星期二薄餅皇 (已結業)

第一日：三女兩男五人同行去叫左一個家庭餐一個十三吋皇牌至尊批一個十三吋大批　(黃金海岸批)一個皇牌雞翼 (8隻甜酸雞翼)一個辣青口一個香蒜扭紋包一個焗意粉一個焗飯五個野飲總共食左$292每人都唔洗六十蚊，食唔哂，感覺超抵！第二日：本來諗住食隔離排碩餐廳，但佢見到pizza又想食，咁咪陪佢食多次囉！2人食左個4人餐....$153一個十三吋大批　(墨西哥)一個皇牌雞翼 (8隻甜酸雞翼)一個焗飯四個野飲推介：黃金海岸批：超正！千島醬！好味！皇牌至尊批同墨西哥熱食都ｏｋ既！甜酸雞翼：正！大隻，多肉，d味調得好好味! hae! 仲有成隻咁多tim!飲品：唔只氣水，唔係hae你！唔會只有汔水! 有Fanta仲有芒果/荔枝玉露！服務方面:朋友話: 聽講呢度d人態度唔係幾好但據我觀察,都係得一個年紀大d的女人態度有問題佢同隔離坐差d鬧交....但其他後生d的o靚妹態度ok架!環境方面室外, My favorite! 秋冬天一流!最衰係: 收9pm, 8點前一定要到, 唔係都唔做你生意!! 小心!

今天晚上，三女兩男五人同行去叫左一個家庭餐＋一個十三吋皇牌至尊批一個十三吋大批　(黃金海岸批)一個皇牌雞翼 (8隻甜酸雞翼)一個辣青口一個香蒜扭紋包一個焗意粉 (招牌肉醬意粉)一個焗飯 (白汁雞皇飯)總共食左$292每人都唔洗六十蚊就飽到到唔晒黃金海岸批一定要食一食.....因為佢既千島醬仲多個pizza客果d千島批....芝士又多皇牌至尊批不過不失....好多芝士同好脆甜酸雞翼都好好食....無得頂...夠甜酸味又有肉汁青口就少辣...味道ok香蒜扭紋包賣相得意...有d似便便...面包一個...唔夠硬..招牌肉醬意粉肉醬多...味道夠白汁雞皇飯香....滑....正....雖然無乜服務...不過除左落單同送餐之外...都唔需要咩服務...環境方面室內只有六個位...其餘都係室外...可惜大部份係無背圓椅...可能坐得唔太舒服總而言之...一個13吋大批只需$88, 外賣自取$78, 絕對係食pizza既選擇之一

d野係幾好食...最衰冇得送外賣...次次要特登揸車去...意粉,飯有多選擇...個咖哩豬扒飯我推介有d似日式既咖哩180到..有2個粉面飯...一客蒜蓉面包條...一客雞亦...一個大批..4 罐飲品(有道地..可樂...)但係有個問題...間野好似唔優做咁...仲有半個鐘先閂門...打電話去落order...叫我快d...本來唔做...雞亦冇得揀味道(有幾隻味)d人有d又好串...受得氣個d先好落去食...

之前都食過幾次 已經覺得比通街都有的PIZZA店好吃多了老豆生日就前一日訂定位去~~~因為我地早到左所以要等一陣先有位~店員姐姐好好人咁叫我地等一陣~~咁本身係我地早左~所以等下無咩所謂~~跟住坐低左之後~個姐姐又好唔好意思咁同我地講話因為我地比原本的時間早左 所以個PIZZA可能要等耐DD~咁我地緊係唔介意啦~咁我地訂位的時候已經落埋ORDER 叫左開心家庭餐(應該無錯@@?)13吋超級夏威夷批(應該無錯名@@") ~~~~個批邊好脆~~~而且批底都有D脆脆地~~用料唔錯~~芝士味都好夠~~而且有提供芝士粉~~~很滿意~~ 龍蝦汁海鮮意粉~~~意粉汁多都次次都食唔哂....... 又有蜆仔 味道很不錯~~~ 白汁雞皇飯~~~可能我本身滿喜歡白汁啦~~唔知點解覺得特別好食XDDDDDDDD如果怕奶油味的朋友都可以叫黎試下~~因為我朋友都唔食牛奶.奶油呢D但係呢個飯佢覺得可以接受~~燒烤汁雞翼~~~~我比較少食雞翼~唔敢話佢好食過其他~但佢D汁真係好好味辣青口(我忘了名字@@")~~~我不吃辣的~沒試~~但另外2位能吃辣的都說很好吃~~~~香蒜扭紋包(大約@@")~~~香草對我來說有點不

聽人講... 哩間d 野幾好味.. 於是今晚一家三口就去試試...我地6:35去到... 係門口睇咗陣meun..就決定入去坐... 一入到去.. 有個女人就同我地講...每位最低消費$40... 我老公就指住我地個女(3歲)問個女人.. 哩個唔洗呀呵?! 個女人就好串咁答我地.. 有坐位就要ka la... 之後又同我地講... 入座起計只可以坐一個鐘... 真係O哂咀lor.. 一間細細既舖頭.. 要求多多... 我地order咗一個二人set : 8吋夏威夷批 <--個批點睇都唔覺有8吋.. 細得可憐... 但味道ok.. 龍蝦汁海鮮意粉 <--意粉汁ok.. 但好少餸.. 除左兩舊魷魚外.. 一d 都唔覺係海鮮意粉 白汁雞皇飯<--難食另外因為仲未夠$120所以要夾硬叫多客燒烤汁雞翼.. <--d 雞翼焗完上面加d 燒烤汁就叫燒烤汁雞翼... 未食過咁難食既雞翼哩間野服務態度差到冇人由.. 仲要要求多多.. d 野又唔係超級好食.. 食到一肚火.. 真係唔會再幫襯... 之前睇d 食評話服務差..諗住係d 人既個人偏見.. 但親身食過後.. 真係

2009-10-2(星期二)我叫咗兩個13吋(是門市外賣自取$78)，一個是皇牌至尊普通批底，另一個是漁港之情。我們太約下午四時落訂單，要求下午七時到取。因聽聞落Order要比自取提前兩小時，若您要加單需等20分鐘。我覺得兩個Pizza用料十足，但家人反應太咸，敬希改善。味道整體黎講，我覺得一般。

In the past 2 weeks, I went out with different friends and enjoyed the dinner.I always think that it is really wonderful time to meet good freinds ! We can chat, share , eat and of course laugh together !And I am so happy that I can try 2 wonderful eating place. One is in Jordan. Its name is 巴蜀烤全魚. We ate a very very big fish. It was so so delicious. We did not order the spicy one because the people sat beside us said that their spicy fish really really made them feel hot ! Another one is in S

pizza就ok既但係...果個女人既態度係非常之差我地果日買pizza食咁果陣我hungryso我就係果到邊食邊等我同兩個家人去果到一起到這買的我在等我的堂食時我其中一個家人與我一起坐佢地既椅子但係果個態度非常之差既女人話:你叫一個下午茶餐so只可以一個人坐我覺得好有問題lo搞錯

訂左7點4個人去食，咁幾人去食實有人遲到啦。我7點10分收到鋪頭電話(女人)問我到未又叫我唔該準時d(雖然講唔該但態度好差果隻)，話因為留冷氣位比我地好多人想坐。7點15分到個女人又叫我地要準時又話我地只可以食到8點！！7點30先有野食上，7點45再同我地講只可以食到8點。係廚房傳出話我地遲到講我地不是既聲，開始覺得慶慶地。8點話我地夠鐘但我地未食完，又唔比解決辦法我地，我地話咁我地坐出面得唔得呀，佢話可以，但等位客人聽到話唔洗佢地可以坐出去。之後個女人就細細聲話收定d野先，就拎走左我地枱盒紙巾。大概8點15分雖然未食哂都成肚氣個個都冇胃口。我地話埋單又唔理我地。臨走終於忍唔住同個女人講你地d態度唔洗咁差呀，個女人講左成3次話我地遲到，係我都係遲到但你7點30先有野食要我地8點走點食呀，又有個男入問我地食左幾錢，個女人話$198個男人話做你百幾蚊想點呀，咁講野都得！眼見佢個場影每人平均都係洗$50啦，咁我地果d就唔係錢！！仲有我未聽過餐廳會話個客遲到囉！自己唔夠地方做又想做多幾轉，冇咁大個人就唔好戴咁大頂帽啦！

喱日打完波去左沙田排頭村「King Pizza Tuesday」到食飯，一直都聽果間野話好食，但係一直都未有機會試，今日終於試到啦~~個批都OK喎~~個低好鬆化~~材料又唔會話焗到乾哂…芝士、茄子同青口都係我最鍾意食既野…喱個餸簡直係一次過滿足我三個願望呀~~整體黎講，喱間野都叫做OK好食既~~材料叫做幾新鮮，唔係話咩野都焗到乾哂…見到的人拎的材料入去，可能好多野都真係即叫即整。不過地方真係有的細，如果多人去一定要先Book位，唔知有冇得Book位呢？？

第三次和女友黎到星期二PIZZA食野, 雖然地方細, 但此店味道的確是小弟目前覺得最好味既一間因為知道這間店的坐位相當少, 而且整天都大風大雨, 外面是不可能有位的, 所以和女友未到6點已趕到, 看到店裡準備了很多13吋PIZZA的餅底, 還有不少叫外賣的客人這次和女友叫了二人世界套餐, 8吋PIZZA要了意大利風味, 要了一個咖哩雞飯和龍蝦汁海鮮意粉最欣賞這裡的PIZZA焗得夠脆口, 芝士下得足夠, 還有蕃茄的香, 雖然厚度相比正宗的薄批有一段距離, 但味道已經比某連鎖薄餅店要好得多至於咖哩飯和海鮮意粉, 沒有甚麼驚喜, 但亦算好吃兩個人吃得飽飽的離開, 最重要的是, 埋單只需$102(只限星期一至五), 在新城市的某薄餅連鎖店, 連加一要$200呢!!!至於其他朋友所說的那位兇惡的老闆(或者是男人), 小弟和女友來了三次, 有兩次都見到他, 但兩次都沒有大聲呼喝等等的情況出現, 可能是運氣好的關係吧

九號風球之後的晚上，沒有動力再出街，上網找找有咩好吃，見到呢間PIZZA原來好多人品評就搭車過來試下﹗排頭村呢個地方年幾前好似來過，在隔離一間茶記食過個茶餐，味道認真麻麻，亦都好似見過呢間PIZZA 店﹗七點來到，都幾多人喎﹗絕大部份食客都係排隊叫外賣的，原來外賣PIZZA一個有成八折優惠，怪不得堂食的人少了﹗店內得兩張枱係冷氣位，其他的都是露天坐在門口外，見到對面有枱應該是排頭村居民一路食一路玩大話骰，異常嘈吵﹗睇餐牌都幾多野食，除了PIZZA仲有飯、意粉、小食等，都有二人餐，一個8吋PIZZA再加多一個飯及一個意粉$130左右，抵係幾抵，不過我地兩個就一定食唔哂，所以最後決定叫一個13吋PIZZA兩個人SHARE便算﹗堂食$98，外賣就$78，是旦啦一場來到，就試試佢﹗即叫即焗就一定要等架喇﹗我估大約等左十五分鐘就有得食喇﹗PIZZA叫做火焰山﹗當然就係辣野啦﹗有辣肉腸、青椒、牛肉、火腿及黑椒等整成，13吋真係成張凳咁大呢﹗入口味道好重黑椒味，進而是濃濃的芝士香，即叫即焗批底十分鬆脆，最緊要係用料足，0的芝士同茄醬絕不欺場，有相為證大家睇下個厚度﹗牛肉火腿十分多，啖啖都係滿滿既餡料

去了沙田逛逛吃好東西!如果有去過沙田IKEA的人,都會記起步行去的時候會經過排頭村的。這間叫"星期二PIZZA店"就在此了!最有趣的是,有人可能會認為它的名字會不會是說星期二有優惠,有東西送,有特別的東西吃.....................錯.................它叫"星期二PIZZA店"是因為它星期二休息......................=.=真的不錯啊,埋單連飲品無加一$100左右!!而且..................我們吃光了.....剩一點點皮........底薄,料厚,味道不算100分也算超值啦!!

This place is good! not the thin type crust but still crunchy at the bottom and there's enough cheese there! Price is very reasonable as well! only problem is that it is really difficult to get a table inside and even when you do...the place closes at 10.....so you really have to be eating quite fastalternatively you can order take away

小小既pizza店! 好好食喲 上個星期, 我同阿蕉食左兩次! 再加埋星期日啲細路(我姨甥仔女)又話食pizza, 上個星期我足足食左3日pizza! 肥到暈! 鋪仔好細, 堂座得六個位。我地叫左二人餐都飽到食唔晒! (二人餐$118有一個8吋pizza, 再加兩個飯麵, 兩罐飲品)pizza2 其實應該係專做外賣生意! 住沙田既朋友可以成日食啦! 外賣自取仲好鬼抵, $78一個大pizza 重點: 不過人地好準時收工架! 9點係拉閘, 8點就唔再接堂食,8黠半就外賣都唔做架嘞!