星味坊烘焙專門店

營業中

休息中

布甸蛋撻 5/5因為我淨係買咗一個，所以店員淨係用紙袋幫我裝起咗個撻(要四個以上先可以裝盒)外觀方面,Strassy Square Bakery嘅布丁撻都頗為精緻,金黃色嘅外皮配上白色嘅內餡。買完拎上手仲有少少餘温，拆開紙袋拎返出嚟，細細啖試咗個外層個牛油皮餅底，好香牛油味，外皮又脆又唔會太乾！個布甸超滑身！口感細膩而且蛋香都算濃！布丁嘅黏稠度剛好,唔會太軟爛又唔會太乾硬。布丁本身嘅甜味拿捏得恰到好處，唔會令人覺得膩，令人一食難忘。我本身比較細食，當做下午茶食咗個都少飽價錢先至$12蚊，雖然價錢略高於一般嘅港式糕點，但考慮到佢嘅出色質素，整體性價比仍然偏高。

酥皮唔脆 芒果又酸訂左芒果拿破侖旦糕同朋友慶生，拎到番屋企，發現店員冇比蠟燭···只係比左爉燭個托比我··結果我要自己再買過．．.到左餐廳食完飯切旦糕，一切，已經知道出事，d酥皮係切唔開，食落一d都唔脆，而且芒果又酸，平時d拿破侖一切係自己脆到碎曬，呢個絕對唔會。另外芒果口味原來貴$10 蚊，但芒果放上面的只有4粒，好心舖滿少少，睇落個樣好唔丰盛。$158 （仲要另外加$10生日牌）不推介 買美心好過..

星味坊蛋糕一年都買幾次，因為佢可以WhatsApp訂，再過數，唔使落佢間鋪搞！今次買咗芒果拿破崙，都係佢舖頭signature嘅蛋糕之一，唔太甜，幾好食，不過好難切囉

我去買8個蛋撻，同門口姐姐講，唔該幫我3個一盒，入兩盒得了，淨低2個用紙袋入就可以。因為果兩盒3個裝，我是想分別送俾人的。但門口姐姐好惡，打斷我說話，一句就話唔得，一定要4個放一盒。我話，但我要送3個一盒俾人喎，你做咩夾硬放4個落去。她態度十分惡劣，問題是我又無要求她俾第三個盒，淨低果2個入紙袋就可以了。禁果2盒，我話分開膠袋裝，我要分別拿俾人。她又好惡話晤得，我話禁我俾錢要個膠袋得未呀。她就叫我入收銀再俾膠袋錢。我同收銀講，就算收多我膠袋錢無問題，但門口姐姐唔可以夾硬放4個一盒。最後，收銀有代門口姐姐道歉，同話我買2盒，可以有2個膠袋，無再額外收錢。想問下呢間鋪，係咪買得多，就要夾硬放哂一齊？？？買得多都是想送俾朋友食，如果我分開3次買，係咪就晤會有呢個待遇？？？我完全不介意自己食果2個用紙袋拿住走，同埋我自己都有自備袋走的。不過我只要求，送俾人果兩盒，有盒有膠袋，原來都禁困難。

本想為家人慶祝生日，便專程到此店買了 食評上推介 的 “士多啤梨拿破崙蛋糕”；後來店員又推銷 新出的焦糖布甸，於是又買了4個+2個芒果布甸. 誰不知 蛋糕 +布甸，竟然冇一樣甜品好食！開開心心的一頓聚餐，最後敗在甜品上, 太慘. 它們的 “士多啤梨拿破崙蛋糕” , 皮完全是腍的，唔香，又唔脆👎🏻兩個布甸都係好一般, 連小朋友都不好. 以後我再也不會幫襯 此店凍櫃內的任何食品，超級失望‼️最恐怖是個玻璃樽，本想清洗完再用，當我們都以為底部是啡色的時候， 清洗第二天後，才知那是焦糖，太硬。試想想，如果吃到肚內, 會是怎麼樣😞

布甸蛋撻真係好正！蛋黃部分畀傳統嘅多一到兩倍，而且個餅底都唔一樣。每次幫襯佢哋嘅蛋撻都係熱辣辣嘅，蛋黃部分口感比較juicy，奶香味比較重。每次最少都要嗌返半打，身邊好多朋友都鍾意食。星味坊嘅布甸蛋撻嘅蛋黃部分真係好誇張！足足有一厘米厚，仲要係爆漿嘅！蛋黃嘅口感好滑溜，奶香味好濃郁。星味坊嘅布甸蛋撻嘅餅底都唔同傳統嘅。佢哋嘅餅底比較厚，而且係曲奇餅底。曲奇餅底嘅口感比較鬆脆，同蛋黃部分好夾。第一次食星味坊嘅布甸蛋撻嘅時候，真係好驚訝！蛋黃部分咁多，仲要係爆漿嘅！我食咗第一啖之後，就忍唔住要encore。我身邊好多朋友都鍾意食星味坊嘅布甸蛋撻。有啲朋友仲話佢地嘅布甸蛋撻係佢哋食過最好食嘅蛋撻。

呢排繼續都係忙住辦年貨，買賀年禮盒。今日同老公係深水埗物色緊心水嘅時間，比呢間新鮮出爐嘅巨型蛋撻吸左埋去，真心香！原來係Signature之一嘅布甸蛋撻，曲奇缾底，牛油味非常香，重點係蛋漿部分比一般蛋撻多成1/4😳蛋漿面層微微烤過帶有焦香，咬落口感綿滑，正‼️原來佢哋仲有推出賀年禮盒，我都入手左幾款🫶🏻✨蝴蝶酥從來好喜歡食蝴蝶酥‼️ 口感鬆化酥脆，又充滿牛油同焦糖香，我真係會食唔停口。✨蜂巢原味蛋卷裝作網狀蜂巢蛋卷比一般蛋卷更講究工夫，口感酥脆鬆化，拎起手都要輕手啲😆蛋香味夠哂濃。✨櫻花蝦酥第一次食櫻花蝦酥，又幾特別！千層酥皮上舖滿脆口櫻花蝦，鹹鹹地甜甜地，又幾好食，有啲驚喜🙌🏻

今次去咗間頗受歡迎嘅烘焙店，心思思想試吓佢哋嘅夠哂口感嘅布甸蛋撻。🍮 蛋撻呢，每一啖都實在得滯，咬落去既滑又香，滿滿嘅奶味搶咗個show！撻皮就無得輸，外咬微微嘅酥，入面卻保持咗一份彈性，喺咀裡頃刻間化咗，配埋布甸嘅綿滑，正到不得了！再講講另一款長相吸引嘅士多啤梨奶油蛋糕包，聽波子頭講到口水都要流出嚟咁，結果今次睇到朱古力版嘅，嗌咗一個黎試，果乎不負眾望。士多啤梨同朱古力嘅組合滋味極佳，即是非買不可嘅款式！成個下午喺烘焙店度過，種種滋味喺喉頭遊走，流連忘返。臨走前仲意猶未盡，差啲未捨得離開。港式嘅烘焙店個味，真係無得抵擋啊！🥧😋

長沙灣人氣特大布甸蛋撻 之前去過一次排左成20分鐘 今次路過見到新鮮出爐有貨 再試試.大概夜晚6點黎到 同樣都係好多客人但今次唔洗排 keep住新鮮出爐 有現貨⭐️巨型布甸蛋撻$12👍🏻蛋撻熱熱地 蛋撻份量係重點 有男仔手心咁大👌🏻外層係曲奇牛油皮 口感比較鬆軟？容易食到成地碎👌🏻蛋漿正常蛋撻feel 但巨大化後 大大啖食 係爽d👍🏻今次有感覺到明顯奶香 甜度適中.唔洗排隊 體驗好好多 但賣$12 算貴最抵都係同區 其他麵包店 $3.5一個但呢個大個好多 路過可以一試 但唔建議跨區黎.#hkfunfoodrecord窮遊香港#hkfunfoodrecord_長沙灣.#星味坊 (深水埗)地址：深水埗元州街149號地舖.⭐️評分：味道：4/5 新鮮出爐加分環境：-/5服務：-/5抵食：3/5..#飲食 #美食 #優惠 #抵食 #hk #hkfood #hkfoodie #foodiehk #hkfoodblogger #hkblogger #hkfoodies #hongkongfood #吃貨 #食評 #增肥 #搵食 #食好西 #相機食先 #香港美食 #香港美食 #蛋撻 #布甸蛋撻 #長沙灣

Intro: 位於長沙灣同深水埗之間有一間唔錯嘅蛋糕/麵包店，呢到嘅曲奇蛋撻雖然賣到$12，但真係大大隻，賣相成個葡撻咁勁吸引，食完仲好飽肚，仲幾適合做散水餅～___________________🍽 布甸蛋撻💰 12/個 ⭐️ 9/10✍🏻 蛋撻嘅表面面積同普通蛋撻差唔多，但其實底部好深，而曲奇皮唔會太厚；✍🏻 曲奇皮好脆又香，如果皮厚會更好；✍🏻 賣相都幾似葡撻，蛋皮做到燶皮；✍🏻 蛋漿喺曲奇蛋撻嘅比例中佔左8成，勁滑又做到少少流心嘅效果，最重要係熟；✍🏻 攞蛋撻嘅時候要小心，因為蛋漿比例太多而好容易令蛋撻爛左。___________________🏠 星味坊📍 深水埗元州街149號地舖⭐️ 9/10___________________

星味坊烘焙專門店屬於新式街坊麵包店，相比傳統麵包店款式較多而且新穎，走中上價位路線，份量大大件。網上好多人推介布甸蛋撻同拿破崙。最近，途經長沙灣，所以專登過去買嚟試下。1. 布甸蛋撻 曲奇皮香脆，布甸蛋漿蛋香味濃，表面焗得焦香。蛋撻分量十足，差不多是普通蛋撻的3倍，食一個已經好飽，好滿足。遇正新鮮出爐，一盤有不同焦香程度，同職員講要燶啲或者無咁燶都可以。2. 拿破崙蛋糕(士多啤梨及芒果)呢款係近年流行嘅新式拿破崙，三塊拿破崙脆餅，中間夾住奶油忌廉，選了士多啤梨🍓及芒果🥭味。

﹍﹍﹍﹍﹍﹍﹍﹍﹍﹍﹍﹍長沙灣呢間新式嘅港式麵包店有超級多款特色麵包/手工吐司/冬甩/熱門布甸蛋撻等,價錢合理而且多款式,尤其慢煮雞髀酥幾有新意,可以食到原隻雞髀,另外花生麻薯包,Oreo忌廉芝士包以及冬甩等都相當吸引,佢亦都有出近期仲好hit嘅千層吐司, 不過要$46定價就貴啲🙈🌸伯爵茶貝果 $13平時買開貝果起碼都成20蚊1個,見佢咁平又試吓先,咬落唔算勁有嚼勁個種,但我反而覺得咁啱啱好🤣唔會咬到牙痛🤣,有陣陣伯爵茶香幾好, 反而有啲想佢出有夾心款😚🌸慢煮雞髀酥 $18雞髀同酥皮合體又幾特別幾有新鮮感,外層酥皮夠酥脆,有少少油膩但可以接受,酥皮內層有原隻慢煮雞髀😎,慢煮雞髀幾嫩滑但真係欠缺左啲調味咁😰﹍﹍﹍﹍﹍﹍﹍﹍﹍﹍﹍﹍📍星味坊烘焙專門店深水埗元州街149號地舖

好耐之前我已經食過，今次再食都仲係KEEP到水準🙈- 布甸蛋撻🥧唔係講笑🤣🤣 呢個巨大化蛋撻拎上手都幾重手，比平時蛋撻大一倍🤩一切開就見住滑嘟嘟嘅蛋撻餡，真係幾治癒😳😳幼滑蛋撻內餡蛋香十足🥚，翻熱果時仲散發出強烈奶香味🍼個人覺得奶香>蛋香突出少少🫢🫣撻皮係傳統曲奇脆皮，牛油香唔係好明顯🧈🥹但勝在鬆脆油膩感不重👍🏻如果甜度可以再減啲啲，我會更加鐘意食😽😽- 肉鬆卷🐷🧁成個蛋糕卷都包圍住滿滿微咸肉鬆🐖 加上大量邪惡沙律醬🧂不過我唔太鐘意食沙律醬😂 所以我會整走大部分沙律醬🤪咁樣食落去又可以減輕少少罪惡感🤭 又可以將油膩感減半🤏呢個肉鬆卷就係食傳統既味道💕 我自己就好鐘意食啦HAHA🤤📍 星味坊烘焙專門店 - 長沙灣深水埗元州街149號地舖另有分店：旺角 / 元朗

以巨型布甸蛋撻深獲街坊歡迎嘅新式烘焙店，店內不論麵包定甜品都有十分多種類選擇，可以用目不暇給黎形容🤣❥ 芒果拿破崙 ($34) 咔嚓！酥皮嘅牛油氣息先行跑出，表層細細品嚐仲有一絲焦香🥧食落層次吾算特別分明，但脆度都係好足夠嘅夾層係比較單一同膩口嘅普通原味Cream，但勝在芒果非常香甜多汁，係味道上扳回一城🥭❥紅桑子朱古力卷蛋 ($28) 外層海綿蛋糕蓬鬆軟綿🍰中間夾住朱古力忌廉、提子啫喱同朱古力脆脆。朱古力係最基本最大眾個隻，味道同傳統黑森林蛋糕大同小異❥ 芝心蒜香火山包($15)以為係平平無奇嘅蒜蓉包，點知食嘅時候不停發出驚嘆嘅哇哇聲🤣香草蒜蓉牛油香氣四溢，味道濃烈但吾會過份衝擊💥中間夾住靈魂忌廉芝士醬，酸酸甜甜令人好有食慾😍*想要更加昇華嘅體驗，可以先以焗爐/氣炸鍋翻熱3-4分鐘，令外殼回覆香脆再食用❥ 布甸蛋撻 ($12)外層撻皮牛油含量頗高，所以食落口感好酥鬆🥧而布甸部分質感相當嫩滑，蛋香乳香同時並存🐣確實係老少咸宜，適合買返幾個同親朋戚友分享

40多元的千層麵包，在麵包店看到很吸引，而且好濃烈的麵包香味。不過到買返去食果時就發覺好油同好肥，的確係幾香既，但就唔食得太多。麵包店內好多人選麵包，排隊付款的人亦很多。