明記甜品 (已結業)

明記甜品款式選擇都幾多而且銅鑼灣也開設分店🔸棉花糖燉蛋一來到就被它的賣相吸引住真的似BBQ燒棉花糖的味道每次去燒烤最喜歡燒棉花糖外脆內軟下層的燉蛋好重蛋味好Creamy奶味香濃值得打卡的☺️☺️☺️📸未試過既你們可以去試下😋

芒果系列好好味，今次食咗芒果涼粉榴槤系列食咗榴蓮撈珠無得頂！！第一次食依間，感覺非常良好👍🏻👍🏻👍🏻，下次一定要帶埋阿女嚟食，因為榴槤真係好好味。。

見到招牌係香芒小丸子，就叫咗嚟試吓最衰係自己竟然係冬天都叫唔啱季節嘅芒果嚟食，所以碗糖水都可以想像到係完全冇咩芒果味，無論係個沙冰、芒果粒、定係個芒果雪糕都係冇芒果味😂

今日三月三十日到明記甜品天后店幫襯，入去搵位已經冇人招呼又見只有一張吉枱咁我唯有自己坐底，但張枱其實已經放滿上手留底嘅碗碟...都無所謂。之後我同女朋友order 咗一個手礳豆腐花同榴連西米露，等咗五分鐘倒兩份甜品已經上枱，當我女朋友食完第一啖嘅時候，我見佢停咗喺度望住碗手礳豆腐花，然後佢話：百福豆花嚟喎！！於是我試一啖，身為一個香港人又點會未食過百福豆花呢？？然後我同女友講一陣埋單去問下佢，睇下佢點答先？到埋單時女友問店員係咪用百福豆腐，店員話：咩百福豆腐丫？（扮無知嘅態度）講真如果你肯認我地都無咁嬲，其實如果你地態度好啲件事應該無咁差！再講我食嘅榴連西米露，係十分麻麻！實在失望！！

我是港島銅鑼灣人，經過過明記很多次，每次都係幫襯完串串貢。從來未幫襯過明記，因為看完openrice 評語，心都涼一截，都係唔搏。（我一向去開對面甜姨姨食榴蓮冰沙，食左都好多年。）但係有一次，我經過見到有個客食物緊榴蓮甜品，我覺得賣相好過對面，所以一行幾人就即管試下。唔食由自可，食左先知原來係好好、好好。原來係好足料的甜品鋪。榴蓮係新鮮比足料，西瓜冰唔加糖都好甜。 芒果冰竟然是飛機芒，唔係冰鮮芒。我覺得真係好有誠意。 傾多幾句，知道老板夫婦剛頂手不久，特別在乎水果質素，但我估應該唔曉做廣告。但食過第一次的就應該識得返轉頭。（不過小朋友嘅香蕉船D 雪糕麻麻地，我覺得唔洗叫。木糠布甸合格。）我做左Openrice CD rom 10 年有多，貴又食，平又食，看食評都有心得。寫就未寫過一篇，覺得我無理由花我寶貴嘅時間幫人做廣告。全世界最好食嘅嘢，我覺得是紐約Peter Luger。香港我嘅comfort food，應該是Ruth’s Chris，和最近我嘅至愛Jumbo 和Asado。我認為甜品，我香港嘅至愛是227的綜合冰，天后明記嘅榴槤小丸子，同以前嘅阿婆糖水同以前嘅聰嫂芒果panc

明記....唔係話，服務差，難食，貴三個人行過食碗糖水，基本既要求都合乎唔到，無人serve左十分鐘，叫到人黎落單仲要黑下你面，叫個雜果河粉、湯圓、芝麻糊咁基本要等二十分鐘，仲要係水咁淡，啲河粉又硬又膠味，生果又酸又少，丫，去到比錢仲要睇個𡃁仔入錯單黑面要你等陣，明記？無下次，送錢比我食都唔再幫襯

夜晚老婆想食個芝麻糊，33蚊碗，翻到屋企食落去無味，碗野都唔係糊黎，好似水咁，無咪出聲law,最多揀第二樣啫，上網搵資料電話都無個，唔係老婆算數，真係想搵去問佢碗野咩料？！

剛剛8:45pm入到明記甜品， 當時 得另一台客，我53分落order,西瓜西米露加個至尊香蕉船。。之後再3個客入舖，之後再有兩個客入舖頭，完全冇人理佢之後就咗!而我個香蕉船， 原來 落完order後一路冇人處理，到等咗15分鐘， 個女staff先開始叫個男staff去做， 仲要做完拎出嚟放喺第二代客上面(原來人地都order咗，但我order先点解會比後者先呢？) 一個香蕉船足足等咗25mins。。衛生方面 ，亦十分差 ，冇戴口罩 冇戴手套整甜品， 收錢後冇洗手又整甜品，十分嘔心。。離哂普!非常垃圾!

我地4個人一人嗌左樣甜品，等左3個字都未有野黎已經有啲躁，環顧四周啲食客，大部份人都係未有野食，但人流佔左一半座位都無，唔明點解要等咁耐。跟住個店員就黎話杏仁茶無哂凍，得熱，咁我地都話無所謂啦…點知再等多2個字個店員又黎話連熱既都無哂，咁朋友就話咁唔要啦！之後黎左張單得返2樣甜品，正喺我地想搵人黎問時，另2樣無喺單上既芝麻杏仁茶就出現，話喺最後一碗，呢個時候已經好躁底，因為另一個朋友嗌密瓜西米露呢啲"筆"既野可以等左5個字都未出到，無法理解點解可以慢到咁! 而且個店員好似發緊夢咁，啲野仲有幾多份賣會過左3個字先同人講無?究竟係咪做生意架? 要人等咁耐先同人講無係咩玩法?而且碗野係一啲都唔好食!永久back list, 超級差! 垃圾!

全無誠意的小店！ 4人各要一款中式熱糖水，全部也不熱又一夠夠的全不引起食慾又過份地甜，各人試了一淡就比錢起身走人了。未試過比這店更差的了！永沒有下次……最簡單的款式也全令人失望……

見個門面幾光鮮，好似幾新潮，就入咗去試吓。點知。。。傳說中的明記竟是這樣。。。差！店內不多人，只有兩三圍枱。我個芒果河粉唔知點解比別人要等得耐d，唔通河粉好多，要慢慢切？隔離比我遲入的都上咗甜品。。算啦，我唔算趕時間，就等吓。。我朋友叫咗碗芝麻杏仁茶，唔知點解，個pat芝麻賣相青苔色咁，同個杏仁撈埋，唔希唔杰咁，唔知想點。無影相。（可想而知我唔係一行入去就想寫負評，否則乜都影一餐）而我個芒果河粉，一埋黎，我以為佢比錯我，因為唔見河粉，撈撈下原來係底，但，好少囉，得4條，仲要每「條」最多得5cm, 而且，唔係河粉型，唔知咩嘅長圓型咁，仲緊要係，零味道，應該係話，唔知咩味道！石膏味乎？我真係分唔到d芒果亦唔鮮味。。加油啦，你地好食d再幫襯你地！

去左朋友家附近既「明記」食甜品，睇menu 好似都幾多款式，甜品相片又幾吸引咁⋯實物像真度還可以，有6成，只係味道唔吸引。「 朱古力窩夫 」，相片好似豐盛，真實就⋯⋯吸引度大減，如果冇圖片對比可能無咁失望。味道完全冇特別，窩夫做得好一般，朱古力味道唔濃，窩夫唔夠香口，未見突出，雪榚應該係維記出品，非常一般！「 榴櫣撈珠 」，非常失望！唔講賣相，味道淡而無味，榴櫣蓉份量小，又唔香唔甜，甜品汁底又好淡，完全失望！！

週末帶姪女佢地去維園玩，玩完一心想帶姪女食下糖水 就行到天后明記小朋友中意窩夫類嘅甜品之後點左嗌左朱古力窩夫，窩夫大大份 配料(香蕉)好足 然後嗌左 梳夫梨 但要等20分鐘到再嗌左個心太軟，中間是流心的，令小朋友都十分驚喜我便叫了招牌香芒小丸子整體上都ok 甜品都幾好 多選擇

天后明記，你對得住地球伯伯嗎？🙃以下呢篇review完全與錢無關，而係稱得上「浪費地球資源」。好耐無去天后食甜品，同街有兩間未食過，隨機衝動之下入左天后明記。同友人叫左香蕉船、紫薯心太軟、朱古力同抹茶waffle⋯望到香蕉船個樣已經嚇左跳，明明menu係無果啲珠⋯實物黎到，多珠到連勃走佢個心機都無⋯紫薯心太軟又係另一驚喜⋯整法應該係vegan brownie整法，似係用微波爐叮⋯🧐最離譜係紫薯泥，唔明點解會有酸味？朱古力同抹茶waffle，算正常，但稱唔上好食⋯去到呢個位，大家一心只係想唔好肚痛睇唔到世界盃😂你以為只有西式甜品出事嗎？😂隔離抬客人食芝麻糊豆腐花同楊枝甘露，食左三份一，已經喊晒驚咁話難食停手。假若你心情唔好，真心希望你唔會咁好彩撞到入黎呢間野食甜品。因為，你食完只會覺得你條命點解咁苦🤡

唔知由幾時開始，人人都變得喜歡食甜品。每區總有幾間甜品店，可惜好食既真的不多⋯「明記」有好幾間分店，口啤也不俗，點知初嚐卻失望店員服務有禮，可是甜品質素同味道真係非常一般⋯甚至我覺得有d 像現成的味道。同區有太多選擇，不會再光顧！