星味坊烘焙專門店

營業中

休息中

聽朋友講呢間既布甸蛋撻好好食，門口一望入去就見到XXL蛋撻，麵包蛋糕種類都有好多蛋撻真係XXL，曲奇皮牛油味好出，厚薄均勻即食真係好鬆脆，加埋超厚蛋漿完美～蛋漿同一般蛋撻有小小分別，偏向似燉蛋，食完一件已經有飽肚感鮮忌廉磨菇鷄肉批$15，size比一般大，焗到好金黃，色澤好均勻，比賣相吸引左，食落驚喜感唔大，味道一般麻糬三Q外皮好酥脆，外皮做得唔錯，內餡係豆沙同芋泥？見到張相係有肉鬆，不過肉鬆小到好似無落到整體比較甜，個人較鍾意有埋咸蛋

經過旺角見到呢間麵包店嘅布甸蛋撻幾吸引之前見過社交媒體網站都有人post過出黎 睇落賣相好靚仔!買番屋企氣炸再食 熱辣辣 個皮仲好脆裡面嘅布甸份量唔少 啖啖都有蛋香 不過我略嫌甜左少少 如果有少甜版本就好喇!整體黎講 呢個布甸蛋撻幾好食 下次經過會再買黎食!

#搞串個pantry有咩好適合放係pantry坐鎮，咁一定會有cake🎂同埋蛋撻啦。今次去到旺角🤩，見到有間新開嘅麵包店，呢間舖頭係深水埗同埋元朗都有分店，最人氣商品🎇就係佢哋嘅布甸蛋撻！！我哋就買左布甸蛋撻($12)同埋拿破崙($34)，試下究竟係咪咁好食🤔🥳布甸蛋撻🥚一望到已經好開心，因為佢真係好大好大好大個！內餡嘅蛋非常豐厚🍮，真係食落啖啖「肉」！！而個蛋撻外皮都非常脆，同內餡好夾，值得一食！😋而同場加映嘅士多啤梨拿破崙🍓同埋芒果拿破崙🥭，忌廉份量足夠，每一啖都有軟滑嘅忌廉包圍住成個口，忌廉味非常濃郁。再加埋生果嘅酸酸甜甜，同埋拿破崙酥皮嘅牛油香，令到味道好豐富、有唔同嘅層次感。但係就建議大家買完之後快啲食啦😎😎

之前成日聽人介紹，經過旺角終於一嚐星味坊嘅布甸蛋撻，而且有我最鍾意食嘅牛油曲奇餅皮，個蛋漿都好滑，蛋撻比一般坊間都大隻比較厚身啲，值得一試，順手買埋個椰撻試下，都好大隻，味道ok布甸蛋撻 $12椰撻 $12

成日叫人去俾錢先，大佬，睇下客人要咩先啦。懶以為自己有效率。唔緊要，我們離家好遠，今日大仔需要幫我去公司拎一大袋嘢，咁買左cake,想要一個膠袋去裝34蚊的一個cake，職員就好唔耐煩，員工態度非常惡劣，唔係個個人住附近㗎，有人山長水遠拎個cake返屋企㗎。阿仔會拎一大袋嘢，用紙袋包住個cake，點返屋企吖。唔該培訓下啲員工啦。要求轉包裝，員工晦氣到一個點。差差差評。服務零分。嘢食幾好味都冇用，同啲同事去過幫襯幾次，員工態度未改善過。

由長沙灣開第一間店，因佢個布甸蛋撻而爆紅，開到依家旺角第三間分店今日見到布甸蛋撻新鮮熱辣辣出爐，不過就冇買，想試佢其他產品😗▶️ 伯爵茶車輪包 ($16)自己未食過車輪包，好奇佢係咩質感，圓轆轆一條柱咁好得意，放喺碟碌走咗🤣另外仲有原味同抹茶紅豆，店員話原味同呢款內含提子乾車輪包好重手 (170g)，望落似牛角包質地，面頭見到唔少伯爵茶葉我當佢好似千層生吐司咁切一片片黎食🙈切開超有驚喜，竟然唔係店員所講嘅提子乾，而係黑糖麻糬！呢隻味道仲要似波霸/珍珠🧋(似享樂個抹茶麻糬bagel入面嚿麻糬)，冇珍珠咁彈牙而比較黏糯，自己好鍾意😍唔會甜到搶咗麵包嘅味道另一個有驚喜嘅位係佢個伯爵茶味好芳香☕️唔係剩係得個樣，同麻薯又好夾麵包未至於非常鬆軟，但比起望落去冇咁粗糙，可能似方包質地多啲？都有少少煙靭嘅🍞▶️ 南瓜藜麥條 ($15)一包四條，拎上手好輕身 (~40g/條)食落比車輪包鬆軟，未至於空氣包不過唔算好有質感雖然黃色🎃但食落係冇南瓜味，只係少少甜甜地，然後食到粒粒藜麥我會話呢個係健康而冇特別之選-麵包款式多，最吸引係佢啲甜品，有好巨型嘅芒果泡芙😍仲有各式各樣嘅件裝蛋糕🍰服務幾好，店員會主動問你要

爸爸為屋企買來「星味坊」的布甸蛋撻，好耐之前試過佢哋出品的麵包，印象中質素一般；不過爸爸試過布甸蛋撻後大大力推薦，最後都冇失望==========🔹布甸蛋撻 $12被命名為布甸蛋撻原因係佢個蛋漿真係好"杰"身，做出嚟有食緊布甸果種質感蛋撻份量十足，表面做到焦糖面，外表同葡撻有幾分相似先嘗一口蛋漿，蛋香濃郁，口感軟滑細嫩夠挺身，個人口味感覺甜度略高蛋撻皮為我喜歡的曲奇皮，牛油味香濃又夠酥脆，喜歡‼️推介指數：9/10==========以呢個蛋撻Size，$12絕對唔貴，值得回購🫶

剛剛經過，覺得入邊嘅種類很特別，他們的麻薯波波超級大，下一次會買麻薯波波嘗試！今次就想試了這個肉鬆包，超級好食！非常適合我愛食肉鬆嘅人，個口味很夾！你哋真係一定要來試，仲有佢哋嘅吐司，有一種是叫做麻薯吐司！令我覺得很特別，食完就一個肉鬆包已經太飽，下次一定會嘗試過麻薯波波+蛋撻+麻薯吐司！個肉鬆包一定encore，真係好特別

看见这家店评分不错，主推的的就是蛋挞！！！今天路过正好看见热腾腾的蛋挞出炉，忍不住买一个试下。 在我的一再坚持下，店员姐姐给个刚出炉的蛋挞！出门就迫不及待的试了，真的很不错，奶味重，不会太甜，牛油皮脆脆的，很好吃！ 个头大大的，一个下去好爽，嘿嘿。12元一个性价比还可以。有机会碰到刚出炉的 还会再买，推荐购买！比起那些天天排长龙的布丁面包，这个更适合我的口味，也不用挤在一起排队，去不了澳门，这个蛋挞是不错的选择

上次食過一次布甸蛋撻後，對呢間餅店有信心，今次買咗個瑪德蓮蛋糕，$22有六件，分別見到有原味，朱古力味同抹茶味。今次試咗個抹茶味，蛋糕濕潤，抹茶有回甘，個人覺得呢個質素對得起價錢，會再試其他味。

之前一直幫襯開深水埗，都買過幾次椰絲包 係好好食 好軟林林又有滿滿椰絲，非常好食 今次見旺角開左間分店，就買嚟試吓，麵包死實實，好似隔夜，裡面冇咩椰絲，同深水埗分店實在差太遠，仲要加左2蚊，以後都唔會再係呢間買

公司附近新開左間麵包鋪係正洗衣街街口附近名夠晒方便，等一個過馬路嘅時間就入到去買到包，食早餐可以多一個選擇唔駛再食大班美心東海堂喇！今次首先兩個包款車輪三兄弟，佢放最近鋪面，除左睇店面之外，第一個吸引我目光首就係呢個車輪三兄弟，鐘意食章魚小丸子嘛，呢個外類咁似咪即刻行入去睇囉麵包煙煙韌韌 配上面少少紫菜同埋柴魚片，有少少似章魚丸嘅味道 伯爵茶車輪包，個人偏愛伯爵茶嗰一陣優雅淡淡茶香當見到伯爵茶唔係用係蛋糕唔係用係蛋撻，而係麵包上面，即刻夾起拎去比錢，再唔俾錢，我諗我做冬就係食麵包餐。。。。😂

經過旺角見到好大隻蛋撻，望下招牌原來係星味坊新開嘅分店，知道佢喺長沙灣好出名，成日有人排隊，但係我唔係住嗰邊又好少去嗰邊行街，所以一直都冇去過，跟住經過又冇人排隊，所以一於試吓。可能當日係平日嘅下午，加上新開張嘅關係，鋪入面冇乜客人，但職員就好落力叫賣，態度熱情有禮知道我哋想買蛋撻，建議我哋買三隻可以有個盒裝起，方便拎走返到屋企當然趁熱食隻蛋撻先，個皮係曲奇皮好脆好香，蛋就唔太甜，質感直頭係布甸，比一般蛋撻嘅蛋挺身D，因為個撻size都唔細，食完一隻已經有D 滯，另外兩隻放雪櫃夜啲再食到晚上再食一隻時，將蛋撻已經說動咗，但係仍然非常好味，而且反而冇晒熱食嗰種飽滯感覺，一反平時蛋撻一定要熱辣辣知好食嘅常態另外臨近聖誕，見到雪櫃有好多款聖誕蛋糕，造型精緻

今年年頭，長沙灣新開了一間手作麵包店，麵包每日新鮮製造，而限量的「布甸蛋撻」更在朋友圈中不時看到，證明好的食品必定受大眾歡迎！🤔而在今年11月更在旺角洗衣街，開設了另一間分店，以後想食就不需要落到深水埗啦；本來打算兩口子每人一個，但要買三個才有盒，那我就勉為其難食多一個啦！(其實正合我心意)🤭蛋撻比一般蛋撻要大上好多，而且明顯比較高身，外層焗至金黃鬆脆，中間食落帶有濃郁蛋味及奶香味，真真正正外脆內軟，那嫩滑綿密的口感，更是令人一試難忘。😋據說拿破崙、冬甩及牛角包都好出色，下次一於買嚟試吓！ 星味坊烘焙專門店地址: 旺角洗衣街107號地舖電話: 26821666