明明車仔麵專門店 (皇后大道東) (已結業)

大碗又抵食間唔中都會食明明，又平又抵食外賣d湯會分埋，開黎食果陣先加湯落去，d麵唔會淋哂。d餃又抵食，5-7蚊1款，必叫牛腩，牛筋，糖心蛋，蠔王花菇，肥牛腩汁米粉

兒時想食車仔麵真係一街都係落去熟食巿場已經有幾間仲要好好味 而且價格親民而家 價錢一間比一間貴但味道方面好多都越黎越差呢間車仔麵門面唔靚仔 但試完有驚喜因為舖仔細細 望到都感覺坐得唔舒服所以我買外賣拎返上樓 打開本身覺得好滿啲料都算多 味道都正常一夾起啲麵就不得了佢啲麵感覺似越食越多真係好滿足加咗腩汁所以湯底都幾濃埋單六七十蚊灣仔食飯都咁上下價錢 所以都ok

聽到有關這間餐廳的食評都很兩極，這次親身去試試囉！剛好遇上下午茶時段，吃滿$40就送一杯熱飲（凍飲要再加$2）➡️ 三款配料加一麵 $44🔸️麵底：油麵🔸️湯底：腩汁🔸️配料：魚片頭、糖心滷蛋、瑞士雞翼 (瑞士雞翼需另加+$2)🔸️飲品：熱檸檬茶🔅總結🔅整體不錯～湯底牛腩味重但吃完不口渴👍🏻（我對味精很敏感吃完會很容易口渴），配上可自由添加的辣油更惹味 油麵彈性適中不會太淋 蠻欣賞它們的配料都不會過overcooked（因為坊間很多車仔麵店的配料都因為煮太久而太淋），魚片頭有魚味之餘亦很彈牙😍，雞翼滷得很入味但可惜肉質有點「鞋」，另外熱檸茶茶味欠奉糖心滷蛋質素可跟日本拉麵店媲美，裡面的蛋黃呈半熟，整體整顆蛋口感很滑嫩！

唔係第一次食冇記錯應該係第二次嚕！因為趕住搭車所以喺隔離嘅車仔麵檔求其嗌啲嘢填下個肚入去首先要都安心出行同針卡之後自己揀位坐定定攞張紙攞支筆出嚟聽你想食嘅嘢上菜係好快手嘅你比完紙仔5分鐘內就上俾你㗎啦我嗌咗兩個餸就$40覺得其實有少少貴就算連鎖嘅譚仔、南記 哩個價錢可以寶賣嘢飲添啦

成日聽住灣仔嘅朋友講”明明”車仔麵有幾好味，今次真係聞名不如見面，叫咗兩碗幾餸麵同媽咪一齊試，結果有驚喜，甚至替代咗我心目中灣仔車仔麵嘅第一地位，果然名不虛傳！🥢牛筋魚腐豬皮蘿蔔米粉 $45⭐️⭐️⭐️⭐️以往食開晏頓街果間車仔麵，自從前老闆無做之後，幾年間嘅水準都好參差，所以我先會試”明明”，一如以往叫返呢啲餸，牛筋腍又入味、魚腐軟滑無腥味、豬皮入味但硬咗些少，蘿蔔甜無根，仲有碗麵超級大碗，相比之下呢間整體較優勝。🥢冬菇牛腩酸齋油麵 $40 ⭐️⭐️⭐️⭐️至於呢碗嘅冬菇真係大讚，又入味又有冬菇香兼有乾冬菇口感，必食！牛腩腍兼入味，酸齋軟硬同酸味都適中，但呢款餸晏頓街果間較好味，最後個油麵係好爽口無油饐味，唔係間間有咁嘅質素，仲有一提係湯底夠濃又唔油膩，要讚！二人共消費：$89