星廚 (已結業)

卡邦尼意大利粉 芝士牛扒 南瓜薯茸湯 鵝肝牛扒 不收加一服務費 熱溶芝士 餐牌中所有主菜都送餐湯及餐飲，是日餐湯南瓜薯茸湯，起初對南瓜薯茸湯沒有咩興趣﹐因即時會想到都是一般的罐頭湯﹐但服務員極力推介﹐說湯是用新鮮食材且沒有加味精制成的，所以便一試﹐果然是新鮮南瓜及薯仔材料做的﹐原汁原味，清甜味道很好飲。而主菜我們分別點了芝士牛扒、鵝肝牛扒及卡邦尼意粉，這次是專誠試這間主打的芝士牛扒，7成熟牛扒配熱溶芝士舖上面﹐而食時需將每一啖牛扒加埋熱溶芝士食﹐口感味雷簡直正到不可形容。另一款鵝肝牛扒也不遜色﹐香煎鵝肝配5成牛扒﹐厚厚牛扒配上甘香鵝肝又帶一種口感﹐這個價都只係$178﹐超抵食。而卡邦尼意大利粉也不錯﹐意粉爽口﹐由於健康問題不能食煙肉﹐因此要求走煙肉﹐服務員也說不落煙肉﹐可能會少了一點香味﹐這也沒奈何﹐但上枱已經嗅出意粉、香草及雞蛋香味﹐味道很好﹐與別的店的比較﹐這間另有一番不同的味道﹐這餐我們食得好滿足﹐埋單才知道不收加一服務費﹐結帳都不用$500﹐所有食材都係新鮮及沒有味精﹐真係平民價錢的星級廚房。

今日同男朋友係太子附近行街，行經星廚，佢話以前間舖頭開係長沙灣嘅時候已經好想食，點知後來搬走左，既然今日有緣經過，就一於試下啦我最愛食意粉，所以唸都無唸就揭開呢一頁。A-E的名一睇就大約知道食咩，但係F就係「風情萬種意大利粉」哈哈個名好sexy好特別，一於試下佢！落完order之後，好快就送上暖笠笠南瓜湯，南瓜湯好fresh，食得出係單純南瓜搞碎咗煮湯，無添加額外嘅味精，好原汁原味，超愛❤️湯未飲曬就送上蒜蓉包，焗到外面好香脆，但裏面就軟淋淋，有驚喜啊！我試埋浸落去南瓜湯度食，好夾啊！佢地可以做好朋友之後到左我今餐最最最滿意嘅食物平時我好少食吞拿魚，但男朋友話想試下，所以就叫左。點知食到停唔到口吞拿魚「酸尾尾」，好開胃！麵包好軟熟，吞拿魚有D汁係焗嘅過程滲左入去，兩樣食物融為一體，對吞拿魚改觀跟住就主角出場啦，呢個風情萬種意粉配菜唔係好多，主要係小番茄同埋義大利橄欖。因為佢主要嘅賣點係意粉。意粉俾濃郁嘅「外國鹹魚」（男朋友講）醬包裹住，每條意粉都好入味，我唔係好識形容佢嘅味道，好特別，男朋友好鍾意，我因為食唔慣所以還可以。但男朋友話好少便價西餐廳會用呢個醬煮意粉，因為成本貴，通常係高級西

朋友介紹第一次到這間餐廳晚飯, 四個人點了4個餐+1個小食。先說食物: 推薦的豬手的確外脆內軟又大份! 4個人share剛剛好!! 芝士牛扒7成熟也很美味!豬扒配上蘋果醬很夾也美味!黑松露意粉香味撲鼻蝦又大隻,但我個人認為油多了少少。吞拿魚多士作為第一份叫的小食卻最尾才上菜,在次序上稍遜,不過味道是一流的。南瓜湯個人覺得唔夠香濃和唔夠creamy, 但整體是ok的。蒜蓉包也很香很脆。環境上餐廳雖然細細,坐起來也感覺舒服亦有私隱,4個人傾計唔嘈到人也沒有被人嘈到。整個環境也不會很喧鬧,我鐘意!餐檯細細4個人很親密,上菜逐個來所以不會逼爆餐檯弄得狼狽,也不會顧此失彼另部分食物太快凍! 每碟也熱辣辣! 最重要價廉物美,4個人也是500多元已食得很飽足(3男1女也飽到反肚,如果女仔多便不用叫足4個餐呢！)實在是很不錯的餐廳謝謝好友介紹。

烤焗鹹豬手配酸椰菜，原只豬手配配有腌制的酸椰菜，椰菜裏還混有蘋果條，酸酸甜甜特別開胃。豬手的皮烤得酥脆，顏色呈現焦糖色，看著就覺得很有食欲。一刀切下去喀滋喀滋，肉很厚，味道不會死鹹，可惜肉略有一點點硬，容易卡牙縫。不過皮處理的不錯，嚼著也能吃到骨膠感。

拿破崙豬扒飯$40蘑菇汁雞扒飯$42賣相麻麻，但係味道可以，仲有芝麻雪糕食雪糕幾香濃包飲品，另外仲有餐湯，今日係蘑菇湯Overall不過不失啦，但呢個價錢食到咁多野都幾抵食

一直都好忙，好耐冇同朋友出黎食野，今次再黎星廚嘆西餐。香煎鱸魚配龍蝦汁 $108Pan-fried seabass with lobster sauce鱸魚煎得非常香，肉質鮮嫩路太油，吸收左龍蝦汁既精華大蝦黑松露醬意大利粉 $68Prawns spaghetti with black truffles sauce蝦相當彈牙，對於黑松露控黎講味道唔算太濃，但對於我就覺得岩岩好，唔會蓋過蝦既鮮香白汁鮮蜆 $48Clams in white sauce蜆肉頗有鮮味，如果湯汁濃少少就更好焦糖燉蛋 ＄23味道比較甜，表面的焦糖燒得薄脆，燉蛋香濃，不過滑度可加強意大利奶凍 ＄23份量雖然比較細，睇落好的骰，但係味道有驚喜，奶香濃郁，質感幼滑，加埋自家製既士多啤梨醬認真唔錯。食物算大眾化，價錢合宜

今早行過餐廳見有做早餐於是走進去一試。 顧客人數都不少。叫了一個傳統早餐。餐肉公仔麵中的午餐肉是厚切，肉質質素很好，湯底味濃， 明顯是用長時間淆出來的 。 公仔麵軟硬剛好。 厚多士很鬆化， 原來 是鳳香園出品，記得以前在九龍城經常光顧， 但不知道現在是否仍然經營。 煎蛋的顏色很紅， 於是問店員是這是什麼雞蛋， 原來是湖北蛋。 這個早餐的原材料算是高質素的東西。 最後喝了一杯即磨咖啡， 這個早餐價錢是29元 十分抵食 ，而且質素很好， 會再來光顧。

平時最喜歡找尋抵食的食店用餐，而這次介紹這間西餐廳，如果你不大重視環境是否寛敝舒適，會是個不錯的選擇。和友人一人叫了一個餐再一齊分享。68元一個正常份量的意粉可在哪裏找！真的抵食。不過味道略淡，沒有很濃黑松露醬味，蝦也只是一般大，嗜濃味的我沒有感到很滿足。幸好，另一碟拉上補下搭救了。羊肉叫了7成熟，不會很老，沒有羊顫味，不太大塊但厚身，配菜有豆、薯仔和南瓜塊，想不到南瓜會這麼甜！身邊很多桌都有點德國鹹豬手加酸菜，都是100頭，賣相也不錯，但因我們熱氣沒有點，只好期待下次了。

之前聽朋友講依到嘅芝士牛扒相當吾錯,所以專登黎試下。除在主角芝士牛扒之外,個餐仲配埋餐湯,熱飲同飯或意粉。是日餐湯係南瓜湯,湯夠杰身,南瓜味濃郁又香甜,仲隱若食到少少南瓜蓉。餐包係蒜蓉包,外脆微暖嘅餐包配上重口味蒜蓉牛油。主角芝士牛扒我揀左五成熟,肉質夠軟淋好juicy。再配上由燒芝士機刮出嚟嘅有拉絲效果咸香芝士。芝士味都非常濃厚,對我依個芝士迷黎講真係好正,同牛扒意想不到地夾 。跟餐嘅意粉亦唔係平時嘅白灼意粉,而係伴咗蒜蓉橄欖油嘅意粉,啖唑蒜蓉香氣一d都唔馬虎。

星期六放工後約左我條佬去太子食lunch，今日決定行遠小小搵下有咩食， 經過門口見到D精選午餐都幾岩食就決定呢間，入到去環境簡潔又夠光猛～精選午餐總共有8款，全個餐牌最貴都只係$48，價格實惠，而且係包括埋餐湯，熱飲，雪糕非常抵食！一坐低時員工同我地講3&6己經賣完重想食紅酒燴牛尾添，唔緊要啦，最後我地擇左4&8，分別係黑椒洋蔥牛肉飯和大蝦黑松露醬意大利粉～是日餐湯係蕃茄紅蘿蔔湯，喝起來茄味濃郁，特別喜歡呢種濃稠的口感，好好飲黑椒洋蔥牛肉飯先到，份量挺多，牛肉唔un有嚼口，洋蔥夠腍，但黑椒份量較為重手，對我來說有點辣，不過撈飯一流～大蝦黑松露醬意大利粉都到齊，大蝦有5隻，誠意十足，雖欠缺鮮味但肉質彈牙，只嫌黑松露醬不夠濃烈，令整碟意粉味道顯得清淡～跟餐奉送的紅豆雪糕，紅豆味濃郁，甜度適中，中間重有紅豆粒，甚有口感

鵝肝牛柳配意粉雜菜湯、熱檸茶、蒜茸包雜菜湯清甜易入口，湯有濃濃的菜甜味，不辣也不咸，喜歡重口味的可加胡椒。蒜茸包 蒜茸足，面包脆而飄香滿滿的黑松露醬與牛油融化於鵝肝面，鵝肝油滲入牛柳內，味道特別而融洽。大件鵝肝燒至外皮酥脆，牛柳肉味濃郁而肉質結實。薯條溫熱外脆內軟，外皮有點像薯格，惹味十足。菇菌爽脆清新配上小份沙津。套餐配的是蒜香意粉，意粉質感偏軟，蒜味香濃，份量足。服務及食物整體不錯，不吃鵝肝的話，有很多親民價格的套餐選擇，份量滿大，兩人以上可以套餐配合小食、甜品、前菜來搭配。

兩個人3點幾諗住搵間cafe食下野。42蚊一個午餐，有哂湯，主菜，飲品同甜品。個午餐仲要係一個好有誠意既午餐，唔係求其煮。個忌廉南瓜湯，好creamy 好好味。叫左一個照燒雞寶飯，d汁甜甜酸酸，呢個天氣好開胃。d雞寶好大舊仲要炸得好脆，又唔乾。叫埋個忌廉汁蜆肉意粉，d蜆都幾多，清清地，都幾好味。值得再黎試下佢隻豬手同其他野食。

收工同朋友行旺角，行到太子決定搵野食, 行經荔枝角道， 有幾間西廳都未試過， 於是就入左今次寫既餐廳— 星廚餐廳大約可以容納三十人， 有卡位有大長枱， 裝修就正正常常啦餐廳既小食選擇都幾有特色， 唔係一般既西餐小食餐廳既烤豬手非常抵食， 見到隔離枱order好大隻，賣相非常好， 無奈同朋友擔心太滯無叫叫左一口牛脷小食， 賣相幾精緻，牛脷切得夠厚， 配以醬汁，入口十分juicy主菜方面， 芝士牛扒的芝士味十分濃郁， 切開牛扒既時候有拉芝！！ 牛扒亦相當有牛味， 唔係一般西餐廳既無味牛扒，呢個價錢絕對超值。香煎鱸魚— 份量亦好大，鱸魚魚皮煎得十分香脆， 而魚肉亦唔會乾及"鞋"紅酒燴牛尾相信燉左好耐， 牛尾相當入味亦夠淋埋單一份小食， 三份主菜都唔使四百蚊餐廳食物質素唔錯亦夠份量， 絕對係有驚喜，性價比極高既西餐

落大雨又病咗又肚餓，求其搵間餐廳快快趣食完去睇醫生。都唔知今日有冇胃口食野，食太貴簡直嘥料，呢度set lunch價錢相宜，啱晒南瓜忌廉湯南瓜味好濃而且鮮甜，口淡淡但食到啲甜甜哋嘅南瓜蓉即刻胃口開返！紅酒燴牛尾配意粉 ($45+5)本身係配飯，加$5轉做意粉；份量好多，大概有4件大+5件細牛尾！雖然量多但質素都好，非常容易咬得開，一咬就骨肉分離，肉質都幾軟嫩；意粉冇乜特別啦；如果有其他配菜例如洋蔥、蘿蔔或西芹咁就超級完美了！但$50有咁多件牛尾，絕對收貨啦，本身諗住病咗都應該唔會食得晒，但到最後都竟然清晒喎！甜品係雪糕，其實就唔應該食，不過..... 都係食咗，唔算好甜，仲有粒粒紅豆口感，幾好！食完平靚正嘅lunch，係時候去睇醫生

今日同另一個blogger朋友去太子食西餐。聽朋友講有間好抵食，所以就去試下！一入到去，環境唔係話好高級，但好有家庭式既感覺。而且座位唔太多，想去既朋友最好訂位！而且見到食物賣相都好靚！入去坐低第一時間就搵menu 叫野食！因為我同朋友好肚餓，所以足足叫左3個餐加一個小食！見所有食物都唔算貴，所以叫野唔洗就住就住！叫好野，佢首先黎個湯同蒜容包湯係雜菜湯，蕃茄味夠濃，而且冇辣味，小朋友都岩飲！蒜容包都夠脆夠乾身，又唔燶，唔錯！之後首先講個小食！一口牛舌$30牛舌好大舊又林身，咬落幾爽口，都有好重牛味。而且佢個汁好香，夾得好好！到主菜，首先叫左個紅酒燴牛尾飯$65個牛尾好滑，仲有啲牛筋痴住，超重牛味！好好食！另一個主打芝士牛排$168塊牛排五成熟，一切就開，好滑。調味調得好好，最特別係個芝士！個芝士係即場熱熔圓輪芝士，再成個批落黎。令到成個菜式錦上添花，高級左好多！薯角都好趣好好食！仲有