明發小食

營業中

休息中

碗仔翅能夠多些肉會比較好味，或者更加有咬口，味道方面很好，魚肉有果皮味，值得一讚。餃子方面：個皮好脆，又唔會油淋淋，肉唔太多，非常好，店員有禮貌，環境乾淨，食得舒服。

經同事介紹，昨日和老公特意到明發品嚐「三溝」（一向喜歡吃這些地道小食），好期待啊😚到達後，已有不少食客在店外等候，我們也等了十分鐘才有位子，地方不大，座位也有點擠。但食物味道真的不錯，我們點了「三溝、油渣麵、鴛鴦煎餃、豆漿」。魚肉量很多，油渣麵的湯底清清的，我也忍不住飲了一口又一口😋印象最深刻的是她們的待客態度非常親切，一句又一句「多謝曬、唔好意思、麻煩曬」；相反，有時候，光顧其他食店，侍應態度暴躁，令人都不想再光顧😌但明發一定是我們願意再光顧的食店之一👍🏼我們已計劃下次食「兩溝」，十分期待😚

行過深水埗，朋友揸住我個肩膀話，"拉！去嘗實啲地道街頭小食啦！" 推門進去，一間唔洋氣但氣氛濃厚嘅小食店映入眼簾。首先落場嘅係碗仔翅，個湯底勁正👍，魚肉彈牙得嚟又滑溜，啖啖都話得你「靚」！跟住就係鴛鴦煎餃子，煎得金黃脆口，閒時一咬，肉汁湧出，咸香得滯！再嚟個爆漿肉飯，講真我係冇咩期望，但佢真係令我大吃一驚，簡單得嚟又有內涵，每粒飯珠都粒粒分明，配上佢哋自家醬汁，夠香夠响！食完晒主餐，豆腐花必須嚟一碗，滑到不得了😋，姜糖加持，微微辣味解膩之余，令人一啖又一啖。最後，巴斯克蛋糕我諗無人會放過，啖啖芝士，甜而不膩，心情即刻好轉。整體嚟講，呢間小食店有佢獨特嘅香港味道，搵食嘅街坊慧眼識珍寶，流連忘返。下次再嚟深水埗，呢度絕對係我嘅必到之地！😇

平時每日放工只要冇特別野做都去買碗仔翅或者魚肉翅，雖然翅底係唔多款配料，冇冬菇冇肉絲冇木耳，只有蛋同粉絲，有時都好多粉絲，食完都好飽肚，而且個湯底真係特別好飲，稀杰適中。魚肉唔同宜家市面食到既，唔會腥，口感實，而且辣菜哺先係精粹。平時既店員好有禮貌好有心，見佢同d客都好熟絡，好多都係長期熟客，我要落咩調味走咩調味都會記得～ 好…讚完lah…呢個係以前…我都留意到有段片介紹都諗到會多人架lah, 不過都只係坐滿左加有幾個人排緊隊，咁我外賣唔緊要啦。我去到見唔係平時既店員，從來冇見過佢地係鋪面，而係片入面有出鏡訪問個位，我講左我要d咩調味啦，咁梗係有講要菜譜啦。等左有10分鐘，拎到番去，我得到一碗，稀到水，未裝滿，冇菜譜，好失望。圖中我食左兩啖後影低既～其實之前個幾星期前有日都味啖左一半，又稀左一半，但食開諗住間中失準，下次再買都有正常番，但今次之後我諗我都唔會再食了。可能我窮或者因為個度係深水埗，$27一碗我覺得要值得$27蚊，之前我好滿意，每日放工必去變左又要搵其他小食代替了。

我自小就不喜歡食生菜魚肉,因為魚肉好似一團粉又有腥味!在網上看到介紹明發小食的生菜魚肉好好味,今日又剛巧到深水埗,於是就試試。下午1時多仍大排長龍,幸而都排得快!生菜魚肉原來有分大細的,外觀魚肉係有葱,而味道有陳皮味,唔腥,好食,湯亦好好飲,加埋少少辣蘿蔔, 胡椒粉完美組合。不過掛住食忘記映相! 椰菜煎餃亦香脆多菜,餃子因全人手及即製,所以都要些時間等候。不得不提竟然有巴斯克芝士蛋糕柔軟又不會好甜。小店充滿人情味,原來都有好多熟客!下次會再來的。

被網上宣傳，未去過有餃子🥟但又有蛋糕食既舖頭，今日放工就去試下啦😄環境簡潔👍樓面只有一位女士👩🏻佢服務好好❤️爭取同每枱客人傾計🗣我叫左台式肉燥飯，男友叫了雞扒米🍲凍檬茶。仲有8件煎餃🥟試飲了男友的凍檬茶🍋覺得好好飲😋加$3要多杯（因女士唔好飲太多凍野，平時多數是飲男友嗰杯幾啖就算）台式肉燥飯我開頭食覺得味道唔夠濃同少汁，不過男友就好欣賞個飯。食食下我又覺得幾好味wor😋😋試左男友碗雞扒米：雞扒好味，而種米粉就麻麻地🙃鴛鴦煎餃🥟🥟有椰菜及韮菜口味- 樓面姐姐建議我們吃椰菜味先。因為試啖味D就食到韮菜味多啲😉我見樓面姐姐差唔多同枱枱客透露係有位熟客幫佢做宣傳。話開左好多年，一直keep住係舊客，新客就好少。我同佢講我都係睇左宣傳過黎食ka😆

今次再encore呢間深水埗小店，呢度除咗食餃子之外，估唔到有埋甜品，如果甜品都做得非常好食！店員話每日嘅貨量唔係好多，售完即止！ 食完餃子， order個甜品作結非常之幸福😍芝士蛋糕芝士味好香濃，而且入口軟綿綿，亦唔會太甜！

深水埗勁多嘢食，捐窿捐罅去到基隆街食餃子😍😍😍煎餃子🥟 $41@8隻呢度嘅煎餃子有得揀雙拼，我哋揀咗椰菜餃同韭菜餃，兩份都好好味，重點係個餃子皮煎得勁香脆，入口脆卜卜，而且個餃子皮好薄身，唔會成口粉😍😍加埋菜譜，簡直一流，不過留意呢度嘅菜譜都比較辣，超級推介一定要食！

今日下晝時間去咗一間深水埗小食店，分別點咗生菜魚肉，煎韭菜餃，巴斯克芝士蛋糕，豆腐花。好多人推介呢度嘅巴斯克芝士蛋糕，即刻過嚟試吓！不過原來粉面套餐係唔包括煎餃，想嚟嘅人呢就要睇清楚餐牌🤟🏻煎餃呢就冇套餐嘅要單點，單點價錢就貴少少啦，唔包嘢飲嘅，嘢飲都係要散叫🫣總而言之今餐埋單$87算係不枉此行，如果過開嚟深水埗都可以過嚟試🫶🏻必食推介一定係巴斯克芝士蛋糕🍰🫶🏻冇得輸呀👍🏻（溫馨提示想中嘅維他奶係我自備㗎😝）食既嘅途中做發現咗一樣嘢，老闆娘好鍾意同啲熟客傾偈，老闆娘態度都好Nice，就算搬咗幾次舖，好多熟客都覺得搵返過嚟食！純粹係個員工態度真係麻麻地，希望老闆娘正視吓啦，如果唔係就會好影響第一次黎嘅客人嘅第一感覺😛

用心制作，簡簡單單的生菜魚肉，竟然可以加埋陳皮及新鮮蔥花落去製作，街坊生意，良心小店。自家制餃子又係多餡，放湯同煎都一流。仲有佢哋自家製嘅辣菜脯，食過返尋味。如果堂食配生菜魚肉一流。

之前已經和友人到過「明發小食」，一行二人都被餐廳的食物質素所驚艷。今次筆者就再同另一位朋友過來，二訪這間街坊食店！同樣試了懷舊豬油渣麵，麵條帶少許煙韌感。豬油渣份量蠻多的，朋友話味道好香口，而且感覺未算好油膩，所以明知邪惡都會忍不住一直吃。一食令筆者愛上的煎餃子！點了鴛鴦口味，分別是韭菜和椰菜。前者味道會濃烈一點，外皮煎至金黃，入口香脆。內餡可以說是爆汁，一咬就有肉汁溢出，所以要小心進食。餡料比例多菜少肉，夠健康；而且還加入了馬蹄粒，令口感度增加。這一件蛋糕絕對是他們的意外驚喜。蛋糕入口幼滑creamy，有點入口即溶之感，芝士味道更是香濃。$25的定價可謂抵食！酸甜度適中的檸檬汁，解渴消暑。

深水埗真係食餃子一個好地方 周圍都有好多小店 話說之前買完電話卡經過呢間餐廳發現人流不絕 而且有唔同小食可以揀 就入去試下 😆金牌碗仔翅 ($19)而家出面已經唔再好似以前咁咁容易食到 大部分都係要係街企係度食 好少有堂食 呢度有得坐得舒舒服服 同時有得揀大細碗 呢個值得一讚 味道就正常👌🏻生菜魚肉湯 ($23)雖然揀左細碗 但魚肉份量都幾多 食完其實都已經有少少飽香煎豬扒麵🐷 ($42)豬扒新鮮煎起 好香 整到金黃色 味道都好入味 簡單得黎但好味 淨湯手工餃子🥟 ($40/10隻)餃子真係好好食 皮薄餡靚 小編揀左鴛鴦餃子 包括係韮菜同椰菜 粒粒都好飽滿 最特別係加左馬蹄粒 變左好爽口 豐富成個口感 好好食🤩 巴斯克芝士蛋糕🍰 ($25)估唔到傳統嘅餐廳都會有西式蛋糕食 飽到上心口都忍唔住叫番件黎食 幾creamy 細細件 唔錯☺️

店內座位不多，環境乾淨企理牆身壁畫溫馨，以餐廳為主題有多款香港懷舊小食，又有巴斯克蛋糕店員同街坊打成一片，十分熟絡肥妹平日夜晚去見到好多熟客街坊幫襯係一間充滿人情味小店✾ 香煎雞扒麵 $42（醬爆肉另加$10）有多款麵底可選擇，肥妹就揀爽彈生麵金黃香脆雞扒有兩大塊，厚肉嫩滑醬爆肉份量都好多，香口入味可以加埋辣菜脯更惹味✾ 香煎餃子（8隻）$41叫左鴛鴦餃（韭菜餃同椰菜餃）餃子半煎炸，金黃脹卜卜，非常香口兩款餃子都係多菜少肉，比較爽口健康韭菜餃味濃多汁，椰菜餃清新爽脆✾ 魚肉菜碗仔翅（大）$26魚肉、生菜、碗仔溝，簡稱三溝手打魚肉份量十足，食極都有🤣入口彈牙生菜新鮮碧綠爽脆碗仔翅以雞絲同粉絲為主，質地濃稠滑溜醋、麻油同胡椒粉自己自行加肥妹就鍾意多醋多麻油少少胡椒粉🤭✾ 鮮榨檸檬汁 $12檸檬汁酸中帶微甜，開胃解渴✾ 凍利賓納（跟麵套餐）

呢間餃子店不簡單～除咗有餃子之外 竟然仲有甜品食？！😍位於深水埗嘅明發茶室 係四十年老字號 堪稱基隆街開荒牛而且唔止精於餃子 老闆娘仲好擅長整巴斯克芝士蛋糕於是就決定公諸同好 喺鋪頭長期供應 「歎杯咖啡 食件cake」不只是cafe嘅專利 喺呢度都一樣得😍我哋嗌咗淨蝦子雲吞（$36）、淨湯鴛鴦餃（$40/10隻）、香煎鴛鴦餃（$25/4隻）、自家製豆腐花（$11）鴛鴦餃分別係椰菜同韭菜餃 餃子皮薄餡靚 食到每款餃都有5種材料——椰菜/韭菜、冬菇、馬蹄、豬肉同菜鋪 口感同味道都好豐富煎餃亦皮脆而不過份油膩 我哋怕熱氣就只嗌4隻試下順帶一提 呢度啲菜脯真係幾辣架🔥🔥鍾意食辣嘅朋友唔好錯過🤣至於蝦子雲吞 雖然平時食開嘅雲吞都會食到粒粒鮮蝦 但呢款就冇 取而代之就有好多蝦籽 食落都好惹味 幾特別😍豆腐花加咗少少薑汁 而且質感Q彈不散 好食😋最後當然唔少得巴斯克芝士蛋糕啦（$25/件）正好媽咪鍾意飲咖啡（跟餐+$6） 仲唔係平民價錢 cafe享受？蛋糕芝士味香濃 尖端質感creamy 末端厚實 幾高質👍🏻

深水埗一向係多性價比高的平民小店！👍重點係扺食芝士蛋糕！香煎雞扒飯 $47雞扒有兩大塊！炸得好香脆又唔會好鞋～醬汁甜甜地 撈飯好開胃！手工韭菜餃子麵 $40有6隻餃子！選擇咗上海麵！係健康點的選擇喔！另外賣點係有豬油渣～鐘意食香口就就選擇煎餃卜卜脆！魚肉菜碗仔翅（大） $26簡稱三溝！生菜同魚肉同碗仔翅 好抵食 一次過滿足你三個口感！建議大家趁熱食 先唔會變稀架！巴斯克芝士蛋糕 $25推薦呢個芝士蛋糕！甜品控食完正餐點都要食甜品～細細件夠Creamy 又唔會好甜！自家製豆腐花 $11呢到係薑汁做糖水！好食架～鐘意再甜d 可以加紅糖！明發茶室 (深水埗)深水埗基隆街239號地舖#深水埗 #深水埗美食 #深水埗小食 #小食店 #街頭小吃 #深水埗好去處 #香港傳統美食 #良心製作 #懷舊美食 #車仔檔 #香港老字號 #童年回憶 #香港餐廳 #香港小店 #深水埗小店 #香港美食 #shamshuipofood #shamshuipo #hkstreetfood #hktraditionalfood #oldhongkong #shamshuipofood #chinesedumplings