明德粉麵茶餐廳

營業中

休息中

今日去點左個精選午餐星州炒米食，個餐包一碗例湯及熱飲44蚊。咁好啦，就同個侍應講"星州炒米飲熱檸水”。個餐黎左食左幾啖，就問侍應個例湯未到，佢居然答我你冇例湯，因為你點嘅係下午茶！咁我即時望一望個menu,見到下午茶嘅星州炒米又係44蚊，有咩分別，佢跟住好大聲理直氣壯話價錢冇分別，只係下午茶嘅量少左及冇湯咁我問點解我會變左下午茶餐。佢竟然話"因為我見到你望過下午茶menu",救命呀！你一叠menu放响枱，有早餐，常餐，快餐，粉麵餐，下午茶餐，晚餐……放埋一齊，我點野食一定要望架。而我最後係望住牆上精選午餐點星州炒米！正係依個時候，(戲玉黎啦)後面有個女人喝叫"咩事，嘈乜野，話左冇就冇！”全場都聽到。(此人應該係佢地呀頭，因吾洗著制服)。雖然我嗰刻個心離一離，但都將自己講野音量調高2度，據理力爭！又在此時，另一個女人從收銀處出黎一齊圍住我，(應是老闆娘)差住腰問我想點，我當時問點解變左下午茶餐兼冇湯。咁佢就叫人舀一碗湯俾我。咁我都就咁算。碗湯飲左一啖。嘩！溝晒水嘅！1D味都冇。之後我真係吾夠胆飲。諗住快快食完走，但佢地班人仲專登喺你旁邊講D單單打打唧說話。結論係，一碗例湯啫，真係咁矜貴？

第一員工態度極差特一男一女！對客態度極是！呼呼喝喝！好嘈吵！好煩吃得唔安樂!第二食物好咸多油！食完成日要飲水！第三坐位擠逼！成日趕客！食緊叫你轉台！第四碗碟不乾淨！

粉麵好好食，凍檸茶好飲，牛腩牛肚墨丸有口感好味，個人認為一定要加辣，加左之後更出色，但係其他碟頭飯就一般，常餐都係，環境可以，食物好快就上到，趕時間的話係唔錯嘅選擇，價錢都合理$40左右！

久唔久都會食下, 但呢檔野越整越難食! 今晚叫了個介蘭肉鬆煲, ($65), 好明顯, 介蘭是拖過水先炒上煲, 淥到淋哂! 所謂肉鬆, 就是免治肥豬肉, 兼夾成煲野炒到水汪汪, 又冇味, 極度唔掂! 另一樣是牛雜粉 +油菜蕊, ($39) 落單叫左食爽(唔好淥咁淋), 結果又是淥到淋哂!  牛雜粉d肉合共得幾舊, 湯淡如淥麵水, 真係差到不得了,  侍應態度黑口黑面, 好似全世界得罪佢咁,永不會再去。

19/9 早上十點左右入去食早餐，未坐定已經問你食乜？我話睇睇餐牌先，伙記阿姐已經黑面行開咗，大約一分鐘後落單時，即時比說話我聽話我諗得耐。幾個阿姐掛住傾計，在餐廳內高談闊論；到上菜時，又將隔離枱的食物送錯比我，好心提下佢哋，唔該都冇聲，好似話我多事咁，其後重固意在我的椅背撞了幾下。真係食到一肚氣，免費我都唔會再去，尤其係一位冇帶眼鏡及比較瘦的阿姐，全程黑口黑面。我嚟食早餐咋，又唔係冇錢比，唔使咁對啲客人呀？

呢間茶餐廳，幫襯左起碼兩年，平時叫蒸魚好多時都蒸唔熟，不過無所謂，咪再翻蒸囉，街坊茶餐廳，啲嘢唔太難食都算，繼續幫襯但今次實在太嬲😠我以後都唔會再幫襯話說O完T, 9點幾10點咪去呢度食個碟頭飯，10點鐘落單，我對面遲嚟既阿姐叫鴨腿湯飯都到左，等到10點3都未嚟，咪催下囉，個伙計話之前洗緊廚房，所以要等一陣(明明間嘢收11點，成間茶餐廳都係人，10點鐘走去洗廚房?!!), 又等，對面阿姐都食左半個飯，碟碟頭飯仲未嚟，又追，第二個伙計 (態度差) 又係話洗緊廚房，又話洗廚房都唔係我控制到架啦; 但明明一路見廚房出嘢食，不過無我份😢，再等，已經等對面阿姐食完個鴨腿湯飯，再擧手追，個態度差既伙計走嚟話'你放低手先' 就行開左，我開始有啲嬲問'究竟我個飯幾時嚟，已經等左超過20分鐘'，個伙記話咁你想點，態度非常差，之後走入廚房，出返嚟話而家執料整，非常悔氣咁問'你仲要唔要呀'，我梗唔要啦，唔驚你加料....講真，洗廚房你控制唔到，咁態度係咪可以好啲...街坊茶餐廳，都係街坊生意啫，態度係咪應該好啲?!# 啲嘢又唔係特別好食，隔離新樂園，啟田樓上三盞燈都比你好食啦...仲要貼張幟哥既相响度，幟哥

去入境處做完個証行左上電梯一直上去上面搵LUNCH 食都接近放LUNCH ,學生都一大堆人好多食肆都排成十幾人見到呢間冇10人就行入去都好快就可以有位座底睇睇今日早午餐,有5 個選擇炒貴勻.我見4處都係叫呢個,應該冇死都好好食夠味道.河粉唔會一舊舊仲有碗例湯送河粉份量都唔算多入面有肉絲數埋都冇10條火腿絲都少量講下凍奶茶是幾好飲,好香夠滑唔太多冰另一個叫牛坑腩,呢個套餐就真係貴粉一碗,盛為 $52 連野飲食落去又真係冇咩特別,一舊舊既牛坑腩坑既位就好少,肉都唔算好多飲品都冇什麼問題都起碼好濃味唔會多水而冇味2個人成100蚊..好似去左中環唔太抵食

入去見到有精選午餐我就簡左洋蔥豬扒火腿飯先講食物豬扒size同出面差唔多火腿都係得半塊唔算好食飯就比得多而且硬硬地所以食完會被飯撐飽另外洋蔥汁味道一般份量唔多唔夠撈飯呢個餐包埋熱飲和例湯而我唔想浪費湯所以無攞到是日例湯：老黃瓜湯湯呢方面唔評論唔要求食物味道既話都可以食呢間

叫份傳統飼料式早餐，諗住簡簡單單，沙爹牛肉公仔面+西煎雙蛋，黎到之後兩隻煎蛋熟過我阿媽，切開中間連蛋黃都無埋，煎兩隻淨返蛋白既煎蛋俾我，唔知係咪蛋黃用晒黎整第二D野。好啦，一場街坊費事嘈，咪最多無下次囉。個廚房仔重笑笑口咁，希望你整D野出黎係連你自己都會食架啦。

食物水準一般，個收銀呀姐D態度好爛仔咁，好兇悪囉⋯⋯叫乜冇乜，幾平都冇用啦啲食物又唔見得好好食，似超級市場裏邊啲飯盒囉⋯⋯不知所謂，個呀姐係無禮貌大聲夾悪……啲坐位又迫

本人在此享用下午茶，侍應落單時已錯漏百出。其後，欲購炸魚柳及薯條作外賣，但因有不少經驗炸物會把盛載器皿-發泡膠盒溶掉，於是向侍應提出用紙袋盛載，而她也一口答應！但不久，廚房大佬竟在開放式廚房向所有顧客大罵不懂用紙袋盛載炸物，並隨即一意孤行用發泡膠盒包裹食物，令我感到十分難堪。須知道附近有不少類似的茶餐廳可選擇，而且對我提出的「簡單要求」從沒托過手踭，今時今日仲有咁嘅服務態度，而且價錢也不便宜，願它還可以「客似雲來」！

我同屋企人下午唸住食下午茶,經過呢道見到好似有好多好嘢食,所以咪過去試下.點咗薯條,雞脾同杯0茶,話咁快就送到.雞脾好好味,薯條就脆卜卜,又唔太油,0茶又唔會太甜.好快就吃飽飽啦!下次得閑在去嘆!!!

同女朋友玩足一日,玩到肚仔餓就搵野食...入到呢間茶餐廳,個場正正常常. 唔需要等位..叫左一客蔥油雞飯, 炸醬麵. 例湯先到,再等左約2分鐘, 蔥油雞送到. 嘩! 好夠份量 !!賣相都幾吸引 !! 舊舊堅有肉,唔係皮包骨 !!但係本人唔鍾意"擦子膠" 先試吓雞胸,ok wor ! 我鍾意佢d 雞煮得 arm arm熟,唔太老. 肉質keep到有咬口+鮮味 !! 蔥油醬汁調得恰到好處,絕對係送飯佳品 ! 食肉獸既no. 1 之選 !女朋友叫既炸醬麵,又一驚喜之作 !! ..話說本人幾年前係中環麥X記食過一碗炸醬麵.個碗野細過我手掌, 啊waiter叔叔仲同我強調佢地d麵煮都一d鹼水味都冇,埋單$60幾銀一碗麵. 我自覺中晒伏 !! 鍾意食鹼水麵既我好似無食過野咁, 餓住咁走 !! 自此之後,就冇食過炸醬.講番今次呢個麵, 麵條略帶微鹼味; 麵身彈牙. d炸醬肉-香,辣,甜,爽 !! 多加辣椒油就好刺激開胃 !! 正 !!

日日行過都排隊, 係咪真係咁好味呀?上星期六約左班FRIEND去試下啦, 估唔到又真係幾好味.仲見到事頭婆親自炸魚皮, 當然要叫番碟來試下啦, 果然人靚魚皮正.除左叫新鮮炸好的魚皮之外, 仲叫了幾個餸, 幾個大男人都醫肚梗係要叫多樣嘢食啦.話咁快啲嘢食就部到面前, 嘩! 碟蝦碌好好味搞到我連蝦殼都'損'埋, 唔好哂左D汁嘛個香煎雞扒米線分開上, 唔怕搞到塊雞扒'淋'哂, 所以咬落去香脆肉嫩汁夠多.我最欣賞個楊州炒飯, 我差唔多食了半碟, 搞到比啲話我係飯桶, 無計啦, 個粉飯少得好乾身, 粒粒飯都分開架, 唔會黏住一舊舊.

噙晚屋企無煮飯, 唯有出街食埋先返屋企. 約埋幾個同事走去新開無耐的茶餐廳試下啦. 點知發現佢地啲套餐幾抵食, 小菜套餐$50有找.包括小菜一個, 白飯例湯仲有杯熱飲, 轉凍飲都係加$2. 我地嗌左XO醬四季豆炒鮮魷, 生炒骨, 南乳粗齋煲; XO醬唔怕好辣, 鮮魷夠爽口. 生炒骨唔會太厚炸粉，酸甜味道啱啱好。齋煲啲南乳好香，唔怕太油。雖然份量唔算好, 反而仲好樣樣都食得哂, 唔浪費. 我地趁啲伙計唔覺眼, 影左幾張相, 仲影埋個餐牌, 同大家分享啲咁筍的嘢