影片
更多
2023-04-15
927 瀏覽
由長沙灣開第一間店，因佢個布甸蛋撻而爆紅，開到依家旺角第三間分店今日見到布甸蛋撻新鮮熱辣辣出爐，不過就冇買，想試佢其他產品😗▶️ 伯爵茶車輪包 ($16)自己未食過車輪包，好奇佢係咩質感，圓轆轆一條柱咁好得意，放喺碟碌走咗🤣另外仲有原味同抹茶紅豆，店員話原味同呢款內含提子乾車輪包好重手 (170g)，望落似牛角包質地，面頭見到唔少伯爵茶葉我當佢好似千層生吐司咁切一片片黎食🙈切開超有驚喜，竟然唔係店員所講嘅提子乾，而係黑糖麻糬！呢隻味道仲要似波霸/珍珠🧋(似享樂個抹茶麻糬bagel入面嚿麻糬)，冇珍珠咁彈牙而比較黏糯，自己好鍾意😍唔會甜到搶咗麵包嘅味道另一個有驚喜嘅位係佢個伯爵茶味好芳香☕️唔係剩係得個樣，同麻薯又好夾麵包未至於非常鬆軟，但比起望落去冇咁粗糙，可能似方包質地多啲？都有少少煙靭嘅🍞▶️ 南瓜藜麥條 ($15)一包四條，拎上手好輕身 (~40g/條)食落比車輪包鬆軟，未至於空氣包不過唔算好有質感雖然黃色🎃但食落係冇南瓜味，只係少少甜甜地，然後食到粒粒藜麥我會話呢個係健康而冇特別之選-麵包款式多，最吸引係佢啲甜品，有好巨型嘅芒果泡芙😍仲有各式各樣嘅件裝蛋糕🍰服務幾好，店員會主動問你要
今日見到布甸蛋撻新鮮熱辣辣出爐，不過就冇買，想試佢其他產品😗
▶️ 伯爵茶車輪包 ($16)
自己未食過車輪包，好奇佢係咩質感，圓轆轆一條柱咁好得意，放喺碟碌走咗🤣
另外仲有原味同抹茶紅豆，店員話原味同呢款內含提子乾
伯爵茶車輪包
$16
23 瀏覽
0 讚好
0 留言
車輪包好重手 (170g)，望落似牛角包質地，面頭見到唔少伯爵茶葉
我當佢好似千層生吐司咁切一片片黎食🙈切開超有驚喜，竟然唔係店員所講嘅提子乾，而係黑糖麻糬！
呢隻味道仲要似波霸/珍珠🧋(似享樂個抹茶麻糬bagel入面嚿麻糬)，冇珍珠咁彈牙而比較黏糯，自己好鍾意😍唔會甜到搶咗麵包嘅味道
另一個有驚喜嘅位係佢個伯爵茶味好芳香☕️唔係剩係得個樣，同麻薯又好夾
麵包未至於非常鬆軟，但比起望落去冇咁粗糙，可能似方包質地多啲？都有少少煙靭嘅🍞
▶️ 南瓜藜麥條 ($15)
一包四條，拎上手好輕身 (~40g/條)
食落比車輪包鬆軟，未至於空氣包不過唔算好有質感
雖然黃色🎃但食落係冇南瓜味，只係少少甜甜地，然後食到粒粒藜麥
我會話呢個係健康而冇特別之選
南瓜藜麥條
$15
28 瀏覽
0 讚好
0 留言
-
麵包款式多，最吸引係佢啲甜品，有好巨型嘅芒果泡芙😍仲有各式各樣嘅件裝蛋糕🍰
服務幾好，店員會主動問你要咩然後幫你入袋
麵包擺放得好整齊，分門別類，入面望落乾淨
價錢正常偏平民🫶🏻佢啲吐司超巨型都係賣$20左右
啱啱先發現原來佢哋出咗慢煮雞髀包同菠蘿手撕豬肉包‼️非常創新，唔通會成為下一個爆紅麵包？
張貼
