明記多寶海鮮飯店 (已結業)

每次去明記多寶，都有一種老香港嘅情懷。不論是食物質素或是每個伙記對工作嘅熱誠，很值得我們學習。 老闆好有性格從不會hard sell 任何高價食品， 也看得出每個客人都是幫襯了很久的食客

哥哥吹🐥食飯提早為媽媽慶祝母親節💖揀左這間絕對大排檔風味的飯店，全店12張枱，不算太擠迫，但幾嘈🗣我因爲遲到，來到時他們已經飲完湯，湯的照片已在他們肚內🤣唯有影張菜單吧😅豐料靚湯果然和住家湯有得比，好味👍爸爸是食魚專家，他說這魚好像不是黃皮老虎，我不懂呢！只是知道黃皮老虎的魚皮不是這樣的啊🙈蟹膏香濃鮮味，蟹鉗鮮甜多肉，加上少許海水咸味💧令蟹肉顯得極鮮🦀能夠吃到單一的鮮味🤤不受其他味道干擾👍海蝦也算新鮮🦐加上豉油的鮮甜味更加錦上添花🌸最後叫了一客蝦醬通菜，油是多了點，不過出外吃飯很難避免，油不夠又不夠嫩滑，魚與熊掌🤲😜

～ 香煎金錢藕片傳統順德做法、爽脆藕片夾着鯪魚肉煎、香口嘢但不失食材原味、送酒妙品。～ 椒鹽鮮魷魷魚身肉薄而且炸得太乾身、非個人所愛。～ 野葛菜生魚唐排湯 $88非常足料、低飲～ 葱油鷄合格～ 生炒排骨合格～ 炸子雞合格～ 焗魚腸無論做法、原食材、都完全唔係兒時果杯茶、只有一句～學壞師、建議唔好再出現係餐牌上、因為真係做得非常之差！～ 游水黑瓜子班游水黑瓜子班新鮮就一定的啦、重點係師傅掌握的火喉非常的好、上枱時魚肉剛離骨、黑瓜子入口嫩滑非常、魚汁送飯一流。～ 清酒魚湯浸菜心 合格～ 魚頭煲夠乾身、香氣十足、送酒一流～ 薑汁炒芥蘭合格～ 腐乳炒通菜合格～ 豉油皇炒麵夠鑊氣、師傅功力、必食之選港式大排擋經營小店、支持！

其實呢幫襯過呢間鋪都有好幾次, 但從未寫過佢哋食評, 今次第一次寫, 因為個人覺得食到大排檔風味既小菜飯店唔太多, 兼且無味精, 呢間係我與家人及/或大班朋友聚餐落腳點之一, 值得推介, 更窩心佢哋每次餐後都送上之時令糖水. 每次都有驚喜惟環境一般.

食物質素很好, 可以話平靚正, 但衛生真的要認真地改善, 仲要真係要好認真嗰隻。 侍應出奇地冷靜應付衛生問題， 好似覺得見怪不怪咁…… 以食物質素嚟講真係好想返轉頭，但係………… 真係要搞搞

This is the type of restaurant you have to go to with someone who reads Chinese!! It is very local - lots of big tables and if you are a small group, you will be sharing a big table with other people. The food is good and very quickly prepared. I have been twice recently and still went to late to get the fish special😟!!It seems very popular with tradesmen and workers, and is packed out by 1230pm. Go early!!

吃了明記很多年， 食物質素沒有變 ，一樣大份夾抵食。 老闆夥記態度如一， 不會過份熱情 ，也不會沒禮貌。 店內裝修可以說是沒有裝修，但整體乾淨企理， 最適合跟家人、三五知己聚餐。今晚因為預早慶祝父親節， 所以選了老爺喜歡的這家飯店， 其實只要有特別日子我們都常常來這家飯店。 要留意明記客人也不少， 所以最好預先打電話訂位。明記例湯必喝， 八十多元 一大盅， 六個人每人可以喝一碗半，還有湯料可吃孖寶餐有兩款，我們選了B餐，西芹炒斑球配蒜蓉粉絲蒸元貝。 斑球分量不少， 每人幾乎可吃兩舊， 魚肉又滑又鮮跟孖寶餐的蒜蓉粉絲蒸元貝， 跟餐有四隻， 我們有六人 ，額外加兩隻。 元貝夠大隻， 粉絲夠多， 蒸的時間也剛剛好， 唯一覺得蒜蓉不夠多， 但也非常好吃今晚的重頭戲懷舊砵仔焗魚腸 ，這是我老爺最喜歡的菜式， 很多飯店都已經不再做 因為製作過程比較繁複， 之前到鏞記吃過， 價錢大約要三百至四百多元。 但明記的焗魚腸 100元有找， 魚腸很多 ，不算太腥， 唯獨沒有油條。 喜歡吃焗魚腸的朋友 ，記得要提早打電話到明記預訂。半隻炸子雞，雞肉很嫩很滑， 味道不過不失金銀蛋莧菜，份量很夠， 皮蛋蒜頭也很多

早排約左食家朋友一齊食飯朋友揀左係灣仔既明記多寶海鮮飯店係D比較街坊既菜館不過只要有好野食，去邊都唔緊要當晚全部野都由朋友發板例湯: 蓮藕雞腳豬骨湯例湯係用個煲仔成煲上我地4個人每個都可以飲到兩碗湯好濃同好甜，唔多覺有味精味拍得住屋企d老火湯既水準而且唔算多油，仲有埋湯料食而家冬天食飯之前飲啖暖笠笠既湯就岩哂葡汁蟹肉兩面黃 (預訂)朋友黎之前已經預訂左未食之前已經比佢既賣相同埋香味吸引住食落口更加係不得了蟹肉令到成個葡汁升左級雖然手拆既蟹肉好細舊你唔會話食到啖啖蟹肉不過蟹既甜同香已經入哂個葡汁到所以蟹係呢到並唔係做主角而係做綠葉去托起葡汁兩面黃亦都做得好好咬落不單止脆卜卜，而且唔會成口油就算到第2碗果時都無話淋哂，仍然脆口加上店家一早將兩面黃好似PIZZA咁切開左夾果時就唔怕論盡喇酥炸崩沙腩炸牛腩唔係間間小菜館都會做咁呢到有就梗係要試下啦果然無呃人，件牛腩真係有酥炸既效果唔同一般既炸粉正係裹住件食物呢個炸粉咬落去係鬆同酥脆而且牛腩完全唔韌唔會柴皮脆既外皮，軟腍既牛腩再加埋本來既油脂你諗唔諗到有幾好食?煎釀尖椒可能食慣媽媽親手整既鯪魚肉出街食果時就梗係覺得無屋企果D咁好食不過呢到點尖椒個

食家朋友推薦灣仔明記,說是價廉物美.我們一大幫人,平日氣勢如虹,一般有派頭的店子是招架不住,地痞大排檔倒十分適合.究竟該怎樣評價像明記這類街坊食肆好吃否?通常本地人會説鑊氣夠唔夠,意思等同爐頭猛唔猛,爐火夠自然鑊氣猛,鑊夠猛炒出來的東西就不會半溫不死,以最短時間最勁火力,保持食物亮麗色澤和自然鮮味;當然這𥚃説的鮮味跟味精的份量沒有必然的正比,不過一定不會少落.像我這種對味精嚴重敏感的人仕,每次光顧同類食店,都有種慷慨就義的感覺,自我犧牲的精神..不過朋友聚會,將就將就,痕下抓下又過一晚,只是臉上身上的風疹有點兒㬨人罷了..而該晚的"再添加"份量也真夠我受..先説店內舊式裝潢,其實很樣辦化,跟同類深水埗太子北角長沙灣的差不多;洗手間永遠呈半災難狀況,其實衞生間絕對可評量一個城市有多文明.友人㸃的菜式全是尋常小炒,大多鑊氣夠份量足;其中尤為出色是椒鹽豆腐,外脆內滑,絕對是啤酒良伴.椒鹽鮮魷拼白飯魚也很香口,不過魷魚鮮味缺缺,可能冷藏太久.海哲薰蹄份量很是嚇人.香煎明蝦看來有點兒油貮,我沒有品嚐.白切雞不過不失,蘿蔔支竹蚊腩骨,配料很入味,腩骨不腥,很好.蟲草花草菇豬膶浸西洋菜,豬膶爽口,生

星期日晚經過明記, 見唔駛等位, 所以入去試吓. 6:30pm 已經有三, 四檯客. 餐廳唔係好大, 裝修比較舊, 牆上掛住一部電視, 屬於街坊小菜館.打開餐牌, 有多款家常小菜, 亦都有各式市價海鮮, 價錢合理. 是日例湯 - 粉葛鯪魚唐排 - 足料靚湯, 唔多覺有味精, 好飲. 秘制皇妃雞 - 我哋叫咗碟例牌. 雞唔會太肥, 肉亦都唔韌, 都ok. 蟲草花豬潤浸枸杞 - 好少食到有蟲草花嘅小菜, 所以叫嚟試吓. 蟲草花冇咩特別味道, 質感有啲似金針菇. 枸杞菜都好嫩, 冇渣. 不過豬潤就有少少出血水嘅情況出現. 京都骨併脆大腸 - 京都骨夠香口, 味道亦唔會太酸. 至於大腸都唔錯, 夠脆, 感覺亦唔會好油膩. 是日甜品 - 蛋花馬蹄露 - 晚市有甜品送. 熱嘅蛋花馬蹄露, 唔係太甜, 亦有爽甜嘅馬蹄味, 幾好味. 至於服務方面, 都唔錯. 我哋冇叫昂貴嘅海鮮, 一個疑似老闆嘅男侍應, 幫我哋落完單之後, 都有傾有講. 上例湯嘅時間, 仲提醒我哋要小心魚骨. 總結: 價錢合理嘅街坊小菜, 味道亦都唔錯, 下次會再幫襯.

約了幾位老朋友出來聚聚，本來屬意是榮興小廚的，但由於大家都遲到，晚了十五分鐘去已經沒位，要再等過就又不知要待至何時，就決定轉場。聽過此店的食物不俗，尤其是海鮮類，所以最後決定來此店試它一試。此店的內部環境真的很是古舊，但又裝上不少的薄屏幕的電視，似乎某些事物如電器，真的是很易會被淘汰的。我們邊點菜邊吃着花生，吃起來都算鹹脆甘香，但當然如果可以再脆身一點就更棒了。由於朋友們是一向不太花錢去吃那方面的，那唯有棄海鮮而點小菜好了，可幸店家小菜的選擇都不少，最後我們四人點了五味東西吃，都應該很夠吃了吧。先來的是清淡一點的冬菇鮑片炆時蔬，以蠔油扣煮好冬菇及鮑片之後，就再舖上菜底就成了，所以一開始看其賣相真的很不錯，濃而挺身的蠔油汁，味夠而不太漿糊，冬菇雖不太香，但至少軟腍而不酸，至於那鮑片其實是螺片，吃起來帶咬口又帶陣螺肉的香味，而底下的生菜非常爽口，其味道方面是不錯的，不過吃到後來，大家就發現碟菜勁出水，都是灼好了的甜菜肇禍吧。聽店家說南乳香燒雞是要預定的，今天剛好還有貨，我們又決定試它一試，怎知道其實就是炸子雞加上南乳汁罷了，一小碟的南乳汁，其味道是真的有南乳味的，但香味就認真麻麻，而那主角

除非出席飯局否則甚少在這區吃晚飯,這天參加了友人的"全日制麻雀技能提升研討小組"在完成課程的第一部份"廣東牌的實踐應用初階段"後便來到了這裡放飯及稍作休息.粟米班塊----應算是看似簡單但甚少地方做得好吃的小菜之一!這裡的粉上得薄炸得外層乾身酥脆內裡的魚塊嫩滑沒有腥味,不會像吃一團炸麵粉.調味帶甜混入了蛋花的粟米芡汁較杰身,很適合作撈飯之用.啫啫芥蘭煲----開始踏入芥蘭灶期,雖未到質素最佳但也爽脆無渣.上湯肉碎浸覓菜----這菜口味較為清淡,始終喜歡吃濃味的金銀蛋做法多一點.菠蘿生炒骨----肉排骨多肉少及炸得太乾身,汁的調味不錯!酸甜的感覺平衡.西檸煎軟雞----雞扒外皮炸得酥脆內裡肉質依然嫩滑,西檸汁的酸度調得甚佳感覺開胃!醬爆肉眼筋----肉眼筋爽口帶點微辣,平常自己吃飯甚少會點叫此菜.椒盬九肚魚----將九肚魚開邊來炸倒是頭一次吃到,椒鹽並不入味,粉漿太厚好像在吃一條硬身的炸麵粉!沒有了九肚魚肉滑的特質.煎釀鯪魚----雖比不上名門的足料版本,豉汁的調味可以再濃一點,鯪魚尚算煎得香口釀料內的腊味味道不太突出,起碼吃的那件沒有腥味出現.吃飽飽後便繼續餘下的課程"台灣麻雀技術研習

在灣仔打完波後，達明一派介绍大家來這間看來很新淨的明記多寶海鮮飯店試下；記得上次在附近的群眾小厨試食非常成功，除了能嚐到味美的菜式外，還為我帶來了一個編輯推介食評，更得到OR美食券作獎品。 這間明記多寶看來新诤光鲜，應該剛開業不久，門口旁的大海鮮缸養着不少各式海鲜，去到街口見門前有十多人等侯，還以為又要等位，不過實際上細枱或中枱不用久候便可立即入座。除了一本基本菜牌外還有兩頁包括海鮮的菜單，由海魚到平價小菜都有供應，經過一番努力選擇後，終於柯打了以下幾款菜，五個人食都夠飽肚了。砵酒焗鶏件 ($62) 推介鶏肉焗得夠乾身，有雞肉鮮味，表面没有黐滿油，入口非常香脆可口，份量都幾足。清湯崩沙腩煲 ($78) 推介一凹一凸的坑腩即是牛的肋間肌，通常都是連着肉質比較腍及帶一塊筋膜的崩沙腩，每隻牛只得三四斤崩沙腩，所以很少食店或肉枱會單獨賣出崩沙腩，牛腩麵名店也經常一早賣清光；煲内除了坑腩和崩沙腩外還有絕配蘿蔔，蘿蔔煑得不過稔也没有根，入口味都幾鲜甜。豉椒炒大蜆 ($58)這裹的蜆雖然較細隻，但每隻都有蜆肉，不像上次在群眾吃的炒蜆那樣，有成三分一碟殼的情形出現，不過有少部分蜆蔽因多唔夠熟蜆殼仍