明記潮館 (砵蘭180+商場)

營業中

休息中

突然想食潮州菜，朋友推介了【明記潮館】， 這裏提供了不少經典潮州菜及小炒，飯店熱鬧又有氣氛。🥰❤️滷水鵝滷水鵝係招牌菜之一，鵝肉肥而不膩，入口香嫩可口，醬汁鹹香適中，還伴有鹵水豆腐和花生，非常美味。🧡紅燒豆腐豆腐軟嫩濃郁入味，搭配滑嫩嘅冬菇，真係超惹味。💛沙拉肉排有驚喜，肉質鮮嫩多汁，沙拉醬汁恰到好處，清新開胃嘅小炒💡另外，凡惠顧滿$300就可以優惠價$8選購滷水雜錦拼盤或菲菜豬紅，物超所值！🤩

又到了食飯時間，近近地不走遠，去了後面街的明記潮館食潮州小炒。夠$300，又可以加$8買滷水雜錦拼盤，一碟好大份，抵食 ！人均消費$220咕嚕蝦球$180 咕嚕汁，酸酸甜甜，未食都聞到好開胃。有紅椒青椒菠蘿等配菜一起炒，增加餸菜色彩。蝦球肥大爽口，嫩肉美味豆豉炒花蛤$148 豆豉香氣撲鼻，炒得夠鑊氣有火候。花蛤新鮮，無沙，夾完一隻又一隻。微辣，有提鮮醒神的效果。$8滷水雜錦拼盤好抵食的餸菜。有墨魚，鵝腸，紅腸，芽菜等等，而且份量都不少，夠$300必叫。白飯$16 / 每碗裝到盤滿缽滿，份量足。小食$20茶水$5 / 每位

黃金蝦好食，不過落單嘅時候記得講返$208嗰個如果唔係斷斤秤而家做緊優惠叫滿$300嘢食，可以加$8換滷水拼盤，嗰個都好食，鵝腸夠脆 份量足夠兩個人食，滷水拼盤唔啱可以加$8要豬紅滷水鵝片可以唔使叫，好難食 味道奇怪 可以預先book位，如果就咁Walk in要排隊就唔值侍應服務唔錯，不過收銀嗰個四眼阿姐態度極惡劣

陪表姐去shopping,之後一齊去旺角明記潮館食飯，餐廳地方夠大，座位寬敞，主打潮州打冷海鮮小菜火鍋。京都焗肉排色澤紅潤，肉質鮮嫩，味道酸甜入味,又醒胃。枝竹蒜子火腩炆豆腐煲：熱辣辣煲仔上，香噴噴好有鑊氣，火腩即係燒肉，配上枝竹豆腐非常夾！皮脆肉嫩嘅火腩、軟滑嘅豆腐枝竹，相當惹味！招牌鴛鴦米：炒得有鑊氣，米粉同粉絲炒得乾身爽口，配料有蝦仁、魷魚、蛋、芹菜好豐富。消費滿$300，可以優惠價$8選滷水雜錦拼盤或韭菜豬紅。揀咗韭菜豬紅，濃濃的醬汁滲入一磚磚的軟腍豬紅中，嫩滑入味，韭菜掛上濃汁亦好惹味！

開心仔今日撇低妹妹，同哥哥撐枱腳🤭久違嘅潮州打冷🥰·必食嘅滷水拼盤滷水鵝腸+ 滷水墨魚🦑兩隻滷水超級爽口彈牙😋·韭菜豬紅-軟腍腍嘅豬紅濃郁又入味🥰·金磚豆腐-外脆內軟又滑捋捋，配上七味粉真係冇得彈🤤·家鄉鹹菜新鮮豬肚湯可能我唔太鍾意鹹菜，覺得呢個湯有啲鹹，不過啲豬肚好新鮮，俾我食晒🤭偷偷地講，係所有嘢都俾我清晒🤭因為真係太好食啦🤤仲要佢哋嘅上餸送速度好快所以極速俾我食晒😅下次有機會再去食過

和朋友在旺角逛街，想起久違的潮州菜，就找附近的明記潮館，時間尚早有卡位坐，而且在電視前面，正。最想食是鵝片、蠔餅另外也有小炒仲有超級著數優惠，點菜夠$300就能以$8換滷水拼盤或韮菜豬紅韮菜豬紅 $8上檯已傳來陣陣香味，$8相當大碟，二人分享剛好，豬紅嫩滑，惹味又帶點辣香。滷水雜拼加滷水鵝片 $228也是熱騰騰上檯，賣相出色鵝片肉質嫩滑，令人齒頰留香。滷水拼盤有彈牙鵝腸、脆口豬耳、墨魚、大腸、紅腸、入味豬腩肉、爽口芽菜等。潮式蠔仔餅 $118炸得金黃色好吸引，而且看上去幾乾身。外面好香脆，內裡好多蠔仔肉，不會太油太膩。

今天放工後和朋友到旺角逛了一會 晚飯去吃潮州菜 餐廳風格獨特 充滿現代感 這裡有打冷小菜和新鮮游水海鮮沙嗲牛肉炒芥蘭牛肉新鮮嫩滑 芥蘭脆綠 形成了色香味俱佳的組合。牛肉醃製與沙嗲醬配合得恰到好處 芥蘭在高溫快速炒製下保持了其爽脆的口感 夠火喉大大碟酥脆自家制粿肉這道潮汕小吃是餐廳的招牌菜 外皮金黃酥脆 內裡則保持了豬肉的原汁原味 選用優質的豬肉 經過精心調味和包裹腐皮後製作而成 每一口咬下去 不僅能感受到外皮的脆口 還能品嚐到肉質的嫩滑和豐富的香氣 這道小菜用來送酒的確一流蠔仔粥（小）食潮州菜當然要有蠔仔粥 這碗蠔仔粥以其獨特的鮮香風味 粥底細膩順滑 每一口都能感受到米粒的軟爛與蠔仔的鮮甜 蠔仔鮮美可口鹵水雜錦拼盤餐廳目前推出了優惠 現惠顧滿三百元即可以八元選購鹵水雜錦拼盤 或 韭菜豬紅 我們選擇了鹵水雜錦拼盤 雖然是換購價但份量十足 拼盤中的各式鹵水如豆腐 豬耳朵 墨魚 經過鹵水的深層入味 口感豐富 每一口都能感受到鹵水獨特的香料味道這裏小菜有潮州風味 性價比也很高 難怪每到晚市都座無虛席

近年發覺地道大排檔好似愈來愈少好開心旺角仲有！明記佔哂成層樓 地方好闊落！食物款式多而且點菜叫夠$300蚊加$8🔴就有碟滷水拼盤，超抵！個日見到有不少男仕放工過嚟嗒返杯啤酒暢談 食下鑊氣小炒個感覺好香港！🔸小食（$20）有醃蘿蔔乾、魚皮花生🥜，食住等d菜嚟。🔸煎蠔餅（$118）🔸椒鹽鮮魷（$148）去大排檔必食炸嘢，超級脆口！好多蠔仔！鮮魷厚身大件，配啤酒好爽！🔸啫啫大鱔雞煲（$198）上菜時真係「喳喳」聲，熱辣辣香氣撲鼻！鱔好大舊多肉，肉彈得嚟幾爽，有口感。旁邊嘅洋蔥、蒜好好好味，好有鑊氣！🔸8元滷水拼盤🔴8蚊咋！有大腸、紅腸、魷魚、豆腐、鵝腸腩肉片，全部都好入味，有咁大碟真係好抵！.🔸熊仔凍檸茶（$42）🔸嘉士伯（$35/支）

想喺旺角搵嘢食真係有好多選擇，淨係雞潮州菜閑閑地都掃到十間八間，但係今日我介紹嘅呢一間係比較特別，我夠膽講佢係旺角區最抵食嘅潮州菜之一。你去到就會知道我冇講大話，餐廳晚飯時間長期爆滿，就算係平日夜晚都座無虛席。😋**滷水雜錦拼盤** 一上枱就聞到陣陣香氣，拼盤入面有豬耳、豬肚、墨魚、雞腸同埋腩肉等等，每一樣都滷得啱啱好，好入味！豬耳爽口彈牙，豬肚軟稔香滑，墨魚爽得嚟又唔會太淋，真係樣樣都正！🦑**翡翠炒龍躉球** 呢個龍躉球真係好大塊，份量都好足，而且好新鮮，肉質好嫩滑，唔會乾爭爭！配搭嘅翠玉瓜爽脆嘅口感，真係好清新！加上師傅嘅火候控制得好好，炒得啱啱好，唔會太油膩，真係好正！🐟**金銀蛋浸皇帝菜** 皇帝菜清甜爽脆，配埋金銀蛋，鹹香得嚟又唔會太膩，真係好夾！而且碟菜真係勁大碟，食完真係好滿足！🥬**蠔仔粥** 呢個粥真係好足料，蠔仔又大又肥美，而且好新鮮，每一啖都充滿鮮味！佢有分大同小兩個size，我哋叫咗個小size都已經覺得好大碗。🦪

所有野都好混亂，服務更加係0分😂呢餐飯無影到相，因為安排係間房仔入面，實在太迫了🫨 位迫+枱迫，不停要俾店員行出行入，移黎移去，根本無暇影菜式😂😂張枱吾平搖下搖下，想問個姐姐拎野攝一攝張枱，佢竟然俾左數十隻牙籤俾我地攝枱腳😂😂 話得呢啲～ 咩料呀🤣食滿$300加$8就有一份韭菜豬紅，呢個味道吾錯😋$288 朋友想食所以叫左一條大眼雞，好似有啲貴？不過係幾鮮甜既蠔餅好鬆散，一夾就炸粉、蠔仔分離晒😂

沒有期望，所以對食物質素要求不高。食物質素，只一般，那區食肆，難找一間較合格的！比幹遜色係鹵水鵝，是近年試過最差的。其它夠鑊氣但味重，个人口味而已。它們晚市生意不錯！一環境不错，在gogo坊。服務方面，大部員工都ok.但....其中一位員工態度之劣，令我們不會再去。他可令這店流失不少客。這男員工，頭上有頭箍，態度輕浮，不段hard sell我們不想吃的诲鮮。他看來在店裹有点話事權。奉勸如有点文化水平人士，這店員的70年代般江湖臭味，會嘔心！雖然這位差勁員工只一个，但佢趕客力不弱！永不會再去。

今晚朋友生日在旺角明記潮館食晚飯,食物質素十分差,味道難食.鹵水鵝鹹到苦.辣酒煮花螺完全冇味.薑汁芥蘭芥蘭生嘅,椒鹽鮮魷淋嘅,石鍋通菜油淋淋濕立立,全部食物都唔合格,男性服務員仲十分冇禮貌,下次不會再光臨.超級差評！

依家位於喺旺角砵蘭街180號嘅旺角潮州菜，朗豪坊出口行過去非常方便，大概係5分鐘，地址都好容易搵到比較就腳，咁我今日就訂咗同朋友食飯，晚上人數多，大家記得預約！✔️滷水鵝片，味道唔錯，但係份量有啲少，幾鍾意食佢伴碟花生，非常惹味，價錢就唔算太貴，我覺得都正常✔️蠔餅，炸得非常香口，鍾意食蠔餅嘅朋友唔可以錯過，再配埋啤酒，簡直冇得輸，好味✔️啤酒特價時段買三送一，整體都唔算太貴，鍾意飲啤酒嘅朋友都可以過嚟，非常抵玩

說起打冷，自然想起旺角的打冷名店明記潮館，雖然不像一般的打冷店位於大街地鋪上，而是位於商場的3樓處，但到訪當天依然人氣火爆，可以坐滿八成的枱，以今日北上風潮的香港而言，可謂相當難得。打冷店當然是以潮式蠔仔餅作為名物，難得來到，當然要一試，店家使用半煎炸的方法烹調蠔餅，蠔仔肥美飽滿，啖啖的蠔仔突顯的鮮味，配搭上店家提供的魚露，剛好中和了半煎炸所帶來的油膩感，亦可提升了蠔仔香，相當惹味。滷水雜錦拼盤，雖然只是加$8半賣半送的菜式，但店家毫不馬虎，有多款不同的滷水雜錦，例如有豬大腸、豬耳、紅腸等等，款款也被滷水充分醃製過，吃下去除食物本身的味道外，更有淡淡的滷水香，彷彿是在食物本身的味道外加了一層香味，有更上一層樓的感覺，絕對值得一試。

今日去咗旺角食潮州菜打冷 可以食下鹵水同埋蠔粥蠔仔粥 我自己鍾意食泡飯多過粥 所以呢啲蠔仔潮州粥就好啱我胃口 可以食到啲飯粒粒分明之餘又有啲湯水飲下 佢個湯底都幾好味加埋啲蠔仔夠新鮮 所以都真係幾好食小炒王 裏面有好多材料 韭菜花 腰果 銀魚仔 蝦干 榨菜絲 魷魚鬚 全部加埋一齊炒味道好夾 而且有好多種唔同嘅口感 銀魚仔超鬆脆 韭菜花夠嫩 腰果香脆 魷魚鬚爽彈 蝦乾夠濃味 椒鹽鮮魷 食大排檔或者打冷必叫之一 香口送酒一流宜家消費滿300蚊仲可以用優惠價加$8有鹵水雜錦拼盤 有豬腩肉/豬腸/鵝腸/魷魚/紅腸/豬耳 而且份量十足 如果只得兩三個人嚟食 呢兜$8嘅拼盤已經夠大家飽咗兩成