星期二薄餅皇 (已結業)

係某一次經過幫襯過之後心諗: 好野, 唔駛再去Pizzw x 喇, 因為佢地既食物質素同price都好好, 而第一個係得2個女人, 仲好nice, 所以我過左一個week就帶埋friend去食喇, 點知今次有一個小小肥既男人, 我地一行5人一入去已經眼啤啤我地, 咁我地唔知佢咩食就問佢係咪可以坐呀, 跟住佢真係可以面對面都唔應你走左去, 跟住叫野食又係10問9唔應俾晒面色你睇, 落落下單可以走左去唔理我地, 最攪笑既係之後有一男一女走入黎, 佢居然好大聲咁問你地做咩呀? 咁果pair情侶就話想食野, 佢居然話今日唔做生意喎, 跟住果Pair情侶就問why, 因為果陣先係8:00唔會收檔, 跟住佢應都唔應就行開, 跟住個男問佢咁幾時黎先得呀? 個男仔叫左幾次唔該佢都唔應, 跟住好耐先話你黎到有咪有冇咪冇囉, 再唔係就預約, 不過都未必有架, 跟住又走左去, 我地聽到O晒咀, 仲有我地d pizza勁耐呀, 真係等左好耐, 第一次問佢已經好寸咁話食pizza係要等架啦. 食完之後我地一陣通過就算請都唔再黎, 二幾歲女未見過d咁既餐廳, 太過不可一世喇

星期日，一行三人午餐想食Pizza，正如我之前的食評， Pizza Hut 已是不應再有理由去幫趁，所以又再去 King Pizza Tuesday. 之前去過好多次，但都係叫 Pizza 和 意粉，都好ok!今次因友人要食飯，所以叫了一個二人世界套餐：一個8吋Pizza，吞那魚長通粉，白汁鷄皇飯，送兩礶飲品，$6.00加一礶，共$108；Pizza 和意粉都90分以上，不提了；但個白汁鷄皇飯就差小小了，白汁忌簾味太重，鷄又大鹹，評65分吧。總的都係好！亦正如我之前的標準，以這樣的價錢，千萬不可希望有咩超好服務態度了。

今日返學校rehearsal,完左大約點半,5個人決定試下呢間!因為個個都想食而且未試過~入到去就叫左一個三五知己餐($128)要啖啖肉pizza,鴨胸通粉同海鮮飯,再加4罐汽水叫完先知min.charge係$30,不過算啦,唔太過分所以再去一個意粉set($28)要茄汁什菜意粉,再多罐汽水咁都好,唔洗爭汽水飲~共銀:$156~等左15-20分鐘pizza先到...都ok耐呀!不過淨係個樣已經勁令!!食慾即刻大振呀!冇諗過佢d pizza會咁令!我食左1件半~勁好食!油左dd,不過ok!間間pizza都係咁食完先有焗飯同意食,唔知係專登定效率慢?3個賣相都幾令!食左鴨胸通同什菜意2個都好好味!!不過仲好熱,辣親條利食完5個人都勁滿意!!決定左黎緊個星期六返學校rehearsal前再黎呢度刷返餐!

吾係下下要去pizza hXX 先有好食既pizza 既. 佢既pizza 一來新鮮出爐, 二來足料. 位就少d. 外賣又會貴d 喎. 甘米外買自取羅. 點知回家打開走晒位喎, ,原來佢沒有pizza hXX 果個放在中間既白色野固定位置呀. 各位, 如果想外買自取就要小心d吾好'fing' 啦.

我外賣,自取,堂食都試過我都系比十個good,首先講真我真系覺得佢d野真系好好味好好味好好味好好味呀!!!!我真系好like佢個皇牌至尊同皇牌肉醬意粉/薯蓉超good簡直令我覺得之前點解會去食"pizza 克"嫁"king pizza"不單平好多講真又足料d而且送外賣個呀叔好funny好搞野嫁笑起上泥成隻馬咁嫁個樣可能我真系冇試過系個男老板招呼我啦我又真系唔清楚個男老板系咁差嫁喎不過我做左佢客仔咁內我都未見過有男士招呼客人我只系見過起廚房我最唔滿意既地方就系地方太細啦不過都唔系好多人堂食同送外賣系一個人送但真系又平又好味我到e+我都對e間野冇咩不滿既地方我真系好like o個個送外賣既呀叔真系超搞野

聽見同事話呢間d pizza都唔錯，加上一個大批都係$68(只限外賣自取），知佢要半小時前落order，所以早左一個小時打電話，嗌左一個至尊大批同海鮮批(細批）$48，至尊批都幾足料，有好濃蕃茄醬味，不過個海鮮批就好味好多，可能個醬汁係以千島醬做底，配料都好多，舖滿到批邊，我半小時既車程返到去食個批，依然好熱，個批仲好鬆軟，不過我個晚去就無見到先前幾位食評家所講位男子，得一位女士同後生女係舖內，服務態度幾都好，記得要幫親外賣，預早打電話落order先就最好啦。

在下一家試叫外賣, 佢地冇delivery, 所以到門市自取. take order 嗰位又真係有d... 不過, d嘢都新鮮, 好食, 所以算啦.個Pizza 真係唔錯, 比起"Pizza乞" 好好多! 起碼King Pizza 會鋪料到邊緣,唔會食剩d邊, 個crust 都厚薄適中,加上佢地會用足夠蕃茄醬,所以都夠味.. 個set 包括($178):13"Pizza1個: 個Pizza我地要咗"啖啖肉"焗青口8隻: okay, 急凍青口可以做到冇雪味.香蒜扭紋包: okay肉醬意粉: okay,不過可以多d芝士會更好咖喱雞飯: 唔得!只可以話佢地唔曉煲飯...汽水4罐

完全...十分...同意喱士的評論.就係今日,2007年12月31日中午12點左右,我o地order一個pizza及一客小食,約好中午12:25分去取貨,點知當我中午12:45左右去到舖頭,佢話我咁遲先到,將我的pizza棄置,仲話唔做我生意添,佢竟然講得出呢d說話,我惟有離開.返到公司,同事們當然不憤,即刻打電話去問過究竟,講唔夠兩句,就有個'不知所為'的人,係後面話:'唔好同佢講啦,收線啦!',就係咁電話就斷線啦.經歷過以上如此不知所為的對代,無論佢d幾好食,我地無論如何都唔會再幫親.各位如果想幫親,最好做心理準備,諗清楚先!

好氣憤, 簡直係洗錢買難受, 極之不愉快~~~~~~~這地方的老闆?!(唯一男士)好有性格, 唔鍾意招待附近返工放lunch興起想食pizza/焗飯/意粉的OL, 次次都比黑面冷語對待。去幫襯反指我地攪到佢~蹋~晒~腳~。(但計埋我地都係得7個客, 加上我地由頭到尾都無催過佢出食物)開檔以黎我地都係去過幾次, 每次都要remind我地要早30分鐘前以電話先落order才好去幫襯。(對上一次就因為我地無叫佢的得意傑作--pizza, 就留難我地, 叫乜無乜!!!)哈!唔係特登約人出黎食晚飯呀, 只是一般的lunch, 會次次約好去邊度食咩?? 行過你鋪頭聞到pizza的香味才想食的呀...唔鍾意賺街客錢, 咪行會員制囉, 再唔係就一定要book"木台"先比入去食囉...真是不可一世的服務態度!!食物係可以啦, 但又未去到可以用咁嘅態度去做生意囉。現今除味道重要外, 服務態度都好緊要!!!唔怪得唔會長期爆滿。這間是我的blacklist no.1

聽fd 話幾好味，咁就試下la~，冇乜格調可言，家庭式經營似的，D野食真係唔錯，Pizza好味過「薄餅茅屋」，但D雞翼就普通左D，老實講我都識整*v*，意粉同飯都唔錯，可以1試再試，夜晚的話我prefer 外賣拎去中央公園坐住食，會好romantic +w+，價錢又平($68)，個餅又大個(直徑Around30 cm)，2個人食個pizza 都飽了(可能我地細食吧)，抵食!

雖然間餐廳就細左D..!!不過D野就真係幾好食..!!而且仲係即叫即整..熱辣辣..!!價錢十分大眾化..簡直可以用"抵食"黎形容..!!所以大家不妨一試..=]

冰室過後悶悶地,唔想行街就去行山。道風凍到講野嘆氣都出煙,落番排頭村,見有點餓同凍,就去食d野曖下身。村屋式食店,舖面細細三張檯拍埋一齊,也可選擇坐在店外。幫襯的人唔太多,但當中有外國人。點了1號餐,有一件薄餅+飲品。薄餅係自家製,即叫即焗,來的時候熱辣辣。薄餅餅底脆,芝士頗香,料有火腿、蘑菇,肉,份量唔少,味道挺好的。食畢,天氣凍凍,自己都係快點返屋企。