明新鐵板咖哩皇

營業中

休息中

完成了一點工程，之後來到這個大元邨的平台，就發現，原來大元邨平台，都尚有幾間食肆，雖然未必稱得上「各具特色，一定要來」，但是比其他地區的領展商場，這些還算好，最少不是連鎖商舖吧。看到這間店舖，什麼形式的東西都有，例如有鐵板餐，中式小菜，或是港式雜扒飯。本身看到旁邊那個男士的雜扒鐵板餐，其實看來甚吸引，但是再回想，就發現，其實只是最近我那邊一隻炸雞翼，因此覺得非常吸引，其他只是雞扒，豬扒，司華力腸等等，所以結果叫了一個西冷扒。另外就加了一個小菜，醬爆萵筍豬爽肉，配白飯。員工將西冷扒端來的時候，其實有點兒吃驚，雖然餐牌上寫上有12安士，但是實物，的確是非常長，而且很厚身的西冷扒。左邊的位置有點兒比較熟，應該肯定超過了五成熟。但切開後發現內裏過熟，口感輕微鞋。現在，我通常吃牛扒很少從一邊吃到另一邊，因為如果早早發現一邊太熟，倒不如早早從另一邊開始😏。結果，另一邊比較多汁，就發覺這邊牛扒比較美味。兩個人在分享這個西冷牛扒，非常之長的牛扒，但是比較乾涸，沒有汁，而且屬過龍的就沒有吃，還有那些薯條，粗薯條吸汁當然好吃。等着等着，最後才端內我們的將就萵筍豬爽肉。萵筍豬爽肉，就等得比較耐，基本上兩個人

見到有据扒就試一試前菜牛油餐包還可以但餐湯太淡叫左個豬排意同雜扒餐份量大，味道亦都幾好意粉份量足 豬排重豬味，讚雜扒份量多，夠飽 ，叫飯/意粉一定食唔曬略嫌餐廳燈光太暗

!!!買外賣送小強!!!幫趁明新買左一排外賣味道一般都係貪方便唔使行出街今日又嗌外賣吉列魚柳 加雞亦一打開就見到隻小強，菜葉仲有隻蚊屍體超嘔心!!! 真係好得人驚以後都唔敢幫趁

晚餐時段到到都好多人，所以就求其搵一間去食飽就算，最後就黎左明新鐵板咖哩皇。我地叫左個福建炒飯，飯嘅份量就非常多，但佢嘅配料就好唔掂。另外，我地叫左個魚香茄子飯，味道無魚香茄子煲上咁好食。

本來就唔肚餓嘅，去一田行完街買咗好多野，想搵個地方坐低食少少野先返屋企。終於都係搵間平靚正嘅＄30就有炸雞髀紅豆冰炸雞比真係要讚下佢，熱辣辣香噴噴，皮脆肉嫩，唔乾身。最好就可以配沙律或者炸薯條咁就無敵啦！我寧願加多少少錢，小小好啦喎又唔好太貴喎！因為就咁得一隻炸雞髀好似有啲孤單，雖然隻雞比都幾大，但係食完好似仲想食啲嘢先至夠完整。紅豆冰有三份一杯紅豆3分一杯冰雖然冰係多咗啲，唔夠奶香味。紅豆比較硬身，唔夠多沙，但整體OK！

本來約咗個friend食早餐，點知遲咗起身，咁就唯有叫午餐啦！唔食肉丁麵咪食飯囉！一坐低阿姐已經放低左碗例湯，味道好甜，因為係送嘅所以冇要求。跟住先至睇餐牌，午餐40幾蚊真係好抵食，但就好搞笑已經跟咗日子編排好晒！係茶餐廳最穩陣都係食焗飯，所以我就叫咗個先茄芝士豬扒焗飯 $42 only. 今日有驚喜喎！真係有幾粒鮮番茄，好鍾意面頭有隻荷包蛋，芝士味就唔係好覺，但塊炸豬扒都OK，加埋個飯有蛋炒底，雖然得好少蛋，都算有誠意啦！朋友就叫咗咖喱汁鴛鴦扒飯。最後餐茶要熱奶茶，質素就一般啦！奶茶唔夠滑。埋單唔使＄100仲有卡位坐

晚餐通常都唔知去邊食，又唔想太貴，咁就去左明新試下佢d晚餐。咁我地叫左啫啫通菜煲，金牌沙拉骨。加$8先有個白飯。但個飯都夠大碗。而沙拉骨超大舊，勁抵食。而通菜煲就咸左d。

跟朋友踩完單車，隨便吃一個 quick dinner, 星期六夜晚周圍都好多人排隊等位食飯。我哋唔想等就搵一間快餐。價錢有平有貴，後尾我哋都係叫咗一個飯一個粉，order 之後立即送上例湯。我哋叫咗泰式紅咖喱牛筋腩煲，一望到個咖喱汁顏色已經唔開胃，怪怪地。泰式紅咖喱汁重點用嚟撈飯，但可惜又唔香又唔辣。牛筋腩都有幾件貨仔，但就一啲都唔入味，水準麻麻！ 就連乾炒牛河都冇鑊氣呀！我食個下午茶仲好味d最後嘅凍鴛鴦，總算挽回少少分數。勝在夠平

晚上忽然很想吃鐵板餐，找到了這間餐廳，看到有鐵板餐選擇。由門口看進去其他像茶餐廳一般的⋯從餐板上點了兩款鐵板餐，可選擇白飯、意粉或薯菜，可配黑椒汁、黃咖哩汁、洋蔥汁或蒜蓉汁，跟餐更奉送牛油餐包及是日餐湯。是日餐湯⋯白湯來的，喝上去像忌廉菇菌湯加上了黑松露，份外香口，湯亦夠稠，而餐包亦都是熱的，牛油則自行加配，不過餐廳好像沒有牛油刀，唯有用普通刀代替。（$88）重量級紐西蘭西冷牛扒12oz，黑椒汁配意粉五成熟。牛扒份量都多，牛扒切開黎感覺像7成，比預期要求的5成熟明顯煮多了時間，不過肉質仍然很嫩口容易咬開，黑椒汁跟牛扒很配合，鐵板餐有伴碟翠肉瓜粟米茄子和蕃茄，煎得很香。（$128）紐西蘭T骨牛扒12-14oz，蒜蓉汁配薯菜。肉都熟得剛好，切開裡面肉沒有紅色，但肉都容易咬，不會很韌，肉很香。難怪蒜蓉汁十分香濃，因為醬汁有很多炸蒜在裡面。薯條炸得很脆口，熱十分燙口。點了樣很特別的飲品，檸檬忌廉，就是忌廉汽水加檸檬，中和了忌廉的甜品，反而很清新，不錯。而熱奶茶就一般般，可能茶底做得不好。

係介符午餐同下午茶之間，我地選擇左叫一個午餐同下午餐食。午餐叫左五香肉丁炒公仔麵。下午茶就叫左個迷你乾炒牛河。五香肉丁公仔麵算ok但佢下午茶真心小份量，而且比較油dd。

在大埔工作，好多時都係叫外賣，在大埔中心係好多外賣選擇，而我叫外賣通常會叫呢間餐廳，佢地Ｄ外賣好夠味道，而且多數好快送到，大元村離大埔中心都好近啦。經常會收到佢地新外賣單張，佢地每半個月轉一次，每個日子都有特價外賣飯，而今日14號係係呢幾個選擇啦。澳門鮮茄豬扒芝士意粉：呢個係我必食，豬扒炸過而且好夠味，厚薄適中，味道亦好地道，一流好過某集團Ｄ焗豬扒飯越食越薄，我道常會食意粉，好好味，另外佢地又有個必食牛魔王芝士焗飯，不過又係半個月輪一次，所以半個月道常食為左佢呢兩個飯，我多數會叫佢地Ｄ外賣，因為太正啦。除左凍飲加2蚊外，價錢係42蚊一個包晒外賣餐盒啦，仲有例湯餸，佢個中湯唔太多味精，雖然點都有小小味精，但唔咸，味道幾好。在大埔中心附近做野我推介呢一間外賣，食過好多間都唔夠鑊氣，呢間最夠鑊氣啦，試過先會知。

陪囡囡去完補習班，再去附近食個午餐，要快嗰隻，因為食完又有第二個興趣班要上啦！唔單只小朋友攰，大人都覺得辛苦我鍾意食明新係因為有卡位坐，起碼可以安安樂樂食餐飯。40幾蚊真係好抵食，最搞笑係每月唔同日子有唔同嘅餐，都好唔使諗咁多！一坐低就人人送一碗熱騰騰的例湯咖喱汁鴛鴦扒有驚喜，因為整體感覺有啲似泰式咖喱，仲有埋香草食落去個咖喱味幾香，就唔係好辣，但我都覺得佢唔夠鹹，但起碼感覺少味精。另一個肥牛炒烏冬就比較遜色，因為我真係分唔出佢係烏冬定係上海粗炒好快上枱好明顯係煮定所以唔夠熱。

話說今日休息約咗朋友見時間未夠就去搵地方食晏晝飯，諗住住大埔咁耐都未食歌名新嘅咖喱，心諗不如試吓啦，於是同朋友一齊行咗入去食啱啱午飯時間剛剛開始多人，入到去我朋友點了咖喱現鴛鴦扒飯，而我就揀了紅咖喱牛肉飯，當啲返嚟齊，一開始食我見朋友嗰個咖喱個樣幾好心諗我嗰個應該都唔差，點知我一攞匙羹放落啲紅咖喱汁到忽然覺得啲咖喱汁好似水咁，心諗可能個味道好好呢，點知食落完全沒有咖喱味只有洋蔥同椰漿未，雖然晏晝飯$40幾蚊，唔應該太大期望不過都唔係差成咁架話，所以有時睇完網評再嚟一時真係唔會再有下一次，有啲地方食完一次就夠唔係平貴問題，總之感覺超失望。食落去嘅味道令一間普通茶餐廳都不如。

難得今日朝早起到身去銀行搞啲私人野，眨吓眼就已經一點鐘食飯。翠屏最近梗係去街市食啊！一般都食招牌咖喱飯。但係見到芝士肉醬又好想食返個意大利粉，呢間就真係好有茶餐廳feel啦！唔駛等好耐10分鐘就有得食，一嚟到阿姐已經提我要小心因為真係好熱辣辣肉醬真係10年不變嘅快餐味道，意大利粉係脹卜卜淋pat pat的 cheap 意粉，食落去一啲口感都冇，但就好經典。有三條芝士腸，but 就焗到燶晒味道淡左少少我都要加辣椒仔。同埋完全零口感，但只係 $41 蚊，真係唔應該 complaint ！熱奶茶，ok 有水準!仲有一點好搞笑! 呢度講英文係唔 work 嘅，千奇唔好扮 abc

其實我叫個外賣係咪要笑住收外賣架呢？？聽到敲門聲，知道外賣到，梗係要叫等陣架喇！吾通叫你放低走咩！？何況仲要拎錢，我比錯錢，我認衰，講聲吾好意思，到最後仲要比你問咩眼神？話我咩態度講野？？仲要叫我開門開鐵閘講野，講吾岩既咪要比你打？係咪叫個飯食下，都要笑哂口，表情十足甘對住呢？真係吾會吾記得呢一日，陣間出街都吾知會吾會比人打，個外賣仔仲要知我住邊