易食 (已結業)

大角咀一向比人一個舊區感覺，唔熟呢頭嘅可能以為只有好多舊式嘅餐廳，但其實呢一帶陸陸續續有重建項目，成個感覺年輕晒，亦為呢區嘅飲食界帶黎好多新血😃中午放lunch又過黎搵下有咩新野食，今次食嘅呢間餐廳開業冇耐，主打西餐， set lunch包左餐湯，沙律，main course同甜品因為一份set lunch實在太豐富嘅關係，兩個人叫左一份set lunch同單點左個意粉😆今日餐湯係蕃茄羅宋湯，就咁睇張相都見到個湯有幾濃幾足料，再加左d麵包碎增加口感，個味調教得適中，唔會話太甜太酸👍沙律唔係就咁幾條菜加d汁就算，上面放左兩塊香煎吞拿魚， 成碟野即刻高級晒，佢嘅沙律菜應該都唔係用平野，食落好爽口🤩main course叫左個炸軟殼蟹青豆意粉配蟹籽忌廉汁，軟殼蟹炸得好挺身，好脆好好味，唔似出面好多都整到淋晒冇左個口感，而蟹籽係大大粒果種飛魚子，落左好多，一d都唔孤寒，配埋意粉隻味又幾夾💯單點嘅意粉叫左卡邦尼意粉，又係見到圖都知落重料，啖啖都食到好濃嘅汁同大量煙肉碎，意粉又掛汁，平凡嘅菜式做到不平凡😎甜品係一個自家製蛋糕，細細件嘅蛋糕都見到廚師會落足心思去擺設，蛋糕冇咩cream但有好香雲尼拿

麻甩專員最喜歡搵新餐廳食，咁岩見到一間新嘅西餐廳開業望落食物款類又唔少就帶埋朋友過左黎大角咀食個lunch過個輕鬆假期餐廳位於大角咀，由奧運站B出口或者奧運巴士總站步行5分鐘就到，超方便🚶🏻‍♂️餐廳環境雖然唔大但非常舒適店舖老闆好友善，細心了解你想食咩再推介食物同埋午市套餐🥰係對話當中，專員先知原來餐廳先開張第兩日，相當期待食物上菜散叫。黑松露野菌忌廉湯 $48。香草醬素菜意粉 $78黑松露野菌忌廉湯好香濃好有陣陣嘅野菌味道，入口細膩棉滑，湯唔會太鹹或太淡黑松露嘅香氣有保留，令到成碗湯不斷飲入口後唔會愈飲愈膩👍香草醬素菜意粉適合唔食肉嘅朋友叫黎食磨菇; 外國紅黃小蕃茄; 外國櫛瓜; 小紅蘿蔔; 豆角條香草醬汁濃郁，包到晒每一條意粉同材料，食落唔會有太大嘅草青味表頭磨左少量嘅芝士，增加返成個意粉嘅鹹香香味👏LUNCH SET $128。是日餐湯: 周打蜆忌廉濃湯。香煎芝麻吞拿魚伴茴香田園沙律。炸軟殻蟹青豆扁意粉配蟹籽忌廉汁。是日甜品: 野莓醬忌廉芝士餅。飲品: 凍咖啡濃湯鮮味十足，加埋幾粒炸脆麵包粒係面增加口感🍞餐廳幾特別，另外濃湯加左blend爛左嘅薯仔入去，飲落口比較杰身之餘增加埋平

一直鍾愛大角咀小店，皆因大部分都幾高質，特別係依幾年利奧坊既出現，附近亦越黎越多新餐廳。新鮮滾熱辣開張既依間餐廳，門面望落無乜特別，但食完就知佢地係一間用心出品既小店😋墨西哥沙律 $118第一次食彩色既栗米片，配上蟹肉，牛油果，芒果，蕃茄莎莎等食材，成個配搭好有層次，味道豐富得黎好清新🌿而且五顏六色視角上亦好吸引。西班牙酥炸羊肋骨$108今晚驚喜之冠一定係依個羊肋骨🐏望落以為實的的，點知一刀切落去勁軟腍，肥瘦適中，雖說係酥炸，但係毫無油膩感，羊香而不酥。另外特別之處係配襯既並唔係傳統薄荷醬，而係廚師自己調配既wasabi醬，點完味道更豐富而且令羊香更突出，堅好食❤香辣蕃茄醬海鮮意粉$128意粉軟硬度適中，蕃茄醬味道天然，香而不辣，醬汁不多不少掛滿每條意粉👍🏻海鮮包括青口，大蝦同埋帶子🍝青口帶鮮味，大蝦大隻彈牙，最出色係帶子，夠厚身，煎到表面金黃，內裡係半熟，入口鮮嫩❤露絲瑪莉燒美國無骨嫩雞$148燒春雞食得多，但係起埋肉既真係第一次，整隻雞只有雞脾末端骨位，其餘既都起得乾乾淨淨，真正手工菜，啖啖肉好爽! 表面燒到有微微焦香，肉質細嫩juicy，連伴碟既薯仔，西蘭花苗，水瓜等全都煎香過，