明記甜品 (吳松街) (已結業)

由舊鋪到新鋪 , [ 明記 ] 都保持真才實料 , 價錢都只是稍微調整 , 絕對是街坊價 ~如果你不介意鋪面簡陋 , 可能要坐到鋪外 , 它的糖水絕對能滿足你 ~ ~ ~那天剛好在附近見完客 , 又想食糖水 , 就見到 [ 明記 ] , 不由分說就坐下一嚐久別重逢的甜品喇

本來打算到永安後面的新開松記吃我最喜愛的HELLO的,記得早陣子還見的,為什麼変了另一間不知名的,後來看到了明記有很久沒有吃過的麥米粥便坐下了,這個麥米粥很清甜,料多,有很多花生好有媽媽煲出來的風味13蚊好OK.會再來吃

薑水芝麻湯圓($15), 薑水唔太甜又唔太重薑味, 男友重話食得出D湯圓係利X牌湯圓; 而熱芝麻糊($13) 都夠滑, 但味道一般, 而且價錢略貴, 去松X食都只係要$11, 試過就算了

路過此地, 很久沒有到這些傳統的甜品店, 天氣清涼, 坐在舖外都沒問題吧!簡單地點了:非常大碗, 很多椰香, 很多西米哦!!亦是很大碗,很滑!!很抵食呢!

喳喳真係好好味,料多不但止,甜度仲剛剛好~次次在呢頭附近食完消夜都好鍾意來明記食返碗喳喳,除左好味,就係好味!老闆仲好親切咁同你講:下次再黎丫~!ok!就聽你話,下次一定再黎~

環境頗衛生的，店舖細細間完全沒有裝潢或者摩登裝修完完全全是到此為食一碗糖水某一晚想起吃糖水數一數附近糖水店都有十多間漫無目的地走到明記，很久前試過覺得這裡的糖水十分有誠意而且是最傳統的糖水馬來亞喳喳拼芝麻糊 $14只吃了一口就感覺很稠各種豆己腍身，味道也不太甜材料有紅豆、綠豆、媚豆、花生、芋頭粒、麥米、等等拼了黑芝麻糊會感覺到每一口都很豐富這款糖水是最有營養的糖水

佐敦吳松街(與南京街交介) 的 甜品]. 都系第一次幚襯. 系廟街食完飯後, 想來個涼粉. 本想幚襯 .去到門口, 竟食閉門羮. 無開! 星期日唔開?!他們搵夠了. 算吧!'此地不留人, 自有留人處.' !咁經過 門外, 見幾光猛企理. 有涼粉食, 試下啦. 所有糖水 , 甜品(單, 雙拼) $14 抵 Wor. 叫左~ 西瓜芒果涼粉: 新鮮, 芒果夠甜. 涼粉 ok. 同埋幾大斗. 入面重有可愛 '招財店貓' 一隻, 可能佢心情好. 我一入去叫佢, 佢有過來招呼一下. 才回去入面, 繼續吃他的晚餐. 下面有2 分半服務分比店貓的. 下次會再來食涼粉.

去一些舊式的糖水舖,通常只會幫襯傳统的糖水!例如蕃薯或腐竹白菓等幾類.因為試過多次之後得出一個定律:舊舖試新嘢=瀨嘢!當然有例外,不過我未試到.凍冰冰坐在室外本想叫碗有薑味嘅暖吓身,望望吓見到牆上面貼住呢款睇落幾吸引,於是轉軚!花生糯米麥粥----上檯見到出晒煙,夠熱!用匙羹攪一攪睇落好多料,入口後發覺是另一回事,甜度是適中,但甜水的黏度卻似有加工的嫌疑,有點似埋了個荳粉茨.花生大部份是未煲淋硬身的而且有幾粒更是生的,但其它配料反而淋得沒有咬口.因為這款糖水應該是"有Ｄ嘢咬吓果類"深水埗的綠林做得比這裡出色很多!令到佢唔駛喊係因為夠熱!(坐喺街邊冷風吹住食,夠熱呢樣好重要!)未致於要棄船逃生,但下次會行多兩分鐘去佳佳.

呢間店成日經過但每次响廟街而又食得落糖水,我嘅眼中就只有佳佳~見綱友推介喳咋便決心一試~渣咋:果然係足料綿身唔太甜!!可惜芋頭唔當造冇乜香味...馬蹄露:望一眼已很對辦,色澤金蔩嘅旦花馬蹄露入口冰涼清甜,確係消暑妙品~~本人對渣咋有份情意結,源記鵝記大良八記全都味道徧甜價錢稍貴....太子蘭苑饎館以紅豆沙作底食落較香濃有別於一般渣咋,唯售價仍不平且店亦收得早...印象中深水埗綠林,佐敦新開嘅芝麻坊甜品仲有呢間明記,均屬味中上價合理之選~PS.明記仲有隻超百厭嘅靚仔貓貓"蕃薯"助陣加晒分啦~

係廟街食完大排檔，行左過黎食糖水，起初係因為見到依到有隻貓貓...哈1. 西瓜涼粉 - 賣相同份量都好，好冰凍，nice，價$都算平2. 花生薏米粥(凍) - 清清地，正!

九龍區既第三站 搵唔到佳佳去左明記 成街都係人, 有鋪頭努力拉客, 亦有外藉人士, 自由人等領薈緊大排檔既風味搵唔到佳佳只好退而求其次, 搵個仕位坐低睇下野 小女子 : 喳咋 $12: 用料十分足豆夠腍, 香芋夠大又夠粉, 但無加椰絲, 扣左不小分 , , 真係過份飽肚, 餘下三分一 ..... 大舊 : 紅豆加芝麻糊 $14 : 試一口芝麻糊有點似開粉, 再試紅豆本身唔靚, 無乜陳皮香, 最大問題係過甜 …非我杯茶, 無聊時又再試芝麻糊好像又是手磨 (???) 真係味覺失調 個人推介好喳咋: 仲係(鵝記喳咋) $14 　

食完飯又睇完波, 仲好似未夠皮咁, 於是同好友食家"乜都放入窿"搵下有冇甜品食, 由於時間都幾夜, 所以稍為出名好食嘅甜品店都打晒烊, 終於見到呢間食店, 商量一陣後決定一試!其實師傅喺好多年前試過一次, 不過記憶模糊, 難得有緣再聚, 當然要試真啦; 坐底後即刻睇下有咩好食, 最後師傅揀左芒果西米露, 而好友食家"乜都放入窿"就揀左喳咋!轉眼間就有得食, 兩碗糖水份量都幾多, 先講下芒果西米露, 芒果都幾甜, 幾好味, 而西米露就好多西米, 唔會水汪汪咁, 不過可能係凍食所以感覺比較杰, 但椰汁都幾香加左少少花奶又幾滑; 不錯; 而好友食家"乜都放入窿"嘅喳咋師傅就冇試到, 不過聽佢講都幾足料, 味道不錯!總括黎講甜品水準都算幾好, 環境一般, 不過深夜坐喺街邊亦算舒服, 服務就冇咩特別, 而價錢就幾平, 所以糖水一律十二, 絕對抵食; 難得同好友食家"乜都放入窿"黎個深宵甜品, 真係超開心, 而呢間食店咁夜後都未收工, 絕對係比師傅呢d夜鬼多一個地方食野, 有機會都會再黎, 笑臉可以一比!

常有衝動想一試新的甜品店，但卻對她們的出品沒信心，尤其是傳統中式糖水。某次經過這甜品店，看她帶點舊式的裝潢，心想應差不到那裡。昨晚吃飯完畢，因利乘便與男友到這裡一試。當然要了熱芝麻糊，黑麻麻的芝麻糊，雖稱不是芝麻香撲鼻，但也算不俗，可是糊身偏稠，而且過甜呢！

好耐都冇食過糖不甩啦~見到menu有,所以試下~本來冇咩祈望~不過糖不甩好煙韌,估唔到又幾好食wor~喳咋都唔錯,好足料~

e道d凍渣咋冇源記咁足料, 但係都冇源記咁杰~都幾好味~