星小館

營業中

休息中

吃了幾次星小館,味道不錯,食物新鮮,點心即叫即蒸,好有特色👍,尤其是牛油果鮮蝦雪茄,燒汁煎釀茄子,鮑魚雞粒天鵝酥,好好味😋招財麻雀十三么這甜品,不錯👍值得一試😃

復活節假期前夕約左好朋友們晚飯敍一敍，好好輕鬆一下。"星小廚"已是第二次去幫襯，第一次在長沙灣分店，今晚在佐敦分店訂了房間，可以靜靜地傾下計。😊😚1. 蟹籽蛋白蒸海星斑 $1188.-超級推介，魚很鮮，配蛋白，出奇夾同好味！😘👍 2. 冰燒三層肉 $138.-不推介，肥膏太多，吾夠香脆👎3. 燕麥脆米海生蝦 $288.-共有8隻蝦，十分入味，脆米炸過後食入口很爽脆，Yummy!😋4. 欖角脆金沙骨 $148.-外觀已好吸引，好味又入味！😋5. 椒鹽魷魚鬚 $78.-炸粉太厚，味道又吾ok6. 蛋黃蓮蓉壽桃吾太甜，幾好味，可試！7. 班爛紅豆4層糕 (3件)沒有班爛味，很淡，吾好食！8.這款鮑魚海鮮湯，💯推介，真的十分美味，鮑魚數量可以因應人數落單。

約了友人聚舊，在油尖旺區想找個方便又不太嘈的地方，我就想起星小館。如果四人還可以坐卡位小房間。其中點了兩道菜：私房黃金球泡飯 - 有驚喜，首先視覺已經一流，外層香脆，一打開頓成有飯焦的湯飯。古壇酸菜天然海鱸魚 - 也不錯，味道及價錢都正常，不貴。期待下次再去。

@星小館 又來飯堂了😋做隻快樂的小肥豬🐷今晚好好食😋 小梨子🍐係我的最愛❤️依度既雞煲翅好好食😘羊腩煲都好好食😋厚切黑豚叉燒冰燒脆三層肉阿拉斯加蟹古法爐烤化皮有米豬大師手藝宮庭雞煲翅（多湯）羊腩煲酸菜魚正宗原味海南文昌雞春菜排骨煲蓮藕炒爽肉臘味煲仔飯薑汁紅棗糕趣緻流沙小梨子綠豆沙📍 星小館 (佐敦)佐敦吳松街182號榮國中心1樓#跟住jj去搵食 #私房菜#中菜#佐敦#油尖旺美食#hklittlesis

同朋友慶祝生日，同事就介紹左呢間新派中式菜館俾我，啲菜式非常特別，價錢亦唔算太貴，12位一圍都係9288已包左茶芥、加一同酒水👍🏻👍🏻👍🏻👍🏻👍🏻👍🏻阿拉斯加長腳蟹（古法鹽焗）惹味香口😋😋😋😋😋法式焗澳洲龍蝦長壽麵彈牙多汁😋😋😋😋😋花膠養生藜麥皇燒翅幾特別加左禮物😋😋😋😋😋😋鐵板極品安格斯牛小排啖啖肉😋😋😋😋😋😋豉椒炒蟶子煎米粉底惹味😋😋😋😋😋😋

之前公司晌附近，老闆耐不耐都帶我地嚟飲茶，成日都唔記得寫食評，今日放假同男友再嚟飲下午茶，不過得2個人只可以點到幾樣嚟介紹下：🫖除左大路嘅茶葉外，呢度係可以點白桃茶，好香桃味嘅綠茶，唔會好濃。🥢點心：雪茄春卷賣相真係好似雪茄，好香脆。黑魚籽燒賣就普普通通，蝦餃好食d。鮮蝦腸粉嘅蝦都算大隻，腸粉都夠滑。蟲草花棉花雞都份量都算多。乳鴿有啲細隻，唔特別推薦。私房黃金球泡飯，其實係將個飯搓成一個波去炸到外面金黃色，再浸落有蕃茄帶子菜粒𧐢仔嘅魚湯度，白飯+脆米嘅泡飯，口感好豐富，連湯俾我地清晒，必點👍🏻總結今次冇叫到我平時食開嘅點心，所以唔算樣樣都好推介，埋單2個人差唔多$300，唔叫平，但勝在食物質素中上。其實仲有其他野都係好推介，例如：紅蘿蔔咸水角、白切文昌雞、干煸四季豆、欖角金沙骨、椒鹽豆腐粒、蝦餃、大壽包都好好食，唯有搵日嚟食多次再出post😂

一行十人星小館過中秋藍莓🫐淮山🌟🌟🌟🌟前菜有特色 淮山清甜配上藍莓醬 格外清新蜜汁叉燒(黑毛豬）🌟🌟🌟🌟厚肉好食，甜度適中金獎燕麥脆米海蝦🦞🌟🌟🌟🌟文昌雞🐔🌟🌟🌟🌟正宗走地雞，十分muscular😂味道很好，略嫌少韌鮑魚冬菇西蘭花🌟🌟🌟🌟鮑魚優質味道濃郁冬菇無味，厚肉蝦球帶子🌟🌟🌟魚翅🌟🌟🌟🌟🌟價錢合理，味道很好食

📍$38 潤燒脆皮石歧乳鴿🔥📍$38 珍稀羊肚菌灌湯餃🥟📍$88 薑蔥黑豚螺片撈粗🍜下午茶🫖2-4:00pm時段茶位$10位被媽咪👱🏼拉左黎食乳鴿，可以再試【味道】 • 潤燒脆皮石歧乳鴿🔥皮脆肉嫩，唔算大隻，但$38絕對抵食 • 珍稀羊肚菌灌湯餃🥟一定要食！隻餃🥟夠大，湯🥣好夠料，有羊肚菌味 • 薑蔥黑豚螺片撈粗🍜呢個還可以，無乜特別，少少咸過頭【環境】佢有好多廂房，也可以坐大廳，廂房要加少少錢普普通通一間中菜館，特別在下午茶🫖抵食，同有特色點心🧆和糕點🀄️下次會同屋企人黎試點心🧆

平時好少黎佐敦 朋友介紹 第一次黎呢間星小館😗鮮活越南珍寶肉蟹 (優惠價 $388 星期六、日及公眾假期另加$30 原價$568)隻蟹就大約1斤4兩到 菜式可選胡椒焗、薑蔥焗、避風塘、燕麥脆米 店員就介紹我地燕麥脆米 平時食開薑蔥焗 呢個又幾特別喎 無諗過炒蟹下面仲有啲炒飯 炒得都幾惹味 配埋啲蟹肉一齊食都幾正 仲要幾飽肚(˶‾᷄ ⁻̫ ‾᷅˵) 另外蟹嘅周圍舖滿炸過嘅米飯粒 都幾香口 亦令到個口感更為特別 推薦大家一試😚瑤柱響螺冬瓜盅 (優惠價 $268 星期六、日及公眾假期另加$30 原價 $368)勁鍾意冬瓜盅(⁎⁍̴̛ᴗ⁍̴̛⁎) 湯都幾鮮甜 都幾足料 除咗瘦肉同冬瓜外 仲有瑤柱、蓮子同蝦仁 不過我就唔係好見到有響螺😥佢係供4-6人用 但7個人分都岩岩好😋股壇酸菜海鱸魚 (優惠價 $198 星期六、日及公眾假期另加$30 原價 $268)肉質尚算嫩滑 但酸菜味就略嫌唔夠 另外魚肉份量都真係幾少 我淨係食咗一舊魚就已經無哂😂寬粉都算爽滑 份量都算多 但就比平時個啲幼身🥲乳鴿 ($68)炸得都算幾香口 味道唔錯～蜜椒薯仔安格斯牛柳粒 ($188)甜甜地都幾惹味 味道就不過不失啦 薯仔可以再炒得香

朋友介紹第一次嚟呢間星小館喺佐敦 要上一層上到去咁個裝修幾舒服而且亦都唔會好迫啲位我哋叫咗一個餐然後成種類非常多而且好特別乳豬超級好食但係肉就肥咗啲豬仔超級肥但係皮脆另外有個類似飯的物體唔記得咗個名好似啲脆米粒咁好好食魚好大條龍躉仔好新鮮而且佢仲配送一個自家秘製豉油超大碗鼓油好搞笑生炒骨炸得好脆加埋醬汁之後再煮亦都唔會令到啲皮林晒而且菠蘿好甜不過令到我非常之驚喜嘅係臨尾上嘅潮州粉果同埋炒米粉超級好食佢嘅粉果好特別連我呢個唔鍾意食粉果嘅人都食另外佢嘅炒米粉係用新竹米粉我最鍾意就係食新竹米粉要炒到啲米粉咁靚其實係好難嘅 證明師傅工價十足另外甜品我哋上咗一個麻雀椰汁糕一盤十三么好特別而且仿真度極高不過麻雀椰汁糕就比較貴呢一間餐廳嘅價錢對比起食物嘅質素同味道都尚算合理本身都覺得佢嘅價錢係偏貴嘅遲啲約埋好朋友亦都會再嚟幫襯有一個鮑魚湯就比較失色咗少少失色嘅點係在於佢嘅鮑魚片到好薄完全食唔出鮑魚嘅感覺感覺同魷魚冇乜分別而且湯非常之鹹 但不是味精嗰種死後沒有味精證明湯非常足料但係可能鹽就落得比較多咗少少啦

朋友相約佐敦飲茶，佢話佢同朋友食過一次，相當唔錯，決定邀請我同佢食多次😆我地3個人食叫左8樣野，飽到呢。。。樣樣都好精緻，好吸睛👀，食落味道都可以，相比同區其它點心酒家，的確技勝一籌，下次仲會黎試其它野食😋

星小館的點心特別精緻，閒時都會話屋企人嚟飲茶，侍應的態度非常有禮貌，店舖清潔又乾淨👍👍👍👍👍經典鴛鴦腸粉非常有特色，一邊是蝦，一邊是牛肉，賣相相當吸引，打咭必選，又脆又爽口😋😋😋😋😋

來開佐敦呢區，陪家人在<星小館>食下午茶，二時多入到去，已經好似吾多想招乎客人甘，明明下午茶有特價又吾同客人交待，不過家人堅持想食，便試下吧~~!<生劏海斑魚生滾粥 $68/碗>呢碗石斑粥啲石斑魚肉都幾滑，不過碗粥份量真係好少，得一湯碗咁多，索價68蚊其實一啲都唔平，不過粥底煮得幾鮮甜，又加左果皮同薑絲，製作算是認真。<經典鴛鴦腸粉 $68>鮮蝦脆腸粉：做法好有特色，入口脆脆地又食到蝦滑，都幾好食。安格斯牛肉腸粉：呢個牛肉腸粉其實食完都吾知道係牛肉腸，不過又係入口味道吾錯，腸粉皮好滑。<天鵝酥 $18/隻>呢隻天鵝酥，初時都唔知係乜嘢餡料，不過咬開原來入面有好多蘿蔔，菜類，同埋仲有隻手指甲咁大嘅小鮑魚，酥皮幾鬆化，感覺都幾特別。雜錦點心一籠有五個款式，燒賣同蝦餃嘅製作都相當認真，大大隻，非常好食。茶樓嘅茶，一直有用小蠟燭嘅火熱住，能夠保持到熱到，值得加分。棉花雞製作發揮正常，魚肚同雞各有三大塊，味道不錯。整體嚟講，無可否認我覺得呢間酒樓的部分點心係比較精緻，而且都有自己嘅特色，不過以呢一個地區嚟講，佢收緊嘅價錢絕對係中環

今日要請屋企人食生日飯 有老人有小朋友又要搵個地點就腳嘅餐廳都唔係咁容易 經過朋友介紹決定試吓呢一間星小館 平時經過佐敦好多時都冇留意到呢間餐廳 經理留咗間大房俾我哋 有地方小朋友可以喺房間走來走去～叫咗好多唔同嘅小菜 味道真係幾唔錯蟹比得起高級酒樓嘅質素 比較難忘嘅係羊腩煲 蓮藕肉餅 同埋蒸馬友 食得出佢哋用嘅食材係中上嘅 全部肉食都好新鮮 唯一覺得唔好食嘅係水煮安格斯牛肉 牛肉好淋但係肉味同鮮味欠奉 價錢亦唔平 整體來講呢度嘅環境服務都可以接受 價錢唔算平不過質素都有返咁上下 有得book房私隱度比較高 適合家庭聚會

我18:30準時到，當時只有兩三枱食客。但係叫咩無咩！餐牌上有既餸唔代表會有，叫咗都可以返黎兩三轉話無！一隻雞變半隻，半隻再變無！侍應仲要話你下次可以預訂，我下次仲會黎食咩！其次，千其唔好帶小朋友黎，幼兒餐椅黑炆炆，唔抹下都夠膽死攞出黎俾你坐！