星巴克咖啡

營業中

休息中

話說有張星巴克買一送一券就黎過期，呢個星期日下晝我就約朋友黎飲，快啲用埋佢。第一次黎集中呢個分店，殊不知真係好細間下，檯同檯之間好埋，最入面有檯師奶大聲講野，真係好應聲。好彩後來我同朋友搵到走廊張檯。平時飲星巴克都用開紙杯，今次心血來潮想試下佢地堂飲杯，熱飲同凍飲杯賣相又幾靚！我地叫左凍latte同熱flat white，呢兩杯咖啡就冇話好飲唔好飲喇。我諗呢間分店咁細，可能都係方便附近打工仔買外賣。如果之後係搭巴士走，呢間分店就係幾方便嘅。

一路都有光顧Starbucks，欣賞佢哋職員大部份都幫忙，食物質素OK，今日喺呢間Starbucks有非常之唔愉快嘅經歷。一般Starbucks都會借鎖匙俾客戶去洗手間，呢一間係絕對唔會，會叫你去麥當勞對面嘅污糟廁所。今日早上因為麥當勞廁所清潔，反鎖左，問佢哋借鎖匙，兩個職員都唔肯，叫我自己諗辦法！最後喺隔離賣飯團嘅舖頭職員，見我小朋友真係好急，肯幫手借俾我哋去商戶嗰個廁所。舉手之勞，希望佢哋唔好咁計較，講真呢一間我一定唔會再去！絕對係幫公司倒米嘅員工。