明新鐵板咖哩皇

營業中

休息中

有朋友喺外國返嚟想食茶餐廳大埔中心附近諗起呢間有卡位閒日早餐時間唔算人多坐得都舒服茶餐廳哥哥仔都幾有禮貌一坐低即刻擺低杯室溫水俾我再問佢拎熱水都唔會黑口黑面仲好有禮貌咁樣即刻拎俾我加分叫咗個雞扒沙律餐雞扒略嫌乾柴咗少少冇乜汁跟嘅茄汁都冇話有咩驚喜沙律就係正常茶餐廳沙律用嘅係罐頭水果凍奶茶，正常發揮呢間嘢就係所有嘢都正正常常so far so good職員茶餐廳嚟講都算幾有禮貌呢個位幾好價錢老實overall, 可以encore呢間茶餐廳但係應該唔會encore舊雞扒

空肚抽完血之後暈暈地，老遠行過嚟大元邨食早。之前多數你都係食下午茶，未試過早餐就過嚟試吓個沙嗲牛肉麵。落單嘅時候同姐姐講要雞扒米粉加沙嗲牛肉，姐姐話咁樣嗌唔知會唔會浸冧咗塊雞扒佢就幫我沙嗲牛肉加雞扒。嚟到嘅時候雞扒又真係分上。第一眼見到東邊幾好，但係就凍咗啲。個沙嗲牛肉啲汁都幾好味有落蒜頭落去都幾香，但係肉嘅份量就比較少，啲米粉黎嘅時候好似好多湯，但係米粉索水，食時就啱啱好。個雞扒都夠厚身，但係就冇底味，隱約食到少少七味粉嘅味道，但係就比較乾身。雖然附近幾間餐廳早餐都差唔多價錢。但就係呢度多配搭，就忍唔住揀咗佢，食飽飽飲埋杯凍齋啡成個人精神晒～Fighting!

一向很少寫食評，但今次忍唔住，請見諒 。 2024年5月9號，去了大埔大元邨街市，電梯上層，明新鐵板咖喱王餐廳食中式小菜晚飯，當晚叫了三個餸，肉碎蒸蛋，蝦醬豬頸肉及腐乳蒸雞。 先講例湯，完全冇味，好似飲滾水咁。蝦醬豬頸肉，蝦醬臭益味，豬頸肉塊塊肥過肥豬肉，腐乳蒸雞，食唔出有腐乳味，但雪藏雞的味道淋漓盡致。上菜時間已經耐，仲要咁難食，真係難得👎 已事隔一個多月才出這post，證明這間食店啲嘢食，令我難以遺忘 。

最近到明新茶餐廳，下午兩點開始有下午茶套餐，！點了西多士炸雞髀、乾炒牛河和凍檸茶。2個人埋單$88，這在如今的香港可算是相當抵食了。雞髀肉肥美，外層酥脆，金黃色誘人。但是略嫌調味不足。西多士普普通通，中間沒有花生醬。另外，乾炒牛河炒得恰到好處，夠乾身，雖然話係下午茶，但係都有5-6塊，份量OK。不過不失。最後，他們的凍檸茶是我在茶餐廳必點的飲品之一。但這杯凍檸茶略嫌苦澀。但是，如果想食一下港式下午茶，這間餐廳不妨一試．

喺呢間小店裏頭嘆咗碗滾熱嘅蘿蔔牛腩湯米，真係令人暖笠笠🍲。腩頭腍滑、牛味濃郁，配上啖啖蘿蔔清甜得嚟又透心涼，真係大正！湯底夠晒味，冇得輸，喝一口就覺得自己嘅靈魂都回暖咗啲。嗰碟蔥油雞，啱曬口，雞皮Q彈、肉質嫩滑🍗，加埋蔥油嘅香濃，每一口都咁惹味，令我一邊嚼、一邊竊喜。雖然唔係咩高檔食材，但係佢哋嘅手藝同心思，絕對可以話係平民價錢食到嘅米其林體驗。坐喺店裡面，嗰啲四周嘰嘰喳喳嘅聲音，都唔覺得煩，反而增添咗啲地道生活嘅氣息。又有啲感覺似係回到咗細個時嘅茶餐廳，親切又舒服。食落去，實在係咸香過癮，滿足哂我今日嘅味蕾。👍

今時今日，想搵間好食嘅茶記都唔係咁容易，有時仲難食過兩餸飯，難得今次試到間好食茶記，真係要推介一下👍喺芸芸眾多西式推介入邊，因為其他睇落冇乜特別，最後選擇左羊扒，試下佢手勢🤤🤤就咁睇外表唔算係好特別，但食落發現有料到👍👍羊扒熱辣辣，肉質煎得好滑，而且黑椒味好重，但成件事唔會過咸，另外配既司華力腸又好脆，大推😆呢個真係好抵食，百幾蚊，食到有質素嘅羊扒，出去搵間西餐廳都可能冇呢個質素，非常推薦

山長水遠走入大埔諗住食Cafe，點知撞正冇開門，肚餓唔離咁去咗隔離試吓呢間茶記。估唔到下午茶抵食夾大份，味道都唔錯！環境就平常茶記咁，好多人幫襯又未洗搭枱！下午茶有自選雙拼包飲品都係$41，單款$34。點左吉列豬扒拼雞翼同凍檸茶！朋友點咗西多士凍奶茶，點知發現餐牌下邊有一個set係西多士平紅豆冰都係$34，哎蝕咗杯凍奶茶仲要加$3。吉列豬扒唔算厚，算大件，跟千島醬；雞翼有三隻脆漿少少似越式雞翼，兩樣味道正常～

復活節假期加班之後，返到大埔已經要食下午茶☕️茶餐價錢都唔貴，質素OK，清潔就一般啦。炸雞皮好吸引🤩配搭西多士更加係Perfect。初時以為西多士得半件，點知最後都有一個正方形，值得讚一下！傳統茶餐廳滋味，最緊要係有花生醬，同埋有一支糖漿任你用。生炸雞髀勁香，被炸得好脆，雞肉調味很好，我鍾意重口味，佢鹹鹹地的確好食。乾炒牛河就唔OK，牛肉鞋就一定㗎啦！最緊要係啲牛肉凍嘅，河粉熱嘅，咁即係點解呢辣椒醬，配搭乾炒牛河，最好味😋熱奶茶，還可以，唔夠滑，多奶好飲啲。

今日在大埔食下午茶，呢間野個生炸雞肶幾好味，配紅豆冰，才$36，都幾抵食。紅豆冰個杯幾搞野。另外本來想叫厚多士，不過伙記話無厚多士只有薄多士，因為都唔知叫乜好於是照叫啦，配凍鴛鴦。兩個餐夾埋$70，OK啦。

有d食物系一定要配辣椒醬，如炒牛河、炒米粉同炒面等，最討厭系上完菜又要問伙記羅辣椒醬，仲要等好耐先黎，碟野都凍哂！不過呢家餐廳真系有驚喜，上碟豉油皇牛肉炒面同時，成支辣椒醬羅埋黎，呢d服務真系貼心，50蚊一個午餐牛肉足料好味大大碟，送例湯同飲品，真系要說一句夫复何求！😄

因為工作關係，經常會在午飯時間來吃飯。一直以來，這間餐廳都是大件夾抵食，但有時水準不穩。例如我今日吃了「椒鹽豬扒飯」，份量頗多，一共有5塊豬扒，可惜味道有點「死鹹」及肉質很韌，明顯係老早煮好。年頭這些午餐由$47加價至$50，水準卻不見提升，有點失望。

「晨早流流食早餐」系列之可能係全港最有禮貌既茶記是日瞓飽飽精氣神滿足後，就去滿足吓個肚皮。今朝約11 點係大元就順便搵下有咩好野試，好彩見到呢間係平台附近既茶餐廳早餐做到11點半，就黎試下啦。牛油餐包暖暖地好鬆軟，一放低忍唔住咬左一啖先記得影相… 炒蛋好滑好juicy ，一啲都唔乾身，餐肉好厚煎到少少脆，唔會乾，讚炸菜肉絲米食落味精唔會好重，炸菜同肉既比例同味道好合餵食貓既口味，炸菜多但唔咸，肉唔會太多，合符早餐唔使食咁多肉既個人偏好，米粉夠淋同份量夠多茶走係去茶餐廳必點，回頭率就睇佢既功力，呢杯正，甜味適中，茶味夠濃，仲要咁大杯，唔飽就奇。最後要讚，係佢地既服務，真係由一開始帶位既伙記、到落單、放低食物、收早餐牌既洗碗姐姐、收銀，所有伙記都好有禮貌，全部唔該前唔該後。呢間茶記係我去過咁多間，所有員工最有禮貌既一間，真係抵讚！希望呢間好食、抵食、服務又好既一間茶記可以長做長有，餵食貓會繼續支持

大元邨熟食平台的茶餐廳 餐廳有好多選擇 有碟頭飯 /炒粉麵飯 /咖喱/雞煲/小菜等等 叫咗兩碟小菜加$9 配白飯一碗 凍熱飲加$5 送例湯蜜椒薯仔炒豬爽肉 8/10 🐷👍🏻👍🏻👍🏻落咗不少蜜糖去炒 甜甜的薯仔有炸過 香脆 豬爽肉略嫌有少少韌但勝在味道好搭救碧綠炒雙鮮 （鮮魷+ 蝦） 8/10 🦑🦐👍🏻👍🏻係翠玉瓜同埋鮮魷蝦仁鑊氣重 油水夠 炒出黎好好食 唯獨係蝦咸左少少 晚餐來講 豐富好食 簡簡單單 若果一個人追求再少啲 可以叫碟頭飯 或者炒粉麵 都係$50幾蚊 另外 夥計哥哥 態度好好 好有禮貌 唔該前唔該後 多謝晒 都算係食得舒服嘅一間茶餐廳

嚟到明新我唔係食佢嘅鐵板，唔係食佢嘅咖喱，去大埔食早餐都好鍾意選擇嚟呢度，早餐配沙律嘅餐廳真係唔多，想食沙律喺呢度就啱啦，有兩個沙律餐選擇。明新早晨沙律扒餐 $35吉列豬扒/吉列魚柳/農場雞扒/香煎豬扒豬肉漢堡扒/秘製炸雞鎚/原條司華力腸/紐西蘭薄牛扒 +$5可配牛油多士及德國薯仔沙律農場雞扒被塊多士遮住咗添，失策😅沙律好好味—————————————————————-早晨明新特色飽拼德國薯仔沙律餐 $35魚柳飽/豬肉漢堡扒飽/雞扒飽/豬扒飽/奶油豬配沙律今次叫咗個魚柳飽沙律，魚柳夠脆，飽亦烘得夠火喉，配上生菜，千島醬一流。沙律酸甜到啱啱好，食完好開胃。————————————————————-明新早晨自選麵餐 $33回鍋肉/五香肉丁/鮮茄肥牛/沙嗲牛肉/鮮茄牛肉/沙嗲肥牛/農場雞扒/香煎豬扒/沙嗲鮑片/鮮茄鮑片/雪菜肉絲/榨菜肉絲/轉紐西蘭博牛扒加 $12可配公仔麵/米粉/米線/通粉/意粉改出前一丁/日式烏冬加 $5任選以下兩款 加送每款 $5紅腸/餐肉/火腿/腸仔/茄汁豆/時菜/炒蛋/烚蛋/熟蛋/煎蛋/太陽蛋/煙肉+$1/香辣腸+$3如果唔想食沙律，呢度嘅自選麵餐都唔錯㗎，個農場雞

這天大元平台的食肆，晚市時段只有兩家還營業，其中之一便是這家茶記。我點了兩份外賣，一份中式小菜，一份焗意粉。收銀先出了單，我才用某支付程式付款。輸入銀碼時才發覺單上的價錢比店外張貼的高，詢問之下收銀才告知外賣需加錢。我表示想用自帶盒，收銀卻說出了單不能改。付款後我加單，表示要一個芝士汁焗飯配炸雞鎚，並用自帶盒。收銀說焗飯用錫紙盤焗，不能取自帶盒去焗。疫情期間很多食肆的生意大受影響，紛紛推出外賣優惠或折扣。現在晚市禁堂食，折扣就更大。這家價錢本已不便宜；疫情期間外賣沒優惠還要加錢，收銀態度又不好，看來「唔憂做」！莫非食物水準很高？回到家拆開外賣膠袋，只見盛載炸雞鎚的紙袋破爛到一塌糊塗。炸雞鎚很香，不過肉質粗糙。焗飯應有的乾身完全欠奉，味道一般。芝士汁沒有芝士味，跟一般白汁無異。另外一個焗餐--肉醬豬扒意粉，質素也是如此。我總共點了一份焗意粉，一份焗飯，一份中菜，店家卻給了兩個中湯，一份西湯。對店家而言焗飯也算是中菜？本來我沒什麼所謂，只是中湯很酸！也不知道是什麼湯。西湯則黏稠似醬汁！整餐唯一好吃的，是那份中菜--豆卜魚腩。魚腩份量足，與豆卜的比例剛好，不會豆卜多魚腩少。