影片
港鐵荃灣站 B3 出口, 步行約10分鐘
繼續閱讀
營業時間
星期一至日
07:00 - 16:00
以上資料只供參考, 請與餐廳確認詳情
好多年冇食過明星晚飯，最近冇飯開過去一試，原來都有好多抵食孖寶餐及小菜，是晚揀咗靚湯孖寶餐，另加蒜蓉粉絲蒸元貝，餐廳有優惠，2-3人送每人半隻乳鴿，4人以上送冬菇扣鵝掌，於是，又多咗一碟乳鴿，味道唔錯，不過唔記得影！呢餐真是非常飽，小菜的份量好大，二人根本食唔曬，捧住個肚走！
繼續閱讀
今(15-8-2021 Sun)朝同老公食早餐,好耐冇飲茶喇,就嚟呢喥啦,我啱去到,搵到最後一張冇人嘅枱,睇完menu就要:1. $31.80嘅特點,沙律明蝦角上菜嘅亞姐拎上嚟時,冷不防被個碟熱親,佢話個碟都熱.食落,係熱騰騰嘅,外脆,內裡就只係爽口蝦仁,而估唔到沙律醬都重係好罐頭雜果沙律.味道: 5分2. $29.80嘅大點,豬皮蘿蔔鴨紅竟然有鴨紅,真係想與時並進,呢個唔太辣,鴨紅嫩滑;豬皮爽口,但仍有沙;蘿蔔唔苦佐都有啲渣,都算唔錯喇,o衣o家白蘿蔔又唔係當糙.味道: 4分3. $29.80嘅大點,牛肉滑腸粉改用長碟同已切開成6件,份量變相少咗.食落,牛肉份量唔少,芫茜份量亦適中,恰到好處.味道: 5分4. $28.80嘅燒鴨瀨呢個大大碗,嗅到燒鴨嘅香味,口感同味道都正常,有俾胸位同皮嘅位置;瀨粉正常冇問題,湯就比較清淡.味道: 4分5. $45.00嘅魚翅灌湯餃估唔到呢喥又有,咁就要啦,端上嚟係熱騰騰,亦嗅到啲藥材味,而佢啱寫明有一兩魚翅,撈起嚟睇,係見到有,重要連咗啲魚皮.由於太熱,我食唔到,老公食先,之後到我食,啖湯嘅味道比燒鴨瀨嘅有味同濃啲;唔知係咪放耐咗,薄餃皮已經腍晒,內裡就只係肉,要加醋食解膩啦.味道: 4分茶:我要香片,但茶葉太多,好澀,想飲多啖茶都唔得.服務:同時間上頭兩樣嘢食嘅亞姐好好禮貌.其他:我啱去到時,有一張吉枱上有個環保袋,即係有人,但好耐好耐都冇人返埋嚟,約半個鐘, 一個肥,戴眼鏡嘅女侍應擺低壺茶,冇耐,一個6,70歲嘅男人嚟到,嗰個女侍應拎份報紙俾佢,然後將環保袋收入員工櫃內,即係呢個女侍親人罷位.價錢:搭枱茶位$9.00,連加一服務費係$201.50.2.6分上次食評係2020年8月17日刊登嘅呢篇: https://www.openrice.com/zh/hongkong/review/%E8%A6%81%E5%87%BA%E5%84%AA%E6%83%A0%E4%BA%86-e3793317,又係相隔一年.
繼續閱讀
去酒樓食飯對象多數都系一家人，今日6點幾去到已經見大半場都係家庭聚餐，感覺好溫馨，而平時同屋企人較少出街食飯，感覺就覺得更加珍貴酒樓就一定唔系個高CP值食府地方，但勝在價錢公道，菜式多樣化，最常成為街坊生意，今次呢間酒樓空間感十足，有好多張枱提供，唔怕冇枱開飯，紅色地毯、暖黃色燈光，加多幾分懷舊感決定一家三口一人叫一道餸菜配白飯我哋就叫咗：🌹燒雞 半隻皮夠脆，皮亦有味道，唔會過鹹有雞皮種油香味，肉質過乾，有機會系風乾過度，影響肉質唔滑嫩，$120半隻，價錢合理，所以還算不錯👍🏻🌹豉蒜涼瓜炒牛肉大讚豉蒜味啱啱好，涼瓜帶少少爽口，估計先輕輕白灼後才炒，牛肉醃製入味，配上豉蒜味更濃烈，略帶小火喉味豉蒜汁唔會過「傑」過「稀」，炒到啱啱收乾汁，點會唔入味？送飯一流🌹栗米燴魚柳冇浸死塘魚狀況，唔會成堆栗米更浸住晒啲魚柳，令魚柳保持脆口，表皮不會過重粉味，剛剛好，果然系正皆出品曾經出面試過栗米多過魚柳，狀況就系魚柳軟身冇咬口，顯得外表粉味更顯眼如果想要多栗米汁本身就需要求汁另上/另叫酒樓常見栗米魚肚羹或栗米湯三口屋企人，叫3碟餸3飯，啱啱好港晒堆餸同埋白飯，冇浪費到，大家都讚出品品錯，最喜愛的是豉蒜涼瓜炒牛肉、栗米燴魚柳呢兩味，見到隔離枱食長腳蟹，另外張枱又食龍蝦🦞______________________________😂一家人已系到討論下次過嚟食咩好🤚🏻❤️一家人就系咁可能好平凡生活...不可避免的出來社會工作後，與家人相聚/食飯/拍照都減少了，但就是呢份稀疏，亦更珍惜與家人相處的時光，相識總帶著緣份，特別是家人，希望大家也能好好與家人相聚當賺夠，想一同分享、享受吃飯不是單單的吃飯我認為與誰吃飯更加重要
繼續閱讀
今日做冬， 選擇左家人就腳啲酒樓， 分2個時段， 頭圍 晚上6:30 - 8:30, 其實本身唔鍾意食限時限刻嘅飯， 但做節無辦法啦。酒樓啲餸菜一般， 中規中矩， 侍應服務一般， 反而值得一讚啲係 明星在屋村裏 營業， 為街坊提供一個較優質嘅食府。說到眾多中式小菜中, 我最鐘情始終是生炒排骨。香港名菜生炒排骨，舉世知名，說到經典食譜，它必定榜上有名，連洋人也懂得是粵菜之寶，廚師考牌之作，因為看似易做實難掌握完美技巧。這道老少咸宜的菜式，香港人最愛的人氣佳餚。此店從食材、醬汁和配料， 拿捏得非常好，有水準。
繼續閱讀
去左荃灣老圍村探完朋友，順道係附近開飯，落石圍角邨商場搵到呢間明星海鮮酒家。以屋邨酒家來說裝修算很講究及新淨，光線充足，感覺也乾淨。點了幾味有肉有菜的家常菜，都是大路東西。燒乳鴿開邊無分四件，肉汁保留得比較完整，落手食份外惹味。時菜牛肉菜跟肉都新鮮，火候夠，味道不錯。花菇鮑片時蔬材料新鮮，份量也足，火候剛剛好，茨汁濃淡適宜，看得出廚師很有功架。唯呢味菜有入單但廚房無做，催了好幾次，等了超過半小時才有經理去跟進。集團經營，硬件及食物都不錯，但樓面侍應都缺乏服務意識，只有經理才比較認真做事，算是「十清一濁，破壞格局」吧。
繼續閱讀