明棧燒味餐廳 (已結業)

明棧燒味餐廳今日下午出左旺角整野去左依間茶記食午餐好似太子都有佢地既分店午餐當然又係食常餐啦本來想叫雞扒米線＋奄列多士可惜甘岩又無雞扒唯有食豬扒啦豬扒超級大件，差不多成隻碟甘大好可怕。。哈不過好好食阿，煎得岩岩好唔會太油米線有番茄薯仔湯底，出色都唔錯幾好食總結係旺角既超高GP 值既茶記——————#kayGorfoodie #foodie #hkblogger #foods #hkfood #hkfoodie #foodie #hongkongfoodie #instafood #hkig #hkigfood #hkeat #eat #hongkongfood #hkfoodblog #yummy #hkiger #food #hk #foodblogger #foodshare #hkfoodlover #hkfoodstagram #tasty #香港美食 #香港 #美食 #食評 

來到旺角鬧市，食店林立，選擇奇多，今晚同媽咪去吃廣東名菜—燒味！通常吃燒味，大家只想到某某燒鵝，某某連所燒味，但CP值低，收費奇高，其實要找好味的，不用多遠，旺角便有。位於花園街的明棧燒味餐廳，門口設有燒味檔，沒有射燈映照，燒味看似失色，不吸引，但打正旗號賣燒味，是否就如眼看的？選了二人套餐，有燒味拼盤+小菜+油菜+餐飲/老火湯。白切雞拼燒鴨·白切雞超滑，有六大件，厚肉，味香，其中有些連骨的味道更濃。燒鴨·師傅斬了隻上脾，肉厚味濃，特別是鴨皮香脆，肉汁多。豆豉蒸倉魚·原條倉魚配上豆豉蒸，魚鮮味香而不腥，魚肉嫩滑又厚身，選了不錯！清煮菜心·不是當造，所以不算十分甜，但勝在嫩綠多汁，不錯。另外選了點心孖寶，超值之選。清蒸蝦餃皇·四粒蝦餃蝦肉多，爽甜，絕不欺場。豉汁蒸排骨·大大件的排骨，肉汁豐盛，骨和肉的比例合適，好好味！菠蘿冰好多菠蘿，愛吃的必試！所有餸菜都配有白飯和飲品，也可選例湯，白飯一定要讚，好香，軟硬合適。整體菜色一流，燒味有驚喜，點心更是必選。另外服務一流，服務生有講有笑，態度親切，一定要再來。

又是一間茶餐廳~無辦法，出街食飯要平一點，可以少人食，要有肉又有菜的選擇不多嘛~這間茶餐廳的燒味好像是招牌，也有點心。不過我跟朋友只叫了兩個小菜 - 羅漢齋菜煲和魷魚蒸肉餅。然後跟餐要碗例湯，記得係青紅蘿蔔煲唐排，好似幾多料，無咩味精。(忘記影相....ORZ)羅漢齋煲一上枱超級熱，"咋咋"聲，出哂煙，賣相吸引，而且都幾大煲~而碟魷魚蒸肉餅賣相就一般，成碟都好白，除咗少少蒽花，成碟都好淡色，豉油亦很少。兩個餸連湯都係比較淡味，感覺幾健康，不過又覺得太清淡.......好似落唔夠鹽咁......

旺角茶餐廳林立，競爭大，食物質素有好有壞，今日推介這燒味餐廳。環境及服務：正常餐廳環境，但店員十分友善，為你安排舒適座位，比起那些收取加一服務費卻又零服務的餐廳，這間免加一的，的確值得一讚，充滿人情味！食物：叉燒煎蛋飯我叫侍應轉炒蛋，店員一口答應，令人十分欣賞餐廳的多變性，鮮黃色的炒蛋令人流口水，充滿蛋汁，令人回味。蛋下叉燒更是神級好味，外面香口，肉質爽林，非常好食。連凍飲約$60幾蚊，正常市價。

早餐在旺角，媽咪想吃腸粉，見就近這茶餐廳有供應。看餐牌，有點心，有西式早餐，鮮蝦腸粉，即叫即製，粉皮唔太薄，但就幾滑和軟冧，都很多蝦仁同爽口。不過類似酒樓吃的價錢$26，好在是無加一。鮮蝦腐皮卷，唔太油，腐皮香脆。歐陸早餐：香煎雞扒、火腿炒蛋拼意大利軟包。全碟份量都很多，炒什菌和牛油粟米都很香牛油味。香煎雞扒咬落很香脆，但雞扒就無乜肉味。意大利軟包有烘熟，外脆內軟，不錯。

公司樓下既明棧，今日食佢個下午茶就係椒鹽豬排飯，下午茶$45，我就鍾意炒底，炒底+$8，凍飲再加$3，但係堂食或者外賣自取過左$58就有折。豬排好大舊，而且味道非常好，飯係新鮮炒，所以非常好食

係旺角想一個人食午餐有時都唔知可以㨂咩⋯⋯今日誤打誤撞去左呢間野食燒味。環境同服務方面係同一般茶記無分別，唔好諗住坐得舒服、坐得耐、唔使搭台、可以HEA⋯⋯價錢方面係有啲貴。其中一個因素應該係土地問題啦，其次就係呢間都話出名。不過呢條街仲有一間燒味茶餐廳，下次試完再話大家知分別。食物方面都多元化，一般茶餐廳選擇都有，始終要向現實低頭掛，不過我個人就覺得，唔好為左賺錢而放棄本身既强項。既然係燒味主打，如果做得住，唔好搞咁多野專注啲好似型啲。坐左幾分鐘，我見好多人都會叫燒肉飯，但間野明明自稱出名燒鵝，所以我就㨂左燒肉燒鵝飯試晒周邊食客既選擇同店舖推介。燒肉：皮夠脆，肉香口，略微鹹左啲燒鵝：油香夠，中上級數，不過同深井仲有少少距離好，總結：優點：燒肉缺點：貴、唔好坐、有壓力

返早，去明棧食個早餐，雪菜肉絲，沙牛米，一食落去！中招，雪菜肉絲冰凍嘅，肯定剛從雪櫃攞出嚟，沙牛都一樣，凍嘅，好大雪氣味，😣😣😣😣😥點解可以咁，太離地，米粉超級小，茄湯又無落味，簡直係喂狗，乜嘢師傅嚟咖，咁都比人食，無言………

番完夜班好肚餓，同同事去食個早餐先訓覺，來到呢間位於油麻地的明棧，平時d同事好喜歡嗌呢間的早餐。我點了一個F餐，蛋配叉燒米，番茄薯仔湯比較特別，但無跟多士好像始終唔係好夠喉。同事的G餐，睇落幾豐富。

今日有人萬歲，同事提議叫明棧外賣，平時叫小菜外賣好少叫呢間，因為價錢都唔平😅7個人嗌8個餸。同事們真係唔客氣。。由左至右、上至下分別有：麻婆豆腐：普通，不夠辣。芥末牛柳粒:呢個幾好食，個薯仔特別重wasabi 味，幾過癮。上湯浸白菜:個湯底幾好飲蠔餅: 放耐左有少少淋，粉同蠔仔比例都正常。乳豬例牌:皮好脆但太肥。啫啫雞:呢味有點滯銷，味道都正常，無咩特別。小炒皇:配料有韭菜、魷魚等，我個人覺得個韭菜有啲生。梅菜扣肉：個扣肉好瘦，唔喜歡肥膩的人就岩哂。每個餸都起碼七十幾元，味道又不是特別好食，我都係喜歡名棧的下午茶，比較抵食。

原本我好鍾意食呢度ge揚州炒飯，可惜今日令我好失望。d飯變哂焦飯，食落苦苦地，菜又比平時少。好的係上菜同野飲速度快同埋夠熱。都幾多蝦，估算約10隻。下午茶選擇多，價格好實惠，飯又夠大碟。我同店員講左個飯太焦苦苦地，佢話因爲今日無水。唉，無水都唔係比碟焦飯人架嘛。野飲有免費柚子蜜內附檸檬一片，都算幾ok。店內侍應數目足夠應付人流，叫佢地黎點餐都唔算難。希望佢可以愈做愈好，而唔係求其是但比碟野食人。我都係想食餐ok ge 飽飯啫。

旺區搵間抵食嘅茶記都幾難，通常人流多就求求其其⋯⋯呢間叫有保證少少。最值得讚嘅係除咗一般茶記炒粉麵同常餐之外，仲有點心食。我地今次就嗌咗饅頭（因為兩個人食唔哂兩碗飯，就一飯一饅頭）。涼瓜燜倉魚：魚肉唔老，涼瓜夠林，同好多涼瓜。推介。四季豆炒豬頸肉：四季豆夠惹味，夠林，但豬頸肉極鹹，係醃哂入味嗰隻，一人只可食三塊。下次叫四季豆就夠⋯⋯隔離枱係兩個遊客，侍應好好心機話俾佢地聽冇綠茶，「is black tea ok?」，冇乜乜沙律（聽唔清楚），只有水果沙律。兩位遊客最後係清咗一大盤沙律，都幾搞笑，叫做體驗下咩叫港式多沙律醬罐頭什果沙律囉～

👍🏻招牌四寶飯。$60有燒肉、叉燒、咸蛋、紅腸燒肉唔算肥岩我叉燒半肥瘦，蜜糖味甜度適中半隻咸蛋，唔錯唔太膩紅腸薄切，中規中矩👍🏻公司雜扒飯。$68好豐富的一頓飯，有雞扒、豬扒、腸仔、煎蛋，整體入味肉質嫩，煎得好香口微脆👍🏻星洲炒米。$58份量合理，價錢僱貴味道不錯，用料大方火腿大大條，有蝦、叉燒絲、洋蔥、韭黃、芽菜，幾夠穫氣

下午六時半前可在明棧點個下午茶餐来個早一點的晚餐其實不錯。雖然叫了少汁还是汁醬奇多，但还好沒有很咸。牛肉也蠻好吃的。下午茶很多時不是一些不飽肚的就是些油膩炒粉面，所以明棧有粟米肉粒飯、時菜牛肉飯這些比較健康的選擇倒是樂於看到的。再者42元这價位在旺角茶記叫個碟頭飯配飲品(熱飲)已不多了。

入到間餐廳，睇住個餐牌， 見到有蚊鴨喎，惗住試下啦，點知打單出嚟，98蚊， 跟住搵暈成本餐牌，都冇蚊鴨喎，問過夥計啦佢話，電腦出價錢我哋，冇呃你噶，我話，噉你電腦寫980蚊我係咪都要俾啊，佢冇聲出，不過冇計叫咗。等咗成半個鐘， 我問佢幾時先嚟啊個夥計話，你落單先至開始整噶，我話你冇二個小時點蚊得起？佢亦都系冇嘢講！三催四請之後嚟到，用燒鴨嚟炆芋頭，咁使乜半個鐘？呢間 明棧大家以後咪去 ！