太多時間，今天終於路過眾安街便行都這裏,由於五點多鐘的時間沒有其它客人，點了法式焦糖燉蛋外面大多只有凍這裏有熱從未吃過熱的便試試,總認為燉蛋熱的較美味！面層脆而不硬燉蛋很滑明顯下了足料的淡忌廉,還有點點Vanila籽。本人認為燉蛋熱很好吃,吃完後便吃生果, 據說配生果清新一下口腔,結賑時收錢的老闆細心的問吃後感,他如各飯友所說跟一位法國師傅學的,還介紹其它甜品,建議我多點幫襯下次多試其它甜品,感受到老闆的用心和熱誠難怪好評如潮有空定會再來光顧。

由報紙上睇到呢間新開的甜品店, 記得當時我地話要一齊去試試.今天睇完戲特登來到滿足我呢個甜品怪, 少少的店內巳差唔多滿晒座, 睇黎都幾成功.我點了法式的焦糖燉蛋及意式黑芝麻奶凍, 兩個人坐係店內調調情, 大眼瞪細眼, 時間都覺得過得特別快, 一陣就有奶凍上枱, 張開口食一啖他遞過來的一少匙奶凍, 好滑好香的芝麻, 真係好好味, 你一啖我一口的, 美味的奶凍全部入晒我地肚, 跟住上來的焦糖燉蛋又係一杰作, 燒左少少的焦糖好簿又好脆, 真係好難得, 入面的燉蛋好有蛋香, 真係估唔到這麼一間少少的店竟然做出咁高水準的甜品當時我巳向他要求下次再來試"甜心" , 甜心其實係椰皇椰汁西米湯圓.期待下次的來臨

荃灣都有好多甜品店, 吃左咁耐都有點厭,見係街市附近開, 裝修也ok , 和旁邊舊式的店比起令人幾注目.之前行經幾次也無空試, 今日lunch 專登去吃.入到去開初只有寫上名字的menu, e.g 紅魔鬼. 完全唔知係咩來的, 問了員工是什麼, 有個肥肥的哥哥好有耐性咁解釋, 並送上設計中的有圖menu , 很有禮貌請我們多多指教有咩可改善.花多眼亂,最後叫了 一客 '意式雲呢拿奶凍配芒果' $23 <-- toppings 有很多新鮮芒果和汁, 下面是白色奶凍,有一點點的黑色, 幸好知道雲呢拿籽是黑色, 如唔識以為是不清潔便失禮人 . 奶凍很滑, 又有少少creamy, 但不會去到mousse 咁濃的質地, 很香,有淡淡的vanilla favour, 應該無加香精.(後來肥哥哥走來問意見, 我問他黑色的是否雲呢拿籽,他便拿出一支長長的原支雲呢拿,好詳細咁解釋點拿出籽來做甜品) 好好味!! .和一客 '薑汁芝麻湯圓' $13,<-- 湯圓比平常吃的小一點, 應該唔係來貨.一碗有六粒, 皮幾薄, 餡略甜. 不錯~呢間小店俾到我的感覺是很用心的手作店, 員工有禮, 坐位

專程來到, 為了找好味的法式焦糖燉蛋, 在新界, 做得好食中式甜品不少, 法式焦糖燉蛋不易有, 好食更唔多.坐下想也不想叫了一客凍法式焦糖燉蛋, 連生果, 沒有考究為何要跟生果. 法式焦糖燉蛋, 糖皮脆而不過硬不過焦, 下面的燉蛋也不會被燒得太熱, 燉蛋幼滑有蛋香, 比起同區一家西餐廳已經好好多, 對得起收$24, 如果平D, 我會成日食.地方唔易找, 唔知是否只做街坊生意, 但其他甜品價格唔夠街坊價, 也沒有出位甜品, 不過下次會再試其他食品.

食完晚飯就去搵甜品食記得有報章介紹過就試下法式焦糖燉蛋 - 極度好味,好滑,好甜,好有奶味,但一點都唔覺"漏",推介~~~涼爽 - 雪糕加生果加西米,仲有一杯椰汁分開上,都唔錯,值得提係個椰皇好新鮮~~~

尋晚返屋企先口痕，所以特登搵呢間，真係好偏僻的地址。睇報紙話廚師係法國餐廳出身，但係甜品款式就真係唔多覺，起碼無疏乎里之類。叫左個推介的甜心，寫就寫係熱既，但係上檯時最多最多都只能叫暖，有幾啖亦都係凍既，西米又黏埋一齊，就呢幾樣已經有改善空間。撇除溫度，湯圓同椰汁都叫唔錯既。

今日試左呢間甜品店外觀唔似間好潮 0既甜品屋, 但 d 野真係好正~~!!! 我試左榴槤班戟, 嘩嘩..!!! 好好味呀!唔似出面一般果 d 班戟, 佢果班戟皮係煎出來的, 而且又薄, 好香呀! !!!! 好特別!!!榴槤好有口感, 軟 "林林", 好似雪糕咁, 唔會乾 "爭爭", 榴槤 fans 一定讚好!

今天決定給自己放縱一天, 煩惱暫時拋開, 雖然工作仍要繼續, 但我要些甜品為自己添些靈感, 送走了媽媽, 買了些用品, 工具, 便在眾安街找找看, 曾幾何時經過它...老公一句 - 呢度唔似正宗甜品鋪...就將佢打入了冷宮! 但我還是給它給自己一個機會!店內沒有人 (真的勇氣可加) , 座位約有十多廿個, 西式中式也有, 自己主攻熱食...明師傅提議 creme brulee, 他說可熱食, 就來一客吧! 五分鐘後, 簡單的兩個白色容器, 裝了 燉蛋及雜果, $24, 焦糖面略厚了一點, 下面的燉蛋幾滑, 但甜了一點點 (個人口味), 分量夠, 個人認為可選蛋味濃一點的雞蛋, 雜果就不必了, 倒不如讓客人多品嚐多個! 心思思...最後再多加一個 芒果 vanilla panna cotta, $23, 味道剛好, 不太甜 (啱哂我), 質感硬了一點點, 奶凍的奶味唔夠濃, 雲利拿籽佈滿整個奶凍, 明顯地是真材實料, 但卻食不到其味道來, 何解? 何解? 在荃灣區能大膽地推出法式甜品是不錯的嘗試, 仍有進步空間, 以這價錢是合理的, 但我相信可以做得更好, 更好味!

尋日經過試咗個法式燉蛋, 好香好滑, 面個層焦糖好脆, 又唔算好甜, 整體黎講好好味原本想試熱食, 不過個侍應話凍食會出味d, 雖然凍食都ok, 不過下次會試下熱食個人黎講, 如果可以唔要個雜果會好好多, 好似多餘咗d建議唔跟雜果, 但個價錢可以平少少就perfect 啦

見到食家讚明師傅甜品, 今日同阿妹經過荃灣,就一於入去試下。個餐牌得黑白, 好多名都唔知褱面係什麼,於是問下侍應有什麼好, 她極力推介鮮雜果杏仁豆腐同芒果布甸, 就同阿妹試呢兩樣咁普通的甜品!鮮雜果杏仁豆腐好滑、亦都有好香的杏仁味, 配上鮮雜果及芒果汁, 味道真係一流!芒果布甸好滑、好香芒果味, 同一般甜品鋪簡直是天壤之別。 同個侍應傾計, 原來師傅之前係酒店同高級法國餐廳做, 全部都係用酒店配方, 真才實料, 唔會加水, 怪不知味道咁濃!

親友推介話哩道啲法式焦糖燉蛋好好味，就襯行開荃灣入去試試。果然唔錯。法式焦糖燉蛋又滑又香，焦糖仲又薄又脆口嫁，配埋鮮果，味道一流。另外叫咗意式雲呢嗱奶凍配芒果，芒果香甜、奶凍香滑雲呢嗱味道特濃。師傅話係用真材實料原條雲呢嗱磨製，唔係用香油做嘅至有咁效果。傾開先知原來師傅係前某大酒店(中國元首經常下榻嗰間)嘅甜品師傅。唔怪得之有咁水準。至於另外兩樣鮮雜果涼粉同紅綠豆沙就一般。下次一定要再試其他特色甜品。

今日經過眾安街間甜品鋪, 忽然有一陣好香的榴槤味, 於是就入去試下, 叫左個榴槤飄香, 味道簡直係一流,色香味俱全, 真係一試難忘!