明谷

營業中

休息中

今日去上環揾朋友食飯，諗住揾間平平地嘅舖頭食。於是佢極力推介我嚟明谷。我一睇餐牌，果然抵食喎😉由於選擇唔錯多，所以我地勁快揀好食咩🙂烤雞脾煎蛋飯 $58雞脾外皮好脆，燒得好香，但肉質仲好嫩同juice。煎蛋火候剛好，唔燶邊。炸蝦餅 $24蝦餅脆口，蝦肉彈牙，正👍🏻生牛肉越式牛湯河粉 $48牛肉份量都幾多，有牛肉味。湯好清香，唔鹹，確實唔錯。食完成碗粉好飽。柑桔檸蜜 跟餐+$9呢飲真心好飲，酸甜味配合得剛剛好😊

我係一個好鐘意食喇沙既人，前排朋友介紹話呢間好食所以今日順路黎試下！平時好少黎上環，每次過大海前後都只係食茶記快快趣趣食完就算，估唔到有一間咁高質既喇沙！我去到嗰陣已經8點45分，雖然佢地9點收舖，但好似仲未last order。呢個烤雞脾喇沙湯麵，烤雞有誠意，雖然見到佢地收舖，但雞脾仍然好食，雞皮香脆，肉質嫩滑。另外一個嗌左手撕雞喇沙湯麵，雞絲份量適中，而且口感同味道都係不錯的。至於喇沙方面，我覺得好好味，微微既香辣，濃度適中，好惹味！至於麵底方面都軟硬適中，下次會再想試下轉其他麵底試下！仲有價錢方面，我覺得好抵食！以後去上環一定會再食！

信德中心揀餐廳食飯真係好難，一係好貴一係唔好食，但小編終於發現寶藏～～明谷。明谷位於商場2樓，鄰近M記，方便易去，環境舒適乾淨，加上座椅闊好舒服，又有得挨住，絕對係上船前休息既好地方。食物方面，小編試左下午茶餐，價錢34蚊，好抵食，有大大份豬扒蛋三文治加飲品，豬扒腌得好入味，味道咸咸香香，而且豬扒仲要厚切，都成1 cm 厚，相當滿足，麵包有烘過並搽上牛油，脆脆香香的，好好味。飲品方面，小編叫左檸檬茶，茶底香濃，好香紅茶味，而且檸檬係厚切，好滿足到鐘意飲檸茶既朋友。

好開心, 今日男朋友接收工(我是在上環返工的), 近近地就係信德中心食晚餐喇相信有去過信德中心都知來來去去都係得D連鎖快餐店, 連樓上什麼美食廣場內既餐廳都執得7788, 所以我地就諗住坐得舒適少少去左 食晚餐喇 (埋單時見到張單先知原來係美心集團的)今次係第一次堂食, 地方大, 座位闊落, 裝修有格調, 就算係開放式廚房亦都好乾淨, 唔會好大油煙, 所以坐得好舒服印象中岩岩開張時價錢係略高(所以個時經過都係得個望字), 之後價錢調整左我覺得係合理的(所以宜家有時都會lunchtime外賣返公司食)🐮生牛肉越式牛湯河 ($48) + 🍋檸檬茶 ($9)份量係大碗的, 湯底味道清甜帶點牛味, 所以個人都好鐘意, 不過D生牛肉真係出哂事, 碎濕濕好似D頭頭尾尾咁, 無肉味, 口感似豬肉, 食左兩舊仔都冇食了🍋檸檬茶係超級超級超級推介, 茶底係用earl grey (我個人係好喜歡earl grey), 好好飲啊🐔烤雞脾煎蛋飯 ($58)雖然唔係非常特別, 平時個D越式飯咁(蔥油 + 豉油), 但個烤雞脾就好好味好大隻(雖然上碟有D求其), 外脆內多汁嫩滑, $58都算抵食啊

成日都會經過上環呢個商場尋嘢食，早餐我係覺得佢價錢係偏貴，有豬潤麵，沙嗲牛肉面、撈麵也是合格的！間吾中消費下！今日經過就試食咗個下午茶，又有邪惡西多士又有雞翼， 一次過滿足試足兩種不同嘅下午茶味道！西多好好味，雖然是全份但剛剛好，但雞翼炸得太過分啦，明明應該好細隻但炸到好似變咗大隻， 炸少少變得脆卜卜已經好足夠， 現在過火咗！ 睇返張收據才知道明谷係美心集團，怪不得整個團隊分工點菜，送餐，整潔，都有效率！ 環境坐得舒舒服服！

一個人唔知食咩好，行行吓見到呢間餐廳，超多選擇決定試一試今次揀咗 豬肉片肉丸船湯米粉，豬肉片同呢個湯幾夾，豬肉丸都幾彈牙，湯底好濃，雖然唔似傳統嘅船湯，但都覺得幾特別，好香嘅花生味，叫咗小辣，辣味適中 🙂另外叫咗杯凍金橘檸檬蜜，出奇地好好飲喎❤️餐廳環境算坐得舒服，人唔會太多。但係餐廳嘅服務真係麻麻😡 服務員叫極都唔睬，好似聽唔到咁，未食完仲拎住筷子問我食完未，明明間餐廳仲有好多位，做咩咁急住收野，其實等人地食晒或者埋單先都唔遲 🙁

朋友推介話呢間餐廳唔錯，星期日唔知食乜好，又同男朋友嚟試下啦。晚餐餐牌其實都無乜嘢揀，喇沙、船麵同埋牛肉湯河，男朋友揀咗喇沙，我就想試船麵，但啲餸真係唔太吸引，求其配咗個肉丸肉片。船麵嚟先，湯底好濃好咸，米粉少之又少，不過都叫做有嘢落肚啦到個雞脾喇沙，都一樣係好咸，份量少，男仔食一定唔飽喜歡濃味嘅可能係個唔錯嘅選擇，但食物份量真係偏少。

今日同朋美係上環行街街到累，想搵間餐廳坐低下午茶。我地去到信德中心，入左明谷。我叫左豬扒多三文治。份量好夠，但我覺得蛋有少少overcook，我perfer係滑蛋，因為見張圖都係😂而豬扒超大塊，不過有d「鞋」口😯😯😯

午餐時間去食，半自助式服務，我欣賞佢地支持環保走飲管，見隔離枱要求飲管侍應比紙飲管客人。我點左碗雞脾喇沙，偏咸，飲曬杯凍咖啡番到公司仲要飲多杯水先得。餐廳上菜時間都算快，坐位闊，唯一不足係洗手間係餐廳外面。

不知不覺，明谷已開業了一年多，由一開始覺得它性價比太低，幫襯了一次後便放棄，到後來轉餐牌後，價錢開始合理一點，味道其實也還好，自此之後它便成為了朋友找我食LUNCH時的好去處。濃船湯和喇沙我也試過，但味道對我來說太濃了，所以我每次必點越南牛湯河粉。湯底味道清甜、有牛味，河粉也很滑，牛肉質素有點參差，時好時壞，但最令人驚喜的是配菜生洋蔥非常甜。小食我試過蠔餅和魚餅，較喜歡前者，因為蠔餅不會過份油膩，且蠔仔份量足，但魚餅略嫌有點辣，可能是醬汁的緣故，但不點醬汁又有點不夠味。飲品推介柑桔檸檬，甜度剛好，解渴潤喉。

-來點越泰式風味 -澳門落船回來肚子餓,信德中心. ,今次到食你喇~越泰式風味菜,.-🍗越式吊燒雞喇沙湯麵（Laksa Noodle Soup with Viet Roasted Chicken）加上香茅調制的吊燒雞髀,外脆內嫩滑,大大隻,油麵有咬勁,喇沙湯椰汁味很出,湯濃不太辣,比個贊你.-🍜焦糖燒豬肉餅撈檬（Bun Vermicelli with Caramelised Pork Patty）焦糖炭燒過表面的豬肉餅,炭燒味~正.撈檬酸酸甜甜,十分開胃-🐥牛油雞翼（Butter Chicken Wings）擠上燒過表面既青檸汁,牛翼咬下去既脆又香-🍮☕蛋味濃郁的越南蛋咖啡（Vietnamese egg coffee）Tasty,eggy and sweet. 蛋咖啡可點冰的或熱的 個人推薦冰的,也比較大杯,濃度也更為易入口.越南蛋咖啡比一般的咖啡還要蓬鬆柔軟，可以像飯後甜品一樣品嚐的雞蛋咖啡.-越南蛋咖啡顧名思義就是咖啡中加入雞蛋，但加入雞蛋是因為早期越南物資缺乏的年代牛奶是種不易保存且難取得的食材，因此原本在Sofitel Legend Metropole Hanoi擔任酒保的Ng

下午茶時段，無聊行過信德中心，無意中發現呢間開業一年左右嘅越泰風情嘅餐廳。餐廳內部裝修頗有東南亞風情，坐落非常舒適，而且可能係平日，所以人不是太多，係下午茶嘅好去處。創意度無可厚非係具備嘅，味道亦算中規中矩，但略嫌多油左一啲，食落會比較油膩。越式魚露令到成件事無咁油膩。春卷炸得好夠火候，食落非常脆口。另外，好貼心嘅係附送左一條好新鮮嘅生菜。不過，如果下次可以一嚿春卷配一條生菜，咁就更加perfect啦。

Minh & Kok 喺信德中心進駐咗一段日子，定位由剛開始嘅中價位餐廳，慢慢調整到較親民嘅水平。始終淨係以麵做主打嘅話，除日本拉麵外係賣唔到過百蚊。呢度雖然無得訂位，但地方大，所以人少 walk in 唔洗等太耐。$50~60 一碗麵，唔收加一，以環境同質素計都非常合理。豬扒泰式濃船湯油麵，湯底非常濃厚，有強烈嘅魚同肉香。油麵幾索湯，而且唔係太淋，幾襯呢隻湯底。雖然比較重口味，都忍唔住飲多兩啖湯。腐乳通菜，加埋魚仔同薑絲，幾惹味。

去澳門前 食個早餐叫左個沙爹牛肉麵 仲要出前一丁 個人喜好 就入左去食拎完餐已經即刻食 啲麵淋到呢 都唔知煮左幾耐出前一丁都煮到咁 仲要成間野客人唔多得果十令個人 仲要好多已經食緊都唔知點煮野 查實廚房係咪連公仔麵都唔識煮？真係唔會再去

早上和老公仔來吃早餐早餐餐牌選擇不多，多是公仔麵未見特色叫了一個香茅豬扒撈丁，一個餐肉出前一丁配炒蛋多士呢度係自助形式的，門外買票然後有個電子感應器提示取餐香茅豬扒撈丁帶點越式滋味味道不過不失餐肉出前一丁麻油味頗香，炒蛋也嫩滑多士也做到脆邊這個價錢大多去了餐廳環境當中，既缺人服待，食物質素也不特別好，不值