明明車仔麵專門店 (軒尼詩道) (已搬遷) 新店位置

灣仔真係好多車仔麵檔睇‘黃’ 頁又睇到呢間明明入到去感覺裝修幾企理，有少少復古風之後可以用紙落單價錢方面真係非常之佛心三餸一麵都只不過係$40四餸一麵都係$45最後我就揀咗個蒜香雞翼尖,通菜同埋特製酸菜配蒜辣湯底而另一碗就揀咗雲吞，豬紅同埋牛腩配麻辣腩汁湯底呢個車仔麵真係比到我好大嘅驚喜佢唔再係好似平時啲腩汁或者清湯咁普通佢嘅蒜辣湯底非常之合我口味酸酸辣辣嘅感覺越食越開胃雞翼尖亦都煮得相當入味而佢嘅酸菜亦都非常之有咬口牛腩更加烹調得非常之林整體上食物質素好高，價錢亦都好平會成日再返去食

幾就腳所以都幫襯過好多次。45蚊 4餸1麵。每次必點豬腸，因為真係滷到入味，唔係hea整。其次會叫通菜，每次點都好靚。魷魚正常。魚蛋一般。d汁都唔孤寒，會響隻匙羹度，所以唔怕太辣。環境都好好坐。其實餸有機會下次再寫。

依家食車仔麵都一定會去食明明車仔麵因為真係抵食！四餸一麵一餐飲。每次食完都會好飽好飽！粗麵好大碗四個餸有兩隻雞翼、兩舊豬軟骨、四舊豬皮同四舊牛腩。豬皮好入味，牛腩好林，牛腩汁夠味。

上堂前去醫肚，朋友之前推介過這間，4餸$45 加$8 雀檸~~~腩汁加辣汁是好味的!!!!!牛腩入味吾un ~~牛筋冧身好味~~冬姑比較細粒和硬身，不過都入味!!!溏心蛋是很溏心~推介🤘🏻所有餸份量很足只是麵底很少，幸好總算飽肚😂車仔麵很快上枱～ 快餐一頓之選

格局簡單，似舊式，但環境都乾淨，職員都好nice,價錢唔可以話平，四餸45蚊，我嗌左四餸。腩汁沙爹，唔算太濃味，但我覺得ok。嗌左蘿蔔，咖哩魷魚，米線，牛根，大腸。個個餸都唔錯嫁，蘿蔔夠甜，冇渣。😉大腸就唔可以話好入味，但都夠味。😊牛根好林，夠味。😋咖哩魷魚都厚身，幾爽口，有口感。😛米線就有d唔夾，可能米粉都好d。😮但不錯既選擇，行街搵食可以翻兜。

雖然夥計態度唔算特別好但嘢食都係高品質首先要左牛腩雞翼滷蛋同墨魚丸牛腩份量都算多 煮得好腍雞翼同墨丸都大大粒 唔錯而且湯底清甜我這個碗叫咗甜酸齋豬腸生菜同豬軟骨正阿有甜酸齋!!!而且豬腸佢煮得好入味有滷水汁嘅甘香生菜份量都好多!!而且加埋豬軟骨成個碗麵都係餸同埋佢價錢好抵食

呢間車仔麵係灣仔大街，好易搵不過其實三四餸要四十幾蚊唔會係特別平。但見有啲優惠卷就去食下啦。先講餸同麵既選擇，都算唔錯，唔會話好多餸都無得食。至於醬汁呢，有六種，而每換麵都可以選多於一樣，所以最後其實都唔知自己真正食緊咩味。由於佢本身湯底有小小甜味，所以唔使太多汁甘重口味都得。至於麵既份量就一啲都唔少，一碗四餸麵係飽到食唔唒。啲菜又多，雲吞有三隻，雞翼有兩隻。特別推薦係雞翼同酸齋！至於丸類就無甘建議啦！

每日放工都會經過E度，所以一星主廚總會食一兩次，每次水準都保持得幾好，今次叫左河粉。牛腩，牛根，豬腸，今次牛腩太碎，牛根太小，豬腸河粉再加上辣椒漿，腩汁濃，湯又熱，簡簡單彈又一餐。

師傅早幾日喺灣仔辦事，由於都幾忙，無暇外出用膳，於是就決定叫外賣，打開個app忽然見到呢間食店，無錯又係車仔麵，見佢又肯送加上價錢唔貴，就決定試下佢。打開個app，喺裡面睇來睇去，都冇乜邊款吸引，唯獨呢個大雜麵，皆因大雜麵有六款餸，都係講緊54蚊，仲要係有豬紅，豬皮，豬腸，蘿蔔，冬茹同埋魚蛋，所以揀埋個幼麵底，就落單了。唔知係近定係個車手揸得快，唔係等左好耐，碗車仔麵就送到，食店都幾貼心，將湯同麵分開上，咁個麵就唔會乾晒水啦， 印像都唔錯。由於湯底係分開上，所以師傅可以第一時間淨係試下個湯底，味道清清甜甜，冇乜味精，感覺唔錯，之後再將湯底倒落碗麵度，由於碗麵有辣汁，所以當湯底倒滿後，湯底頓時辣了，但又不算好辣，又不算惹味，加辣後湯底普通。再講下豬紅，豬紅細細粒粒，味道普普通通，唔算入味，口感比較鞋，一般。豬皮絕不爽口，又滷得唔入味，唔得。 再講豬腸，唔知點樣形容，一睇個樣就覺得唔會好食，果然冇錯，豬腸本身好韌，味道一般，唔得。食完呢三款餸，都進入失望狀態，但仲有一半未食，唯有硬著頭皮繼續食，於是再試下蘿蔔，蘿蔔有三大舊，唔食好地地，一食又發覺喜出望外，蘿蔔幾大舊，又腍又甜又冇渣，好得。

因為喺灣仔上日文堂的關係所以每星期都會同朋友喺灣仔食晏而明明就做咗我哋兩個嘅飯堂其實明明係食車仔麵43蚊有3個送好抵個人必推佢個蒜辣汁 好正 又夠蒜啲送就必推雞翼，魚皮交，朋友話滷蛋好食因為太想食多啲送我地仲叫左個咖哩三寶💛如果食車仔麵嘅時候想食咖喱魚蛋或者咖喱魷魚可以叫佢哋幫你拎相咁個咖喱汁就唔會影響到個車仔麵另外再加個菜佢都可以俾你揀要腩汁蠔油汁定係豉油汁 最基本係啲菜都洗得乾淨同埋新鮮佢哋嗰度都有樽仔奶茶如果會甜小小 但可以一試

我個人係幾鍾意食車仔麵，明明我都食左一般時間不過最近質素就下降，連續食左兩次都唔記得加腩汁，成碗湯是白色的！自己睇隔離臺果d全部唔係咁色水。唯有搵呀姐黎加比我，搵左幾個呀姐都叫我等陣，之後冇左回事，最後搞左一陣搵收錢個呀姐先肯加比我由於已經係連續第二次唔記得加腩汁，到比錢時同呀姐講過第二次唔記得加汁喎，呀姐就唔客氣話唔係唔記得加，係加得少。大佬，d湯白色，擺明一羹汁都無俾啦，對明明真係好失望，唔想再幫襯！

去明明嘅目的只有一個，就係食蒜蓉辣椒雞翼尖！雖然已經食過好多次，但係每一次食都仲係充滿驚喜，點解可以咁好味㗎！食過明明之後，我已經冇再食其他店嘅雞尖。雞尖質素每一次都keep到，唔會煮得太耐， 味道絕冇會太鹹或者太甜，反而充斥着濃香嘅蒜蓉味，重點係唔會太辣，所以用嚟配麵同當小食係一流嘅。不過車仔麵餸嘅質素就爭啲啦，不過車仔麵餸嘅質素就爭啲啦，平時食開嘅就係豬紅、豬腸、魷魚、蘿蔔、豬皮、冬菇，其他都係伏伏地😂。今次朋友教路，原來係可以叫混汁，即係所有汁都叫晒，咁個碗上面就有好多醬料～結果係非！常！之！好！味！唔使講咁多，以後只會叫混汁！

自選4餸麵+飲品🍜$45+$8啱啱經過灣仔😉見到間車仔麵店😃結果入左去點左4餸車仔麵加汽水☺叫左柱侯牛腩、牛根、糖心滷蛋同瑞士雞翼🤤牛腩牛根炆得夠腍👍糖心滷蛋生熟度啱啱好，真係正🤩瑞士雞翼味道唔錯😏明明車仔麵專門店 (灣仔)灣仔軒尼詩道290號地舖

每周一次都要食的车仔面，看着他从30出头一路涨价到38港币，再到最近的40港币从小小分开两个的店面到现在亮堂好像火车车厢一样的大店面感觉对这家车仔面店是真爱了面可以自己选,推荐油面,河粉和公仔面颂也可以自己随意选，三样是40(女孩子可以食得饱饱)，强烈推荐:瑞士鸡翼(我常常晚上打包一大份回家)，卤水鸡翼尖，猪软骨，萝卜(这里的萝卜十有八九都是鲜甜鲜甜的)，芝士肠(我每次都点，但我的朋友觉得不划算，只有三根)，糖心蛋。汁水的话腩汁和卤水汁都不错，可以写咖喱汁另上，这里的咖喱像果冻一样，我觉得很好吃

利申：是次消費，透過klook預訂餐卷，可兌換4餸車仔麵連飲品（但只限$8的飲品）。不過要下午2點半後才可使用。店內環境一般，有螞蟻及小昆蟲飛過。味道：幾樣餸都不夠入味，例如咖喱魚蛋及瑞士雞翼。墨魚卷及韭菜餃味道普通，韭菜餃內裡的豬肉疑似不夠熟。湯底叫了腩汁加辣汁，但整碗麵鋪上一層辣油，好辣呢！但公平地說，辣醬算幾好味，辣得有層次，可惜它下多一層辣油比我，令我辣到食唔晒，最後剩下半碗走人。結論：不會再來。