明記潮館 (砵蘭180+商場)

營業中

休息中

餐廳雖然地方好隱蔽，但係菜式好食得黎仲大大碟，好抵食。🦀潮州凍花蟹打冷又點少得凍蟹，新鮮既紅蟹凍食更加突出鮮味，上枱時已經斬好件，一梳梳既蟹肉點少少醋食更提升到鮮味🍝豉椒炒蟶子王6隻+脆麵底蟶子爽口鮮甜，豉椒汁濃郁惹味，最出色係吸收哂醬汁既麵底，加少少辣椒油更加惹味🥓滷水拼盤餐廳6週年優惠，$8就食到，雖然只係$8但份量一d都唔少，墨魚、鵝腸、豬頭肉、紅腸等等樣樣齊。食材入味而唔會死鹹，$8真係好抵食🥩蜜椒一口牛柳粒牛柳粒外層有焦糖既香味，內裡嫰滑，薯仔炸到外脆內嫩，味道甜甜地，好惹味🍄椒鹽茶樹菇粉漿炸得夠脆，茶樹菇爽口，仲大大碟，送酒一流

呢間潮州小菜館可以話係我哋團體嘅Event飯堂，每逢我同朋友睇完Show、開完音樂會、比完賽，總之有任何大大小小嘅Event完結後要一大班人搵地方食飯食宵夜，都會去明記，全因為佢哋嘅小菜好出色，中菜館圍餐又好適合一大班人食，最重要嘅係佢開到零晨兩點🕑！佢哋裝修同一般大排檔風格無異，亦設有多個VIP房，私隱度滿分💯所以都有好多明星食客捧場，喺餐廳大門就貼滿老闆同多個明星藝員嘅合照打卡牆。🈹呢度仲有個超抵優惠，就係任何惠顧滿$300都可以以$8加購一碟滷水雜錦拼盤/韭菜豬紅！⭐️必食推薦：♡熊仔凍檸茶 $42❥必食推薦第一樣就係熊仔凍檸茶🧸 係勁大杯嘅凍檸茶仲加咗隻超可愛嘅熊啤啤冰，茶底清澈唔濁，每次必叫。♡滷水雜錦拼盤 $8（加購價）❥$8一碟當然每次都必食😆 拼盤包括紅腸、豬頭肉、腩片、豬腸、墨魚、豬耳等等，每次不同。♡椒鹽粟米 $108❥炸到好香脆嘅粟米咬落去仲咇汁，加埋椒鹽好惹味，都係每次都必食。♡順德鮮奶脆脆卷 $128❥一碟有8條，勁香脆，炸透晒嘅麵包卷住滑溜鮮奶，甜甜地熱辣辣好正。♡黃金苦瓜 $138♡黃金鮮魷 $160❥呢度有多款炸物，都係黃金口味，即係金沙鹹蛋黃味🤤 我哋最

旺角總係每間食肆都排長龍，又想好食，又想唔洗等位，係openrice搜索直線距離最近嘅餐廳，見到呢間潮州打冷幾多好評就膽粗粗試下～餐廳係3樓，經過樓下兩層時見到舖頭空蕩蕩，都有啲擔心，點知一到達明記潮館，坐無虛席氣氛超級熱鬧☺️炸蠔餅火候掌握得剛剛好，外皮金黃酥脆，內裡依然保持著蠔肉的鮮嫩。完全唔覺油膩，肥美蠔肉同香脆餅皮形成完美對比，咬落去個一瞬間，滿足感爆棚！🦪煲仔焗花甲都有驚喜！焗製過程中沒有加水，每粒花甲的鮮味都完美保存。蜆肉飽滿，無沙粒。認真呢道看似清淡卻絕不簡單，好味到不得了🍲原價$188既滷水拼盤，職員推介我地叫滿$300可以用$8追加。做得優惠以為會係細碟，點知超大碟！🥢拼盤有豬腩肉、鵝腸、大腸、紅腸、豬耳和大豆芽等多種食材。慢煮後的豬耳和大腸吸收了滷水的精華，醬香四溢，每一口都感受到濃郁的滷水味，配上辣椒油，真係停唔到口！方魚肉碎粥的口感滑嫩，粥底細膩，方魚肉脆卜卜帶點咸香。真係食得好開心，水準有驚喜！忍唔住叫返支啤酒！啤啤佢🍻

來這裡必喝bear bear凍檸茶🧸大隻 bear茶冰，飲品份量大過我個頭😆同朋友share分甘同味，超正！加8元大大碟滷水雜錦拼盤打冷一流，有紅腸、豬頭肉、腩片、豬腸、墨魚🦑等足料。以下幾款是我心水😆1）椒鹽粟米 超有椒鹽味，好大粒粟米🌽2）順德鮮奶脆脆卷-8條 炸得很鬆脆，內裡鮮奶保持軟滑，時間精準非常準確。3）蜜椒一口牛柳粒牛肉汁豐富，用黑椒炒非常惹味。4）黃金凉瓜 鹹蛋黃超正，涼完全沒有苦瓜苦味，好爽口。另外還吃了黃金鲜魷、菠蘿咕嚕肉、中式牛柳、粟米瑤柱羹和石鍋啫啫油麥菜，都是水準之作！石鍋熱辣辣渣渣聲油麥菜超爽。😍

成班朋友食飯吹水，搵間開得夜嘅餐廳先可以傾過夠，呢間明記潮館就就啱晒😙一搭電梯上到去就見到好多明星相😍，咁多明星幫襯一定有返咁上下水準，我哋8個人叫咗以下小菜:椒鹽粟米$108好香口，粟米唔會太乾身，椒鹽比例啱啱好，非常惹味黃金凉瓜$138 及 黃金鮮魷$160邪惡之選🤭，店員推介嘅黃金系列果然冇介紹錯，涼瓜沾滿鹹蛋黃香，完全去除苦澀味，外脆內爽好夾👍🏻，鍾意食海鮮嘅朋友可以試黃金鮮魷，同樣出色❤️石鍋啫啫油麥菜$118未拎上枱已經聞到好香，放上枱聽住啲吱吱聲好吸引，熱辣辣用來送飯一流，真正齒頰留香蜜椒一口牛柳粒$168牛柳粒夠淋又入味，甜甜地嘅蜜糖灑上黑椒，惹味可口順德鮮奶脆脆卷$128外脆內軟，鮮奶炸得啱啱好唔會太老菠蘿咕嚕肉$138脆漿夠薄，咬落有肉汁又彈牙，咕嚕汁酸甜適中，醒神開胃超級優惠滷水拼盤 $8餐廳做緊優惠，食滿$300加$8就可以有潮式鹵水雜錦拼盤，有鵝腸、紅腸、腩肉、墨魚、豬耳等等，份量十足好抵食！熊仔凍檸茶 $42除咗小菜之外，呢度嘅熊仔檸檬茶都好出名，啱晒港女打卡🤭🤭其他小菜仲有中式牛柳、粟米瑤柱羹等等，成班朋友邊食邊吹水，好有地道風味，下次都要黎幫襯🥳🥳

滷水鵝片(198hkd)好多片，大大片，肉質軟嫩，豆腐外皮炸過，入面好滑，必須配上潮州辣椒油，炒得好香滷水雜拼（188hkd）勁多款式，有紅腸、鵝腸、豬耳、豬頭肉、腩肉、墨魚🦑、豬大腸，滿足三心兩意的我😛鵝腸份量多、有咬口、好爽脆，墨魚爽口，滷得好入味，滷水有功架潮式炸蠔仔餅 (118hkd) 炸得好有空氣感的酥脆，好多蠔仔🦪粒粒都好飽滿，每粒都差唔多大小，無營養不良的蠔，粉漿亦過得不厚，不錯！得意熊仔冰檸檬茶大大杯(42hkd) 是日最大亮點✨超大杯，勁療癒可愛，見到即刻心心眼😍甜度不用調整也剛剛剛好～#foodiblum中式

昨晚book 左14人， 佢地安排左一張細檯比我地。 根本就坐得唔舒服， 我地要求轉入房。他們說房間消費最低3200元， 我地話冇問題。但他們重複3、4次這句話提醒我們， 真的懷疑我們消費不起！最後埋單5000大元！入房之後，房間放滿雜物， 房內有洗手間， 洗手間的環境真的恐怖😱食物煮得又唔好食！ 落單時問多一兩個問題都唔耐煩！服務差到極點！我自己本身係潮洲人， 根本啲餸都唔係正宗潮洲風味！一定不會再光顧！大家小心中伏

我同朋友行經旺角朗豪坊看戲後， 佢介紹有間明記潮館，是特色潮州菜，做街坊生意都多人支持，食物夠獲氣，環境又舒服，最近做優惠滿$300 加＄8就有滷水雜錦拼盤一碟，份量都豐富！椒鹽白飯魚外脆內軟，卜卜脆夠滋味大腸煲新鮮大腸打開蓋香味撲鼻，肥美可口大腸配洋蔥🧅等配料惹味十足！滷水雜錦拼盤8元滷水雜錦拼盤有紅腸、豬大腸、豬耳，豬腩肉等，滷水味道正宗可口！明記潮館 地址： 九龍旺角砵蘭街180號砵蘭180+商場3樓

今晚約朋友去旺角食晚飯.  大家喜歡食有鑊氣小菜, 決定去 明記潮館, 由商場電梯上3樓,館內有兩個食堂.   左邊以大圓檯為主. 右邊卡位雅座, 及細枱.店內有  檔,  食物好明亮 .又有打冷店擺設, 鹵水鵝, 鹵水食物如墨魚, 豬大腸, 鵝腸, 紅腸, 腩肉, 豬耳......好吸引.  有多個海鮮缸, 內有生猛魚, 蝦, 龍蝦, 蟹在游泳, 貝殼海產也不少. 有 潮州凍蟹,  大眼雞, 烏头......店內有嘉士伯啤酒小姐招呼, 啤酒也正做推廣.我們叫了嘉士伯, 啤酒好清涼. 慶祝週年紀念, 點菜滿 $300, 可以優惠只加 $8, 任擇 A, B 兩個選擇, 我們 選了鹵水雜錦拼盤 (優惠A), 店員迅速送上, 連同小食:  酸蘿蔔, 脆花生, 及醬汁.鹵水雜錦拼盤,  有鵝腸, 豬大腸, 紅腸, 腩肉, 豬耳, 墨魚, 墊著鹵水汁,鹵水鵝腸爽口,  墨魚片 彈牙鮮嫩.  豬大腸稔滑, 五花腩肉肥美可口, 墊底的大豆芽吸滿鹵水汁,  好食.鼓汁蟶子,  一客六隻,  師傅用上蒜蓉, 豆鼓, 上枱香噴噴.   肉質爽口彈牙,  伴上洋蔥, 惹味又開胃.被   吸引, 我們點了 

昨日同朋友喺旺角 shopping 完，肚餓想搵啲地道潮州菜試試，朋友推介咗呢間餐廳。我哋叫咗蜜餞欖角焗肉排、豉汁蒸魚雲同黃金鮮魷，味道真係令人驚喜！蜜餞欖角焗肉排香甜濃郁，肉質嫩滑，欖角嘅酸甜同肉排好夾。豉汁蒸魚雲鮮味十足，魚肉滑嫩，豉汁調味啱啱好。黃金鮮魷用咗鹹蛋黃裹住炸，酥脆可口，鹹香撲鼻，鮮魷嘅甜味同鹹蛋黃好融合，食落真係停唔到口。菜式份量足，夠晒鑊氣！餐廳適逢六週年推介，食滿300蚊加8蚊就可以揀韭菜豬紅或潮式鹵水雜錦拼盤，我哋揀咗鹵水雜錦。呢個鹵水雜錦好豐富，有鵝腸、紅腸、腩肉、 墨魚同豬耳朵，鹵水入味，鵝腸爽脆、紅腸香濃、腩肉軟腍、豬耳朵彈牙，碟頭超大，抵食到爆！呢度平日都幾乎坐滿，氣氛熱鬧，仲有房間，私隱度高，位置又方便，喺旺角真係難得。三五知己聚會，點幾味潮州菜，飲下啤酒，邊食邊傾計，感覺輕鬆又滿足。食物質素高，價格合理，下次一定再嚟試其菜式。

前幾日上網訂左桌食晚飯，訂左10個人，1) 他們張細枱我哋，坐得好唔舒服，2) 今日收到Open訂桌記錄記我無出現，但事實我們有準時出現，3) 服務很不好，4)食飽晚飯結帳時餐館職員和我說，這餐飯好貴， 畀我覺得我好像冇錢埋單咁囉， 我攞張信用卡出嚟找數後他們😁😁😁，

放工想吃潮州菜，朋友強烈推薦了明記，於是決定去試試，交通也很便利，出地鐵幾分鐘就到。點了幾個潮州特色菜，味道正宗，推薦！@蠔仔粥🦪🦪兩人吃分量充足，味道鮮美，蠔仔的鮮味與米粥的清香完美融合，非常推薦！@鹵水拼盤鹹、香、甜、鮮的完美結合，豬耳脆嫩有嚼勁，膠質豐富，鵝腸味道濃郁爽脆，配上豆芽和冷飲，不錯！@石鍋啫通菜熱氣騰騰，鍋氣十足，香氣撲鼻，口感脆嫩，吃潮州菜必備！@明記特色檸檬茶可愛的冰凍小熊，一定要試試！

♡ 深夜打冷｜明記潮館 ♡-想去打冷？我嘅首選一定係明記❤️今日放晏咗 其他餐廳都閂晒門 友人都想食打冷 就去咗明記潮館佢嘅嘢食水準一向都係了不起😍 性價比都好高！-♡蠔仔粥(小) ♡ $88蠔仔鮮甜飽滿，湯味濃郁滿滿蠔味，加少少蔥花同胡椒粉提味，每一啖都充滿潮州風味～ - ♡周年8蚊贈送鹵水拼盤 ♡ $8依加周年優惠加8蚊就可以有一個拼盤，份量適中～ 滷水都好入味，鵝腸墨魚份量都唔少，性價比超高。-♡ 潮州凍烏頭♡ $218作為潮汕地區的一道經典菜式，一直都好受大家歡迎。通常潮州凍魚一係烏頭一係馬友，今日就點左烏頭，配合埋自家製普寧豆醬簡直一絕啊👍🏻-♡ 熊仔凍檸茶♡ $42外型可愛，熊仔冰大大粒🐻清新解膩，係必飲之選～ 見到枱枱都拎嚟打卡用😍❤️❥#⇢店鋪資料：明記潮館 (砵蘭180+商場) (旺角)旺角砵蘭街180號砵蘭180+商場3樓#

第一次係有啲難搵原來地下電梯直上兩層就係員工態度良好值得畀讚食物都算好味夠大碟孖寶雞酒+馬友呢個天氣啱晒夠暖胃又美味朋友有驚喜原來有幾隻貓係入面🦊見到員工餵貓隻隻都好開心🦊😂但我驚動物所以冇去欣賞

朋友每年都會去明記嗰度食過年飯我哋第一次join埋睇到啲食評，所以都有一定嘅期望食物都係好食嘅但係有點Over price嘅感覺每一台都會叫佢嗰個熊仔頭檸檬茶幾有gimmic