星廚 (已結業)

今日同朋友經過太子見到呢間好似茶記，但又食西餐既餐廳，而且見到d set lunch咁平，就決定入去試下啦。原本想一人一個set lunch，但見到牆上呢幅畫同舊芝士，就問下店員係咩黎。原來係芝士牛扒，作為牛肉同芝士fans既我決定比多少少錢試一試！先黎左一個餐湯，冇咩特別，一般西餐廳既忌廉湯味道。到主菜方面，朋友就要左set lunch既鴨胸香草醬意粉，一黎到覺得好抵食，真係好大碟！意粉佈滿鴨胸，意粉又唔會過淋，香草醬同欖欖油好香濃，包住每一條意粉，係高級西餐廳既味道。等左15分鐘之後，我期待既芝士牛扒都到喇！廚房煎好左牛扒之後，店員會喺出面即刻將一大舊芝士加熱燒溶，然後撥去牛扒上面。燒既時候成間鋪都聞到好香芝士味！一黎到有2大舊充滿肉汁既牛排，煎得岩岩好，完全唔需要醬汁都好夠味。加埋鹹鹹地又燒到脆脆的芝士，真係好好食呀！除左主角牛排之外，伴菜炒菇都出奇地好味，唔會炒到出哂水，又夠調味。炸到好脆既薯角係厚肉個種，夠哂飽肚呀！本身個餐仲有雪糕送，但實在太飽喇所以冇要到。總括黎講真係冇諗過細細間鋪，用咁抵既價錢有咁高質既西餐，好大既驚喜！

一早已經BOOK咗位,  一去到就有位了! 兩個人叫了一個咸豬手配酸椰菜 ($118) 加餐 ($15 有湯, 有蒜蓉包, 有野飲), 再叫了一個香煎鱸魚配龍蝦汁($108). 見到其他人的份量都非常大, 所以加一個餐算了. 湯是南瓜湯, OK ge, 唔係加咗太多麵粉, 包就普通吧. 之後好快鱸魚就到了, 超大塊!  用黑椒同鹽醃咗, 應該唔係d咩好貴的料, 但調味做得好好, 個龍蝦汁好thick好creamy, 好夾, 再加埋幾舊薯角同沙津同炒菇, 真係兩個人先食得完.老公叫了咸豬手, 大隻到唔知點開始, 比好多德國餐廳成$200一隻果D仲要大好多, 外皮烤得好好, 好脆, 入面D肉係軟稔稔, 好juicy! 酸椰菜係自家製, 加埋幾舊蘋果, 幫手清清個口哈哈!兩個人$228走人, 係無加一, 一路食都好多人入嚟, 無book位真係可能食唔到! 支持小店!

自己雖然收入不高，但自少都有儲蓄習慣，加上本身愛吃卻不愛shopping，所以慳慳埋埋都用來吃，用在吃的花費上有時比收入高過我的人可能還要多。不過總有些朋友是長期糧尾，她們不一定是收入低，也可能是搵得黎洗得去，錢都花在換手機買化妝和衣服首飾上，很多時她們寧願食平D都要把錢省下來購物。當然錢用在何處最值得每人看法不同，亦沒有是非對錯，只要不是欠錢就可以了。但要約這些朋友食飯而又能滿足我的脾胃，我就會想到星廚。＊＊＊＊＊＊＊＊＊＊＊＊＊＊星廚已經是我第二次光顧，它是一間港式西餐，格局有點似X鳳，裝潢都是以簡單整潔為主，但食物卻不只局限於鋸扒，而質素不單比後者好得多，亦比不少人均消費較高的西餐廳還要好。星廚有前菜、飯、麵、主菜、甜品和飲品提供，大部份主菜和飯麵都有跟湯和熱飲，主菜更加跟飯/麵，價錢由$65至$168不等。烤焗咸豬手配酸椰菜($118)素聞星廚出名咸豬手，上次食午餐沒有試到，今次就跟朋友試試。豬手本身不包餐湯、飯/麵和熱飲，但可另加$15加配。因為知道豬手份量非常多，而單點一杯飲料也要十多元，所以我們二人就點一份豬手另加$15轉餐，再多點一杯飲料share。是日餐湯是南瓜湯，南

It has been a long while since i last dined out with my parents, thus i decided to bring them to a restaurant nearby. Since they stayed at around Prince Edward, we decided to go to Star Cucine, an old school western cafe that sell quality food at affordable pricing. For their main course, it comes with soup of the day, rice or pasta and a cup of hot drink. Besides that, they offer light snacks and desserts as well. Soup of the day - Soup of the day was pumpkin soup. Texture of the soup was thick

嗰日去上堂，上堂之前去搵啲嘢食。去到位於太子嘅星廚，太子地鐵站行幾分鐘就到，地點方便，而且唔難搵。裝修格局優雅，坐得好舒服。食物選擇款式多，而且好特別。仲有小食同甜品。南瓜忌廉湯，飲到好香濃嘅南瓜同忌廉味，蒜蓉包好脆同埋好多蒜蓉。本身就係比佢個油封鴨髀吸引黎，果然冇黎錯，鴨肉非常嫩滑，而且唔會乾晒，配以西式醬汁好好食，鹹鹹地而且仲要有兩隻，配飯一流，而且仲要係＄98。有個芝士牛扒而且店員大力推介，好特別所以點咗黎試，而且配菜都好多。燒芝士機，而且採用瑞士芝士，燒芝士嘅味道好香，之後仲望住店員將香濃嘅芝士放到口口嘅牛扒上。牛扒點咗五成熟，牛扒煎得好嫩而且口感柔軟，配埋芝士一齊食，口感一流。仲陪埋飯同意粉添，意粉有好香嘅牛油味。仲有餐飲。總括食物分量十足，質素一流，非常抵食。

黎開太子，總會幫親星廚。星廚既lunch set 大大份抵食又質素好。Lunch time set 包野飲，雪糕同湯。湯係南瓜忌廉湯，忌廉味道頗香濃，飲到有南瓜容。叫左香草忌廉魚柳長通粉$42魚柳係炸過既，忌廉汁有點沙律醬的味道，不過要自己撈通粉先有味。大蝦黑松露意大利粉$48大蝦同意粉份量夠多，淡淡的黑松露味滲了入意粉之中，炒既油份唔多，出色。葡汁西蘭花$38 叫個菜健康D, 西蘭花焗得較軟身，個汁幾香濃，令菜冇咁單調。最後一球Mango 雪糕，唔算太甜,呢餐好滿足。

咖哩汁牛肋條飯。$42咖哩唔辣，岩唔食辣既人牛肋條幾香，煮得好淋紅燒豬手飯。$45成隻大豬手，d肉好嫩，皮微脆跟熱飲、餐湯、雪糕餐湯今日係南瓜湯，幾滑幾香雪糕係曲奇忌廉，唔太甜，唔錯由於太忙，侍應十問九唔應

其實我真係好少去太子，不過星期五趁空檔同朋友開發新地圖，亂行行到見到依間好似幾舒適就入左去。店入面好大一塊黑板寫下洋文書法，坐得又幾闊落，lunch set都幾抵食，但我同朋友唔太餓就決定散叫小食同些牙一個飯。我地兩個都喜愛海鮮，就點左個白汁大蜆，個汁都幾香，唔太稠，但係夠味。蜆大大隻，新鮮。蘑菇多士，個汁係忌廉湯汁，略嫌個麵包唔夠熱同脆，但個沙律菜同黑醋有加分。南瓜湯，有一絲絲南瓜，唔稀。芝士焗牛油果大蝦飯，依個既汁真係夠香港風味，唔膩既，牛油果都好多，炒飯底幾香。芝士蛋糕，好厚實同奶味。配埋個熱檸茶就完成。太子在地fushion茶餐廳同西餐感覺，唔太貴都係一個選擇。

星級廚房平民價錢， 呢間位於 太子地鐵站附近的星廚。店舖位於出名扒房金紡的附近。嚟呢度食扒你可以色到高質素的西冷。老闆最叻就係煮扒， 扒房入口高質素的 牛扒豬扒。但係今次我就試下 低溫慢煮鰻魚。餐湯係捉了蘑菇忌廉湯, 忌廉湯 比例合適. 凍檸水甜度適中唔算太甜啱曬健康的一族低溫慢煮鰻魚配上低溫慢煮薯角一流口感.原條鰻魚低溫慢煮上碟， 絕無欺場。鰻魚完全冇腥味， 鰻魚肉質結實。可口彈牙伴碟的忌廉白汁好醒胃， 仲有少少沙律菜伴碟靚 之餘仲食得健康添。甜品嘆番個老闆親自炮製的奶凍，奶凍用上北海道牛乳親自製作牛奶味濃密度高， 識食嘅你餐後一定要試返個。總括而言一百多元食到酒店級水平的我覺得算係超值如果太常餐 午餐都係40零蚊仲有雪糕送㖭

食過長沙灣年代嘅星厨脆爆德國喊豬手, 好正, 之後關咗門, 原來系搬咗嚟太子, 今晚行開呢邊一於順個靚便來個快閃晚餐。太子店面積大些, 裝修比舊店茶記廳格局雅裝了, 坐得舒服啲。檸樂 (餐飲轉+$6)餐湯 : 蘑菇湯磨菇似中式上湯煮法, 菇味香濃, 大量粒粒爽口磨菇, 若然棄中式上湯煮法, 改用西式忌廉煮法, 湯頭香滑啲, 應該會更飲。香煎安格斯西冷牛扒晚餐配薯菜 ($168)大大塊的厚切安格斯牛扒, 牛扒上放了一塊牛油, 嗱嗱冧搽混牛扒即開始鋸扒行動。五成熟的牛扒肉色嫩紅, 肉質偏軟滑, 加咗牛油嘅牛扒, 趁熱食, 牛扒又確係香好多, 點少許附送的牛肉燒汁吃, 鹹鹹香香, 算不錯, 但略嫌牛扒肉味唔夠濃郁。牛扒本身附送沙律菜, 沙律菜己淋上陳醋及芝麻沙律醬, 酸酸的, 香香的, 很清爽。另上的薯菜份量也不少, 很均衡的菜肉比例, 除咗脆香薯角, 還有大量瓜片及菇片, 食多啲菜感覺健康些, 冇咁罪惡, 話時話, 佢個薯角灑咗少許辣椒粉及五香粉, 辣辣地更惹味。

今晚陪姐妹到金都試婚紗，試完已8點左右來到晚餐時間。姐妹說附近有間她常常光顧的抵食西餐，我當然也要去吃吃看！果然是抵吃又高質的食店，吃到中途看到隔離枱的芝士牛扒十分吸引！有機會一定要再來吃這個芝士牛扒！******************************餐湯蘑菇湯 (7/10)蘑菇和忌廉味也夠濃******************************一口牛利 (8/10)賣相可愛，小家碧玉般的，醬汁惹味，牛俐煮得夠淋質地柔軟，一碗仔一口，方便又美味，價錢相宜。******************************芝士肉醬意粉 (7/10)賣相精緻，肉醬汁味道甜甜的沒有太咸，伴碟有沙律菜，感覺清新又健康，意粉軟硬適中，毫不吝嗇的在旁邊有一片片芝士陪襯。******************************烤焗咸豬手 (8/10)皮脆肉嫩多汁，酸菜調味剛剛好沒有太酸，配以豬手燒汁，黑醋和芥未醬，十分惹味。兩人只點這菜也很足夠，實在大件又抵食。餐飲配以凍朱古力，好濃味！******************************以這價錢吃到如此質素的西餐實在驚喜。中途

點完要咩餐後，侍應係咪應該順勢問客人要咩餐湯同餐飲呢？點完要咩餐就一支箭走左去，再問其他員工，都唔應，又係掉頭走另一員工來到點餐飲時黑口黑面，做咩事呢？我都唔該前唔該後去示意想點餐飲姐，為何服務態度會這樣，就算更好既食物，都未必會食得開心

收左工之後就即刻趕黎呢間太子扒房，730先收工但我地訂左8點！好彩地點就腳，一出地鐵站轉個彎就望到，值得一讚！坐低左就點左餐，先黎既係呢個非常之creamy既磨菇湯，味唔算濃但我好耐無飲過咁creamy既湯啦！一口牛脷都十分足料，本身以為$38貨仔真係得一兩粒，點知每碗2粒total有8粒，究竟佢會唔會蝕本架😂跟住就到主角牛排啦，我地就點左5成熟，因為唔希望肉質太熟，果真cut開仲有粉紅色，靚到呢！另外份量都十分巨型，我地兩個人先岩岩好食得哂，留意番佢仲有薯角同埋意粉，正常人跟本唔會食得哂。係寫番呢篇食評既時候，我仲好掛住呢塊牛排，因為好耐無食過外脆內軟，肉汁鮮甜既牛排啦，價錢仲只係＄168咁親民。

早前實在太忙, 來不及為好友慶生. 最近終於抽到時間和他補食生日飯啦!今次來到位於太子的星廚餐廳, 地理位置幾方便, 太子地鐵站行幾分鐘就到,不太難揾. 我地很早就下班了, 六點半來到餐廳, 只有我們一枱. 餐廳的裝修頗為簡約.來之前看過Open Rice, 看到有人推介芝士牛排和油封鴨腿, 我們其實就是衝著這個來的, 便各自叫了一份. 等了十分鐘左右, 食物就上場了.首先是餐湯和蒜蓉包, 是濃濃的蘑菇湯.再來是芝士牛排, 朋友叫了四成熟, 吃下去不會太難咬開, 口感柔軟, 配上芝士, 整個味道更昇華了.我叫了油封鴨腿, 總共有兩隻, 我和好友一人分一隻, 肉質幼嫩, 配上醬汁很不錯.我們套餐還有意粉的, 本來以為不算大碟, 吃下去應該剛好, 誰知全部吃光後, 就飽死了. 埋單$283, 食物質素值得這價錢的!

自己一個人落街食lunch，見這間餐廳都幾多人食，應該唔差得去邊，入去試試。座位都幾濟迫，不過食個快飯，無所謂啦。點了個午餐，價錢中等，西餐價$50都差不多啦。大蝦黑松露醬意大利粉：份量正常，蝦都算多，有五隻，蝦肉爽口但味不鮮，意粉太過腍同帶點糊，黑松露味較淡，味道一般，有點失望。焦糖燉蛋：太重香油味，味道有點假，燉蛋滑度不夠，另外太甜，感覺很粉，無蛋香，食到一半都已經好滯，表面的焦糖都很薄很脆。整體味道一般，價錢合理。