回歸生活小事一樁。承接前文，週日由澳門坐船回上環啦，到港大約 3:30pm，因為尚未食晏，就諗住在上環食啲嘢先。
呢間餐廳隨便找的，裝潢幾靚仔，主打食泰河、越南 phó。下午茶選擇就大包抄，大路選擇，西多士、撈丁啊甚麼的，東拉西扯一堆，都不貴，寫著「不設加一服務費」。
店原是要㩒飛攞位排隊，卻已暫停使用：
我走入去，同店員講：「唔該一位。」
叫了個 7號餐，承惠 HK$38。買完飛，自己出去攞餐。
小吃「麻辣豆乾」，配 phó 其實有啲九唔搭八：
真心唔難食，調味是麻比辣強，不會辣在皮毛，在沒期望下反而不錯：
「牛丸湯河粉」，賣相算幾靚仔：
河粉幼滑有米香，食得出是靚貨：
湯別奢想有濃牛骨味，公道說，味精感不重：
牛丸不是 cheap 貨，不是有粉無肉之流，也具爽彈感：
最後「熱咖啡」
食完之後，有手尾的下午茶食客，會自動將餐具放置中央位置才離去，當日甚多人也有這方面的「公民」意識。餐廳不收加一服務費，食客做多少少嘢，不是什麼大不了的付出，也可幫輕店員的工作負擔。
我不知道「免收加一服務費」會否成為趨勢，作為吸引顧客的招徠，或者減省人手成本的一招。
影片
